شاعر کی معلومات لوڈ ہو رہی ہیں...
اے نظارو نہ ہنسو مل نہ سکوں گا تم سے
تم مرے ہو نہ سکے میں بھی تمہارا نہ رہا
شاعر کی معلومات لوڈ ہو رہی ہیں...
Majrooh Sultanpuri
1919 – 2000
Majrooh Sultanpuri (1919–2000) was a renowned Indian Urdu poet and lyricist, celebrated for his significant contributions to Hindi cinema. Born Asrar-ul-Hasan Khan in Sultanpur, Uttar Pradesh, he adopted the pen name "Majrooh," meaning "wounded" in Arabic, reflecting his early life struggles. In the 1940s, Majrooh moved to Mumbai, where he became a prominent figure in the film industry. He penned lyrics for numerous hit songs, collaborating with esteemed composers like S.D. Burman, O.P. Nayyar, and R.D. Burman. His work spanned various genres, from romantic melodies to patriotic anthems. Some of his most iconic songs include "Chura Liya Hai Tumne" from Yaadon Ki Baaraat (1973), "Ae Dil Hai Mushkil Jeena Yahan" from CID (1956), and "Ek Ladki Bheegi Bhaagi Si" from Chalti Ka Naam Gaadi (1958). His lyrics resonated with audiences, blending poetic depth with popular appeal. Beyond his film career, Majrooh was associated with the Progressive Writers' Movement, reflecting his commitment to social issues. He was honored with the Dadasaheb Phalke Award in 1993 for his lifetime achievements in cinema. Majrooh Sultanpuri's legacy endures through his timeless songs, which continue to captivate listeners and showcase his poetic brilliance
ان کے کلام کے چند منتخب اشعار پڑھیے۔
اے نظارو نہ ہنسو مل نہ سکوں گا تم سے
تم مرے ہو نہ سکے میں بھی تمہارا نہ رہا
حال دل مجھ سے نہ پوچھو مری نظریں دیکھو
راز دل کے تو نگاہوں سے ادا ہوتے ہیں
کوئی ہم دم نہ رہا کوئی سہارا نہ رہا
ہم کسی کے نہ رہے کوئی ہمارا نہ رہا
شام تنہائی کی ہے آئے گی منزل کیسے
جو مجھے راہ دکھا دے وہی تارا نہ رہا
یوں تو آپس میں بگڑتے ہیں خفا ہوتے ہیں
ملنے والے کہیں الفت میں جدا ہوتے ہیں
کیا بتاؤں میں کہاں یوں ہی چلا جاتا ہوں
جو مجھے پھر سے بلا لے وہ اشارہ نہ رہا
ہیں زمانے میں عجب چیز محبت والے
درد خود بنتے ہیں خود اپنی دوا ہوتے ہیں
اس کوئے تشنگی میں بہت ہے کہ ایک جام
ہاتھ آ گیا ہے دولت بیدار کی طرح
ہم ہیں متاع کوچہ و بازار کی طرح
اٹھتی ہے ہر نگاہ خریدار کی طرح
وہ تو کہیں ہے اور مگر دل کے آس پاس
پھرتی ہے کوئی شے نگہ یار کی طرح
اب جا کے کچھ کھلا ہنر ناخن جنوں
زخم جگر ہوئے لب و رخسار کی طرح
سیدھی ہے راہ شوق پہ یوں ہی کہیں کہیں
خم ہو گئی ہے گیسوئے دلدار کی طرح
مجروحؔ لکھ رہے ہیں وہ اہل وفا کا نام
ہم بھی کھڑے ہوئے ہیں گنہ گار کی طرح
ملنے کو یوں تو ملا کرتی ہیں سب سے آنکھیں
دل کے آ جانے کے انداز جدا ہوتے ہیں
جب ہوا عرفاں تو غم آرام جاں بنتا گیا
سوز جاناں دل میں سوز دیگراں بنتا گیا
میں اکیلا ہی چلا تھا جانب منزل مگر
لوگ ساتھ آتے گئے اور کارواں بنتا گیا
رفتہ رفتہ منقلب ہوتی گئی رسم چمن
دھیرے دھیرے نغمۂ دل بھی فغاں بنتا گیا
بے تیشہ نظر نہ چلو راہ رفتگاں
ہر نقش پا بلند ہے دیوار کی طرح
میں تو جب جانوں کہ بھر دے ساغر ہر خاص و عام
یوں تو جو آیا وہی پیر مغاں بنتا گیا
جس طرف بھی چل پڑے ہم آبلہ پایان شوق
خار سے گل اور گل سے گلستاں بنتا گیا
دہر میں مجروحؔ کوئی جاوداں مضموں کہاں
میں جسے چھوتا گیا وہ جاوداں بنتا گیا
شرح غم تو مختصر ہوتی گئی اس کے حضور
لفظ جو منہ سے نہ نکلا داستاں بنتا گیا
ہم کو جنوں کیا سکھلاتے ہو ہم تھے پریشاں تم سے زیادہ
چاک کئے ہیں ہم نے عزیزو چار گریباں تم سے زیادہ
ہم بھی ہمیشہ قتل ہوئے اور تم نے بھی دیکھا دور سے لیکن
یہ نہ سمجھنا ہم کو ہوا ہے جان کا نقصاں تم سے زیادہ
چاک جگر محتاج رفو ہے آج تو دامن صرف لہو ہے
اک موسم تھا ہم کو رہا ہے شوق بہاراں تم سے زیادہ
جاؤ تم اپنے بام کی خاطر ساری لویں شمعوں کی کتر لو
زخم کے مہر و ماہ سلامت جشن چراغاں تم سے زیادہ
دیکھ کے الجھن زلف دوتا کی کیسے الجھ پڑتے ہیں ہوا سے
ہم سے سیکھو ہم کو ہے یارو فکر نگاراں تم سے زیادہ
زنجیر و دیوار ہی دیکھی تم نے تو مجروحؔ مگر ہم
کوچہ کوچہ دیکھ رہے ہیں عالم زنداں تم سے زیادہ
اسی انداز سے جھومے گا موسم گائے گی دنیا
محبت پھر حسیں ہوگی نظارے پھر جواں ہوں گے
دیار شام نہیں منزل سحر بھی نہیں
عجب نگر ہے یہاں دن چلے نہ رات چلے
جلا کے مشعل جاں ہم جنوں صفات چلے
جو گھر کو آگ لگائے ہمارے ساتھ چلے
ہمارے بعد اب محفل میں افسانے بیاں ہوں گے
بہاریں ہم کو ڈھونڈھیں گی نہ جانے ہم کہاں ہوں گے
ہوا اسیر کوئی ہم نوا تو دور تلک
بپاس طرز نوا ہم بھی ساتھ ساتھ چلے
بچا کے لائے ہم اے یار پھر بھی نقد وفا
اگرچہ لٹتے رہے رہزنوں کے ہاتھ چلے
ستون دار پہ رکھتے چلو سروں کے چراغ
جہاں تلک یہ ستم کی سیاہ رات چلے
پھر آئی فصل کہ مانند برگ آوارہ
ہمارے نام گلوں کے مراسلات چلے
نہ ہم ہوں گے نہ تم ہو گے نہ دل ہوگا مگر پھر بھی
ہزاروں منزلیں ہوں گی ہزاروں کارواں ہوں گے
بھلا ہی بیٹھے جب اہل حرم تو اے مجروحؔ
بغل میں ہم بھی لیے اک صنم کا ہاتھ چلے
ہمارے لب نہ سہی وہ دہان زخم سہی
وہیں پہنچتی ہے یارو کہیں سے بات چلے
قطار شیشہ ہے یا کاروان ہم سفراں
خرام جام ہے یا جیسے کائنات چلے
ایسے ہنس ہنس کے نہ دیکھا کرو سب کی جانب
لوگ ایسی ہی اداؤں پہ فدا ہوتے ہیں
عہد وفا یاروں سے نبھائیں ناز حریفاں ہنس کے اٹھائیں
جب ہمیں ارماں تم سے سوا تھا اب ہیں پشیماں تم سے زیادہ
یہ ذرا دور پہ منزل یہ اجالا یہ سکوں
خواب کو دیکھ ابھی خواب کی تعبیر نہ دیکھ
آہ جاں سوز کی محرومی تاثیر نہ دیکھ
ہو ہی جائے گی کوئی جینے کی تدبیر نہ دیکھ
وہ لجائے میرے سوال پر کہ اٹھا سکے نہ جھکا کے سر
اڑی زلف چہرے پہ اس طرح کہ شبوں کے راز مچل گئے
حادثے اور بھی گزرے تری الفت کے سوا
ہاں مجھے دیکھ مجھے اب میری تصویر نہ دیکھ
مجھے سہل ہو گئیں منزلیں وہ ہوا کے رخ بھی بدل گئے
ترا ہاتھ ہاتھ میں آ گیا کہ چراغ راہ میں جل گئے
وہی آستاں ہے وہی جبیں وہی اشک ہے وہی آستیں
دل زار تو بھی بدل کہیں کہ جہاں کے طور بدل گئے
کچھ بھی ہوں پھر بھی دکھے دل کی صدا ہوں ناداں
میری باتوں کو سمجھ تلخئ تقریر نہ دیکھ
دیکھ زنداں سے پرے رنگ چمن جوش بہار
رقص کرنا ہے تو پھر پاؤں کی زنجیر نہ دیکھ
وہی مجروحؔ وہی شاعر آوارہ مزاج
کوئی اٹھا ہے تری بزم سے دلگیر نہ دیکھ
وہی بات جو وہ نہ کہہ سکے مرے شعر و نغمہ میں آ گئی
وہی لب نہ میں جنہیں چھو سکا قدح شراب میں ڈھل گئے
تجھے چشم مست پتہ بھی ہے کہ شباب گرمیٔ بزم ہے
تجھے چشم مست خبر بھی ہے کہ سب آبگینے پگھل گئے
یہ رکے رکے سے آنسو یہ دبی دبی سی آہیں
یوں ہی کب تلک خدایا غم زندگی نباہیں
مرے کام آ گئیں آخرش یہی کاوشیں یہی گردشیں
بڑھیں اس قدر مری منزلیں کہ قدم کے خار نکل گئے
کہیں ظلمتوں میں گھر کر ہے تلاش دشت رہبر
کہیں جگمگا اٹھی ہیں مرے نقش پا سے راہیں
ترے خانماں خرابوں کا چمن کوئی نہ صحرا
یہ جہاں بھی بیٹھ جائیں وہیں ان کی بارگاہیں
مرے عہد میں نہیں ہے یہ نشان سربلندی
یہ رنگے ہوئے عمامے یہ جھکی جھکی کلاہیں
اے دل مجھے ایسی جگہ لے چل جہاں کوئی نہ ہو
اپنا پرایا مہرباں نا مہرباں کوئی نہ ہو
کبھی جادۂ طلب سے جو پھرا ہوں دل شکستہ
تری آرزو نے ہنس کر وہیں ڈال دی ہیں بانہیں
جا کر کہیں کھو جاؤں میں نیند آئے اور سو جاؤں میں
دنیا مجھے ڈھونڈے مگر میرا نشاں کوئی نہ ہو
الفت کا بدلہ مل گیا وہ غم لٹا وہ دل گیا
چلنا ہے سب سے دور دور اب کارواں کوئی نہ ہو
تجھے کیا سناؤں میں دل ربا ترے سامنے مرا حال ہے
تری اک نگاہ کی بات ہے مری زندگی کا سوال ہے
کسی نے بھی تو نہ دیکھا نگاہ بھر کے مجھے
گیا پھر آج کا دن بھی اداس کر کے مجھے
مری ہر خوشی ترے دم سے ہے مری زندگی ترے غم سے ہے
ترے درد سے رہے بے خبر مرے دل کی کب یہ مجال ہے
صبا بھی لائی نہ کوئی پیام اپنوں کا
سنا رہی ہے فسانے ادھر ادھر کے مجھے
وہ درد ہے کہ جسے سہ سکوں نہ کہہ پاؤں
ملے گا چین تو اب جان سے گزر کے مجھے
کہاں وہ شب کہ ترے گیسوؤں کے سائے میں
خیال صبح سے ہم آستیں بھگو دیتے
بہانے اور بھی ہوتے جو زندگی کے لیے
ہم ایک بار تری آرزو بھی کھو دیتے
بچا لیا مجھے طوفاں کی موج نے ورنہ
کنارے والے سفینہ مرا ڈبو دیتے
ترے حسن پر ہے مری نظر مجھے صبح شام کی کیا خبر
مری شام ہے تری جستجو میری صبح تیرا خیال ہے
مرے دل جگر میں سما بھی جا رہے کیوں نظر کا بھی فاصلہ
کہ ترے بغیر تو جان جاں مجھے زندگی بھی محال ہے
جو دیکھتے مری نظروں پہ بندشوں کے ستم
تو یہ نظارے مری بے بسی پہ رو دیتے
کبھی تو یوں بھی امنڈتے سرشک غم مجروحؔ
کہ میرے زخم تمنا کے داغ دھو دیتے
مسرتوں کو یہ اہل ہوس نہ کھو دیتے
جو ہر خوشی میں ترے غم کو بھی سمو دیتے
معاف کیجے جو میں اجنبی ہوں محفل میں
کہ راستے نہیں معلوم اس نگر کے مجھے
غم حیات نے آوارہ کر دیا ورنہ
تھی آرزو کہ ترے در پہ صبح و شام کریں
اب اہل درد یہ جینے کا اہتمام کریں
اسے بھلا کے غم زندگی کا نام کریں
فریب کھا کے ان آنکھوں کا کب تلک اے دل
شراب خام پئیں رقص نا تمام کریں
غلام رہ چکے توڑیں یہ بند رسوائی
کچھ اپنے بازوئے محنت کا احترام کریں
نہ دیکھیں دیر و حرم سوئے رہروان حیات
یہ قافلے تو نہ جانے کہاں قیام کریں
زمیں کو مل کے سنواریں مثال روئے نگار
رخ نگار سے روشن چراغ بام کریں
ہیں اس کشاکش پیہم میں زندگی کے مزے
پھر ایک بار کوئی سعئ نا تمام کریں
مری نگاہ میں ہے ارض ماسکو مجروحؔ
وہ سرزمیں کہ ستارے جسے سلام کریں
سو روپ بھرے جینے کے لیے بیٹھے ہیں ہزاروں زہر پئے
ٹھوکر نہ لگانا ہم خود ہیں گرتی ہوئی دیواروں کی طرح
سکھائیں دست طلب کو ادائے بیباکی
پیام زیرلبی کو صلائے عام کریں
کبھی وہ نظر جو سمائی تھی دل میں
اسی اک نظر کا سہارا لیے جا
دشمن کی دوستی ہے اب اہل وطن کے ساتھ
ہے اب خزاں چمن میں نئے پیرہن کے ساتھ
نہ مانگوں بادۂ گلگوں سے بھیک مستی کی
اگر ترے لب لعلیں مرا یہ کام کریں
یہی ہے محبت کا دستور اے دل
وہ غم دے تجھے تو دعائیں دئے جا
برسوں کے سلگتے تم من پر اشکوں کے تو چھینٹے دے نہ سکے
تپتے ہوئے دل کے زخموں پر برسے بھی تو انگاروں کی طرح
مجروحؔ قافلے کی مرے داستاں یہ ہے
رہبر نے مل کے لوٹ لیا راہزن کے ساتھ
ستائے زمانہ ستم ڈھائے دنیا
مگر تو کسی کی تمنا کئے جا
مجھ سے کہا جبریل جنوں نے یہ بھی وحیٔ الٰہی ہے
مذہب تو بس مذہب دل ہے باقی سب گمراہی ہے
وہ جو ہوئے فردوس بدر تقصیر تھی وہ آدم کی مگر
میرا عذاب در بدری میری نا کردہ گناہی ہے
دعویٰ تھا جنہیں ہمدردی کا خود آ کے نہ پوچھا حال کبھی
محفل میں بلایا ہے ہم پہ ہنسنے کو ستم گاروں کی طرح
سر پر ہوائے ظلم چلے سو جتن کے ساتھ
اپنی کلاہ کج ہے اسی بانکپن کے ساتھ
بہر خدا خاموش رہو بس دیکھتے جاؤ اہل نظر
کیا لغزیدہ قدم ہیں اس کے کیا دزدیدہ نگاہی ہے
کچھ زخم ہی کھائیں چلو کچھ گل ہی کھلائیں
ہرچند بہاراں کا یہ موسم تو نہیں ہے
سنگ تو کوئی بڑھ کے اٹھاؤ شاخ ثمر کچھ دور نہیں
جس کو بلندی سمجھے ہو ان ہاتھوں کی کوتاہی ہے
دید کے قابل ہے تو سہی مجروحؔ تری مستانہ روی
گرد ہوا ہے رخت سفر رستے کا شجر ہمراہی ہے
گو رات مری صبح کی محرم تو نہیں ہے
سورج سے ترا رنگ حنا کم تو نہیں ہے
جھونکے جو لگ رہے ہیں نسیم بہار کے
جنبش میں ہے قفس بھی اسیر چمن کے ساتھ
اتنی بھی ہمیں بندش غم کب تھی گوارا
پردے میں تری کاکل پرخم تو نہیں ہے
اٹھائے جا ان کے ستم اور جئے جا
یوں ہی مسکرائے جا آنسو پئے جا
چاہے وہ کسی کا ہو لہو دامن گل پر
صیاد یہ کل رات کی شبنم تو نہیں ہے
پھر کوئی منظر پھر وہی گردش کیا کیجے اے کوئے نگار
میرے لیے زنجیر گلو میری آوارہ نگاہی ہے
اب کارگہ دہر میں لگتا ہے بہت دل
اے دوست کہیں یہ بھی ترا غم تو نہیں ہے
رہتے تھے کبھی جن کے دل میں ہم جان سے بھی پیاروں کی طرح
بیٹھے ہیں انہی کے کوچے میں ہم آج گنہ گاروں کی طرح
صحرا میں بگولا بھی ہے مجروحؔ صبا بھی
ہم سا کوئی آوارۂ عالم تو نہیں ہے
ہمیں شعور جنوں ہے کہ جس چمن میں رہے
نگاہ بن کے حسینوں کی انجمن میں رہے
سرشک رنگ نہ بخشے تو کیوں ہو بار مژہ
لہو حنا نہیں بنتا تو کیوں بدن میں رہے
مجھے نہیں کسی اسلوب شاعری کی تلاش
تری نگاہ کا جادو مرے سخن میں رہے
تو اے بہار گریزاں کسی چمن میں رہے
مرے جنوں کی مہک تیرے پیرہن میں رہے
کھلے جو ہم تو کسی شوخ کی نظر میں کھلے
ہوئے گرہ تو کسی زلف کی شکن میں رہے
نہ ہم قفس میں رکے مثل بوئے گل صیاد
نہ ہم مثال صبا حلقۂ رسن میں رہے
ہجوم دہر میں بدلی نہ ہم سے وضع خرام
گری کلاہ ہم اپنے ہی بانکپن میں رہے
آ گئی فصل جنوں کچھ تو کرو دیوانو
ابر صحرا کی طرف سایہ فگن جاتے ہیں
اس کو دیکھا نہیں تم نے کہ یہی کوچہ و راہ
شاخ گل شوخئ رفتار سے بن جاتے ہیں
زباں ہماری نہ سمجھا یہاں کوئی مجروحؔ
ہم اجنبی کی طرح اپنے ہی وطن میں رہے
بلبلو اپنی نوا فیض ہے ان آنکھوں کا
جن سے ہم سیکھنے انداز سخن جاتے ہیں
روک سکتا ہمیں زندان بلا کیا مجروحؔ
ہم تو آواز ہیں دیوار سے چھن جاتے ہیں
چین کیسا جو پہلو میں تو ہی نہیں مار ڈالے نہ درد جدائی کہیں
رت حسیں ہے تو کیا چاندنی ہے تو کیا چاندنی ظلم ہے اور جدائی ستم
سوئے مقتل کہ پئے سیر چمن جاتے ہیں
اہل دل جام بہ کف سر بہ کفن جاتے ہیں
وہ اگر بات نہ پوچھے تو کریں کیا ہم بھی
آپ ہی روٹھتے ہیں آپ ہی من جاتے ہیں
یہ حکم ہے رہے مٹھی میں بند سیل نسیم
یہ ضد ہے بحر تپاں کوزۂ کہن میں رہے
لٹ گیا قافلۂ اہل جنوں بھی شاید
لوگ ہاتھوں میں لیے تار رسن جاتے ہیں
شام غم کی قسم آج غمگیں ہیں ہم آ بھی جا آ بھی جا آج میرے صنم
دل پریشان ہے رات ویران ہے دیکھ جا کس طرح آج تنہا ہیں ہم
اب تو آ جا کہ اب رات بھی سو گئی زندگی غم کے صحراؤں میں کھو گئی
ڈھونڈھتی ہے نظر تو کہاں ہے مگر دیکھتے دیکھتے آیا آنکھوں میں دم
تقدیر کا شکوہ بے معنی جینا ہی تجھے منظور نہیں
آپ اپنا مقدر بن نہ سکے اتنا تو کوئی مجبور نہیں
یہ محفل اہل دل ہے یہاں ہم سب مے کش ہم سب ساقی
تفریق کریں انسانوں میں اس بزم کا یہ دستور نہیں
جنت بہ نگہ تسنیم بہ لب انداز اس کے اے شیخ نہ پوچھ
میں جس سے محبت کرتا ہوں انساں ہے خیالی حور نہیں
مجھے سہل ہو گئیں منزلیں وہ ہوا کے رخ بھی بدل گئے
ترا ہاتھ ہاتھ میں آ گیا کہ چراغ راہ میں جل گئے
سنتے ہیں کہ کانٹے سے گل تک ہیں راہ میں لاکھوں ویرانے
کہتا ہے مگر یہ عزم جنوں صحرا سے گلستاں دور نہیں
وہ کون سی صبحیں ہیں جن میں بیدار نہیں افسوں تیرا
وہ کون سی کالی راتیں ہیں جو میرے نشے میں چور نہیں
وہ لجائے میرے سوال پر کہ اٹھا سکے نہ جھکا کے سر
اڑی زلف چہرہ پہ اس طرح کہ شبوں کے راز مچل گئے
وہی آستاں ہے وہی جبیں وہی اشک ہے وہی آستیں
دل زار تو بھی بدل کہیں کہ جہاں کے طور بدل گئے
وہی بات جو وہ نہ کہہ سکے مرے شعر و نغمہ میں آ گئی
وہی لب نہ میں جنہیں چھو سکا قدح شراب میں ڈھل گئے
تجھے چشم مست پتہ بھی ہے کہ شباب گرمیٔ بزم ہے
تجھے چشم مست خبر بھی ہے کہ سب آبگینے پگھل گئے
مرے کام آ گئیں آخرش یہی کاوشیں یہی گردشیں
بڑھیں اس قدر مری منزلیں کہ قدم کے خار نکل گئے
اہل طوفاں آؤ دل والوں کا افسانہ کہیں
موج کو گیسو بھنور کو چشم جانانہ کہیں
دار پر چڑھ کر لگائیں نعرۂ زلف صنم
سب ہمیں باہوش سمجھیں چاہے دیوانہ کہیں
تھامیں اس بت کی کلائی اور کہیں اس کو جنوں
چوم لیں منہ اور اسے انداز رندانہ کہیں
یار نکتہ داں کدھر ہے پھر چلیں اس کے حضور
زندگی کو دل کہیں اور دل کو نذرانہ کہیں
سرخی مے کم تھی میں نے چھو لیے ساقی کے ہونٹ
سر جھکا ہے جو بھی اب ارباب مے خانہ کہیں
پارۂ دل ہے وطن کی سرزمیں مشکل یہ ہے
شہر کو ویران یا اس دل کو ویرانہ کہیں
آرزو ہی رہ گئی مجروحؔ کہتے ہم کبھی
اک غزل ایسی جسے تصویر جانانہ کہیں
تشنگی ہی تشنگی ہے کس کو کہیے مے کدہ
لب ہی لب ہم نے تو دیکھے کس کو پیمانہ کہیں
آ نکل کے میداں میں دو رخی کے خانے سے
کام چل نہیں سکتا اب کسی بہانے سے
اے رخ زیبا بتا دے اور ابھی ہم کب تلک
تیرگی کو شمع تنہائی کو پروانہ کہیں
پھر اٹھ کے گرم کریں کاروبار زلف و جنوں
پھر اپنے ساتھ اسے بھی اسیر دام کریں
عہد انقلاب آیا دور آفتاب آیا
منتظر تھیں یہ آنکھیں جس کی اک زمانے سے
کس نے کہا کہ ٹوٹ گیا خنجر فرنگ
سینے پہ زخم نو بھی ہے داغ کہن کے ساتھ
جو ٹھہرتی تو ذرا چلتے صبا کے ہم راہ
یوں بھی ہم روز کہاں سوئے چمن جاتے ہیں
اب زمین گائے گی ہل کے ساز پر نغمے
وادیوں میں ناچیں گے ہر طرف ترانے سے
مجروحؔ اٹھی ہے موج صبا آثار لیے طوفانوں کے
ہر قطرۂ شبنم بن جائے اک جوئے رواں کچھ دور نہیں
اہل دل اگائیں گے خاک سے مہ و انجم
اب گہر سبک ہوگا جو کے ایک دانے سے
مرے دل میں کون ہے تو کہ ہوا جہاں اندھیرا
وہیں سو دیے جلائے ترے رخ کی چاندنی نے
اب جنوں پہ وہ ساعت آ پڑی کہ اے مجروحؔ
آج زخم سر بہتر دل پہ چوٹ کھانے سے
حیات لغزش پیہم کا نام ہے ساقی
لبوں سے جام لگا بھی سکوں خدا جانے
فریب ساقئ محفل نہ پوچھئے مجروحؔ
شراب ایک ہے بدلے ہوئے ہیں پیمانے
ہماری راہ میں آئے ہزار مے خانے
بھلا سکے نہ مگر ہوش کے قرینوں کو
ڈرا کے موج و تلاطم سے ہم نشینوں کو
یہی تو ہیں جو ڈبویا کئے سفینوں کو
شراب ہو ہی گئی ہے بقدر پیمانہ
بہ عزم ترک نچوڑا جب آستینوں کو
جمال صبح دیا روئے نو بہار دیا
مری نگاہ بھی دیتا خدا حسینوں کو
کہیں بے خیال ہو کر یوں ہی چھو لیا کسی نے
کئی خواب دیکھ ڈالے یہاں میری بے خودی نے
کبھی نظر بھی اٹھائی نہ سوئے بادۂ ناب
کبھی چڑھا گئے پگھلا کے آبگینوں کو
نگاہ ساقیٔ نامہرباں یہ کیا جانے
کہ ٹوٹ جاتے ہیں خود دل کے ساتھ پیمانے
یہی جہاں ہے جہنم یہی جہاں فردوس
بتاؤ عالم بالا کے سیربینوں کو
تبسموں نے نکھارا ہے کچھ تو ساقی کے
کچھ اہل غم کے سنوارے ہوئے ہیں مے خانے
سیل رنگ آ ہی رہے گا مگر اے کشت چمن
ضرب موسم تو پڑی بند بہاراں تو کھلا
لے کے آئی تو صبا اس گل چینی کا پیام
وہ سہی زخم کی صورت لب خنداں تو کھلا
ہوئے ہیں قافلے ظلمت کی وادیوں میں رواں
چراغ راہ کئے خوں چکاں جبینوں کو
تجھے نہ مانے کوئی تجھ کو اس سے کیا مجروحؔ
چل اپنی راہ بھٹکنے دے نکتہ چینوں کو
آخر غم جاناں کو اے دل بڑھ کر غم دوراں ہونا تھا
اس قطرے کو بننا تھا دریا اس موج کو طوفاں ہونا تھا
آ ہی جائے گی سحر مطلع امکاں تو کھلا
نہ سہی باب قفس روزن زنداں تو کھلا
دل تلک پہنچے نہ پہنچے مگر اے چشم حیات
بعد مدت کے ترا پنجۂ مژگاں تو کھلا
ملی جب ان سے نظر بس رہا تھا ایک جہاں
ہٹی نگاہ تو چاروں طرف تھے ویرانے
درد کا درد سے رشتہ ہے چلو اے مجروحؔ
آج یاروں سے یہ اک عقدۂ آساں تو کھلا
کبھی اس پری کا ہے کچھ کبھی اس حسیں کی محفل
مجھے در بدر پھرایا مرے دل کی سادگی نے
یہ آگ اور نہیں دل کی آگ ہے ناداں
چراغ ہو کہ نہ ہو جل بجھیں گے پروانے
وہ جس کے گداز محنت سے پر نور شبستاں ہے تیرا
اے شوخ اسی بازو پہ تری زلفوں کو پریشاں ہونا تھا
آتی ہی رہی ہے گلشن میں اب کے بھی بہار آئی ہے تو کیا
ہے یوں کہ قفس کے گوشوں سے اعلان بہاراں ہونا تھا
ہر موڑ پہ مل جاتے ہیں ابھی فردوس و جناں کے شیدائی
تجھ کو تو ابھی کچھ اور حسیں اے عالم امکاں ہونا تھا
ارے مجھ پہ ناز والو یہ نیاز مندیاں کیوں
ہے یہی کرم تمہارا تو مجھے نہ دو گے جینے
میں کہ ایک محنت کش میں کہ تیرگی دشمن
صبح نو عبارت ہے میرے مسکرانے سے
ہے بھلا سا نام اس کا میں ابھی سے کیا بتاؤں
کیا بے قرار ہنس کر مجھے ایک آدمی نے
عام ہوگا اب ہم دم سب پہ فیض فطرت کا
بھر سکیں گے اب دامن ہم بھی اس خزانے سے
خودکشی ہی راس آئی دیکھ بد نصیبوں کو!
خود سے بھی گریزاں ہیں بھاگ کر زمانے سے
منچلے بنیں گے اب رنگ و بو کے پیراہن
اب سنور کے نکلے گا حسن کارخانے سے
خنجر کی طرح بوئے سمن تیز بہت ہے
موسم کی ہوا اب کے جنوں خیز بہت ہے
آیا ہے ہمارے ملک میں بھی اک دور زلیخائی یعنی
اب وہ غم زنداں دیتے ہیں جن کو غم زنداں ہونا تھا
اب کھل کے کہوں گا ہر غم دل مجروحؔ نہیں وہ وقت کہ جب
اشکوں میں سنانا تھا مجھ کو آہوں میں غزل خواں ہونا تھا
مصلوب ہوا کوئی سر راہ تمنا
آواز جرس پچھلے پہر تیز بہت ہے
راس آئے تو ہے چھاؤں بہت برگ و شجر کی
ہاتھ آئے تو ہر شاخ ثمر ریز بہت ہے
منعم کی طرح پیر حرم پیتے ہیں وہ جام
رندوں کو بھی جس جام سے پرہیز بہت ہے
لوگو مری گل کاری وحشت کا صلہ کیا
دیوانے کو اک حرف دل آویز بہت ہے
مجروحؔ سنے کون تری تلخ نوائی
گفتار عزیزاں شکرآمیز بہت ہے
سوال ان کا جواب ان کا سکوت ان کا خطاب ان کا
ہم ان کی انجمن میں سر نہ کرتے خم تو کیا کرتے
حرم سے مے کدے تک منزل یک عمر تھی ساقی
سہارا گر نہ دیتی لغزش پیہم تو کیا کرتے
جو سمجھاتے بھی آ کر واعظ برہم تو کیا کرتے
ہم اس دنیا کے آگے اس جہاں کا غم تو کیا کرتے
جو مٹی کو مزاج گل عطا کر دیں وہ اے واعظ
زمیں سے دور فکر جنت آدم تو کیا کرتے
بن گئی ہے مستی میں دل کی بات ہنگامہ
قطرہ تھی جو ساغر میں لب تک آ کے طوفاں ہے
دور دور مجھ سے وہ اس طرح خراماں ہے
ہر قدم ہے نقش دل ہر نگہ رگ جاں ہے
جہاں مجروحؔ دل کے حوصلے ٹوٹیں نگاہوں سے
وہاں کرتے بھی مرگ شوق کا ماتم تو کیا کرتے
یہ نیاز غم خواری یہ شکست دل داری
بس نوازش جاناں دل بہت پریشاں ہے
ہم تو پائے جاں پر کر بھی آئے اک سجدہ
سوچتی رہی دنیا کفر ہے کہ ایماں ہے
میرے شکوۂ غم سے عالم ندامت میں
اس لب تبسم پر شمع سی فروزاں ہے
منتظر ہیں پھر میرے حادثے زمانے کے
پھر مرا جنوں تیری بزم میں غزل خواں ہے
وہ ایک حرف ہے کہیے اسے حکایت زلف
کہ شکوۂ رسن و بندش بلا کہیے
اسے بھی کیوں نہ پھر اپنے دل زبوں کی طرح
خراب کاکل و آوارۂ ادا کہیے
جگائیں ہم سفروں کو اٹھائیں پرچم شوق
نہ جانے کب ہو سحر کون انتظار کرے
مثال ملتی ہے کتنوں کی اس دوانے سے
چمن سے دور جو بیٹھا غم بہار کرے
چمن ہے مقتل نغمہ اب اور کیا کہیے
بس اک سکوت کا عالم جسے نوا کہیے
پڑے جو سنگ تو کہیے اسے نوالۂ زر
لگے جو زخم بدن پر اسے قبا کہیے
فکر کیا انہیں جب تو ساتھ ہے اسیروں کے
اے غم اسیری تو خود شکست زنداں ہے
جس دم یہ سنا ہے صبح وطن محبوس فضائے زنداں میں
جیسے کہ صبا اے ہم قفسو بیتاب ہم آئے زنداں میں
پکاریے کف قاتل کو اب معالج دل
بڑھے جو ناخن خنجر گرہ کشا کہیے
ہو تیغ اثر زنجیر قدم پھر بھی ہیں نقیب منزل ہم
زخموں سے چراغ راہ گزر بیٹھے ہیں جلائے زنداں میں
اپنی اپنی ہمت ہے اپنا اپنا دل مجروحؔ
زندگی بھی ارزاں ہے موت بھی فراواں ہے
خدا کرے غم گیتی کا پیچ و تاب اے دوست
کچھ اور بھی تری زلفوں کو تابدار کرے
صدچاک قبائے امن و سکوں عریاں ہے اہنسائی کا جنوں
کچھ خوں سے شہیدوں نے اپنے وہ گل ہیں کھلائے زنداں میں
ستم کہ تیغ قلم دیں اسے جو اے مجروحؔ
غزل کو قتل کرے نغمے کو شکار کرے
دیار جور میں رستہ ہے اک یہی ورنہ
کسے پسند ہے اے دل کہ سیر دار کرے
یہ کوئے یار یہ زنداں یہ فرش مے خانہ
انہیں ہم اہل تمنا کے نقش پا کہیے
وہ ایک بات ہے کہیے طلوع صبح نشاط
کہ تابش بدن و شعلۂ حنا کہیے
گل بنتی ہے شاید خاک وطن شاید کہ سفر کرتی ہے خزاں
خوشبوئے بہاراں ملتی ہے کچھ دن سے ہوائے زنداں میں
یہی ہے جی میں کہ وہ رفتۂ تغافل و ناز
کہیں ملے تو وہی قصۂ وفا کہیے
یہ جبر سیاست یہ انساں مظلوم آہیں مجبور فغاں
زخموں کی مہک داغوں کا دھواں مت پوچھ فضائے زنداں میں
رہے نہ آنکھ تو کیوں دیکھیے ستم کی طرف
کٹے زبان تو کیوں حرف ناروا کہیے
غیروں کی خلش اپنوں کی لگن سوز غم جاناں درد وطن
کیا کہیے کہ ہم ہیں کس کس کو سینے سے لگائے زنداں میں
مجرم تھے جو ہم سو قید ہوئے صیاد مگر اب یہ تو بتا
ہر وقت یہ کس کو ڈھونڈتے ہیں دیوار کے سائے زنداں میں
جسموں پہ یہ کس کا نام سیہ لکھ دیتے ہیں کوڑوں کے نشاں
ہیں تاک میں کس کی زنجیریں اب آنکھ لگائے زنداں میں
ہاں وہ بے درد تو بیگانہ ہی اچھا یارو
جو نہ توقیر غم درد گساراں سمجھے
اسیر بند زمانہ ہوں صاحبان چمن
مری طرف سے گلوں کو بہت دعا کہیے
دست پر خوں کو کف دست نگاراں سمجھے
قتل گہہ تھی جسے ہم محفل یاراں سمجھے
کچھ بھی دامن میں نہیں خار ملامت کے سوا
اے جنوں ہم بھی کسے کوئے بہاراں سمجھے
ٹوٹے دھاگے ہی سے کرتے ہیں رفو چاک جگر
کون بے چارگیٔ سینہ فگاراں سمجھے
خندہ زن اس پہ رہے حلقۂ زنجیر جنوں
جو نہ کچھ منزلت سلسلہ داراں سمجھے
باراں کے منتظر ہیں سمندر پہ تشنہ لب
احوال میزبانیٔ ساحل کہا نہ جائے
رفتار زمانہ لے جن کی گاتی ہے گل نغمہ جن کا
ہم گاتے ہیں ان آوازوں سے آواز ملائے زنداں میں
آج سے ہم نے بھی زخموں کو تبسم جانا
رزم کو بزم گہہ لالہ عذاراں سمجھے
توڑ دیں ہم جو نہ تلوار تو کہیے مجروحؔ
تیغ زن کیا ہنر زخم شعاراں سمجھے
کس کے لہو کے رنگ ہیں یہ خار شوخ رنگ
کیا گل کتر گئی رہ منزل کہا نہ جائے
ہم اہل عشق میں نہیں حرف گنہ سے کم
وہ حرف شوق جو سر محفل کہا نہ جائے
شاخوں پہ نوک تیغ سے کیا کیا کھلے ہیں پھول
انداز لالہ کاریٔ قاتل کہا نہ جائے
زنداں کھلا ہے جب سے ہوئے ہیں رہا اسیر
ہر گام ہے وہ شور سلاسل کہا نہ جائے
التفات سمجھوں یا بے رخی کہوں اس کو
رہ گئی خلش بن کر اس کی کم نگاہی بھی
میرے ہی سنگ و خشت سے تعمیر بام و در
میرے ہی گھر کو شہر میں شامل کہا نہ جائے
جس ہاتھ میں ہے تیغ جفا اس کا نام لو
مجروحؔ سے تو سائے کو قاتل کہا نہ جائے
ختم شور طوفاں تھا دور تھی سیاہی بھی
دم کے دم میں افسانہ تھی مری تباہی بھی
اس باغ میں وہ سنگ کے قابل کہا نہ جائے
جب تک کسی ثمر کو مرا دل کہا نہ جائے
یاد کر وہ دن جس دن تیری سخت گیری پر
اشک بھر کے اٹھی تھی میری بے گناہی بھی
اس نظر کے اٹھنے میں اس نظر کے جھکنے میں
نغمۂ سحر بھی ہے آہ صبح گاہی بھی
شمع بھی اجالا بھی میں ہی اپنی محفل کا
میں ہی اپنی منزل کا راہ بر بھی راہی بھی
پستیٔ زمیں سے ہے رفعت فلک قائم
میری خستہ حالی سے تیری کج کلاہی بھی
گنبدوں سے پلٹی ہے اپنی ہی صدا مجروحؔ
مسجدوں میں کی میں نے جا کے داد خواہی بھی
قدم کو فیض جنوں سے وہ حوصلہ ہے نصیب
جو خار راہ کو بھی شمع رہ گزار کرے
بہ نام کوچۂ دل دار گل برسے کہ سنگ آئے
ہنسا ہے چاک پیراہن نہ کیوں چہرے پہ رنگ آئے
بچاتے پھرتے آخر کب تلک دست عزیزاں سے
انہیں کو سونپ کر ہم تو کلاہ نام و ننگ آئے
ہنسو مت اہل دل اپنی سی جانو بزم خوباں میں
چلے آئے ادھر ہم بھی بہت جب دل سے تنگ آئے
کرو مجروحؔ تب دار و رسن کے تذکرے ہم سے
جب اس قامت کے سائے میں تمہیں جینے کا ڈھنگ آئے
وہ تو گیا یہ دیدۂ خوں بار دیکھیے
دامن پہ رنگ پیرہن یار دیکھیے
دکھلا کے وہ تو لے بھی گیا شوخی خرام
اب تک ہیں رقص میں در و دیوار دیکھیے
اکتا کے ہم نے توڑی تھی زنجیر نام و ننگ
اب تک فضا میں ہے وہی جھنکار دیکھیے
کہاں صحن چمن میں بات کوئے سرفروشاں کی
ادھر سے سادہ رو نکلے ادھر سے لالہ رنگ آئے
برق طپیدہ باد صبا شعلہ اور ہم
ہیں کیسے کیسے اس کے گرفتار دیکھیے
سینے میں چھپ گیا ہے طلوع سحر کے ساتھ
اب شاخ دل پہ وہ گل رخسار دیکھیے
پہلے بھی تیز رو تھے پر اس دل نشیں کے ساتھ
یہ چشم نم یہ مستئ رفتار دیکھیے
ہوں جو سارے دست و پا ہیں خوں میں نہلائے ہوئے
ہم بھی ہیں اے دل بہاراں کی قسم کھائے ہوئے
کیا ہے ذکر آتش و آہن کہ غداران گل
مارتے ہیں ہاتھ انگاروں پہ گھبرائے ہوئے
مجروحؔ کے لبوں سے یہ خوشبو نہ جا سکی
بخشی جو اس نے دولت بیدار دیکھیے
خبط ہے اے ہم نشیں عقل حریفان بہار
ہے خزاں ان کی انہیں آئینہ دکھلائے ہوئے
زندگی کی قدر سیکھی شکریہ تیغ ستم
ہاں ہمیں تھے کل تلک جینے سے اکتائے ہوئے
سیر ساحل کر چکے اے موج ساحل سر نہ مار
تجھ سے کیا بہلیں گے طوفانوں کے بہلائے ہوئے
ساز اٹھایا جب تو گرماتے پھرے ذروں کے دل
جام ہاتھ آیا تو مہر و مہ کے ہمسائے ہوئے
دشت و در بننے کو ہیں مجروحؔ میدان بہار
آ رہی ہے فصل گل پرچم کو لہرائے ہوئے
ہے یہی اک کاروبار نغمہ و مستی کہ ہم
یا زمیں پر یا سر افلاک ہیں چھائے ہوئے
پھر بھی کہلاؤں گا آوارۂ گیسوئے بہار
میں ترا دام خزاں لاکھ گرفتار سہی
دست منعم مری محنت کا خریدار سہی
کوئی دن اور میں رسوا سر بازار سہی
جست کرتا ہوں تو لڑ جاتی ہے منزل سے نظر
حائل راہ کوئی اور بھی دیوار سہی
غیرت سنگ ہے ساقی یہ گلوئے تشنہ
تیرے پیمانے میں جو موج ہے تلوار سہی
میں نے دیکھی دیکھی اسی میں غم دوراں کی جھلک
بے خبر رنگ جہاں سے نگہ یار سہی
ادائے طول سخن کیا وہ اختیار کرے
جو عرض حال بہ طرز نگاہ یار کرے
مرے پیچھے یہ تو محال ہے کہ زمانہ گرم سفر نہ ہو
کہ نہیں مرا کوئی نقش پا جو چراغ راہ گزر نہ ہو
ان سے بچھڑے ہوئے مجروحؔ زمانہ گزرا
اب بھی ہونٹوں میں وہی گرمئ رخسار سہی
دیکھ کلیوں کا چٹکنا سر گلشن صیاد
سب کی اور سب سے جدا اپنی ڈگر ہے کہ نہیں
آبلہ پا کوئی گزرا تھا جو پچھلے سن میں
سرخ کانٹوں کی بہار آئی ہے اب کے بن میں
بہت ہی تلخ نوا ہوں مگر عزیز وطن
میں کیا کروں جو ترا درد بے قرار کرے
ہم روایات کے منکر نہیں لیکن مجروحؔ
زمزمہ سنج مرا خون جگر ہے کہ نہیں
دیکھنا دیدہ ورو آمد طوفان تو نہیں
ٹپکی ہے درد کی ایک بوند مرے دامن میں
دیکھنا رنگ بدن یار کے پیراہن میں
چاندنی دودھ سی چھٹکی ہے مرے آنگن میں
شب ظلم نرغۂ راہزن سے پکارتا ہے کوئی مجھے
میں فراز دار سے دیکھ لوں کہیں کاروان سحر نہ ہو
میں ہم آغوش صنم تھا مگر اے پیر حرم
یہ شکن کیسے پڑی آپ کے پیرہن میں
کچھ نہ کچھ آج اسیروں نے کہا تو ہے ضرور
ایک اک گل سے لپٹتی ہے صبا گلشن میں
سہل اتنے بھی نہیں اے ستم ایجاد کہ ہم
تھام لیتے ہیں گریبان دوانے پن میں
سر تسلیم نہیں بازوئے قاتل کا جواب
آخرش مارے گئے خود بھی مسیحا ان میں
جمال صبح دیا روئے نو بہار دیا
مری نگاہ بھی دیتا خدا حسینوں کو
دل سے ملتی تو ہے اک راہ کہیں سے آ کر
سوچتا ہوں یہ تری راہ گزر ہے کہ نہیں
ڈرا کے موج و تلاطم سے ہم نشینوں کو
یہی تو ہیں جو ڈبویا کیے سفینوں کو
ہماری راہ میں آئے ہزار مے خانے
بھلا سکے نہ مگر ہوش کے قرینوں کو
جا رہے ہو تو ذرا دیکھنا تم بھی مجروحؔ
میری آنکھیں وہیں زنداں کے کسی روزن میں
کبھی نظر بھی اٹھائی نہ سوئے بادۂ ناب
کبھی چڑھا گئے پگھلا کے آبگینوں کو
میں ہزار شکل بدل چکا چمن جہاں میں سن اے صبا
کہ جو پھول ہے ترے ہاتھ میں یہ مرا ہی لخت جگر نہ ہو
یہی جہاں ہے جہنم یہی جہاں فردوس
بتاؤ عالم بالا کے سیربینوں کو
تجھے نہ مانے کوئی تجھ کو اس سے کیا مجروحؔ
چل اپنی راہ بھٹکنے دے نکتہ چینوں کو
غلام رہ چکے توڑیں یہ بند رسوائی
کچھ اپنے بازوئے محنت کا احترام کریں
ہوئے ہیں قافلے ظلمت کی وادیوں میں رواں
چراغ راہ کیے خونچکاں جبینوں کو
ترے پا زمیں پہ رکے رکے ترا سر فلک پہ جھکا جھکا
کوئی تجھ سے بھی ہے عظیم تر یہی وہم تجھ کو مگر نہ ہو
جنہیں سب سمجھتے ہیں مہر و مہ نہ ہوں صرف چند نقوش پا
جسے کہتے ہیں کرۂ زمیں فقط ایک سنگ سفر نہ ہو
جلوۂ گل کا سبب دیدۂ تر ہے کہ نہیں
میری آہوں سے بہاراں کی سحر ہے کہ نہیں
سکھائیں دست طلب کو ادائے بیباکی
پیام زیرلبی کو صلائے عام کریں
تیز ہو دست ستم دے بھی شراب اے ساقی
تیغ گردن پہ سہی جام سپر ہے کہ نہیں
راہ گم کردہ ہوں کچھ اس کو خبر ہے کہ نہیں
اس کی پلکوں پہ ستاروں کا گزر ہے کہ نہیں
رخ تیغ سے جو نہ ہو کبھی سحر ایسی کوئی نہیں مری
نہیں ایسی ایک بھی شام جو تہ زلف دار بسر نہ ہو
فسانہ جبر کا یاروں کی طرح کیوں مجروحؔ
مزہ تو جب ہے کہ جو کہیے برملا کہیے
مرے ہاتھ ہیں تو لوں گا خود میں اب اپنا ساقی مے کدہ
خم غیر سے تو خدا کرے لب جام بھی مرا تر نہ ہو
میں جو کہتا تھا سو اے رہبر کوتاہ خرام
تیری منزل بھی مری گرد سفر ہے کہ نہیں
مری نگاہ میں ہے ارض ماسکو مجروحؔ
وہ سرزمیں کہ ستارے جسے سلام کریں
اہل تقدیر یہ ہے معجزۂ دست عمل
جو خزف میں نے اٹھایا وہ گہر ہے کہ نہیں
زمیں کو مل کے سنواریں مثال روئے نگار
رخ نگار سے روشن چراغ بام کریں
وہ جس پہ تمہیں شمع سر رہ کا گماں ہے
وہ شعلۂ آوارہ ہماری ہی زباں ہے
اب ہاتھ ہمارے ہے عناں رخش جنوں کی
اب سر پہ ہمارے کلہ سنگ بتاں ہے
پھر اٹھ کے گرم کریں کاروبار زلف و جنوں
پھر اپنے ساتھ اسے بھی اسیر دام کریں
کام آئے بہت لوگ سر مقتل ظلمات
اے روشنیٔ کوچۂ دلدار کہاں ہے
مجھ سے کہا جبریل جنوں نے یہ بھی وحیٔ الٰہی ہے
مذہب تو بس مذہب دل ہے باقی سب گمراہی ہے
چبھتے ہی بنی خار صفت پائے خزاں میں
کیا کیجے بہت ہم کو غم لالہ رخاں ہے
وہ جو ہوئے فردوس بدر تقصیر تھی وہ آدم کی مگر
میرا عذاب در بدری میری نا کردہ گناہی ہے
اے فصل جنوں ہم کو پئے شغل گریباں
پیوند ہی کافی ہے اگر جامہ گراں ہے
بس پھیر کے منہ خار قدم کھینچ رہے تھے
دیکھا تو نہاں قافلۂ ہم سفراں ہے
مجروحؔ کہاں سے گہر گندم و جو لائیں
اپنی تو گرہ میں یہی چشم نگراں ہے
پھر کوئی منظر پھر وہی گردش کیا کیجے اے کوئے نگار
میرے لئے زنجیر گلو میری آوارہ نگاہی ہے
سنگ تو کوئی بڑھ کے اٹھاؤ شاخ ثمر کچھ دور نہیں
جس کو بلندی سمجھے ہو ان ہاتھوں کی کوتاہی ہے
بہر خدا خاموش رہو بس دیکھتے جاؤ اہل نظر
کیا لغزیدہ قدم ہیں اس کے کیا دزدیدہ نگاہی ہے
جنون دل نہ صرف اتنا کہ اک گل پیرہن تک ہے
قد و گیسو سے اپنا سلسلہ دار و رسن تک ہے
میں کیا کیا جرعۂ خوں پی گیا پیمانۂ دل میں
بلا نوشی مری کیا اک مئے ساغر شکن تک ہے
دید کے قابل ہے تو سہی مجروحؔ تری مستانہ روی
گرد ہوا ہے رخت سفر رستے کا شجر ہمراہی ہے
مگر اے ہم قفس کہتی ہے شوریدہ سری اپنی
یہ رسم قید و زنداں ایک دیوار کہن تک ہے
نوا ہے جاوداں مجروحؔ جس میں روح ساعت ہو
کہا کس نے مرا نغمہ زمانے کے چلن تک ہے
نہ آخر کہہ سکا اس سے مرا حال دل سوزاں
مہ تاباں کہ جو اس کا شریک انجمن تک ہے
کہاں بچ کر چلی اے فصل گل مجھ آبلہ پا سے
مرے قدموں کی گل کاری بیاباں سے چمن تک ہے
مزید شاعری پڑھیے اور دوسرے شعراء کو دریافت کیجیے۔