مکمل شاعری
میرے مقلدوں کو مری راہ شوق میں
ہر گام پر نشان ملا سجدہ گاہ کا
چھیڑو نہ میٹھی نیند میں اے منکر و نکیر
سونے دو بھائی میں تھکا ماندہ ہوں راہ کا
پیش خدا چلو تو مزہ جب ہے اے حفیظؔ
نعرہ ہو لب پہ اشہد ان لا الہ کا
دل سا گواہ حشر میں آ کر پھسل گیا
اب رحم پر معاملہ ہے داد خواہ کا
کس منہ سے کہہ رہے ہو ہمیں کچھ غرض نہیں
کس منہ سے تم نے وعدہ کیا تھا نباہ کا
کمبخت دل برا ہو تری آہ آہ کا
حسن نگاہ بھی نہ رہا گاہ گاہ کا
دل لینے والی بات اسی دل سے پوچھیے
مالک یہی ہے میرے سفید و سیاہ کا
— حفیظ جالندھری