مکمل شاعری
سچ تو یہ ہے صنم کدے والو
دل خدا نے تمہیں دیا ہی نہیں
کیا چلے زور دشت وحشت کا
ہم نے دامن کبھی سیا ہی نہیں
واسطہ کس کا دیں حفیظؔ ان کو
ان بتوں کا کوئی خدا ہی نہیں
قصۂ قیس سن کے فرمایا
جھوٹ کی کوئی انتہا ہی نہیں
عشق میرا ہے شہر میں مشہور
اور تم نے ابھی سنا ہی نہیں
اس کی صورت کو دیکھتا ہوں میں
میری سیرت وہ دیکھتا ہی نہیں
دوستی کا چلن رہا ہی نہیں
اب زمانے کی وہ ہوا ہی نہیں
غیر بھی ایک دن مریں گے ضرور
ان کے حصے میں کیا قضا ہی نہیں
پلٹ آنے سے ہو گیا ثابت
نامہ بر تو وہاں گیا ہی نہیں
حال یہ ہے کہ ہم غریبوں کا
حال تم نے کبھی سنا ہی نہیں
— حفیظ جالندھری