مکمل شاعری

دیکھ کلیوں کا چٹکنا سر گلشن صیاد

سب کی اور سب سے جدا اپنی ڈگر ہے کہ نہیں

ہم روایات کے منکر نہیں لیکن مجروحؔ

زمزمہ سنج مرا خون جگر ہے کہ نہیں

دل سے ملتی تو ہے اک راہ کہیں سے آ کر

سوچتا ہوں یہ تری راہ گزر ہے کہ نہیں

جلوۂ گل کا سبب دیدۂ تر ہے کہ نہیں

میری آہوں سے بہاراں کی سحر ہے کہ نہیں

تیز ہو دست ستم دے بھی شراب اے ساقی

تیغ گردن پہ سہی جام سپر ہے کہ نہیں

راہ گم کردہ ہوں کچھ اس کو خبر ہے کہ نہیں

اس کی پلکوں پہ ستاروں کا گزر ہے کہ نہیں

میں جو کہتا تھا سو اے رہبر کوتاہ خرام

تیری منزل بھی مری گرد سفر ہے کہ نہیں

اہل تقدیر یہ ہے معجزۂ دست عمل

جو خزف میں نے اٹھایا وہ گہر ہے کہ نہیں

— مجروح سلطانپوری