مکمل شاعری

حیات لغزش پیہم کا نام ہے ساقی

لبوں سے جام لگا بھی سکوں خدا جانے

فریب ساقئ محفل نہ پوچھئے مجروحؔ

شراب ایک ہے بدلے ہوئے ہیں پیمانے

نگاہ ساقیٔ نامہرباں یہ کیا جانے

کہ ٹوٹ جاتے ہیں خود دل کے ساتھ پیمانے

تبسموں نے نکھارا ہے کچھ تو ساقی کے

کچھ اہل غم کے سنوارے ہوئے ہیں مے خانے

ملی جب ان سے نظر بس رہا تھا ایک جہاں

ہٹی نگاہ تو چاروں طرف تھے ویرانے

یہ آگ اور نہیں دل کی آگ ہے ناداں

چراغ ہو کہ نہ ہو جل بجھیں گے پروانے

— مجروح سلطانپوری