مکمل شاعری

اس کوئے تشنگی میں بہت ہے کہ ایک جام

ہاتھ آ گیا ہے دولت بیدار کی طرح

ہم ہیں متاع کوچہ و بازار کی طرح

اٹھتی ہے ہر نگاہ خریدار کی طرح

وہ تو کہیں ہے اور مگر دل کے آس پاس

پھرتی ہے کوئی شے نگہ یار کی طرح

اب جا کے کچھ کھلا ہنر ناخن جنوں

زخم جگر ہوئے لب و رخسار کی طرح

سیدھی ہے راہ شوق پہ یوں ہی کہیں کہیں

خم ہو گئی ہے گیسوئے دلدار کی طرح

مجروحؔ لکھ رہے ہیں وہ اہل وفا کا نام

ہم بھی کھڑے ہوئے ہیں گنہ گار کی طرح

بے تیشہ نظر نہ چلو راہ رفتگاں

ہر نقش پا بلند ہے دیوار کی طرح

— مجروح سلطانپوری