مکمل شاعری

سو روپ بھرے جینے کے لیے بیٹھے ہیں ہزاروں زہر پئے

ٹھوکر نہ لگانا ہم خود ہیں گرتی ہوئی دیواروں کی طرح

برسوں کے سلگتے تم من پر اشکوں کے تو چھینٹے دے نہ سکے

تپتے ہوئے دل کے زخموں پر برسے بھی تو انگاروں کی طرح

دعویٰ تھا جنہیں ہمدردی کا خود آ کے نہ پوچھا حال کبھی

محفل میں بلایا ہے ہم پہ ہنسنے کو ستم گاروں کی طرح

رہتے تھے کبھی جن کے دل میں ہم جان سے بھی پیاروں کی طرح

بیٹھے ہیں انہی کے کوچے میں ہم آج گنہ گاروں کی طرح

— مجروح سلطانپوری