شاعر کی معلومات لوڈ ہو رہی ہیں...
ہم ہی میں تھی نہ کوئی بات یاد نہ تم کو آ سکے
تم نے ہمیں بھلا دیا ہم نہ تمہیں بھلا سکے
شاعر کی معلومات لوڈ ہو رہی ہیں...
Hafeez Jalandhari
1900 – 1982
Muhammad Hafeez, known by his pen name Hafeez, was born in 1900 in Jalandhar. He had a natural affinity for poetry. From a young age, he was drawn to it and began composing verses. He established a relationship of mentorship with Maulana Ghulam Qadir Grami. The poetic achievement that immortalized Hafeez is his "Shahnameh-e-Islam". While there are monumental works in Persian like Shahnameh by Ferdowsi and Masnavi by Maulana Rumi, in the preface to Shair o Shaari (Poetry and Poets), Maulana Hali expressed regret that no such monumental masnavi existed in Urdu. With the publication of Shahnameh-e-Islam, this criticism has, to some extent, been alleviated. Writing about historical events, especially those related to religion and those tied to the emotions of a nation, is a difficult task. If the narration of an event deviates from the truth, it can anger readers, and if it doesn't, it may lack appeal. Hafeez, however, narrates the events in his long poem with great precision, and yet, his style of writing keeps it engaging. It is widely acknowledged that dryness and prose-like qualities are far removed from this poem. There are numerous moments in the poem that inspire the reader's religious fervor and stir up a sense of enthusiasm in their heart.
ان کے کلام کے چند منتخب اشعار پڑھیے۔
ہم ہی میں تھی نہ کوئی بات یاد نہ تم کو آ سکے
تم نے ہمیں بھلا دیا ہم نہ تمہیں بھلا سکے
رونق بزم بن گئے لب پہ حکایتیں رہیں
دل میں شکایتیں رہیں لب نہ مگر ہلا سکے
تم ہی نہ سن سکے اگر قصۂ غم سنے گا کون
کس کی زباں کھلے گی پھر ہم نہ اگر سنا سکے
ہوش میں آ چکے تھے ہم جوش میں آ چکے تھے ہم
بزم کا رنگ دیکھ کر سر نہ مگر اٹھا سکے
شوق وصال ہے یہاں لب پہ سوال ہے یہاں
کس کی مجال ہے یہاں ہم سے نظر ملا سکے
ایسا ہو کوئی نامہ بر بات پہ کان دھر سکے
سن کے یقین کر سکے جا کے انہیں سنا سکے
اہل زباں تو ہیں بہت کوئی نہیں ہے اہل دل
کون تری طرح حفیظؔ درد کے گیت گا سکے
تو مرے حال کا خیال نہ کر
اس میں بھی ایک شان ہے پیارے
وقت کم ہے نہ چھیڑ ہجر کی بات
یہ بڑی داستان ہے پیارے
دل ابھی تک جوان ہے پیارے
کس مصیبت میں جان ہے پیارے
تلخ کر دی ہے زندگی جس نے
کتنی میٹھی زبان ہے پیارے
نام ہے اس کا ناصح مشفق
یہ مرا مہربان ہے پیارے
جانے کیا کہہ دیا تھا روز ازل
آج تک امتحان ہے پیارے
کب کیا میں نے عشق کا دعویٰ
تیرا اپنا گمان ہے پیارے
ساری دنیا کو ہے غلط فہمی
مجھ پہ تو مہربان ہے پیارے
میں تجھے بے وفا نہیں کہتا
دشمنوں کا بیان ہے پیارے
خیر فریاد بے اثر ہی سہی
زندگی کا نشان ہے پیارے
تیرے کوچے میں ہے سکوں ورنہ
ہر زمیں آسمان ہے پیارے
کوئی چارہ نہیں دعا کے سوا
کوئی سنتا نہیں خدا کے سوا
عرض مطلب سمجھ کے ہو نہ خفا
یہ تو اک داستان ہے پیارے
شرم ہے احتراز ہے کیا ہے
پردہ سا درمیان ہے پیارے
جنگ چھڑ جائے ہم اگر کہہ دیں
یہ ہماری زبان ہے پیارے
مجھ سے کیا ہو سکا وفا کے سوا
مجھ کو ملتا بھی کیا سزا کے سوا
کوئی بھی تو دکھاؤ منزل پر
جس کو دیکھا ہو رہ نما کے سوا
مہر و مہ سے بلند ہو کر بھی
نظر آیا نہ کچھ خلا کے سوا
دل سبھی کچھ زبان پر لایا
اک فقط عرض مدعا کے سوا
برسر ساحل مراد یہاں
کوئی ابھرا ہے ناخدا کے سوا
دوستوں کے یہ مخلصانہ تیر
کچھ نہیں میری ہی خطا کے سوا
بت کدے سے چلے ہو کعبے کو
کیا ملے گا تمہیں خدا کے سوا
امید دل نشیں سہی دنیا حسیں سہی
تیرے بغیر کچھ بھی نہ بھائے تو کیا کروں
اے حفیظؔ آہ آہ پر آخر
کیا کہیں دوست واہ وا کے سوا
دل سے ترا خیال نہ جائے تو کیا کروں
میں کیا کروں کوئی نہ بتائے تو کیا کروں
دل کو خدا کی یاد تلے بھی دبا چکا
کم بخت پھر بھی چین نہ پائے تو کیا کروں
جو کچھ بنا دیا ہے ترے انتظار نے!
اب سوچتا ہوں تو ادھر آئے تو کیا کروں
دیدہ وران بت کدہ اک مشورہ تو دو
کعبہ جھلک یہاں بھی دکھائے تو کیا کروں
اپنی نفی تو فلسفی جی قتل نفس ہے
کہیے کوئی یہ جرم سجھائے تو کیا کروں
دن ہو کہ رات ایک ملاقات کی ہے بات
اتنی سی بات بھی نہ بن آئے تو کیا کروں
یہ ہائے ہائے مضحکہ انگیز ہے تو ہو
دل سے اٹھے زبان جلائے تو کیا کروں
میں کیا کروں میں کیا کروں گردان بن گئی
میں کیا کروں کوئی نہ بتائے تو کیا کروں
اخبار سے مری خبر مرگ اے حفیظؔ
میرا ہی دوست پڑھ کے سنائے تو کیا کروں
آغاز مصیبت ہوتا ہے اپنے ہی دل کی شامت سے
آنکھوں میں پھول کھلاتا ہے تلووں میں کانٹے بوتا ہے
کیوں ہجر کے شکوے کرتا ہے کیوں درد کے رونے روتا ہے
اب عشق کیا تو صبر بھی کر اس میں تو یہی کچھ ہوتا ہے
احباب کا شکوہ کیا کیجئے خود ظاہر و باطن ایک نہیں
لب اوپر اوپر ہنستے ہیں دل اندر اندر روتا ہے
کیا جانیے یہ کیا کھوئے گا کیا جانئے یہ کیا پائے گا
مندر کا پجاری جاگتا ہے مسجد کا نمازی سوتا ہے
خیرات کی جنت ٹھکرا دے ہے شان یہی خودداری کی
جنت سے نکالا تھا جس کو تو اس آدم کا پوتا ہے
ملاحوں کو الزام نہ دو تم ساحل والے کیا جانو
یہ طوفاں کون اٹھاتا ہے یہ کشتی کون ڈبوتا ہے
نگاہ آرزو آموز کا چرچا نہ ہو جائے
شرارت سادگی ہی میں کہیں رسوا نہ ہو جائے
انہیں احساس تمکیں ہو کہیں ایسا نہ ہو جائے
جو ہونا ہو ابھی اے جرأت رندانہ ہو جائے
بظاہر سادگی سے مسکرا کر دیکھنے والو
کوئی کم بخت ناواقف اگر دیوانہ ہو جائے
ارادے باندھتا ہوں سوچتا ہوں توڑ دیتا ہوں
کہیں ایسا نہ ہو جائے کہیں ایسا نہ ہو جائے
الٰہی دل نوازی پھر کریں وہ مے فروش آنکھیں
الٰہی اتحاد شیشہ و پیمانہ ہو جائے
بہت ہی خوب شے ہے اختیاری شان خودداری
اگر معشوق بھی کچھ اور بے پروا نہ ہو جائے
مری الفت تعجب ہو گئی توبہ معاذ اللہ
کہ منہ سے بھی نہ نکلے بات اور افسانہ ہو جائے
آج بھی پایا ہے ان کو بد مزاج
صورت حالات ابھی اچھی نہیں
بے تعلق زندگی اچھی نہیں
زندگی کیا موت بھی اچھی نہیں
میں نہ کہتا تھا دل خانۂ خراب
دلبروں سے دل لگی اچھی نہیں
یہ تنہائی کا عالم چاند تاروں کی یہ خاموشی
حفیظؔ اب لطف ہے اک نعرۂ مستانہ ہو جائے
حسرت دل دیکھ آنکھوں میں نہ بیٹھ
اس قدر بے پردگی اچھی نہیں
دل لگاؤ تو لگاؤ دل سے دل
دل لگی ہی دل لگی اچھی نہیں
جہاں قطرے کو ترسایا گیا ہوں
وہیں ڈوبا ہوا پایا گیا ہوں
بہ حال گمرہی پایا گیا ہوں
حرم سے دیر میں لایا گیا ہوں
یہ ہوا یہ ابر یہ سبزہ حفیظؔ
آج پینے میں کمی اچھی نہیں
سپرد خاک ہی کرنا تھا مجھ کو
تو پھر کاہے کو نہلایا گیا ہوں
برنگ لالۂ ویرانہ بے کار
کھلایا اور مرجھایا گیا ہوں
اگرچہ ابر گوہر بار ہوں میں
مگر آنکھوں سے برسایا گیا ہوں
مجھے تو اس خبر نے کھو دیا ہے
سنا ہے میں کہیں پایا گیا ہوں
بقول برہمن قہر خدا ہوں
بتوں کے حسن پر ڈھایا گیا ہوں
کوئی صنعت نہیں مجھ میں تو پھر کیوں
نمائش گاہ میں لایا گیا ہوں
باریابی کا برا ہو کہ اب ان کے در پر
اگلے وقتوں کی مدارات نہیں ہوتی ہے
فرشتے کو نہ میں شیطان سمجھا
نتیجہ یہ کہ بہکایا گیا ہوں
حفیظؔ اہل زباں کب مانتے تھے
بڑے زوروں سے منوایا گیا ہوں
یہ ملاقات ملاقات نہیں ہوتی ہے
بات ہوتی ہے مگر بات نہیں ہوتی ہے
عجز سے اور بڑھ گئی برہمی مزاج دوست
اب وہ کرے علاج دوست جس کی سمجھ میں آ سکے
ہم ہیں بندے مگر ترے بندے
یہ ہماری بھی شان ہے پیارے
کوئی راضی نہ رہ سکا مجھ سے
میرے اللہ تری رضا کے سوا
سیر کیجے حسن کے بازار کی
ہاں مگر آوارگی اچھی نہیں
بلا کافی نہ تھی اک زندگی کی
دوبارہ یاد فرمایا گیا ہوں
وصل ہے نام ہم آہنگی و یک رنگی کا
وصل میں کوئی بری بات نہیں ہوتی ہے
آخر ایک دن شاد کرو گے
میرا گھر آباد کرو گے
پیار کی باتیں وصل کی راتیں
یاد کرو گے یاد کرو گے
ہاں میرے مجروح تبسم خشک لبوں تک آتا جا
پھول کی ہست و بود یہی ہے کھلتا جا مرجھاتا جا
مجھے اللہ کی قسم شعر میں تحسین بتاں
میں جو کرتا ہوں میری ذات نہیں ہوتی ہے
کس دل سے آباد کیا تھا
کس دل سے برباد کرو گے
جب مجھ کو چپ لگ جائے گی
پھر تم بھی فریاد کرو گے
دونوں سنگ راہ طلب ہیں راہنما بھی منزل بھی
ذوق طلب ہر ایک قدم پر دونوں کو ٹھکراتا جا
جینے کا ارمان کروں یا مرنے کا سامان کروں
عشق میں کیا ہوتا ہے ناصح عقل کی بات سجھاتا جا
میں نے اپنی قیمت کہہ دی
تم بھی کچھ ارشاد کرو گے
تجھ کو ابرآلود دنوں سے کام نہ چاندنی راتوں سے
بہلاتا ہے باتوں سے بہلاتا جا بہلاتا جا
زر کے بندو عقل کے اندھو
تم کیا مجھ کو شاد کرو گے
اور تمہیں آتا ہی کیا ہے
کوئی ستم ایجاد کرو گے
تنگ آ کر اے بندہ پرور
بندے کو آزاد کرو گے
نہ ساقی ہے نہ اب وہ شے ہے باقی
مرا دور آ گیا ہے اور میں ہوں
حسن کو رسوا کر کے مروں گا
آخر تم کیا یاد کرو گے
نغمے سے جب پھول کھلیں گے چننے والے چن لیں گے
سننے والے سن لیں گے تو اپنی دھن میں گاتا جا
میرے دل میں بسنے والو
تم مجھ کو برباد کرو گے
غم تو گھنگھور گھٹاؤں کی طرح اٹھتے ہیں
ضبط کا دشت ہے برسات نہیں ہوتی ہے
دل بے مدعا ہے اور میں ہوں
مگر لب پر دعا ہے اور میں ہوں
حشر کے دن امید ہے ناصح
تم میری امداد کرو گے
فکر تخلیق سخن مسند راحت پہ حفیظ
باعث کشف و کرامات نہیں ہوتی ہے
ہجر تنہائی ہے سورج ہے سوا نیزے پر
دن ہی رہتا ہے یہاں رات نہیں ہوتی ہے
ادھر دنیا ہے اور دنیا کے بندے
ادھر میرا خدا ہے اور میں ہوں
یہ مرا تجربہ ہے حسن کوئی چال چلے
بازیٔ عشق کبھی مات نہیں ہوتی ہے
او دل توڑ کے جانے والے دل کی بات بتاتا جا
اب میں دل کو کیا سمجھاؤں مجھ کو بھی سمجھاتا جا
کوئی پرساں نہیں پیر مغاں کا
فقط میری وفا ہے اور میں ہوں
ابھی میعاد باقی ہے ستم کی
محبت کی سزا ہے اور میں ہوں
نہ پوچھو حال میرا کچھ نہ پوچھو
کہ تسلیم و رضا ہے اور میں ہوں
میری چپ رہنے کی عادت جس کارن بد نام ہوئی
اب وہ حکایت عام ہوئی ہے سنتا جا شرماتا جا
ضبط گریہ کبھی کرتا ہوں تو فرماتے ہیں
آج کیا بات ہے برسات نہیں ہوتی ہے
یہ دکھ درد کی برکھا بندے دین ہے تیرے داتا کی
شکر نعمت بھی کرتا جا دامن بھی پھیلاتا جا
آخر تجھ کو بھی موت آئی خیر حفیظؔ خدا حافظ
لیکن مرتے مرتے پیارے وجہ مرگ بتاتا جا
یہ طول عمر نامعقول و بے کیف
بزرگوں کی دعا ہے اور میں ہوں
چپ جو ہوں کوئی بری بات ہے میرے دل میں
تم بھی یہ بات کہو گے مجھے معلوم نہ تھا
لوگ روتے ہیں میری بد نظری کا رونا
تم بھی اس رو میں بہو گے مجھے معلوم نہ تھا
دل کو ویرانہ کہو گے مجھے معلوم نہ تھا
پھر بھی دل ہی میں رہوگے مجھے معلوم نہ تھا
تم تو بے صبر تھے آغاز محبت میں حفیظؔ
اس قدر جبر سہو گے مجھے معلوم نہ تھا
عرض ہنر بھی وجہ شکایات ہو گئی
چھوٹا سا منہ تھا مجھ سے بڑی بات ہو گئی
ساتھ دنیا کا میں چھوڑوں گا تمہاری خاطر
اور تم ساتھ نہ دو گے مجھے معلوم نہ تھا
حفیظؔ ایسی فلاکت کے دنوں میں
فقط شکر خدا ہے اور میں ہوں
دیکھا جو کھا کے تیر کمیں گاہ کی طرف
اپنے ہی دوستوں سے ملاقات ہو گئی
دشنام کا جواب نہ سوجھا بجز سلام
ظاہر مرے کلام کی اوقات ہو گئی
لہو کے گھونٹ پینا اور جینا
مسلسل اک مزا ہے اور میں ہوں
وہ خوش نصیب تم سے ملاقات کیوں کرے
دربان ہی سے جس کی مدارات ہو گئی
یاروں کی برہمی پہ ہنسی آ گئی حفیظؔ
یہ مجھ سے ایک اور بری بات ہو گئی
ہر ایک رہنما سے بچھڑنا پڑا مجھے
ہر موڑ پر کوئی نہ کوئی گھات ہو گئی
یاران بے بساط کہ ہر بازئ حیات
کھیلے بغیر ہار گئے مات ہو گئی
سچ تو یہ ہے صنم کدے والو
دل خدا نے تمہیں دیا ہی نہیں
یا ضربت خلیل سے بت خانہ چیخ اٹھا
یا پتھروں کو معرفت ذات ہو گئی
بے رزم دن گزار لیا رتجگا مناؤ
اے اہل بزم جاگ اٹھو رات ہو گئی
اب شکر ناقبول ہے شکوہ فضول ہے
جیسے بھی ہو گئی بسر اوقات ہو گئی
کیا چلے زور دشت وحشت کا
ہم نے دامن کبھی سیا ہی نہیں
واسطہ کس کا دیں حفیظؔ ان کو
ان بتوں کا کوئی خدا ہی نہیں
قصۂ قیس سن کے فرمایا
جھوٹ کی کوئی انتہا ہی نہیں
عشق میرا ہے شہر میں مشہور
اور تم نے ابھی سنا ہی نہیں
میری پیشانی پہ اک سجدہ تو ہے لکھا ہوا
یہ نہیں معلوم ہے کس آستانے کے لیے
آنے والے جانے والے ہر زمانے کے لیے
آدمی مزدور ہے راہیں بنانے کے لیے
اس کی صورت کو دیکھتا ہوں میں
میری سیرت وہ دیکھتا ہی نہیں
زندگی فردوس گم گشتہ کو پا سکتی نہیں
موت ہی آتی ہے یہ منزل دکھانے کے لیے
آخری امید وقت نزع ان کی دید تھی
موت کو بھی مل گیا فقرہ نہ آنے کے لیے
جب سے پہرہ ضبط کا ہے آنسوؤں کی فصل پر
ہو گئیں محتاج آنکھیں دانے دانے کے لیے
ان کا وعدہ اور مجھے اس پر یقیں اے ہم نشیں
اک بہانہ ہے تڑپنے تلملانے کے لیے
نسخۂ ہستی میں عبرت کے سوا کیا تھا حفیظؔ
سرخیاں کچھ مل گئیں اپنے فسانے کے لیے
دوستی کا چلن رہا ہی نہیں
اب زمانے کی وہ ہوا ہی نہیں
غیر بھی ایک دن مریں گے ضرور
ان کے حصے میں کیا قضا ہی نہیں
پلٹ آنے سے ہو گیا ثابت
نامہ بر تو وہاں گیا ہی نہیں
حال یہ ہے کہ ہم غریبوں کا
حال تم نے کبھی سنا ہی نہیں
حد عمل میں تھی تو عمل تھی یہی شراب
رد عمل بنی تو مکافات ہو گئی
نعمت غم میرا حصہ مجھ کو دے دے اے خدا
جمع رکھ میری خوشی سارے زمانے کے لیے
نکلے جو میکدے سے تو مسجد تھا ہر مقام
ہر گام پر تلافئ مافات ہو گئی
مدتوں تک جو پڑھایا کیا استاد مجھے
عشق میں بھول گیا کچھ نہ رہا یاد مجھے
نوحہ گروں کو بھی ہے گلا بیٹھنے کی فکر
جاتا ہوں آپ اپنی اجل کو پکارنے
کیا میں دیوانہ ہوں یارب کہ سر راہ گزر
دور سے گھورنے لگتے ہیں پری زاد مجھے
اللہ اللہ دوست کو میری تباہی پر یہ ناز
سوئے دشمن دیکھتا ہے داد پانے کے لیے
آ ہی گیا وہ مجھ کو لحد میں اتارنے
غفلت ذرا نہ کی مرے غفلت شعار نے
اب تک اسیر دام فریب حیات ہوں
مجھ کو بھلا دیا مرے پروردگار نے
او بے نصیب دن کے تصور سے خوش نہ ہو
چولا بدل لیا ہے شب انتظار نے
داد خواہی کے لیے اور تو ساماں نہ ملا
نالہ و آہ پہ رکھنی پڑی بنیاد مجھے
اب ہے آواز کی وہ شان نہ بازو کی اڑان
اور صیاد کیے دیتا ہے آزاد مجھے
کر دیا ہے تم نے دل کو مطمئن
دیکھ لینا سخت گھبرا جائے گا
حشر کے دن میری چپ کا ماجرا
کچھ نہ کچھ تم سے بھی پوچھا جائے گا
میرے شعروں پہ وہ شرمائے تو احباب ہنسے
اے حفیظؔ آج غزل کی یہ ملی داد مجھے
مسکرا کر منہ چڑا کر گھور کر
جا رہے ہو خیر دیکھا جائے گا
حضرت دل کام سے جاؤں گا میں
دل لگی میں آپ کا کیا جائے گا
دوستوں کی بے وفائی پر حفیظؔ
صبر کرنا بھی مجھے آ جائے گا
وہ ناشاد و برباد رکھتے ہیں مجھ کو
الٰہی انہیں شاد و آباد رکھنا
زندگی کا لطف بھی آ جائے گا
زندگانی ہے تو دیکھا جائے گا
حشر کے دن میری چپ کا ماجرا
کچھ نہ کچھ تم سے بھی پوچھا جائے گا
تمہیں بھی قسم ہے کہ جو سر جھکا دے
اسی کو تہ تیغ بیداد رکھنا
بھلائی نہیں جا سکیں گی یہ باتیں
تمہیں یاد آئیں گے ہم یاد رکھنا
جہاں بھی نشے میں قدم لڑکھڑائیں
وہیں ایک مسجد کی بنیاد رکھنا
جس طرح لکڑی کو کھا جاتا ہے گھن
رفتہ رفتہ غم مجھے کھا جائے گا
حفیظؔ اپنے افکار کی سادگی کو
تکلف کی الجھن سے آزاد رکھنا
مجھے شاد رکھنا کہ ناشاد رکھنا
مرے دیدہ و دل کو آباد رکھنا
پشیمانیاں ہیں گناہوں پہ لیکن
بڑے ہی مزے کی پشیمانیاں ہیں
مری زندگی پر تعجب نہیں تھا
مری موت پر ان کو حیرانیاں ہیں
اب تو کچھ اور بھی اندھیرا ہے
یہ مری رات کا سویرا ہے
ستاروں پہ چلتے ہوئے ابن آدم
نظر میں فرشتوں کی افتاد رکھنا
محبت کرو اور نباہو تو پوچھوں
یہ دشواریاں ہیں کہ آسانیاں ہیں
ملیں گے تمہیں راہ میں بت کدے بھی
ذرا اپنے اللہ کو یاد رکھنا
مرا تجربہ ہے کہ اس زندگی میں
پریشانیاں ہی پریشانیاں ہیں
رہزنوں سے تو بھاگ نکلا تھا
اب مجھے رہبروں نے گھیرا ہے
قافلہ کس کی پیروی میں چلے
کون سب سے بڑا لٹیرا ہے
آگے آگے چلو تبر والو
ابھی جنگل بہت گھنیرا ہے
دوستوں کی بے وفائی پر حفیظؔ
صبر کرنا بھی مجھے آ جائے گا
مسکرا کر منہ چڑا کر گھور کر
جا رہے ہو خیر دیکھا جائے گا
کر دیا ہے تم نے دل کو مطمئن
دیکھ لینا سخت گھبرا جائے گا
سر پہ راہی کے سربراہی نے
کیا صفائی کا ہاتھ پھیرا ہے
اے مری جان اپنے جی کے سوا
کون تیرا ہے کون میرا ہے
اسی چال سے میرے پیارے چلا چل
گزرتی ہے جیسے گزارے چلا چل
اگر موج ہے بیچ دھارے چلا چل
وگرنہ کنارے کنارے چلا چل
رنگ بدلا یار نے وہ پیار کی باتیں گئیں
وہ ملاقاتیں گئیں وہ چاندنی راتیں گئیں
اللہ اللہ کہہ کے بس اک آہ کرنا رہ گیا
وہ نمازیں وہ دعائیں وہ مناجاتیں گئیں
سرمہ آلود خشک آنسوؤں نے
نور جاں خاک پر بکھیرا ہے
راہ و رسم دوستی قائم تو ہے لیکن حفیظؔ
ابتدائے شوق کی لمبی ملاقاتیں گئیں
سو رہو اب حفیظؔ جی تم بھی
یہ نئی زندگی کا ڈیرا ہے
تجھے ساتھ دینا ہے بہروپیوں کا
نئے سے نیا روپ دھارے چلا چل
یہ اوپر کا طبقہ خلا ہی خلا ہے
ہوا و ہوس کے غبارے چلا چل
پہنچ جائیں گے قبر میں پاؤں تیرے
پسارے چلا چل پسارے چلا چل
خدا کو نہ تکلیف دے ڈوبنے میں
کسی ناخدا کے سہارے چلا چل
پی تو لیتا ہوں مگر پینے کی وہ باتیں گئیں
وہ جوانی وہ سیہ مستی وہ برساتیں گئیں
ڈبویا ہے تو نے حیا کا سفینہ
مرے دوست سینہ ابھارے چلا چل
شب تار ہے تابہ صبح قیامت
مقدر ہے گردش ستارے چلا چل
نہ دے فرصت دم زدن او زمانے
نئے سے نیا تیر مارے چلا چل
حفیظؔ اس نئے دور میں تجھ کو فن کا
نشہ ہے تو پیارے اتارے چلا چل
مسلسل بتوں کی تمنا کیے جا
مسلسل خدا کو پکارے چلا چل
راکھ راکھ استخواں سفید سفید
یہی منزل یہی بسیرا ہے
یہاں تو بہر حال جھکنا پڑے گا
نہیں تو کسی اور دوارے چلا چل
ان کو جگر کی جستجو ان کی نظر کو کیا کروں
مجھ کو نظر کی آرزو اپنے جگر کو کیا کروں
تجھے تو ابھی دیر تک کھیلنا ہے
اسی میں تو ہے جیت ہارے چلا چل
کہاں سے چلا تھا کہاں تک چلے گا
چلا چل مسافت کے مارے چلا چل
رات ہی رات میں تمام طے ہوئے عمر کے مقام
ہو گئی زندگی کی شام اب میں سحر کو کیا کروں
وحشت دل فزوں تو ہے حال مرا زبوں تو ہے
عشق نہیں جنوں تو ہے اس کے اثر کو کیا کروں
بصیرت نہیں ہے تو سیرت بھی کیوں ہو
فقط شکل و صورت سنوارے چلا چل
ترک تعلقات پر گر گئی برق التفات
راہ گزر میں مل گئے راہ گزر کو کیا کروں
حور لحد نے چھین لیا تجھ کو اور میں
اپنا سا منہ لیے ہوئے شرما کے آ گیا
اہل نظر کوئی نہیں اس لیے خود پسند ہوں
آپ ہی دیکھتا ہوں میں اپنے ہنر کو کیا کروں
اک بار پھر وطن میں گیا جا کے آ گیا
لخت جگر کو خاک میں دفنا کے آ گیا
فرش سے مطمئن نہیں پست ہے نا پسند ہے
عرش بہت بلند ہے ذوق نظر کو کیا کروں
ہائے کوئی دوا کرو ہائے کوئی دعا کرو
ہائے جگر میں درد ہے ہائے جگر کو کیا کروں
میری بساط کیا تھی حضور رضائے دوست
تنکا سا ایک سامنے دریا کے آ گیا
دل لے گیا مجھے تری تربت پہ بار بار
آواز دے کے بیٹھ کے اکتا کے آ گیا
ہر ہم سفر پہ خضر کا دھوکا ہوا مجھے
آب بقا کی راہ سے کترا کے آ گیا
اب کے بھی راس آئی نہ حب وطن حفیظؔ
اب کے بھی ایک تیر قضا کھا کے آ گیا
یہ کیا مقام ہے وہ نظارے کہاں گئے
وہ پھول کیا ہوئے وہ ستارے کہاں گئے
ایک اور دور کا وہ تقاضا کدھر گیا
امڈے ہوئے وہ ہوش کے دھارے کہاں گئے
رویا کہ تھا جہیز ترا واجب الادا
مینہ موتیوں کا قبر پہ برسا کے آ گیا
افتاد کیوں ہے لغزش مستانہ کیوں نہیں
وہ عذر مے کشی کے سہارے کہاں گئے
یاران بزم جرأت رندانہ کیا ہوئی
ان مست انکھڑیوں کے اشارے کہاں گئے
باندھا تھا کیا ہوا پہ وہ امید کا طلسم
رنگینی نظر کے غبارے کہاں گئے
دوران زلزلہ جو پناہ نگاہ تھے
لیٹے ہوئے تھے پاؤں پسارے کہاں گئے
اٹھ اٹھ کے بیٹھ بیٹھ چکی گرد راہ کی
یارو وہ قافلے تھکے ہارے کہاں گئے
ہر میر کارواں سے مجھے پوچھنا پڑا
ساتھی ترے کدھر کو سدھارے کہاں گئے
فرما گئے تھے راہ میں بیٹھ انتظار کر
آئے نہیں پلٹ کے وہ پیارے کہاں گئے
کشتی نئی بنی کہ اٹھا لے گیا کوئی
تختے جو لگ گئے تھے کنارے کہاں گئے
تم سے بھی جن کا عہد وفا استوار تھا
اے دشمنوں وہ دوست ہمارے کہاں گئے
اب ڈوبتوں سے پوچھتا پھرتا ہے ناخدا
جن کو لگا چکا ہوں کنارے کہاں گئے
میرے مقلدوں کو مری راہ شوق میں
ہر گام پر نشان ملا سجدہ گاہ کا
چھیڑو نہ میٹھی نیند میں اے منکر و نکیر
سونے دو بھائی میں تھکا ماندہ ہوں راہ کا
بیتاب تیرے درد سے تھے چارہ گر حفیظؔ
کیا جانیے وہ درد کے مارے کہاں گئے
اے دوست مٹ گیا ہوں فنا ہو گیا ہوں میں
اس دور دوستی کی دوا ہو گیا ہوں میں
پیش خدا چلو تو مزہ جب ہے اے حفیظؔ
نعرہ ہو لب پہ اشہد ان لا الہ کا
قائم کیا ہے میں نے عدم کے وجود کو
دنیا سمجھ رہی ہے فنا ہو گیا ہوں میں
دل سا گواہ حشر میں آ کر پھسل گیا
اب رحم پر معاملہ ہے داد خواہ کا
یہ زندگی فریب مسلسل نہ ہو کہیں
شاید اسیر دام بلا ہو گیا ہوں میں
ہاں کیف بے خودی کی وہ ساعت بھی یاد ہے
محسوس کر رہا تھا خدا ہو گیا ہوں میں
جوانی کے ترانے گا رہا ہوں
دبی چنگاریاں سلگا رہا ہوں
ہمت بلند تھی مگر افتاد دیکھنا
چپ چاپ آج محو دعا ہو گیا ہوں میں
وفا کا لازمی تھا یہ نتیجہ
سزا اپنے کیے کی پا رہا ہوں
بتوں کو قول دیتا ہوں وفا کا
قسم اپنے خدا کی کھا رہا ہوں
خدا لگتی کہو بت خانے والو
تمہارے ساتھ میں کیسا رہا ہوں
مری بزم وفا سے جانے والو
ٹھہر جاؤ کہ میں بھی آ رہا ہوں
نئے کعبے کی بنیادوں سے پوچھو
پرانے بت کدے کیوں ڈھا رہا ہوں
چراغ خانۂ درویش ہوں میں
ادھر جلتا ادھر بجھتا رہا ہوں
زہے وہ گوشۂ راحت کہ جس میں
ہجوم رنج لے کر جا رہا ہوں
نہیں کانٹے بھی کیا اجڑے چمن میں
کوئی روکے مجھے میں جا رہا ہوں
حفیظؔ اپنے پرائے بن رہے ہیں
کہ میں دل کو زباں پہ لا رہا ہوں
کس منہ سے کہہ رہے ہو ہمیں کچھ غرض نہیں
کس منہ سے تم نے وعدہ کیا تھا نباہ کا
ہوئی جاتی ہے کیوں بیتاب منزل
مسلسل چل رہا ہوں آ رہا ہوں
کمبخت دل برا ہو تری آہ آہ کا
حسن نگاہ بھی نہ رہا گاہ گاہ کا
دل لینے والی بات اسی دل سے پوچھیے
مالک یہی ہے میرے سفید و سیاہ کا
وفاداریاں سخت نادانیاں ہیں
کہ ان کے نتیجے پشیمانیاں ہیں
حضرت دل کام سے جاؤں گا میں
دل لگی میں آپ کا کیا جائے گا
مجاز عین حقیقت ہے با صفا کے لیے
بتوں کو دیکھ رہا ہوں مگر خدا کے لیے
دیکھا نہ کاروبار محبت کبھی حفیظؔ
فرصت کا وقت ہی نہ دیا کاروبار نے
زندگی کا لطف بھی آ جائے گا
زندگانی ہے تو دیکھا جائے گا
جس طرح لکڑی کو کھا جاتا ہے گھن
رفتہ رفتہ غم مجھے کھا جائے گا
ندامت ہوئی حشر میں جن کے بدلے
جوانی کی دو چار نادانیاں ہیں
حضرت دل اب نئی الفت سمجھ کر سوچ کر
اگلی باتوں پر نہ بھولیں آپ وہ باتیں گئیں
اثر میں ہو گئے کیوں سات آسماں حائل
ابھی تو ہاتھ اٹھے ہی نہیں دعا کے لیے
ہمیں تو داور محشر کو چھوڑتے ہی بنی
خطائے عشق نہ کافی ہوئی سزا کے لیے
ہوا بس ایک ہی نالے میں دم فنا اپنا
یہ تازیانہ تھا عمر گریز پا کے لیے
اسی کو راہ دکھاتا ہوں جو مٹائے مجھے
میں ہوں تو نور مگر چشم نقش پا کے لیے
حفیظؔ عازم کعبہ ہوا ہے جانے دو
اب اس پہ رحم کرو اے بتو خدا کے لیے
الٰہی ایک غم روزگار کیا کم تھا
کہ عشق بھیج دیا جان مبتلا کے لیے
الٰہی تیرے کرم سے ملے مے و معشوق
اب التجا ہے برستی ہوئی گھٹا کے لیے
یہ جانتا ہوں کہ ہے نصف شب مگر ساقی
ذرا سی چاہیئے اک مرد پارسا کے لیے
حسن بے چارہ تو ہو جاتا ہے اکثر مہرباں
پھر اسے آمادۂ بیداد کر لیتا ہوں میں
مٹنے والی حسرتیں ایجاد کر لیتا ہوں میں
جب بھی چاہوں اک جہاں آباد کر لیتا ہوں میں
مجھ کو ان مجبوریوں پر بھی ہے اتنا اختیار
آہ بھر لیتا ہوں میں فریاد کر لیتا ہوں میں
ہاں یہ ویرانہ یہ دل یہ آرزوؤں کا مزار
تم کہو تو پھر اسے آباد کر لیتا ہوں میں
بہہ گیا دل حسرتوں کے خون میں
لے گئیں بیمار کو بیماریاں
حسن نے سیکھیں غریب آزاریاں
عشق کی مجبوریاں لاچاریاں
سوچ کر غم دیجئے ایسا نہ ہو
آپ کو کرنی پڑیں غم خواریاں
تو نہیں کہتا مگر دیکھ او وفا نا آشنا
اپنی ہستی کس قدر برباد کر لیتا ہوں میں
دار کے قدموں میں بھی پہنچی نہ عقل
عشق ہی کے سر رہیں سرداریاں
جب کوئی تازہ مصیبت ٹوٹتی ہے اے حفیظؔ
ایک عادت ہے خدا کو یاد کر لیتا ہوں میں
اک طرف جنس وفا قیمت طلب
اک طرف میں اور مری ناداریاں
ہوتے ہوتے جان دوبھر ہو گئی
بڑھتے بڑھتے بڑھ گئیں بے زاریاں
خدا حافظ کسی کے راز الفت کا خدا حافظ
خیال آتے ہی اب تو دل دھڑکتا ہے فغاں ہو کر
تم نے دنیا ہی بدل ڈالی مری
اب تو رہنے دو یہ دنیا داریاں
کتاب دہر کا دلچسپ ٹکڑا ہے مری ہستی
مجھے دیکھو کہ بیٹھا ہوں مجسم داستاں ہو کر
بھر لے پیالہ خم کدۂ زیست سے حفیظؔ
خون جگر ہے سامنے چل کر خدا کے پی
کسی کے روبرو بیٹھا رہا میں بے زباں ہو کر
مری آنکھوں سے حسرت پھوٹ نکلی داستاں ہو کر
خضر کا ساتھ دیے جا قدم بڑھائے جا
فریب کھائے ہوئے کا فریب کھائے جا
پیا آب بقا اے خضر اب تاثیر بھی دیکھو
قیامت تک رہو پابند عمر جاوداں ہو کر
شراب خم سے دیے جا نشہ تبسم سے
کبھی نظر سے کبھی جام سے پلائے جا
آیا نہ ان کو عہد ملاقات کا لحاظ
ہم نے بھی کوئی چاہ نہ کی ہم بھی چپ رہے
سنا ہے اس طرف سے بھی جناب عشق گزریں گے
مری ہستی نہ اڑ جائے غبار کارواں ہو کر
اس شوخ نے نگاہ نہ کی ہم بھی چپ رہے
ہم نے بھی آہ آہ نہ کی ہم بھی چپ رہے
دیکھا کئے ہماری طرف بزم غیر میں
تجدید رسم و راہ نہ کی ہم بھی چپ رہے
تھا زندگی سے بڑھ کے ہمیں وضع کا خیال
جب عمر نے نباہ نہ کی ہم بھی چپ رہے
وہ سر خوشی دے کہ زندگی کو شباب سے بہرہ یاب کر دے
مرے خیالوں میں رنگ بھر دے مرے لہو کو شراب کر دے
خاموش ہو گئیں جو امنگیں شباب کی
پھر جرأت گناہ نہ کی ہم بھی چپ رہے
مغرور تھا کمال سخن پر بہت حفیظؔ
ہم نے بھی واہ واہ نہ کی ہم بھی چپ رہے
حقیقتیں آشکار کر دے صداقتیں بے حجاب کر دے
ہر ایک ذرہ یہ کہہ رہا ہے کہ آ مجھے آفتاب کر دے
خلاف تقدیر کر رہا ہوں پھر ایک تقصیر کر رہا ہوں
پھر ایک تدبیر کر رہا ہوں خدا اگر کامیاب کر دے
ترے کرم کے معاملے کو ترے کرم ہی پہ چھوڑتا ہوں
مری خطائیں شمار کر لے مری سزا کا حساب کر دے
یہ خواب کیا ہے یہ زشت کیا ہے جہاں کی اصلی سرشت کیا ہے
بڑا مزا ہو تمام چہرے اگر کوئی بے نقاب کر دے
کہو تو راز حیات کہہ دوں حقیقت کائنات کہہ دوں
وہ بات کہہ دوں کہ پتھروں کے جگر کو بھی آب آب کر دے
حفیظؔ سب سے بڑی خرابی ہے عشق میں لطف کامیابی
کسی کی دنیا تباہ کر دے کسی کی عقبیٰ خراب کر دے
کیا کروں کوئی نہیں احتیاج دوست کو
اور مجھ کو دوست کی احتیاج کیا کروں
کل ضرور آؤ گے لیکن آج کیا کروں
بڑھ رہا ہے قلب کا اختلاج کیا کروں
واعظ کی اب نہ مان اگر جان ہے عزیز
اس دور میں یہ چیز بہ طور اک دوا کے پی
اب وہ فکر مند ہیں کہہ دیا طبیب نے
عشق ہے جنوں نہیں میں علاج کیا کروں
مشروب جم ہی تلخئ غم کا علاج ہے
شیرینیٔ کلام ذرا سی ملا کے پی
تری نظر میں ستارے ہیں اے مرے پیارے
اڑائے جا تہ افلاک خاک اڑائے جا
یکایک وہ مریض غم کی صورت کا بدل جانا
وہ رو دینا کسی نا مہرباں کا مہرباں ہو کر
اتریں گے کس کے حلق سے یہ دل خراش گھونٹ
کس کو پیام دوں کہ مرے ساتھ آ کے پی
کبھی زمیں پہ کبھی آسماں پہ چھائے جا
اجاڑنے کے لیے بستیاں بسائے جا
نہیں عتاب زمانہ خطاب کے قابل
ترا جواب یہی ہے کہ مسکرائے جا
اناڑیوں سے تجھے کھیلنا پڑا اے دوست
سجھا سجھا کے نئی چال مات کھائے جا
محو کار دیں ہوں میں بوریا نشیں ہوں میں
راہزن نہیں ہوں میں تخت و تاج کیا کروں
غیرت رقیب کا شکوہ کر رہے ہو تم
اس معاملے میں سخت ہے مزاج کیا کروں
ماسوائے عاشقی اور کچھ کیا بھی ہو
سوجھتا ہی کچھ نہیں کام کاج کیا کروں
میں وہ بستی ہوں کہ یاد رفتگاں کے بھیس میں
دیکھنے آتی ہے اب میری ہی ویرانی مجھے
ہے ازل کی اس غلط بخشی پہ حیرانی مجھے
عشق لافانی ملا ہے زندگی فانی مجھے
زور اور زر بغیر عشق کیا کروں حفیظؔ
چل گیا ہے ملک میں یہ رواج کیا کروں
تھی یہی تمہید میرے ماتمی انجام کی
پھول ہنستے ہیں تو ہوتی ہے پشیمانی مجھے
کوئی دوا نہ دے سکے مشورۂ دعا دیا
چارہ گروں نے اور بھی دل کا درد بڑھا دیا
باندھ کر روز ازل شیرازۂ مرگ و حیات
سونپ دی گویا دو عالم کی پریشانی مجھے
حسن بے پردہ ہوا جاتا ہے یا رب کیا کروں
اب تو کرنی ہی پڑی دل کی نگہبانی مجھے
پوچھتا پھرتا تھا داناؤں سے الفت کے رموز
یاد اب رہ رہ کے آتی ہے وہ نادانی مجھے
دونوں کو دے کے صورتیں ساتھ ہی آئنہ دیا
عشق بسورنے لگا حسن نے مسکرا دیا
تھی نہ خزاں کی روک تھام دامن اختیار میں
ہم نے بھری بہار میں اپنا چمن لٹا دیا
حسن نظر کی آبرو صنعت برہمن سے ہے
جس کو صنم بنا لیا اس کو خدا بنا دیا
ذوق نگاہ کے سوا شوق گناہ کے سوا
مجھ کو بتوں سے کیا ملا مجھ کو خدا نے کیا دیا
داغ ہے مجھ پہ عشق کا میرا گناہ بھی تو دیکھ
اس کی نگاہ بھی تو دیکھ جس نے یہ گل کھلا دیا
عشق کی مملکت میں ہے شورش عقل نامراد
ابھرا کہیں جو یہ فساد دل نے وہیں دبا دیا
وہ اپنی جفاؤں کا اثر دیکھ رہے ہیں
میں معنیٔ تسلیم و رضا دیکھ رہا ہوں
کیوں ارض وطن تنگ ہے یہ بات ہی کیا ہے
اب تو فقط اک قبر کی جا دیکھ رہا ہوں
نہ کر دل جوئی اے صیاد میری
کہ فطرت ہے بہت آزاد میری
نقش وفا تو میں ہی تھا اب مجھے ڈھونڈتے ہو کیا
حرف غلط نظر پڑا تم نے مجھے مٹا دیا
مر جانے کی دھمکی ہوئی تمہید تماشا
میں نے کہا دیکھ اس نے کہا دیکھ رہا ہوں
ہے حسن یہی شے تو گماں اور نہ کیجے
سودا نہیں مطلوب ذرا دیکھ رہا ہوں
دزدیدہ نگاہوں سے کدھر دیکھ رہے ہو
کیا بات ہے! یہ آج میں کیا دیکھ رہا ہوں
قضا کا ظلم حد سے بڑھ گیا ہے
کوئی سنتا نہیں فریاد میری
خبث دروں دکھا دیا ہر دہن غلیظ نے
کچھ نہ کہا حفیظؔ نے ہنس دیا مسکرا دیا
مرے اشعار پر چپ رہنے والے
ترے حصے میں آئی داد میری
خداوندا قضا نے چھین لی ہے
مرے آغوش سے ارشادؔ میری
وہ قافلہ آرام طلب ہو بھی تو کیا ہو
آواز نفس ہی جسے آواز درا ہو
اس دار بقا میں مری صورت کوئی دیکھے
اک دم کا بھروسا ہے جو اک دم میں فنا ہو
ہر روز جو سمجھانے چلے آتے ہو ناصح
میں پوچھتا ہوں تم مجھے سمجھے ہوئے کیا ہو
مجھ کو نہ سنا خضر و سکندر کے فسانے
میرے لیے یکساں ہے فنا ہو کہ بقا ہو
خاموش ہو کیوں درد محبت کے گواہو
دعوے کو نباہو مرے نالو مری آہو
ہاں احترام کعبہ و بتخانہ چاہیے
مذہب کی پوچھیے تو جداگانہ چاہیے
رندان مے پرست سیہ مست ہی سہی
اے شیخ گفتگو تو شریفانہ چاہیے
مل جائے مے تو سجدۂ شکرانہ چاہیے
پیتے ہی ایک لغزش مستانہ چاہیے
دیوانگی ہے عقل نہیں ہے کہ خام ہو
دیوانہ ہر لحاظ سے دیوانہ چاہیے
اس زندگی کو چاہیے سامان زندگی
کچھ بھی نہ ہو تو شیشہ و پیمانہ چاہیے
حیران نہ ہو دیکھ میں کیا دیکھ رہا ہوں
بندے تری صورت میں خدا دیکھ رہا ہوں
او ننگ اعتبار دعا پر نہ رکھ مدار
او بے وقوف ہمت مردانہ چاہیے
کس طرح نہ قائل ہوں دعائے سحری کا
اس لب پہ تبسم کی ضیا دیکھ رہا ہوں
سہارا کیوں لیا تھا ناخدا کا
خدا بھی کیوں کرے امداد میری
فرشتے کیا مرتب کر سکیں گے
بہت بے ربط ہے روداد میری
کیا پابند نے نالے کو میں نے
یہ طرز خاص ہے ایجاد میری
بھلا دو مجھ کو لیکن یاد رکھنا
ستائے گی تمہیں بھی یاد میری
رہنے دے جام جم مجھے انجام جم سنا
کھل جائے جس سے آنکھ وہ افسانہ چاہیے
دوزخ کو دیجیے نہ پراگندگی مری
شیرازۂ بہشت پریشاں نہ کیجئے
شاید یہی جہاں کسی مجنوں کا گھر بنے
ویرانہ بھی اگر ہے تو ویراں نہ کیجئے
پسند آنے لگی تھی سر بلندی
یہی تھی اولیں افتاد میری
باقی ہو جو بھی حشر یہیں پر اٹھائیے
مرنے کے بعد زیست کا ساماں نہ کیجئے
کیا ناخدا بغیر کوئی ڈوبتا نہیں
مجھ کو مرے خدا سے پشیماں نہ کیجئے
مر جائیے نہ کیجئے ذکر بہشت و حور
اب خواب کو بھی خواب پریشاں نہ کیجئے
ہے بت کدے میں بھی اسے ایمان کا خیال
کیوں اعتبار مرد مسلماں نہ کیجئے
ہم سے یہ بار لطف اٹھایا نہ جائے گا
احساں یہ کیجئے کہ یہ احساں نہ کیجئے
آنکھیں سیہ مست چہرہ کتابی
بادہ شبانہ جام آفتابی
دنیا و دیں سے بیگانہ ہو جا
دیوانہ ہو جا بن جا شرابی
اسیری سے رہائی پانے والو
تمہیں پہنچے مبارک باد میری
ان کا بہانہ برجستہ گوئی
میرا تبسم حاضر جوابی
دیں دار کر کہ کافر بنا دے
یہ پردہ داری یہ بے حجابی
ہیں تخت دل پر سرکار ورنہ
تختہ الٹ دیں ہم انقلابی
ان تلخ آنسوؤں کو نہ یوں منہ بنا کے پی
یہ مے ہے خودکشید اسے مسکرا کے پی
گوارا ہے دوامی تلخ کامی
کسی میٹھی زباں والے نے مارا
آئینہ دیکھیے مری صورت نہ دیکھیے
میں آئینہ نہیں مجھے حیراں نہ کیجئے
نگاہیں کام دیتی ہیں نہ راہیں
مکان و لا مکاں والے نے مارا
بشر کو اس قفس میں تنگ کر کے
زمیں و آسماں والے نے مارا
نصیحت گر کو سمجھاؤ خدارا
کہ اس سود و زیاں والے نے مارا
حیات جاوداں والے نے مارا
زباں دے کر زباں والے نے مارا
وہ دل میں ہے دل آنکھوں میں نہاں ہے
نشاں دے کر نشاں والے نے مارا
ناکامیٔ عشق یا کامیابی
دونوں کا حاصل خانہ خرابی
کوئی حد بھی ہے تسلیم و رضا کی
مسلسل امتحاں والے نے مارا
مجھے کم ظرف کہلانا پڑے گا
متاع دو جہاں والے نے مارا
ہمیشہ کے لیے خاموش ہو کر
نئی طرز فغاں والے نے مارا
ان گیسوؤں میں شانۂ ارماں نہ کیجئے
خون جگر سے دعوت مژگاں نہ کیجئے
سوئے منزل لیے جاتا ہے ظالم
ہمیں اس کارواں والے نے مارا
تو ہی عزیز خاطر احباب ہے حفیظؔ
کیا کیجئے اگر تجھے قرباں نہ کیجئے
مستوں پہ انگلیاں نہ اٹھاؤ بہار میں
دیکھو تو ہوش ہے بھی کسی ہوشیار میں
اب وہ سکون یاس نہ وہ اضطراب شوق
سینے میں دل ہے یا کوئی لاشہ مزار میں
اب خاک اڑائیے نہ ہمارے مزار کی
اب خاک بھی نہیں ہے ہمارے مزار میں
اللہ بات کیا ہے کہ دیوانگی مری
دیوانگی نہیں نظر ہوشیار میں
تنہائی فراق میں امید بارہا
گم ہو گئی سکوت کے ہنگامہ زار میں
ابھرے جو خاک سے وہ تہ خاک ہو گئے
سب پائمال گردش افلاک ہو گئے
ہوں وادیٔ حیات میں اس طرح سست گام
جیسے ہو پا شکستہ کوئی خار زار میں
تھے دیدہ ہائے خشک محبت کی آبرو
کم بخت ان کے سامنے نمناک ہو گئے
ایسا بھی کیا مزاج قیامت کا دن ہے آج
پیش خدا تم اور بھی بیباک ہو گئے
وہ عندلیب گلشن معنی ہوں میں حفیظؔ
سوز سخن سے آگ لگا دوں بہار میں
عشق میں چھیڑ ہوئی دیدۂ تر سے پہلے
غم کے بادل جو اٹھے تو یہیں پر سے پہلے
آتے ہی بزم وعظ سے چلتے بنے حفیظؔ
دو حرف سن کے صاحب ادراک ہو گئے
دل کو اب آنکھ کی منزل میں بٹھا رکھیں گے
عشق گزرے گا اسی راہ گزر سے پہلے
رکھتی تھی لاگ میرے گریباں سے نو بہار
دامن گلوں کے باغ میں کیوں چاک ہو گئے
اب جہنم میں لیے جاتی ہے دل کی گرمی
آگ چمکی تھی یہ اللہ کے گھر سے پہلے
ہاتھ رکھ رکھ کے وہ سینے پہ کسی کا کہنا
دل سے درد اٹھتا ہے پہلے کہ جگر سے پہلے
وہ ہر اک وعدے سے انکار بہ طرز اقرار
وہ ہر اک بات پہ ہاں لفظ مگر سے پہلے
کچھ محتسب کا خوف ہے کچھ شیخ کا لحاظ
پیتا ہوں چھپ کے دامن ابر بہار میں
وہ سامنے دھری ہے صراحی بھری ہوئی
دونوں جہاں ہیں آج مرے اختیار میں
جھوٹی تسلیوں سے نہ بہلاؤ جاؤ جاؤ
جاؤ کہ تم نہیں ہو مرے اختیار میں
میرے قصے پہ وہی روشنی ڈالے شاید
شمع کم مایہ جو بجھتی ہے سحر سے پہلے
دل نہیں ہارتے یوں بازیٔ الفت میں حفیظؔ
کھیل آغاز ہوا کرتا ہے سر سے پہلے
کچھ سمجھ دار تو ہیں نعش اٹھانے والے
لے چلے ہیں مجھے اس راہ گزر سے پہلے
چاک دامانیٔ گل کا ہے گلہ کیا بلبل
کہ الجھتا ہے یہ خود باد سحر سے پہلے
یہاں جز کشتیٔ موج بلا کچھ بھی نہ پاؤ گے
اسی کے آسرے دریائے ہستی سے اتر جانا
حباب آ سامنے سب ولولے جوش جوانی کے
غضب تھا قلزم امید کا چڑھ کر اتر جانا
اٹھو اب دیر ہوتی ہے وہاں چل کر سنور جانا
یقینی ہے گھڑی دو میں مریض غم کا مر جانا
سیکھ دنیا ہی میں زاہد حور سے ملنے کے ڈھنگ
ورنہ روئے گا کہ جنت میں بھی رسوائی ہوئی
مجھے ڈر ہے گلوں کے بوجھ سے مرقد نہ دب جائے
انہیں عادت ہے جب آنا ضرور احسان دھر جانا
حفیظؔ آغاز سے انجام تک رہزن نے پہنچایا
اسی کو ہم سفر پایا اسی کو ہم سفر جانا
ترے دل میں بھی ہیں کدورتیں ترے لب پہ بھی ہیں شکایتیں
مرے دوستوں کی نوازشیں مرے دشمنوں کی عنایتیں
خانۂ دل میں کسی پردہ نشیں کی آرزو
آرزو کیا ہے دلہن بیٹھی ہے شرمائی ہوئی
عشق ہے اپنی وفاؤں سے بھی شرمایا ہوا
عقل ہے اپنی خطاؤں پر بھی اترائی ہوئی
موت کے چہرے پہ ہے کیوں مردنی چھائی ہوئی
دیکھنا کون آ گیا کیوں ٹل گئی آئی ہوئی
کوئی بدلی تو نہیں ابھری افق پر دیکھنا
پھر فضائے توبہ پر ہے بے دلی چھائی ہوئی
مبادا پھر اسیر دام عقل و ہوش ہو جاؤں
جنوں کا اس طرح اچھا نہیں حد سے گزر جانا
یہ ہے طرفہ صورت دوستی کہ نگاہ دل ہمہ برف ہیں
نہ وہ بادہ ہے نہ وہ ظرف ہیں نہ وہ حرف ہیں نہ حکایتیں
کاش اس مصرع کا تم کو پاس ہوتا اے حفیظؔ
یہ بہار آئی ہوئی ایسی گھٹا چھائی ہوئی
ترا نام لیتے ہی اے خدا میں صنم کدے سے نکل چکا
رہیں کاش تا در مصطفی مری رہنما تری آیتیں
یہ اور دور ہے اب اور کچھ نہ فرمائے
مگر حفیظؔ کو یہ بات کون سمجھائے
ترے آستاں سے کشاں کشاں لئے جا رہی ہیں کہاں کہاں
مرے ناصحوں کی ہدایتیں ترے واعظوں کی روایتیں
یہی ربط و ضبط غم و الم تری رائے میں کبھی خوب تھے
وہ یہی تو میرے عیوب تھے جنہیں دی گئی تھیں رعایتیں
آنے والے کسی طوفان کا رونا رو کر
نا خدا نے مجھے ساحل پہ ڈبونا چاہا
عذاب قبر سے بد تر سہی حیات حفیظؔ
یہ جبر ہے تو بجز صبر کیا کیا جائے
پری رخوں کی زباں سے کلام سن کے مرا
بہت سے لوگ مری شکل دیکھنے آئے
وفا کا جوش تو کرتا چلا گیا مدہوش
قدم قدم پہ مجھے دوست ہوش میں لائے
پھر پند و نصیحت کے لیے آنے لگے دوست
وہ دوست جو کرتے نہیں امداد کسی کی
بہشت میں بھی ملا ہے مجھے عذاب شدید
یہاں بھی مولوی صاحب ہیں میرے ہمسائے
مرتے مرتے بھی توقع رہی دل داری کی
رکھ کے سر زانوئے تقدیر پہ سونا چاہا
عشق نے حسن کی بیداد پہ رونا چاہا
تخم احساس وفا سنگ میں بونا چاہا
پھر خاک اڑاتے ہوئے پھرتے ہیں بگولے
پھر دشت میں مٹی ہوئی برباد کسی کی
پھر دے کے خوشی ہم اسے ناشاد کریں کیوں
غم ہی سے طبیعت ہے اگر شاد کسی کی
پھر میں بھی کروں کیوں نہ حفیظؔ اس پہ تسلط
جاگیر نہیں طبع خدا داد کسی کی
پھر شہر میں چرچا ہے نئی سنگ زنی کا
اخبار میں پھر درج ہے روداد کسی کی
پھر باب اثر کا کوئی رستہ نہیں ملتا
پھر بھٹکی ہوئی پھرتی ہے فریاد کسی کی
سنگ دل کیوں نہ کہیں بت کدے والے مجھ کو
میں نے پتھر کا پرستار نہ ہونا چاہا
امید نے بھی یاس کے مردوں کو پکارا
آئی کوئی آواز نہ دل سے نہ جگر سے
حضرت شیخ نہ سمجھے مرے دل کی قیمت
لے کے تسبیح کے رشتے میں پرونا چاہا
خورشید قیامت کی ادا دیکھ رہا ہوں
ملتی ہوئی صورت ہے مرے داغ جگر سے
وہ ابر جو مے خوار کی تربت پہ نہ برسے
کہہ دو کہ خدارا کبھی گزرے نہ ادھر سے
خطرے میں ہیں کچھ دن سے حفیظؔ اہل دو عالم
ہر شب مرے نالوں کی لڑائی ہے اثر سے
ناصح کو بلاؤ مرا ایمان سنبھالے
پھر دیکھ لیا اس نے اسی ایک نظر سے
ایک ایک قدم پر ہے جہاں خندۂ تقدیر
تدبیر گزرتی ہے اسی راہ گزر سے
اتنا تو ہوا آہ شب غم کے اثر سے
فطرت کا جگر پھوٹ بہا چشم سحر سے
کچھ شان کریمی نے اس انداز سے تولا
بھاری ہی رہا دیدۂ تر دامن تر سے
تیری دنیا میں آئے بہت دن رہے
سکھ یہ پایا کہ ہم نے بہت دکھ سہے
اے خندۂ گلشن یہ ہے انجام شب عیش
گل روتے ہیں نہ منہ ڈھانپ کے دامان سحر سے
عالم نزع میں سن رہا ہوں میں کیا
یہ عزیزوں کی چیخیں ہیں یا قہقہے
خون بن کر مناسب نہیں دل بہے
دل نہیں مانتا کون دل سے کہے
بلبلیں گل کے آنسو نہیں چاٹتیں
ان کو اپنے ہی مرغوب ہیں چہچہے
ہائے کس درد سے کی ضبط کی تلقین مجھے
ہنس پڑے دوست جو میں نے کبھی رونا چاہا
دیدۂ تر سے بھی سرزد ہوا اک جرم عظیم
حشر میں نامۂ اعمال کو دھونا چاہا
جنس شہرت بہت ارزاں تھی مگر میں نے حفیظؔ
دولت درد کو بے کار نہ
پھر رنج و الم کو ہے کسی کا یہ اشارہ
اجڑی ہوئی بستی کرو آباد کسی کی
کوئی مذکور نہ تھا غیر کا لیکن تم نے
باتوں باتوں میں یہ نشتر بھی چبھونا چاہا
تم حفیظؔ اب گھسٹنے کی منزل میں ہو
دور ایام پہیہ ہے غم ہیں پہے
پھر لطف خلش دینے لگی یاد کسی کی
پھر بھول گئی یاد کو بیداد کسی کی
چلے تھے ہم کہ سیر گلشن ایجاد کرتے ہیں
کہ اتنے میں اجل آ کر پکاری یاد کرتے ہیں
ہجوم آرزو سے شہر دل آباد کرتے ہیں
ہم اپنی خاک اپنے ہاتھ سے برباد کرتے ہیں
اس نئے حسن کی بھی اداؤں پہ ہم
مر مٹیں گے بشرطیکہ زندہ رہے
ہمیں تو کار پردازان قدرت کھیل سمجھے ہیں
کبھی آباد کرتے ہیں کبھی برباد کرتے ہیں
حفیظؔ اپنی طبیعت پر مجھے خود رشک آتا ہے
مرے اشعار پر حضرت ہمیشہ صاد کرتے ہیں
دور رفتہ دیکھ لیتا ہوں گلستاں دیکھ کر
گل کو خنداں دیکھ کر بلبل کو گریاں دیکھ کر
طرف داری نہ کر انصاف کر اے داور محشر
سزا دے ان بتوں کو ورنہ ہم فریاد کرتے ہیں
کبھی تو رنگ لائے گا کبھی تو گل کھلائے گا
ہم اپنا خون صرف گلشن ایجاد کرتے ہیں
کسی امید پر زندہ رہوں یا گھٹ کے مر جاؤں
وہ کیا کہتے ہیں اے قاصد وہ کیا ارشاد کرتے ہیں
ناخدا پر مطمئن تھے بندگان ناخدا
اب خدا یاد آ رہا ہے موج طوفاں دیکھ کر
سنگ دل سمجھا برہمن شیخ سمجھے حد مذاق
ہنس پڑے دونوں مجھے اب تک مسلماں دیکھ کر
شکوہ فرماتے ہی الٹی منتیں کرنی پڑیں
دل پشیماں ہو گیا ان کو پشیماں دیکھ کر
دور سے آنکھیں دکھاتی ہے نئی دنیا مجھے
گلشن ہستی نظر آتا ہے اک صحرا مجھے
عقل کی وادی میں ہوں گم کردۂ مقصود عشق
ڈھونڈھتا ہوں اور نہیں ملتا کوئی رستا مجھے
شوق میرا طالب دیدار ہو جاتا اگر
دیکھتا موسیٰؔ مجھے سینا مجھے جلوا مجھے
اس مشقت گاہ میں راحت کا یہ گوشہ حفیظؔ
دیکھ لو اور خوش رہو گور غریباں دیکھ کر
جلوۂ حسن کو محروم تماشائی کر
بے نیازی صفت لالۂ صحرائی کر
شاعری کیا کفش بردار گرامی ہوں حفیظؔ
بے کمالی کے سوا کوئی نہیں دعویٰ مجھے
میں تو مجبور ہوں عادت سے کہے جاؤں گا
تو کوئی بات نہ سن اور نہ پذیرائی کر
یہ بھی اک دھوکا تھا نیرنگ طلسم عقل کا
اپنی ہستی پر بھی ہستی کا ہوا دھوکا مجھے
ہم تری صورت انکار کو پہچانتے ہیں
وہ تبسم تو شریک لب گویائی کر
ہاں بڑے شوق سے شمشیر کے اعجاز دکھا
ہاں بڑے شوق سے دعوائے مسیحائی کر
اپنے بیمار کی یہ آخری امید بھی دیکھ
ملک الموت سے کہتا ہے مسیحائی کر
عشق کے ہاتھوں یہ ساری عالم آرائی ہوئی
عشق کے ہاتھوں قیامت بھی ہے اب آئی ہوئی
کر لیا ہے عقد اردوئے معلیٰ سے حفیظؔ
قلعۂ دہلی سے آئی تھی یہ ٹھکرائی ہوئی
مجھ کو لے جا کے در یار پہ قاصد نے کہا
خامہ فرسائی نہ کر ناصیہ فرسائی کر
اللہ اللہ کیا ہوا انجام کار آرزو
توبہ توبہ کس قدر ہنگامہ آرائی ہوئی
چھوڑ بھی یہ سلسلہ او نامراد انتظار
موت بیٹھی ہے تیرے بالیں یہ اکتائی ہوئی
مزید شاعری پڑھیے اور دوسرے شعراء کو دریافت کیجیے۔