مکمل شاعری

مے و مستی نہیں ہے اس پہ حرام

میکدے میں جو ہوش مند رہے

چشم عقدہ کشا سے بھی نہ کھلے

ہم کچھ اس طرح بند بند رہے

بر سر دار ہم سہی لیکن

حرف حق کی طرح بلند رہے

ہم ہیں رہبر سے دو قدم آگے

حوصلے شوق سے دو چند رہے

حسن کی خود نمائیاں توبہ

مدتوں ہم بھی خود پسند رہے

مہ و پرویں تہ کمند رہے

کن فضاؤں میں ہم بلند رہے

دشمنوں کا گلا نہیں تابشؔ

دوست بھی درپئے گزند رہے

غم ہستی سے بے نیاز سہی

اہل دل پھر بھی درد مند رہے

— تابش دہلوی