مکمل شاعری

آج بھی پایا ہے ان کو بد مزاج

صورت حالات ابھی اچھی نہیں

بے تعلق زندگی اچھی نہیں

زندگی کیا موت بھی اچھی نہیں

میں نہ کہتا تھا دل خانۂ خراب

دلبروں سے دل لگی اچھی نہیں

حسرت دل دیکھ آنکھوں میں نہ بیٹھ

اس قدر بے پردگی اچھی نہیں

دل لگاؤ تو لگاؤ دل سے دل

دل لگی ہی دل لگی اچھی نہیں

یہ ہوا یہ ابر یہ سبزہ حفیظؔ

آج پینے میں کمی اچھی نہیں

سیر کیجے حسن کے بازار کی

ہاں مگر آوارگی اچھی نہیں

— حفیظ جالندھری