مکمل شاعری
کسی مسکین کا گھر کھلتا ہے
یا کوئی زخم نظر کھلتا ہے
دیکھنا ہے کہ طلسم ہستی
کس سے کھلتا ہے اگر کھلتا ہے
میکشوں کا یہ طلوع اور غروب
مے کدہ شام و سحر کھلتا ہے
پھول دیکھا ہے کہ دیکھا ہے چمن
حسن سے حسن نظر کھلتا ہے
داؤ پر دیر و حرم دونوں ہیں
دیکھیے کون سا گھر کھلتا ہے
چھوٹی پڑتی ہے انا کی چادر
پاؤں ڈھکتا ہوں تو سر کھلتا ہے
بند کر لیتا ہوں آنکھیں تابشؔ
باب نظارہ مگر کھلتا ہے
— تابش دہلوی