شاعر کی معلومات لوڈ ہو رہی ہیں...
دیکھیے اہل محبت ہمیں کیا دیتے ہیں
کوچۂ یار میں ہم کب سے صدا دیتے ہیں
شاعر کی معلومات لوڈ ہو رہی ہیں...
Tabish Dehlvi
1911 – 2004
Tabish Dehlvi (1911–2004) was an Indian Urdu poet and writer, renowned for his contributions to classical Urdu literature. Born in Delhi, he was part of a rich literary tradition and grew up surrounded by the culture of the Mughal Empire. His poetry, which includes ghazals and other forms, often reflected themes of love, loss, and beauty. Dehlvi was deeply influenced by the cultural and intellectual atmosphere of pre-partition Delhi, and his work continued to resonate in post-independence India. He also worked as a journalist and was associated with several literary publications. Known for his refined style and mastery of the Urdu language, Dehlvi's work earned him recognition among the literary elites of his time. His contributions to Urdu poetry and literature have left a lasting impact, and he is remembered as one of the important figures of the Urdu literary renaissance.
ان کے کلام کے چند منتخب اشعار پڑھیے۔
دیکھیے اہل محبت ہمیں کیا دیتے ہیں
کوچۂ یار میں ہم کب سے صدا دیتے ہیں
ساتھ چلتا ہے کوئی اور بھی سوئے منزل
مجھ کو دھوکا مرے نقش کف پا دیتے ہیں
منزل شمع تک آسان رسائی ہو جائے
اس لیے خاک پتنگوں کی اڑا دیتے ہیں
سوئے صحرا بھی ذرا اہل خرد ہو آؤ
کچھ بہاروں کا پتا آبلہ پا دیتے ہیں
مجھ کو احباب کے الطاف و کرم نے مارا
لوگ اب زہر کے بدلے بھی دوا دیتے ہیں
زندگی مرگ مسلسل ہے مگر اے تابشؔ
ہائے وہ لوگ جو جینے کی دعا دیتے ہیں
ترا وصال تو کس کو نصیب ہے لیکن
ترے فراق کا عالم بھی کس نے دیکھا ہے
روز خوشبو تری لاتے ہیں صبا کے جھونکے
اہل گلشن مری وحشت کو ہوا دیتے ہیں
نفس کی زد پہ ہر اک شعلۂ تمنا ہے
ہوا کے سامنے کس کا چراغ جلتا ہے
ابھی ہیں قرب کے کچھ اور مرحلے باقی
کہ تجھ کو پا کے ہمیں پھر تری تمنا ہے
سب نے مجھ ہی کو در بدر دیکھا
بے گھری نے مرا ہی گھر دیکھا
کہیں موج نمو رکی تو نہیں
شاخ سے پھول توڑ کر دیکھا
بند آنکھوں سے دیکھ لی دنیا
ہم نے کیا کچھ نہ دیکھ کر دیکھا
کسی مسکین کا گھر کھلتا ہے
یا کوئی زخم نظر کھلتا ہے
اب نمو پائیں گے دلوں کے زخم
ہم نے اک پھول شاخ پر دیکھا
خود بھی تصویر بن گئی نظریں
ایک صورت کو اس قدر دیکھا
دیکھنا ہے کہ طلسم ہستی
کس سے کھلتا ہے اگر کھلتا ہے
میکشوں کا یہ طلوع اور غروب
مے کدہ شام و سحر کھلتا ہے
پھول دیکھا ہے کہ دیکھا ہے چمن
حسن سے حسن نظر کھلتا ہے
داؤ پر دیر و حرم دونوں ہیں
دیکھیے کون سا گھر کھلتا ہے
چھوٹی پڑتی ہے انا کی چادر
پاؤں ڈھکتا ہوں تو سر کھلتا ہے
چاہیئے صرف ہمت پرواز
باغ تو بال و پر میں رکھا ہے
ہم نے حسن ہزار شیوہ کو
جلوہ جلوہ نظر میں رکھا ہے
اک ہیولیٰ ہے گھر خرابی کا!
ورنہ کیا خاک گھر میں رکھا ہے
منزلوں کو نظر میں رکھا ہے
جب قدم رہ گزر میں رکھا ہے
رات دن دھوپ چھاؤں کا عالم
کیا تماشا نظر میں رکھا ہے
میری ہمت نے اپنی منزل کا
فاصلہ رہ گزر میں رکھا ہے
بند کر لیتا ہوں آنکھیں تابشؔ
باب نظارہ مگر کھلتا ہے
حرم و دیر سے الگ ہم نے
ابھی اک سجدہ سر میں رکھا ہے
اللہ رے انتظار بہاراں کی لذتیں
گزری ہے یوں خزاں بھی کہ دن ہوں بہار کے
سرگشتۂ الم ہو کہ شوریدہ سر کوئی
احساں ہیں اہل شوق پہ دیوار یار کے
شرمندہ ہم جنوں سے ہیں ایک ایک تار کے
کیا کیجیئے کہ دن ہیں ابھی تک بہار کے
اے عمر شوق دیکھیے ملتا ہے کیا جواب
ہم نے کسی کا نام لیا ہے پکار کے
ہم تھے اور اعتماد فصل بہار
شاخ شاخ اپنا آشیانہ تھا
کاش دل ہی ذرا ٹھہر جاتا
گردشوں میں اگر زمانہ تھا
وہ بہاریں بھی ہم پہ گزری ہیں
جب قفس تھا نہ آشیانہ تھا
دل کی امیدواریاں نہ گئیں
اس کرم کا کوئی ٹھکانہ تھا
ہر روز اک آوازہ انا الحق کا لگائیں
دیکھیں تو کہ ہے سلسلۂ دار کہاں تک
تابشؔ سکون درد سے تسکین مرگ تک
دل ہو اگر تو لاکھ ہیں پہلو قرار کے
ہمہ تن گوش اک زمانہ تھا
میرے لب پر ترا فسانہ تھا
آئینہ در آئینہ در آئینہ ترا حسن
حیراں ہوں ترے طالب دیدار کہاں تک
صبح سے پہلے بجھ گیا تابشؔ
ایک دل ہی چراغ خانہ تھا
لاکھ منزل سے ہوں آگے پھر ی اے جوش طلب
مڑکے دیکھوں تو کہ میںخر کہاں تک آ گیا
تابشؔ ہوس لذت آزار کہاں تک
راحت سے یہ غم پھر بھی مرے یار کہاں تک
ہیں اس کے تعلق سے عزیز اہل جہاں بھی
لے جائے گی آخر ہوس یار کہاں تک
پھیلی ہوئی ہر سمت کڑی دھوپ ہے تابشؔ
جائے گا کوئی سایۂ دیوار کہاں تک
ہر راستے سے منزل ہستی ہے بہت دور
جائے گا مرے ساتھ غم یار کہاں تک
باغ میں جوشِ بہار آخر یہاں تک آ گیا
بڑھتے بڑھتے شعلہ گُل آشیاں تک آ گیا
اس کے آگے اب ایر کارواں کام ہی
گرتا پڑتا میں سواد کارواں تک آگیا
اپنی برق حسن کو اب تو بروئے کار لا
دست شوق آخر حجاب درمیاں تک آگیا
ہوتی ہی نہیں صبح قیامت بھی نمودار
جاگیں گے شب ہجر کے بیمار کہاں تک
ہاں طعنہ اغیار کے نشتر ہی سے کھل جائے
اک زخم رہے گا لب گفتار کہاں تک
اک جہاں اس حادثہ سے بے خرب ہے اور یہاں
دل میں ڈوبا نشترغم اور جاں تک آ گیا
میں کہ مشت پر ہوں تابشؔ محو گلشن ہوں تو کیا
اس فریب رنگ وبو میں باغباں تک آگیا
سب غم کہیں جسے کہ تمنا کہیں جسے
وہ اضطراب شوق ہے ہم کیا کہیں جسے
ہے جہد منفرد سبب کاروبار دہر
اک اضطراب قطرہ ہے دریا کہیں جسے
پھر بھی آہ زیرلب کے ماسوا کچھ بھی نہیں
قصۂ غم یوں تو کہنے کو زباں تک آگیا
پہلے حیات شوق تھی اللہ رے انقلاب
اب اعتبار غم ہے تمنا کہیں جسے
ملتا نہیں ہے اہل جنوں کا کوئی سراغ
بس ایک نقش پا ہے کہ صحرا کہیں جسے
کچھ کم نگاہیاں ہیں تجلی کی آڑ سے
ایسی بھی اک نگاہ تماشا کہیں جسے
ہے میرے کائنات تصور کا اک فریب
وہ جلوۂ خیال کہ دنیا کہیں جسے
تنہائی خیال سے تابشؔ یہ حال ہے
ایسا کوئی نہیں کہ ہم اپنا کہیں جسے
ٹوٹ کر عہد تمنا کی طرح
معتبر ہم رہے فردا کی طرح
شوق منزل تو بہت ہے لیکن
چلتے ہیں نقش کف پا کی طرح
دیکھ کر حال پریشاں اپنا
ہم بھی ہنس لیتے ہیں دنیا کی طرح
کبھی پایاب کبھی طوفانی
ہم بھی ہیں دشت کے دریا کی طرح
محفل ناز میں رہئے لیکن
دیکھیے چشم تماشا کی طرح
جا ملیں گے کبھی گلزاروں سے
پھیلتے جائیں گے صحرا کی طرح
اپنے دشمن سے ہوں واقف تابشؔ
کسی دیرینہ شناسا کی طرح
ہوتا ہے فاش گریۂ پیہم سے راز عشق
اے شمع راز داریٔ پروانہ چاہئے
ذوق عبودیت ہے تعین سے بے نیاز
ہم صورت جبیں در جانانہ چاہئے
پابندیٔ حدود سے بیگانہ چاہئے
داماں بقدر وحشت دیوانہ چاہئے
بزم نیاز عشق میں ہوں آشنائے ہوش
بے پردہ آج پھر رخ جانانہ چاہئے
دشت جاں میں ایک خوشی کی لہر کہاں تک دوڑے گی
وصل کے اک اک لمحے کو ہم کیوں کر ماہ و سال کریں
تابشؔ غم حیات ہی وجہ نشاط ہے
ہر ایک داغ صورت پیمانہ چاہئے
اے ذوق عجز جلوہ گہہ یار ہے قریب
پائے طلب میں لغزش مستانہ چاہئے
جان سے بڑھ کر دل ہے پیارا دل سے زیادہ جان عزیز
درد محبت کا اک تحفہ کس کس کو ارسال کریں
دھومیں مچائیں سبزہ روندیں پھولوں کو پامال کریں
جوش جنوں کا یہ عالم ہے اب کیا اپنا حال کریں
روح کی ایک اک چوٹ ابھاریں دل کا ایک اک زخم دکھائیں
ہم سے ہو تو نمایاں کیا کیا اپنے خد و خال کریں
ننگ کرم ہے سوز الم سے اہل دل کی محرومی
درد عشق متاع جاں ہے صاحب کچھ تو خیال کریں
قرض بھلا کیا دے گا کوئی بھیک بھی ملنی مشکل ہے
ناداروں کی اس بستی میں کس سے جا کے سوال کریں
موسم بدلے پھر بھی ہے آشوب وصال و ہجر وہی
حال زمانے کا جب یہ ہو کیا ماضی کیا حال کریں
جوش طلب ہی موجب درماندگی نہ ہو
منزل ہے دور اور قدم تیز ابھی سے ہے
ہر اک درد کو اپنا جانیں ہر اک غم کو اپنائیں
خواہ کسی کی دولت غم ہو دل کو مالا مال کریں
کیا ارتباط حسن و محبت کی ہو امید
وہ جان شوق ہم سے کم آمیز ابھی سے ہے
آغاز گل ہے شوق مگر تیز ابھی سے ہے
یعنی ہوائے باغ جنوں خیز ابھی سے ہے
پہلی ہی ضرب تیشہ سے کوہ گراں ہے چور
حسرت مآل سطوت پرویز ابھی سے ہے
بے ہنری کو ہنر کرے یہ اہل ہنر کا دشمن ہے
چرخ کج رفتار ہے آخر تابشؔ ہم بھی خیال کریں
یہ ابتدائے شوق یہ پر شوق دل مرا!
اک جام آتشیں ہے کہ لبریز ابھی سے ہے
کیا جانے میکشوں کا ہو کیا حشر صبح تک
ساقی کی ہر نگاہ دل آویز ابھی سے ہے
تابشؔ بھری بہار میں کوئی بچھڑ گیا
اب کے چمن میں بوئے خزاں تیز ابھی سے ہے
ترتیب کارواں میں بہت دیر ہے مگر
آوازۂ جرس ہے کہ مہمیز ابھی سے ہے
ایک جلوہ بصد انداز نظر دیکھ لیا
تجھ کو ہی دیکھا کئے تجھ کو اگر دیکھ لیا
باز ہے آج تلک دیدۂ حیراں کی طرح
دشت وحشت نے کسے خاک بسر دیکھ لیا
جیسے سر پھوڑ کے مل جائے گی زنداں سے نجات
کیا جنوں نے کوئی دیوار میں در دیکھ لیا
صورت نقش قدم دیدۂ مشتاق ہیں ہم
جب بھی وہ آیا سر راہ گزر دیکھ لیا
کہیں پردہ ہے تجلی کہیں جلوہ ہے حجاب
یہ تماشا بھی ترا ذوق نظر دیکھ لیا
جرم نظارہ کی پاتا ہے سزا دل اب تک
اہل دل دیکھ لیا اہل نظر دیکھ لیا
سوز پرور نگاہ رکھتے ہیں
ہم نظر میں بھی آہ رکھتے ہیں
اس ہجوم تجلیات میں ہم
حسرت یک نگاہ رکھتے ہیں
یہ تعلق جہاں سے کافی ہے
آپ سے رسم و راہ رکھتے ہیں
ہم حجابات سے نہیں مایوس
جلوہ پیش نگاہ رکھتے ہیں
روز اک تازہ غم دہر ہے نازل تابشؔ
ایک طوفان بلا نے مرا گھر دیکھ لیا
بخش دے گا وہ بخشنے والا
بس یہ عذر گناہ رکھتے ہیں
کوئی عالم ہو حضرت تابشؔ
کج ہمیشہ کلاہ رکھتے ہیں
غم وسیلہ ہے اور تو مقصود
ہم یہ منزل یہ راہ رکھتے ہیں
کشاکش غم آزادیٔ و اسیری میں
ہر آشیاں پہ کوئی عالم قفس گزرا
یہ مصلحت کہ کہیں دہر ہے کہیں فردوس
وہی جو عالم دل ہم پہ ہم نفس گزرا
عجب نہیں کہ حیات دوام بھی بخشے
وہ ایک لمحۂ فرقت جو اک برس گزرا
ہجوم جلوہ و نیرنگیٔ تمنا سے
تمام موسم گل موسم ہوس گزرا
بند غم مشکل سے مشکل تر کھلا
ہم سے جب کوئی پری پیکر کھلا
دیکھنے میں وہ نگاہ لطف تھی
کس سے پوچھیں زخم دل کیوں کر کھلا
ایک جلوہ دکھا نہیں سکتے
وہ جو اک جلوہ گاہ رکھتے ہیں
میری وحشت نے نکالے جب سے پاؤں
ایک صحرا صحن کے اندر کھلا
مل گئی وحشی کو سودا سے نجات
در کھلا دیوار میں یا سر کھلا
غم مآل رہا عرض شوق سے پہلے
اس ایک بات پہ کیا کیا نہ پیش و پس گزرا
ہر اک داغ دل شمع ساں دیکھتا ہوں
تری انجمن ضو فشاں دیکھتا ہوں
نو امیدی سے بندھی تابشؔ امید
ابر غم دل پر بہت گھر کر کھلا
کوئی جادہ ہے نہ منزل ہے کوئی
سب فریب راہی و رہبر کھلا
یہ زلیخائی! کہ یوسف کے لئے
مصر کا بازار ہے گھر گھر کھلا
ہے قیامت اس کی مژگاں کا خیال
رکھ دیا ہے دل میں اک نشتر کھلا
عذاب ٹوٹے دلوں کو ہر اک نفس گزرا
شکستہ پا تھے گراں مژدۂ جرس گزرا
رہ طلب میں ہیں در ماندہ راہبر تابشؔ
یہی ہے حال تو یہ قافلہ بھی بس گزرا
فریب تصور ہے قید قفس ہے
ہر اک شاخ پر آشیاں دیکھتا ہوں
جاں ستانی کے نئے انداز ہیں
ہاتھ میں غمزے کے ہے خنجر کھلا
تعین سے آزاد ہیں میرے سجدے
جبیں پر ترا آستاں دیکھتا ہوں
میں راہ طلب کا ہوں پسماندہ رہرو
غبار رہ کارواں دیکھتا ہوں
پلا کر مجھے محرم ہوش رکھا
یہ اعجاز پیر مغاں دیکھتا ہوں
باندازۂ ذوق ایذا پسندی
اسے آج میں مہرباں دیکھتا ہوں
یوں نقاب رخ مقابل سے اٹھی
چشم صد نظارہ مشکل سے اٹھی
بازگشت شور غرقابی سہی
کوئی تو آواز ساحل سے اٹھی
قافلے ہیں کتنے درماندہ خرام
گرد راہوں سے نہ منزل سے اٹھی
مری زندگی محرم غم ہے تابشؔ
نفس کو بہ رنگ فغاں دیکھتا ہوں
سر سے بھی گزری ہے طوفاں کی طرح
جب بھی کوئی موج خوں دل سے اٹھی
چشم نظارہ سے مانند حجاب
تہمت نظارہ مشکل سے اٹھی
شرمندہ ہم جنوں سے ہیں ایک ایک تار کے
کیا کیجیے کہ دن ہیں ابھی تک بہار کے
اے عمر شوق دیکھیے ملتا ہے کیا جواب
ہم نے کسی کا نام لیا ہے پکار کے
تھام کر دل کیا اٹھے ارباب درد
اک قیامت تیری محفل سے اٹھی
سرگشتۂ الم ہو کہ شوریدہ سر کوئی
احساں ہیں اہل شوق پہ دیوار یار کے
بہت جبین و رخ و لب بہت قد و گیسو
طلب ہے شرط سکوں کے ہزار ہا پہلو
ہزار دشت بلا حلقۂ اثر میں ہیں
مرا جنوں ہے کہ چشم غزال کا جادو
اللہ رے انتظار بہاراں کی لذتیں
گزری ہے یوں خزاں بھی کہ دن ہوں بہار کے
جو بے خودی ہے سلامت تو مل ہی جائے گا
برائے فرصت اندیشہ یار کا زانو
تابشؔ سکون درد سے تسکین مرگ تک
دل ہو اگر تو لاکھ ہیں پہلو قرار کے
یہی حسرت ہے کہ وہ ایک نظر دیکھ تو لے
اور اس نے کبھی اس سمت اگر دیکھ لیا
نعمت کا اعتبار ہے حسن قبول سے
عشرت بھی ایک غم ہے گوارا کہیں جسے
صبا ہزار کرے بوئے گل کی آمیزش
نہ دب سکے گی ترے جسم ناز کی خوشبو
اک اضطراب حسیں ہے فشار تنگیٔ مے
کنار شوق میں تو ہے کہ دام میں آہو
ہم نے اس نے ہزار شیوہ کو
کتنی نظروں سے اک نظر دیکھا
مے و مستی نہیں ہے اس پہ حرام
میکدے میں جو ہوش مند رہے
یہ راز کھول دیا تیری کم نگاہی نے
سکوں کی ایک نظر درد کے بہت پہلو
چشم عقدہ کشا سے بھی نہ کھلے
ہم کچھ اس طرح بند بند رہے
غم پہ غم مجھے دے کر غم سے کر دیا محروم
کیا ملا زمانے کو صبر آزما ہو کر
بر سر دار ہم سہی لیکن
حرف حق کی طرح بلند رہے
رنج عیش ہے باقی اب نہ عیش غم تابشؔ
کچھ خبر نہیں مجھ کو رہ گیا ہوں کیا ہو کر
جنوں اور اہل جنوں کا وہ قحط ہے تابشؔ
اٹھا نہ دشت سے پھر کوئی نعرۂ یاہو
زیر لب رہا نالہ درد کی دوا ہو کر
آہ نے سکوں بخشا آہ نارسا ہو کر
ہم ہیں رہبر سے دو قدم آگے
حوصلے شوق سے دو چند رہے
بہت ہے اہل بصیرت کو ایک جلوہ بھی
وفور تشنہ لبی ہو اگر تو خم ہے سبو
ہو چکے ہیں سل بازو ہے نہ ہمت پرواز
ہم رہا نہ ہو پائے قید سے رہا ہو کر
فرط غم سے بے حس ہوں غم ہے غم نہ ہونے کا
درد کر دیا پیدا درد نے دوا ہو کر
حسن کی خود نمائیاں توبہ
مدتوں ہم بھی خود پسند رہے
مہ و پرویں تہ کمند رہے
کن فضاؤں میں ہم بلند رہے
دشمنوں کا گلا نہیں تابشؔ
دوست بھی درپئے گزند رہے
کر دیا تعین سے ذوق عجز کو آزاد
نقش سجدہ نے میرے تیرا نقش پا ہو کر
غم ہستی سے بے نیاز سہی
اہل دل پھر بھی درد مند رہے
حسرتیں نکلتی ہیں میری جان جاتی ہے
دم لبوں پہ آتا ہے حرف مدعا ہو کر
مزید شاعری پڑھیے اور دوسرے شعراء کو دریافت کیجیے۔