شاعر کی معلومات لوڈ ہو رہی ہیں...
دن رات مے کدے میں گزرتی تھی زندگی
اخترؔ وہ بے خودی کے زمانے کدھر گئے
شاعر کی معلومات لوڈ ہو رہی ہیں...
Akhtar Sheerani
1905 – 1948
Akhtar Shirani's real name was Dawood Khan. He was born on May 4, 1905, in the former princely state of Tonk in India. Akhtar Shirani was the only son of Hafiz Mahmood Shirani, a prominent scholar and researcher. To provide him with religious education, capable tutors were appointed, and his father personally took on the responsibility of educating him in conventional subjects. He also hired Pahalwan Abdul Qayyum Khan to help in his son's physical development. Dawood Khan learned wrestling and wood-chopping skills as well. Hafiz Mahmood Shirani wanted his son to become a scholar and researcher like him, but destiny had other plans for him. From a young age, Akhtar had a romantic nature, and he began writing poetry at an early age, secretly seeking advice on poetry from Sabir Ali Shakir. When Akhtar Shirani was about 16 years old, a rebellion broke out against the Nawab of Tonk, which resulted in the expulsion of many people, including Hafiz Mahmood Shirani. He was forced to move to Lahore, where Akhtar continued his education, passing the Munshee Fazil and Adeb Fazil exams from the Oriental College. During this time, he also became a disciple of the famous poet Allama Tajor Najib Abadi. After completing his education, he became involved in journalism and started publishing several magazines. He never took up a job; all his expenses were covered by his father. In the early days of his stay in Lahore, Akhtar Shirani fell deeply in love. Besides poetry, he also became involved in drinking alcohol. This news greatly saddened Hafiz Mahmood Shirani. Although he did not stop supporting his son financially, he instructed him never to appear before him. After his father's death in 1946, Akhtar was burdened with all the responsibilities, which he had no experience handling. His drinking habits worsened significantly. The partition of India in 1947 added more troubles to his life, and he moved to Lahore to stay with his old and loyal friend Nayyir Wasti. By this time, excessive drinking had destroyed his liver and lungs. On September 9, 1948, Akhtar Shirani passed away in such a state that no one was by his side. Akhtar Shirani’s life was a tragic tale of love, poetry, and excess, which ultimately led to his untimely demise.
ان کے کلام کے چند منتخب اشعار پڑھیے۔
دن رات مے کدے میں گزرتی تھی زندگی
اخترؔ وہ بے خودی کے زمانے کدھر گئے
وہ ہجر میں وصال کی امید کیا ہوئی
وہ رنج میں خوشی کے بہانے کدھر گئے
اجڑے پڑے ہیں دشت غزالوں پہ کیا بنی
سونے ہیں کوہسار دوانے کدھر گئے
ہے نجد میں سکوت ہواؤں کو کیا ہوا
لیلائیں ہیں خموش دوانے کدھر گئے
ویراں ہیں صحن و باغ بہاروں کو کیا ہوا
وہ بلبلیں کہاں وہ ترانے کدھر گئے
اے دل وہ عاشقی کے فسانے کدھر گئے
وہ عمر کیا ہوئی وہ زمانے کدھر گئے
وہ کبھی مل جائیں تو کیا کیجئے
رات دن صورت کو دیکھا کیجئے
جو تمنا بر نہ آئے عمر بھر
عمر بھر اس کی تمنا کیجئے
چاندنی راتوں میں اک اک پھول کو
بے خودی کہتی ہے سجدہ کیجئے
کچھ تو تنہائی کی راتوں میں سہارا ہوتا
تم نہ ہوتے نہ سہی ذکر تمہارا ہوتا
عشق کی رنگینیوں میں ڈوب کر
چاندنی راتوں میں رویا کیجئے
پوچھ بیٹھے ہیں ہمارا حال وہ
بے خودی تو ہی بتا کیا کیجئے
ترک دنیا کا یہ دعویٰ ہے فضول اے زاہد
بار ہستی تو ذرا سر سے اتارا ہوتا
عظمت گریہ کو کوتاہ نظر کیا سمجھیں
اشک اگر اشک نہ ہوتا تو ستارا ہوتا
زندگی کتنی مسرت سے گزرتی یا رب
عیش کی طرح اگر غم بھی گوارا ہوتا
آپ ہی نے درد دل بخشا ہمیں
آپ ہی اس کا مداوا کیجئے
ہم ہی اس کے عشق کے قابل نہ تھے
کیوں کسی ظالم کا شکوہ کیجئے
وہ اگر آ نہ سکے موت ہی آئی ہوتی
ہجر میں کوئی تو غمخوار ہمارا ہوتا
کوئی ہمدرد زمانے میں نہ پایا اخترؔ
دل کو حسرت ہی رہی کوئی ہمارا ہوتا
لب زاہد پہ ہے افسانۂ حور جنت
کاش اس وقت مرا انجمن آرا ہوتا
آنسو نکل رہے ہیں تصور میں بن کے پھول
شاداب ہو رہا ہے گلستان آرزو!
غم الفت جو نہ ملتا غم ہستی ملتا
کسی صورت تو زمانے میں گزارا ہوتا
میں آرزوئے جاں لکھوں یا جان آرزو!
تو ہی بتا دے ناز سے ایمان آرزو!
کس کو فرصت تھی زمانے کے ستم سہنے کی
گر نہ اس شوخ کی آنکھوں کا اشارا ہوتا
کیا کہہ گئی کسی کی نظر کچھ نہ پوچھئے
کیا کچھ ہوا ہے دل پہ اثر کچھ نہ پوچھئے
ہونے کو ہے طلوع صباح شب وصال
بجھنے کو ہے چراغ شبستان آرزو!
اک وہ کہ آرزؤں پہ جیتے ہیں عمر بھر
اک ہم کہ ہیں ابھی سے پشیمان آرزو!
اخترؔ کو زندگی کا بھروسہ نہیں رہا
جب سے لٹا چکے سر و سامان آرزو!
دل میں نشاط رفتہ کی دھندلی سی یاد ہے
یا شمع وصل ہے تہ دامان آرزو!
اخترؔ دیار حسن میں پہنچے ہیں مر کے ہم
کیوں کر ہوا ہے طے یہ سفر کچھ نہ پوچھئے
ایمان و جاں نثار تری اک نگاہ پر
تو جان آرزو ہے تو ایمان آرزو!
رو رو کے کس طرح سے کٹی رات کیا کہیں
مر مر کے کیسے کی ہے سحر کچھ نہ پوچھئے
آنکھوں سے جوئے خوں ہے رواں دل ہے داغ داغ
دیکھے کوئی بہار گلستان آرزو!
وہ دیکھنا کسی کا کنکھیوں سے بار بار
وہ بار بار اس کا اثر کچھ نہ پوچھئے
مجھ کو یہ اعتراف دعاؤں میں ہے اثر
جائیں نہ عرش پر جو دعائیں تو کیا کریں
عہد طرب کی یاد میں رویا کئے بہت
اب مسکرا کے بھول نہ جائیں تو کیا کریں
ظلمت بدوش ہے مری دنیائے عاشقی
تاروں کی مشعلے نہ چرائیں تو کیا کریں
شب بھر تو ان کی یاد میں تارے گنا کئے
تارے سے دن کو بھی نظر آئیں تو کیا کریں
ترک وفا بھی جرم محبت سہی مگر
ملنے لگیں وفا کی سزائیں تو کیا کریں
وعدے کے اعتبار میں تسکین دل تو ہے
اب پھر وہی فریب نہ کھائیں تو کیا کریں
مجھے اپنی پستی کی شرم ہے تری رفعتوں کا خیال ہے
مگر اپنے دل کو میں کیا کروں اسے پھر بھی شوق وصال ہے
اک دن کی بات ہو تو اسے بھول جائیں ہم
نازل ہوں دل پہ روز بلائیں تو کیا کریں
اس ادا سے کون یہ جلوہ گر سر بزم حسن خیال ہے
جو نفس ہے مست بہار ہے جو نظر ہے غرق جمال ہے
انہیں ضد ہے عرض وصال سے مجھے شوق عرض وصال ہے
وہی اب بھی ان کا جواب ہے وہی اب بھی میرا سوال ہے
اب جی میں ہے کہ ان کو بھلا کر ہی دیکھ لیں
وہ بار بار یاد جو آئیں تو کیا کریں
کہتے ہیں اخترؔ وہ سن کر میرے شعر
اس طرح ہم کو نہ رسوا کیجئے
تری یاد میں ہوا جب سے گم ترے گم شدہ کا یہ حال ہے
کہ نہ دور ہے نہ قریب ہے نہ فراق ہے نہ وصال ہے
میں بتاؤں واعظ خوش نوا ہے جہان و خلد میں فرق کیا
یہ اگر فریب خیال ہے وہ فریب حسن خیال ہے
میں وطن میں رہ کے بھی بے وطن کہ نہیں ہے ایک بھی ہم سخن
ہے کوئی شریک غم و محن تو وہ اک نسیم شمال ہے
تری بزم خلوت لا مکاں ترا آستاں مہ و کہکشاں
مگر اے ستارۂ آرزو مجھے آرزوئے وصال ہے
کام آ سکیں نہ اپنی وفائیں تو کیا کریں
اس بے وفا کو بھول نہ جائیں تو کیا کریں
یہی داد قصۂ غم ملی کہ نظر اٹھی نہ زباں ملی
فقط اک تبسم شرمگیں مری بے کسی کا مآل ہے
محبت کی دنیا میں مشہور کر دوں
مری سادہ دل تجھ کو مغرور کر دوں
وہ خوشی نہیں ہے وہ دل نہیں مگر ان کا سایہ سا ہم نشیں
فقط ایک غم زدہ یاد ہے فقط اک فسردہ خیال ہے
ترے دل کو ملنے کی خود آرزو ہو
تجھے اس قدر غم سے رنجور کر دوں
محبت کے اقرار سے شرم کب تک
کبھی سامنا ہو تو مجبور کر دوں
یہ بے رنگیاں کب تک اے حسن رنگیں
ادھر آ تجھے عشق میں چور کر دوں
نہیں زندگی کو وفا ورنہ اخترؔ
محبت سے دنیا کو معمور کر دوں
اک زہرہ وش ہے آنکھ کے پردوں میں جلوہ گر
نظروں میں آسماں نہ سمائیں تو کیا کریں
تو گر سامنے ہو تو میں بے خودی میں
ستاروں کو سجدے پہ مجبور کر دوں
مے خانہ دور راستہ تاریک ہم مریض
منہ پھیر دیں ادھر جو ہوائیں تو کیا کریں
ناصح ہماری توبہ میں کچھ شک نہیں مگر
شانہ ہلائیں آ کے گھٹائیں تو کیا کریں
ان کو بلائیں اور وہ نہ آئیں تو کیا کریں
بے کار جائیں اپنی دعائیں تو کیا کریں
ہم لاکھ قسمیں کھائیں نہ ملنے کی سب غلط
وہ دور ہی سے دل کو لبھائیں تو کیا کریں
بد قسمتوں کا یاد نہ کرنے پہ ہے یہ حال
اللہ اگر وہ یاد ہی آئیں تو کیا کریں
ایاغ بادہ میں آ کر وہ خود چھلک پڑتا
گر اس کے مست ذرا اور ہاؤ ہو کرتے
جناب شیخ پہنچ جاتے حوض کوثر تک
اگر شراب سے مے خانے میں وضو کرتے
مانا کہ سب کے سامنے ملنے سے ہے حجاب
لیکن وہ خواب میں بھی نہ آئیں تو کیا کریں
سیہ خانۂ غم ہے ساقی زمانہ
بس اک جام اور نور ہی نور کر دوں
نہ بھول کر بھی تمنائے رنگ و بو کرتے
چمن کے پھول اگر تیری آرزو کرتے
راتوں کے دل میں یاد بسائیں کسی کی ہم
اخترؔ حرم میں وہ نہ بلائیں تو کیا کریں
مسرت آہ تو بستی ہے کن ستاروں میں
زمیں پہ عمر ہوئی تیری جستجو کرتے
انہیں مفر نہ تھا اقرار عشق سے لیکن
حیا کو ضد تھی کہ وہ پاس آبرو کرتے
آرزو وصل کی رکھتی ہے پریشاں کیا کیا
کیا بتاؤں کہ مرے دل میں ہیں ارماں کیا کیا
غم عزیزوں کا حسینوں کی جدائی دیکھی
دیکھیں دکھلائے ابھی گردش دوراں کیا کیا
غم زمانہ نے مجبور کر دیا ورنہ
یہ آرزو تھی کہ بس تیری آرزو کرتے
جنون عشق کی تاثیر تو یہ تھی اخترؔ
کہ ہم نہیں وہ خود اظہار آرزو کرتے
گراں تھا ساقی دوراں پہ ایک ساغر بھی
تو کس امید پہ ہم خواہش سبو کرتے
پکار اٹھتا وہ آ کر دلوں کی دھڑکن میں
ہم اپنے سینے میں گر اس کی جستجو کرتے
ان کی خوشبو ہے فضاؤں میں پریشاں ہر سو
ناز کرتی ہے ہوائے چمنستاں کیا کیا
مرے دل میں ہے شعلۂ حسن رقصاں
میں چاہوں تو ہر ذرے کو طور کر دوں
ہے بہار گل و لالہ مرے اشکوں کی نمود
میری آنکھوں نے کھلائے ہیں گلستاں کیا کیا
دشت غربت میں رلاتے ہیں ہمیں یاد آ کر
اے وطن تیرے گل و سنبل و ریحاں کیا کیا
گیسو بکھرے ہیں مرے دوش پہ کیسے کیسے
میری آنکھوں میں ہیں آباد شبستاں کیا کیا
اب وہ باتیں نہ وہ راتیں نہ ملاقاتیں ہیں
محفلیں خواب کی صورت ہوئیں ویراں کیا کیا
مجھے زندگی دور رکھتی ہے تجھ سے
جو تو پاس ہو تو اسے دور کر دوں
شب وصل کی بے خودی چھا رہی ہے
کہو تو ستاروں کی شمعیں بجھا دیں
کہیں کس سے اخترؔ بے نوا ہمیں بزم دہر سے کیا ملا
وہی ایک ساغر زہر غم جو حریف نوش کمال ہے
ترے وصل کی بے خودی کہہ رہی ہے
خدائی تو کیا ہم خدا کو بھلا دیں
انہیں اپنی صورت پہ یوں ناز کب تھا
مرے عشق رسوا کو اخترؔ دعا دیں
ان رس بھری آنکھوں میں حیا کھیل رہی ہے
دو زہر کے پیالوں پہ قضا کھیل رہی ہے
ہے کرم ان کے ستم کا کہ کرم بھی ہے ستم
شکوے سن سن کے وہ ہوتے ہیں پشیماں کیا کیا
ہیں نرگس و گل کس لیے مسحور تماشا
گلشن میں کوئی شوخ ادا کھیل رہی ہے
اس بزم میں جائیں تو یہ کہتی ہیں ادائیں
کیوں آئے ہو، کیا سر پہ قضا کھیل رہی ہے
بد مستی میں تم نے انہیں کیا کہہ دیا اخترؔ
کیوں شوخ نگاہوں میں حیا کھیل رہی ہے
کس کو دیکھا ہے یہ ہوا کیا ہے
دل دھڑکتا ہے ماجرا کیا ہے
اک محبت تھی مٹ چکی یا رب
تیری دنیا میں اب دھرا کیا ہے
اس چشم سیہ مست پہ گیسو ہیں پریشاں
میخانے پہ گھنگھور گھٹا کھیل رہی ہے
دل میں لیتا ہے چٹکیاں کوئی
ہائے اس درد کی دوا کیا ہے
حوریں نیکوں میں بٹ چکی ہوں گی
باغ رضواں میں اب رکھا کیا ہے
اب دوا کیسی ہے دعا کا وقت
تیرے بیمار میں رہا کیا ہے
یاد آتا ہے لکھنؤ اخترؔ
خلد ہو آئیں تو برا کیا ہے
اس کے عہد شباب میں جینا
جینے والو تمہیں ہوا کیا ہے
اگر وہ اپنے حسین چہرے کو بھول کر بے نقاب کر دے
تو ذرے کو ماہتاب اور ماہتاب کو آفتاب کر دے
تری محبت کی وادیوں میں مری جوانی سے دور کیا ہے
جو سادہ پانی کو اک نشیلی نظر میں رنگیں شراب کر دے
مزے وہ پائے ہیں آرزو میں کہ دل کی یہ آرزو ہے یا رب
تمام دنیا کی آرزوئیں مرے لیے انتخاب کر دے
حریم عشرت میں سونے والے شمیم گیسو کی مستیوں سے
مری جوانی کی سادہ راتوں کو اب تو سرشار خواب کر دے
نظر نا آنے پہ ہے یہ حالت کہ جنگ ہے شیخ و برہمن میں
خبر نہیں کیا سے کیا ہو دنیا جو خود کو وہ بے نقاب کر دے
خدا نہ لائے وہ دن کہ تیری سنہری نیندوں میں فرق آئے
مجھے تو یوں اپنے ہجر میں عمر بھر کو بیزار خواب کر دے
میں جان و دل سے تصور حسن دوست کی مستیوں کے قرباں
جو اک نظر میں کسی کے بے کیف آنسوؤں کو شراب کر دے
عروس فطرت کا ایک کھویا ہوا تبسم ہے جس کو اخترؔ
کہیں وہ چاہے شراب کر دے کہیں وہ چاہے شباب کر دے
مرے گناہوں کی شورشیں اس لیے زیادہ رہی ہیں یا رب
کہ ان کی گستاخیوں سے تو اپنے عفو کو بے حساب کر دے
بناتا ہے منہ تلخی مے سے زاہد
تجھے باغ رضواں سے کوثر منگا دیں
عبادت ہے اک بے خودی سے عبارت
حرم کو مے مشک بو سے بسا دیں
مزے وہ پائے ہیں آرزو میں کہ دل کی یہ آرزو ہے یا رب
تمام دنیا کی آرزوئیں مرے لیے انتخاب کر دے
اگر وہ اپنے حسین چہرے کو بھول کر بے نقاب کر دے
تو ذرے کو ماہتاب اور ماہتاب کو آفتاب کر دے
وہ کہتے ہیں رنجش کی باتیں بھلا دیں
محبت کریں خوش رہیں مسکرا دیں
نظر نا آنے پہ ہے یہ حالت کہ جنگ ہے شیخ و برہمن میں
خبر نہیں کیا سے کیا ہو دنیا جو خود کو وہ بے نقاب کر دے
تری محبت کی وادیوں میں مری جوانی سے دور کیا ہے
جو سادہ پانی کو اک نشیلی نظر میں رنگیں شراب کر دے
تم افسانۂ قیس کیا پوچھتے ہو
ادھر آؤ ہم تم کو لیلیٰ بنا دیں
حریم عشرت میں سونے والے شمیم گیسو کی مستیوں سے
مری جوانی کی سادہ راتوں کو اب تو سرشار خواب کر دے
مرے گناہوں کی شورشیں اس لیے زیادہ رہی ہیں یا رب
کہ ان کی گستاخیوں سے تو اپنے عفو کو بے حساب کر دے
جنہیں عمر بھر یاد آنا سکھایا
وہ دل سے تری یاد کیونکر بھلا دیں
وہ آئیں گے آج اے بہار محبت
ستاروں کے بستر پہ کلیاں بچھا دیں
خدا نہ لائے وہ دن کہ تیری سنہری نیندوں میں فرق آئے
مجھے تو یوں اپنے ہجر میں عمر بھر کو بیزار خواب کر دے
میں جان و دل سے تصور حسن دوست کی مستیوں کے قرباں
جو اک نظر میں کسی کے بے کیف آنسوؤں کو شراب کر دے
عروس فطرت کا ایک کھویا ہوا تبسم ہے جس کو اخترؔ
کہیں وہ چاہے شراب کر دے کہیں وہ چاہے شباب کر دے
بہار آئی ہے بلبل درد دل کہتی ہے پھولوں سے
کہو تو میں بھی اپنا درد دل تم سے بیاں کر لوں
غرور اور ہمارا غرور محبت
مہ و مہر کو ان کے در پر جھکا دیں
جوانی ہو گر جاودانی تو یا رب
تری سادہ دنیا کو جنت بنا دیں
یہ بے دردیاں کب تک اے درد غربت
بتوں کو پھر ارض حرم میں بسا دیں
سیر گل بھی ہے ہمیں باعث وحشت اخترؔ
ان کی الفت میں ہوئے چاک گریباں کیا کیا
کوئی صورت تو ہو دنیائے فانی میں بہلنے کی
ٹھہر جا اے جوانی ماتم عمر رواں کر لوں
ہزاروں شوخ ارماں لے رہے ہیں چٹکیاں دل میں
حیا ان کی اجازت دے تو کچھ بیباکیاں کر لوں
وہ سرمستیاں بخش اے رشک شیریں
کہ خسرو کو خواب عدم سے جگا دیں
تمناؤں کو زندہ آرزوؤں کو جواں کر لوں
یہ شرمیلی نظر کہہ دے تو کچھ گستاخیاں کر لوں
بہاریں سمٹ آئیں کھل جائیں کلیاں
جو ہم تم چمن میں کبھی مسکرا دیں
بر آئیں حسرتیں کیا کیا اگر موت اتنی فرصت دے
کہ اک بار اور زندہ شیوۂ عشق جواں کر لوں
نہ چھیڑ زاہد ناداں شراب پینے دے
شراب پینے دے خانہ خراب پینے دے
پھر ایسا وقت کہاں ہم کہاں شراب کہاں
طلسم دہر ہے نقش بر آب پینے دے
ابھی سے اپنی نصیحت کا زہر دے نہ مجھے
ابھی تو پینے دے اور بے حساب پینے دے
مرے دماغ کی دنیا کا آفتاب ہے یہ
ملا کے برف میں یہ آفتاب پینے دے
کسی حسینہ کے بوسوں کے قابل اب نہ رہے
تو ان لبوں سے ہمیشہ شراب پینے دے
چمن میں ہیں بہم پروانہ و شمع و گل و بلبل
اجازت ہو تو میں بھی حال دل اپنا بیاں کر لوں
سمجھ کے اس کو غفور الرحیم پیتا ہوں
نہ چھیڑ ذکر عذاب و ثواب پینے دے
شراب خانے میں یہ شور کیوں مچایا ہے
خموش اخترؔ خانہ خراب پینے دے
یوں تو کس پھول سے رنگت نہ گئی بو نہ گئی
اے محبت مرے پہلو سے مگر تو نہ گئی
جو روح ہو چکی اک بار داغدار مری
تو اور ہونے دے لیکن شراب پینے دے
ترے گیسوئے معنبر کو کبھی چھیڑا تھا
میرے ہاتھوں سے ابھی تک تری خوشبو نہ گئی
مٹ چلے میری امیدوں کی طرح حرف مگر
آج تک تیرے خطوں سے تری خوشبو نہ گئی
ذکر شب وصال ہو کیا قصہ مختصر
جس بات سے وہ ڈرتے تھے وہ بات ہو گئی
اس مہ جبیں سے آج ملاقات ہو گئی
بے درد آسمان یہ کیا بات ہو گئی
نکہت زلف سے نیندوں کو بسا دے آ کر
میری جاگی ہوئی راتوں کو سلا دے آ کر
جھولا جھلائیں چل کے حسینوں کو باغ میں
گجرات میں سنا ہے کہ برسات ہو گئی
کس قدر تیرہ و تاریک ہے دنیائے حیات
جلوۂ حسن سے اک شمع جلا دے آ کر
کیا فائدہ اب اخترؔ اگر پارسا بنے
جب ساری عمر نذر خرابات ہو گئی
مجھے دونوں جہاں میں ایک وہ مل جائیں گر اخترؔ
تو اپنی حسرتوں کو بے نیاز دو جہاں کر لوں
فکر فردا و غم دوش بھلا دے آ کر
پھر اسی ناز سے دیوانہ بنا دے آ کر
کب بہاروں پہ ترے رنگ کا سایہ نہ پڑا
کب ترے گیسوؤں کو باد سحر چھو نہ گئی
آوارگان عشق کا مسکن نہ پوچھئے
پڑ رہتے ہیں وہیں پہ جہاں رات ہو گئی
عشق کو نغمۂ امید سنا دے آ کر
دل کی سوئی ہوئی قسمت کو جگا دے آ کر
زاہد کو زندگی ہی میں کوثر چکھا دیا
رندوں سے آج یہ بھی کرامات ہو گئی
بے چین رکھنے والے پریشاں ہوں خود نہ کیوں
آخر کو تیری زلف مری رات ہو گئی
میں جانتا ہوں چھلکتا ہوا گناہ ہے یہ
تو اس گناہ کو بے احتساب پینے دے
وقت امداد ہے اے ہمت گستاخی شوق
شوق انگیز ہیں ان کے لب خنداں کیا کیا
مسجد کو ہم چلے گئے مستی میں بھول کر
ہم سے خطا یہ پیر خرابات ہو گئی
پچھلے غموں کا ذکر ہی کیا جب وہ مل گئے
اے آسماں تلافئ مافات ہو گئی
کسے معلوم کب کس وقت کس پر گر پڑے بجلی
ابھی سے میں چمن میں چل کر آباد آشیاں کر لوں
آگ سی دل میں لگا جاتا ہے تیرا ہر خط
آ مرے خرمن ہستی کو جلا دے آ کر
عشق کی چاندنی راتیں مجھے یاد آتی ہیں
عمر رفتہ کو مری مجھ سے ملا دے آ کر
زندگی بن کے مرے دل میں سما جا سلمیٰ
موت اک پردہ ہے یہ پردہ اٹھا دے آ کر
شوق نادیدہ میں لذت ہے مگر ناز نہیں
آ مرے عشق کو مغرور بنا دے آ کر
پھر وہی ہم ہوں وہی دن ہوں وہی راتیں ہوں
عہد رفتہ کو پھر آئینہ دکھا دے آ کر
کب تلک رونق شام اودھ اے ماہ رواں
شام لاہور کو بھی صبح بنا دے آ کر
شب فرقت پہ مری ہنستے ہیں اے خندۂ نور
میرے قدموں پہ ستاروں کو گرا دے آ کر
تیری فرقت میں مرے شعر ہیں کتنے غمگیں
مسکراتی ہوئی نظروں سے ہنسا دے آ کر
تشنۂ حسن ہوں اے ساقی مے خانۂ حسن
اپنے ہونٹوں سے پھر اک جام پلا دے آ کر
نہ تمہارا حسن جواں رہا نہ ہمارا عشق جواں رہا
نہ وہ تم رہے نہ وہ ہم رہے جو رہا تو غم کا سماں رہا
گومتی دیکھ چکی جلوۂ عارض کی بہار
سطح راوی کو بھی آئینہ بنا دے آ کر
کہوں کیا کہ رنج رسیدہ ہوں میں برنگ ابر رمیدہ ہوں
نفس شمیم پریدہ ہوں کہ رہا تباہ جہاں رہا
ہو چکی سیر بہاراں کدۂ قیصر باغ
باغ لارنس میں بھی پھول کھلا دے آ کر
نہ نشاں ہے ساقی و جام کا نہ وہ بادہ ہائے چمن ادا
نہ مغنیہ رہی محو ساز نہ ساز مست فغاں رہا
تیرا رومان نیا خواب ہے اخترؔ کے لیے
آ اور اس خواب کی تعبیر بتا دے آ کر
نہ سکون دل نہ قرار جاں نہ قیام صبر کوئی زماں
یہ سرشک غم کا ہے کارواں کہ یوں ہی ہمیشہ رواں رہا
نہ وہ دل ہے اب نہ جوانیاں نہ وہ عاشقی کی کہانیاں
نہ وہ غم نہ اشک فشانیاں نہ وہ درد دل کا نشاں رہا
اگر اے نسیم سحر ترا ہو گزر دیار حجاز میں
مری چشم تر کا سلام کہنا حضور بندہ نواز میں
تمہیں حد عقل نہ پا سکی فقط اتنا حال بتا سکی
کہ تم ایک جلوۂ راز تھے جو عیاں تھا رنگ حجاز میں
نہ جہاں میں راحت جاں ملی نہ متاع امن و اماں ملی
جو دوائے درد نہاں ملی تو ملی بہشت حجاز میں
اثر بہار خزاں اثر ہے کہ ہے فسردہ مری نظر
نہ ہوائے عشرت بال و پر نہ جنون باغ جناں رہا
عجب اک سرور سا چھا گیا میری روح و دل میں سما گیا
ترا نام ناز سے آ گیا مرے لب پہ جب بھی نماز میں
نہ وہ باغ ہیں نہ گھٹائیں ہیں نہ وہ پھول ہیں نہ فضائیں ہیں
نہ وہ نکہتیں نہ ہوائیں ہیں نہ وہ بے خودی کا سماں رہا
میں گل رمیدۂ رنگ و بو تو بہار مے کدۂ نمو
میں ہمیشہ خستۂ آرزو تو ہمیشہ عیش جواں رہا
کروں نذر نغمۂ جاں فزا میں کہاں سے اخترؔ غم نوا
کہ سوائے نالۂ غم نہیں مرے دل کے غم زدہ ساز میں
چاندنی میں اے دل اک اک پھول سے
اپنے گل رخسار کی باتیں کریں
یہ بہار گلشن آب و گل ہے فنا اثر تو ہوں کیوں خجل
وہ گل فسردہ ہے میرا دل کہ ہمیشہ نذر خزاں رہا
یارو کوئے یار کی باتیں کریں
پھر گل و گلزار کی باتیں کریں
نہ چمن ہے وہ نہ بہار ہے نہ وہ بلبلیں نہ ہزار ہے
یہی چار سمت پکار ہے نہ وہ رت ہے اب نہ سماں رہا
اب تو ملیے بس لڑائی ہو چکی
اب تو چلئے پیار کی باتیں کریں
آنکھوں آنکھوں میں لٹائے مے کدے
دیدۂ سرشار کی باتیں کریں
پھر مہک اٹھے فضائے زندگی
پھر گل و رخسار کی باتیں کریں
نہیں صبر ساقیا لا بھی دے قدح بہار اٹھا بھی دے
ابھی سن ہے لا کے پلا بھی دے کہ ہمیشہ کون جواں رہا
نہ وہ عمر ہے نہ مسرتیں نہ وہ عیش ہے نہ وہ عشرتیں
نہ وہ آرزوئیں نہ حسرتیں نہ خوشی کا نام و نشاں رہا
نہ وہ سوز و ساز دروں ہے اب نہ وہ چشم گل کدۂ گوں ہے اب
نہ وہ سر ہے اب نہ جنوں ہے اب نہ وہ ذوق شعلہ چکاں رہا
محشر انوار کر دیں بزم کو
جلوۂ دیدار کی باتیں کریں
ہے فلک کی بدلی ہوئی نظر کہیں کس سے اخترؔ نالہ گر
کہ میں اس کے جور الم اثر سے ہمیشہ محو فغاں رہا
اپنی آنکھوں سے بہائیں سیل اشک
ابر گوہربار کی باتیں کریں
تو متاع گل کدۂ نظر گل نو بہار بہشت اثر
میں وہ عندلیب شکستہ پر کہ ہمیشہ محو فغاں رہا
ان کو الفت ہی سہی اغیار سے
ہم سے کیوں اغیار کی باتیں کریں
ایک ہی بستی میں ہیں آساں ہے ملنا آ ملو
کیا خبر لے جائے دور آسمانی پھر کہاں
آ کہ ہم بھی اک ترانہ جھوم کر گاتے چلیں
اس چمن کے طائروں کی ہم زبانی پھر کہاں
دو گھڑی مل بیٹھنے کو بھی غنیمت جانئے
عمر فانی ہی سہی یہ عمر فانی پھر کہاں
لا پلا ساقی شراب ارغوانی پھر کہاں
زندگانی پھر کہاں ناداں جوانی پھر کہاں
اخترؔ اس رنگیں ادا سے رات بھر
طالع بیدار کی باتیں کریں
ہے زمانہ عشق سلمیٰ میں گنوا دے زندگی
یہ زمانہ پھر کہاں یہ زندگانی پھر کہاں
آخری رات آ گئی جی بھر کے مل لیں آج تو
تم سے ملنے دے گا دور آسمانی پھر کہاں
فصل گل جانے کو ہے دور خزاں آنے کو ہے
یہ چمن یہ بلبلیں یہ نغمہ خوانی پھر کہاں
اشک باری نہ مٹی سینہ فگاری نہ گئی
لالہ کاری کسی صورت بھی ہماری نہ گئی
مدتیں ہو گئیں بچھڑے ہوئے تم سے لیکن
آج تک دل سے مرے یاد تمہاری نہ گئی
پھول چن جی کھول کر عیش و طرب کے پھول چن
موسم گل پھر کہاں فصل جوانی پھر کہاں
شاد و خنداں رہے ہم یوں تو جہاں میں لیکن
اپنی فطرت سے کبھی درد شعاری نہ گئی
آج آئے ہو تو سنتے جاؤ یہ تازہ غزل
ورنہ اخترؔ پھر کہاں یہ شعر خوانی پھر کہاں
چشم محزوں پہ نہ لہرائی وہ زلف شاداب
یہ پری ہم سے بھی شیشے میں اتاری نہ گئی
سیکڑوں بار مرے سامنے کی توبہ مگر
توبہ اخترؔ کہ تری بادہ گساری نہ گئی
کوئی جھونکا تو لاتی اے نسیم اطراف کنعاں تک
سواد مصر میں عنبر فشانی اب بھی ہوتی ہے
سرور آرا شراب ارغوانی اب بھی ہوتی ہے
مرے قدموں میں دنیا کی جوانی اب بھی ہوتی ہے
ہلال و بدر کے نقشے سبق دیتے ہیں انساں کو
کہ ناکامی بنائے کامرانی اب بھی ہوتی ہے
مری آنکھوں سے ظاہر خوں فشانی اب بھی ہوتی ہے
نگاہوں سے بیاں دل کی کہانی اب بھی ہوتی ہے
وہ شب کو مشک بو پردوں میں چھپ کر آ ہی جاتے ہیں
مرے خوابوں پر ان کی مہربانی اب بھی ہوتی ہے
زباں ہی میں نہ ہو تاثیر تو میں کیا کروں ناصح
تری باتوں سے پیدا سرگرانی اب بھی ہوتی ہے
تمہارے گیسوؤں کی چھاؤں میں اک رات گزری تھی
ستاروں کی زباں پر یہ کہانی اب بھی ہوتی ہے
سمجھتا ہے شکست توبہ اشک توبہ کو زاہد
مری آنکھوں کی رنگت ارغوانی اب بھی ہوتی ہے
وہ برساتیں وہ باتیں وہ ملاقاتیں کہاں ہمدم
وطن کی رات ہونے کو سہانی اب بھی ہوتی ہے
پس توبہ بھی پی لیتے ہیں جام غنچہ و گل سے
بہاروں میں جنوں کی مہمانی اب بھی ہوتی ہے
کہیں سے ہاتھ آ جائے تو ہم کو بھی کوئی لا دے
سنا ہے اس جہاں میں شادمانی اب بھی ہوتی ہے
کہیں اغیار کے خوابوں میں چھپ چھپ کر نہ جاتے ہوں
وہ پہلو میں ہیں لیکن بدگمانی اب بھی ہوتی ہے
دل میں ارمان وصال آنکھ میں طوفان جمال
ہوش باقی نہیں جانے کا مگر جاتے ہیں
بھولتی ہی نہیں دل کو تری مستانہ نگاہ
ساتھ جاتا ہے یہ مے خانہ جدھر جاتے ہیں
خفا ہیں پھر بھی آ کر چھیڑ جاتے ہیں تصور میں
ہمارے حال پر کچھ مہربانی اب بھی ہوتی ہے
بتوں کو کر دیا تھا جس نے مجبور سخن اخترؔ
لبوں پر وہ نوائے آسمانی اب بھی ہوتی ہے
کس کی آنکھوں کا لیے دل پہ اثر جاتے ہیں
مے کدے ہاتھ بڑھاتے ہیں جدھر جاتے ہیں
کوئی خوش ہو مری مایوسیاں فریاد کرتی ہیں
الٰہی کیا جہاں میں شادمانی اب بھی ہوتی ہے
ان کی مستانہ نگاہوں کا نہیں کوئی قصور
ناصحو زندگی خود ہم سے سنواری نہ گئی
پرسش دل تو کجا یہ بھی نہ پوچھا اس نے
ہم مسافر کدھر آئے تھے کدھر جاتے ہیں
پاسبانان حیا کیا ہوئے اے دولت حسن
ہم چرا کر تری دزدیدہ نظر جاتے ہیں
فیض آباد سے پہنچا ہمیں یہ فیض اخترؔ
کہ جگر پر لیے ہم داغ جگر جاتے ہیں
چشم حیراں میں سمائے ہیں یہ کس کے جلوے
طور ہر گام پہ رقصاں ہیں جدھر جاتے ہیں
کوچۂ حسن چھٹا تو ہوئے رسوائے شراب
اپنی قسمت میں جو لکھی تھی وہ خواری نہ گئی
کتنے بے درد ہیں اس شہر کے رہنے والے
راہ میں چھین کے دل کہتے ہیں گھر جاتے ہیں
چاک داماں کی قسم چاک گریباں کی قسم
ہنسنے والے تجھے اس حال پریشاں کی قسم
نیند آئے نہ کبھی تجھ سے بچھڑ کر ظالم
اپنی آنکھوں کی قسم تیرے شبستاں کی قسم
آؤ بے پردہ تمہیں جلوۂ پنہاں کی قسم
ہم نہ چھیڑیں گے ہمیں زلف پریشاں کی قسم
اگلے وقتوں میں لٹا کرتے تھے رہرو اکثر
ہم تو اس عہد میں بھی لٹ کے مگر جاتے ہیں
آج تک صبح وطن یاد ہے ہم کو اخترؔ
درد ہجراں کی قسم شام غریباں کی قسم
لب جاناں پہ فدا عارض جاناں کے نثار
شام رنگیں کی قسم صبح درخشاں کی قسم
جس طرح بھولے مسافر کوئی ساماں اپنا
ہم یہاں بھول کے دل اور نظر جاتے ہیں
شرم رونے بھی نہ دے بیکلی سونے بھی نہ دے
اس طرح تو مری راتوں کو نہ برباد کرو
حد ہے پینے کی کہ خود پیر مغاں کہتا ہے
اس بری طرح جوانی کو نہ برباد کرو
آسماں رتبہ محل اپنے بنانے والو
دل کا اجڑا ہوا گھر بھی کوئی آباد کرو
یاد آؤ مجھے للہ نہ تم یاد کرو
اپنی اور میری جوانی کو نہ برباد کرو
میرے ارمان سے واقف نہیں شرمائیں گے آپ
آپ کیوں کھاتے ہیں ناحق مرے ارماں کی قسم
میں بھی شائستۂ الطاف ستم ہوں شاید
میرے ہوتے ہوئے کیوں غیر پہ بیداد کرو
ہم کبھی آئیں ترے گھر مگر آئیں گے ضرور
تم نے یہ وعدہ کیا تھا کہ نہیں یاد کرو
یاد آتے ہو بہت دل سے بھلانے والو
تم ہمیں یاد کرو تم ہمیں کیوں یاد کرو
صدقے اس شوخ کے اخترؔ یہ لکھا ہے جس نے
عشق میں اپنی جوانی کو نہ برباد کرو
چاندنی رات میں گل گشت کو جب جاتے تھے
آہ عذرا کبھی اس وقت کو بھی یاد کرو
انہی غم کی گھٹاؤں سے خوشی کا چاند نکلے گا
اندھیری رات کے پردے میں دن کی روشنی بھی ہے
خیالستان ہستی میں اگر غم ہے خوشی بھی ہے
کبھی آنکھوں میں آنسو ہیں کبھی لب پر ہنسی بھی ہے
آہ وہ اس کی نگاہ مے فروش
جب بھی اٹھی مستیاں برسا گئی
یوں ہی تکمیل ہوگی حشر تک تصویر ہستی کی
ہر اک تکمیل آخر میں پیام نیستی بھی ہے
جھوم کر بدلی اٹھی اور چھا گئی
ساری دنیا پر جوانی آ گئی
یہ وہ ساغر ہے صہبائے خودی سے پر نہیں ہوتا
ہمارے جام ہستی میں سرشک بے خودی بھی ہے
گیسوئے مشکیں میں وہ روئے حسیں
ابر میں بجلی سی اک لہرا گئی
ساز دل کو گدگدایا عشق نے
موت کو لے کر جوانی آ گئی
پارسائی کی جوانمرگی نہ پوچھ
توبہ کرنی تھی کہ بدلی چھا گئی
عالم مستی کی توبہ الاماں
پارسائی نشہ بن کر چھا گئی
ٹھہر جا ذرا اور اے درد فرقت
ہمارے تصور میں وہ آ رہے ہیں
غم عاقبت ہے نہ فکر زمانہ
پئے جا رہے ہیں جئے جا رہے ہیں
آہ اس کی بے نیازی کی نظر
آرزو کیا پھول سی کمھلا گئی
اخترؔ اس جان تمنا کی ادا
جب کبھی یاد آ گئی تڑپا گئی
مری شام غم کو وہ بہلا رہے ہیں
لکھا ہے یہ خط میں کہ ہم آ رہے ہیں
غم خانۂ ہستی میں ہے مہماں کوئی دن اور
کر لے ہمیں تقدیر پریشاں کوئی دن اور
نہیں شکوۂ تشنگی مے کشوں کو
وہ آنکھوں سے مے خانے برسا رہے ہیں
وہ رشک بہار آنے والا ہے اخترؔ
کنول حسرتوں کے کھلے جا رہے ہیں
تربت وہ جگہ ہے کہ جہاں غم ہے نہ حیرت
حیرت کدۂ غم میں ہیں حیراں کوئی دن اور
مر جائیں گے جب ہم تو بہت یاد کرے گی
جی بھر کے ستا لے شب ہجراں کوئی دن اور
یاروں سے گلہ ہے نہ عزیزوں سے شکایت
تقدیر میں ہے حسرت و حرماں کوئی دن اور
پامال خزاں ہونے کو ہیں مست بہاریں
ہے سیر گل و حسن گلستاں کوئی دن اور
رنگینی و نزہت پہ نہ مغرور ہو بلبل
ہے رنگ بہار چمنستاں کوئی دن اور
ہم سا نہ ملے گا کوئی غم دوست جہاں میں
تڑپا لے غم گردش دوراں کوئی دن اور
آخر کو وہی ہم وہی ظلمات شب غم
ہے نور رخ ماہ درخشاں کوئی دن اور
قبروں کی جو راتیں ہیں وہ قبروں میں کٹیں گی
آباد ہیں یہ زندہ شبستاں کوئی دن اور
ہستی کبھی قدرت کا اک احسان تھی ہم پر
اب ہم پہ ہے قدرت کا یہ احساں کوئی دن اور
آزاد ہوں عالم سے تو آزاد ہوں غم سے
دنیا ہے ہمارے لیے زنداں کوئی دن اور
شیون کو کوئی خلد بریں میں یہ خبر دے
دنیا میں اب اخترؔ بھی ہے مہماں کوئی دن اور
کہہ رہی ہے نگاہ دز دیدہ
رخ بدلنے کو ہے زمانے کا
لعنت تھی گناہوں کی ندامت مرے حق میں
ہے شکر کہ اس سے ہیں پشیماں کوئی دن اور
وعدہ اس ماہرو کے آنے کا
یہ نصیبہ سیاہ خانے کا
ذرے ذرے میں بے حجاب ہیں وہ
جن کو دعوی ہے منہ چھپانے کا
چاندنی خامشی اور آخر شب
آ کہ ہے وقت دل لگانے کا
حاصل عمر ہے شباب مگر
اک یہی وقت ہے گنوانے کا
تیری آنکھوں کی ہو نہ ہو تقصیر
نام رسوا شراب خانے کا
رہ گئے بن کے ہم سراپا غم
یہ نتیجہ ہے دل لگانے کا
ہے قیامت ترے شباب کا رنگ
رنگ بدلے گا پھر زمانے کا
اس کی بدلی ہوئی نظر توبہ
یوں بدلتا ہے رخ زمانے کا
دیکھتے ہیں ہمیں وہ چھپ چھپ کر
پردہ رہ جائے منہ چھپانے کا
جس کا ہر لفظ ہے سراپا غم
میں ہوں عنوان اس فسانے کا
یقین وعدہ نہیں تاب انتظار نہیں
کسی طرح بھی دل زار کو قرار نہیں
شبوں کو خواب نہیں خواب کو قرار نہیں
کہ زیب دوش وہ گیسوئے مشکبار نہیں
کر دیا خوگر ستم اخترؔ
ہم پہ احسان ہے زمانے کا
کہاں کہاں نہ ہوئے ماہ رو جدا مجھ سے
کہاں کہاں مری امید کا مزار نہیں
کلی کلی میں سمائی ہے نکہت سلمیٰ
شمیم حور ہے یہ بوئے نو بہار نہیں
غموں کی فصل ہمیشہ رہی تر و تازہ
یہ وہ خزاں ہے کہ شرمندۂ بہار نہیں
کسی کی زلف پریشاں کا سایۂ رقصاں ہے
فضا میں بال فشاں ابر نو بہار نہیں
ستارہ وار وہ پہلو میں آ گئے شب کو
سحر سے کہہ دو کہ محفل میں آج بار نہیں
بہار آئی ہے ایسے میں تم بھی آ جاؤ
کہ زندگی کا برنگ گل اعتبار نہیں
گل فسردہ بھی اک طرفہ حسن رکھتا ہے
خزاں یہ ہے تو مجھے حسرت بہار نہیں
ہر ایک جام پہ یہ نغمۂ حزیں ساقی
کہ اس جوانی فانی کا اعتبار نہیں
خدا نے بخش دیئے میرے دل کو غم اتنے
کہ اب میں اپنے گناہوں پہ شرمسار نہیں
شریک سوز ہیں پروانے شمع کے اخترؔ
ہمارے دل کا مگر کوئی غم گسار نہیں
نہ وہ خزاں رہی باقی نہ وہ بہار رہی
رہی تو میری کہانی ہی یادگار رہی
چمن کی چاندنی راتیں ہیں کس قدر ویراں
کہ اس بہار میں وہ ماہ نو بہار نہیں
شب بہار میں تاروں سے کھیلنے والے
کسی کی آنکھ بھی شب بھر ستارہ بار رہی
تمام عمر رہا گرچہ میں تہی پہلو
بسی ہوئی مرے پہلو میں بوئے یار رہی
وہی نظر ہے نظر جو بایں ہمہ پستی
ستارہ گیر رہی کہکشاں شکار رہی
کوئی عزیز نہ ٹھہرا ہمارے دفن کے بعد
رہی جو پاس تو شمع سر مزار رہی
کبھی نہ بھولیں گی اس شب کی لذتیں اخترؔ
کہ میرے سینے پہ وہ زلف مشکبار رہی
شباب کے لیے توبہ عذاب ہے ساقی
شراب لا مجھے پاس شباب ہے ساقی
غم زمانہ نہیں اک عذاب ہے ساقی
شراب لا مری حالت خراب ہے ساقی
وہ پھول ہوں جو کھلا ہو خزاں کے موسم میں
تمام عمر مجھے حسرت بہار رہی
اٹھا پیالہ کہ گلشن پہ پھر برسنے لگی
وہ مے کہ جس کا قدح ماہتاب ہے ساقی
نکال پردۂ مینا سے دختر رز کو
گھٹا میں کس لئے یہ ماہتاب ہے ساقی
تو واعظوں کی نہ سن میکشوں کی خدمت کر
گنہ ثواب کی خاطر ثواب ہے ساقی
کلام جس کا ہے معراج حافظؔ و خیامؔ
یہی وہ اخترؔ خانہ خراب ہے ساقی
زمانے بھر کے غموں کو ہے دعوت غرا
کہ ایک جام میں سب کا جواب ہے ساقی
سوئے کلکتہ جو ہم بہ دل دیوانہ چلے
گنگناتے ہوئے اک شوخ کا افسانہ چلے
گرچہ تنہا تھے مگر ان کے تصور کے نثار
اپنے ہمراہ لیے ایک پری خانہ چلے
اس طرح ریل کے ہم راہ رواں ہے بادل
ساتھ جیسے کوئی اڑتا ہوا مے خانہ چلے
شہر سلمیٰ ہے سر راہ گھٹائیں ہم راہ
ساقیا آج تو دور مے و پیمانہ چلے
شہر جاناں میں اترنے کی تھی ہم پر قدغن
یوں چلے جیسے کوئی شہر سے بیگانہ چلے
کھیل امید کے دیکھو کہ نہ کی ان کو خبر
پھر بھی ہم منتظر جلوۂ جانانہ چلے
ان کا پیغام نہ لائے ہوں یہ رنگیں بادل
ورنہ کیوں ساتھ مرے بے خود و مستانہ چلے
بادلو خدمت سلمیٰ میں یہ کہہ دو جا کر
کہ ترے شہر میں ہم آ کے غریبانہ چلے
حسرت و شوق کے عالم میں چلے یوں اخترؔ
مسکراتا ہوا جیسے کوئی دیوانہ چلے
بہار آئی ہے مستانہ گھٹا کچھ اور کہتی ہے
مگر ان شوخ نظروں کی حیا کچھ اور کہتی ہے
گھر سے بہ عشرت شاہانہ ہم آئے تھے مگر
ان کے کوچے سے چلے جب تو فقیرانہ چلے
رہائی کی خبر کس نے اڑائی صحن گلشن میں
اسیران قفس سے تو صبا کچھ اور کہتی ہے
بہت خوش ہے دل ناداں ہوائے کوے جاناں میں
مگر ہم سے زمانے کی ہوا کچھ اور کہتی ہے
مری جانب سے کہہ دینا صبا لاہور والوں سے
کہ اس موسم میں دہلی کی ہوا کچھ اور کہتی ہے
تو میرے دل کی سن آغوش بن کر کہہ رہا ہے کچھ
تری نیچی نظر تو جانے کیا کچھ اور کہتی ہے
دل شکستہ حریف شباب ہو نہ سکا
یہ جام ظرف نواز شراب ہو نہ سکا
ہوئی مدت کے مے نوشی سے توبہ کر چکے اخترؔ
مگر دہلی کی مستانہ فضا کچھ اور کہتی ہے
نگاہ فیض سے محروم برتری معلوم
ستارہ چمکا مگر آفتاب ہو نہ سکا
کچھ ایسے رحم کے قابل تھے ابتدا ہی سے ہم
کہ ان سے بھی ستم بے حساب ہو نہ سکا
نظر نہ آیا کبھی شب کو ان کا جلوۂ رخ
یہ آفتاب کبھی ماہتاب ہو نہ سکا
ہے جام خالی تو پھیکی ہے چاندنی کیسی
یہ سیل نور ستم ہے شراب ہو نہ سکا
وہ پوچھتے ہیں ترے دل کی آرزو کیا ہے
یہ خواب ہائے کبھی میرا خواب ہو نہ سکا
یہ مے چھلک کے بھی اس حسن کو پہنچ نہ سکی
یہ پھول گھل کے بھی اس کا شباب ہو نہ سکا
ہوں تیرے وصل سے مایوس اس قدر گویا
کبھی جہاں میں کوئی کامیاب ہو نہ سکا
کچھ تجھے بھی ہے خبر او سونے والے ناز سے
میری راتیں لٹ گئیں نیندیں پریشاں ہو گئیں
عمر بھر کم بخت کو پھر نیند آ سکتی نہیں
جس کی آنکھوں پر تری زلفیں پریشاں ہو گئیں
تلاش معنیٔ ہستی میں فلسفہ نہ خرد
یہ راز آج تلک بے حجاب ہو نہ سکا
کسی کی شوخ نوائی کا ہوش تھا کس کو
میں ناتواں تو حریف خطاب ہو نہ سکا
عمر بھر کی تلخ بیداری کا ساماں ہو گئیں
ہائے وہ راتیں کہ جو خواب پریشاں ہو گئیں
شراب عشق میں ایسی کشش سی تھی اخترؔ
کہ لاکھ ضبط کیا اجتناب ہو نہ سکا
بس کرو او میری رونے والی آنکھوں بس کرو
اب تو اپنے ظلم پر وہ بھی پشیماں ہو گئیں
گلشن دل میں کہاں اخترؔ وہ رنگ نو بہار
آرزوئیں چند کلیاں تھیں پریشاں ہو گئیں
آہ وہ دن جو نہ آئے پھر گزر جانے کے بعد
ہائے وہ راتیں کہ جو خواب پریشاں ہو گئیں
ہائے وہ مایوسیوں میں میری امیدوں کا رنگ
جو ستاروں کی طرح اٹھ اٹھ کے پنہاں ہو گئیں
دل میں خیال نرگس جانانہ آ گیا
پھولوں سے کھیلتا ہوا دیوانہ آ گیا
دل کے پردوں میں تھیں جو جو حسرتیں پردہ نشیں
آج وہ آنکھوں میں آنسو بن کے عریاں ہو گئیں
ہر ایک جلوۂ رنگیں مری نگاہ میں ہے
غم فراق کی دنیا دل تباہ میں ہے
مستوں نے اس ادا سے کیا رقص نو بہار
پیمانہ کیا کہ وجد میں مے خانہ آ گیا
اس چشم مئےفروش کی تاثیر کیا کہوں
ہونٹوں تک آج آپ ہی پیمانہ آ گیا
میں فدا اس چاند سے چہرے پہ جس کے نور سے
میرے خوابوں کی فضائیں یوسفستاں ہو گئیں
ہزار پردوں میں او چھپنے والے یہ سن لے
ترا جمال مرے دامن نگاہ میں ہے
کسی کی یاد کرم اف ارے معاذ اللہ
تباہ ہو کے بھی ظالم دل تباہ میں ہے
نہ ساز و مطرب نہ جام و ساقی نہ وہ بہار چمن ہے باقی
نگاہ شمع سحر کے پردے یہ نقشۂ انجمن ہے باقی
اخترؔ غضب تھی عہد جوانی کی داستاں
آنکھوں کے آگے ایک پری خانہ آ گیا
بادل کے اٹھتے ہی مے و پیمانہ آ گیا
بجلی کے ساتھ ساتھ پری خانہ آ گیا
معلوم کس کو قیس کی دیوانگی کی شان
ہنگامہ سا بپا ہے کہ دیوانہ آ گیا
زمانہ گزرا وہ یاسمن بو جدا ہوئی ہمکنار ہو کر
مگر ابھی تک ہمارے پہلو میں نکہت یاسمن ہے باقی
بھلا چکی دل سے شام غربت ہر ایک نقشہ ہر ایک صورت
ہماری آنکھوں میں لیکن اب تک فروغ صبح وطن ہے باقی
زمانہ بدلا مٹی جوانی نہ وہ محبت نہ زندگانی
بس ایک بھولی سی یاد ہے جو برنگ داغ کہن ہے باقی
مٹا دئے بے ستون چرخ کہن نے شیریں لقا ہزاروں
مگر محبت کے لب پر اب بھی ترانۂ کوہکن ہے باقی
دل مہجور کو تسکین کا ساماں نہ ملا
شہر جاناں میں ہمیں مسکن جاناں نہ ملا
حباب آسا محیط ہستی میں جو ہے مٹنے کو بن رہا ہے
ہے انقلاب اک نمود ایسی جو زیر چرخ کہن ہے باقی
غم زمانہ کی سختیوں سے ہوئی ہے پامال طبع اخترؔ
نہ وہ نشاط کہن ہے باقی نہ وہ مذاق سخن ہے باقی
کوچہ گردی میں کٹیں شوق کی کتنی راتیں
پھر بھی اس شمع تمنا کا شبستاں نہ ملا
لالہ و گل تھے بہت عام چمن میں لیکن
ڈھونڈتے تھے جسے وہ سرو خراماں نہ ملا
جہاں میں مجھ سے بھی ناکام آرزو کم ہیں
نہ رنگ آہ میں ہے اور نہ سوز آہ میں ہے
یوں تو ہر راہ گزر پر تھے ستارے رقصاں
جس کی حسرت تھی مگر وہ مہ تاباں نہ ملا
جس کے پردوں سے مچلتی ہو وہی نکہت شوق
بے خودی کی قسم ایسا کوئی ایواں نہ ملا
بیکسی تشنہ لبی درد حلاوت طلبی
چاندنی رات میں بھی چشمۂ حیواں نہ ملا
پوچھتے منزل سلمیٰ کی خبر ہم جس سے
وادیٔ نجد میں ایسا کوئی انساں نہ ملا
بخت بیدار کہاں جلوۂ دل دار کہاں
خواب میں بھی ہمیں وہ غنچۂ خنداں نہ ملا
یوں تو ہر در پہ ہی کہتے نظر آئے دامن
کھینچتے ناز سے جس کو وہی داماں نہ ملا
کس کے در پر نہ کیے سجدے نگاہوں نے مگر
ہائے تقدیر وہ غارت گر ایماں نہ ملا
در جاناں پہ فدا کرتے دل و جاں اخترؔ
وائے بر حال دل و جاں در جاناں نہ ملا
کون سے بام کو رہ رہ کے نہ دیکھا لیکن
نگہ شوق کو وہ ماہ خراماں نہ ملا
گھٹائیں بھی تو بہکی جا رہی ہیں ان اداؤں پر
چمن میں جو قدم رکھتے ہیں وہ مستانہ رکھتے ہیں
کسی مغرور کے آگے ہمارا سر نہیں جھکتا
فقیری میں بھی اخترؔ غیرت شاہانہ رکھتے ہیں
دل دیوانہ و انداز بیباکانہ رکھتے ہیں
گدائے مے کدہ ہیں وضع آزادانہ رکھتے ہیں
بظاہر ہم ہیں بلبل کی طرح مشہور ہرجائی
مگر دل میں گداز فطرت پروانہ رکھتے ہیں
جوانی بھی تو اک موج شراب تند و رنگیں ہے
برا کیا ہے اگر ہم مشرب رندانہ رکھتے ہیں
مجھے مے خانہ تھراتا ہوا محسوس ہوتا ہے
وہ میرے سامنے شرما کے جب پیمانہ رکھتے ہیں
بجا کہ ہے پاس حشر ہم کو کریں گے پاس شباب پہلے
حساب ہوتا رہے گا یا رب ہمیں منگا دے شراب پہلے
فضائے شب ہنس کے جگمگائی وہ نازنیں صبح بن کے آئی
ہوا ہے روشن مرے شبستاں میں چاند سے آفتاب پہلے
ہے خسرو عشق کا یہ فرماں کہ دل لگانا نہیں ہے آساں
جسے ہو کوئے بتاں کا ارماں وہ کو بہ کو ہو خراب پہلے
جناں میں پہلے پہل پیے گا تو لڑکھڑاتا پھرے گا زاہد
سرور کوثر کی ہے اگر دھن جہاں میں پی لے شراب پہلے
غم و الم رنج و یاس و حسرت اٹھاؤں گا سب کے رخ سے پردے
تمہیں قسم ہے دل حزیں کی اٹھاؤ تو تم نقاب پہلے
زباں پہ آیا نہ حرف مطلب کہ کہہ گئیں کچھ شریر نظریں
سوال کرنے نہ پائے ہیں ہم کہ مل گیا ہے جواب پہلے
یہ کس کے رنگ رخ بہاریں نے بخش دی ہے طراوت نو
شگفتہ ہوتا نہ تھا گلستاں میں اس ادا سے گلاب پہلے
نگاہ ساقی کی مسکرائی کہا جب اخترؔ نے اپنی دھن میں
پئیں گے پیتے رہیں گے میکش مگر یہ خانہ خراب پہلے
الٰہی وہ بوئے پیرہن سے بھی پہلے ہو ہمکنار آ کر
چمن میں ہوتا ہے جلوہ افروز پھول سے ماہتاب پہلے
گلزار جہاں میں گل کی طرح گو شاد ہیں ہم شاداب ہیں ہم
کہتی ہے یہ ہنس کر صبح خزاں سب ناز عبث اک خواب ہیں ہم
فطرت کے جمال رنگیں سے ہم نے بھی اٹھائے ہیں پردے
بربط ہے اگر فردوس جہاں تو اس کے لئے مضراب ہیں ہم
کس ماہ لقا کے عشق میں یوں بے چین ہیں ہم بیتاب ہیں ہم
کرنوں کی طرح آوارہ ہیں ہم تاروں کی طرح بے خواب ہیں ہم
مٹ جانے پہ بھی مسرور ہیں ہم مرجھانے پہ بھی شاداب ہیں ہم
شہبائے شباب و عشق کا اک بھولا ہوا رنگیں خواب ہیں ہم
ملنے پہ گر آئیں کوئی مکاں خالی نہیں اپنے جلووں سے
اور گوشہ نشیں ہو جائیں اگر کم یاب نہیں نایاب ہیں ہم
خوش وقتی ہے وجہ رنج و الم گلزار جہاں میں اے ہمدم
طائر نہ پکاریں شاد ہیں ہم غنچے نہ کہیں شاداب ہیں ہم
سما کر دل میں نظروں سے نہاں ہے
مجھے یاد آنے والے تو کہاں ہے
دو دن کے لئے ہم آئے ہیں اک شب کی جوانی لائے ہیں
فردوس سرائے ہستی میں ہم رنگ گل مہتاب ہیں ہم
رسوائی شعر و عشق نے وہ رتبہ ہمیں اخترؔ بخشا ہے
فخر دکن و بنگال ہیں ہم ناز اودھ و پنجاب ہیں ہم
اندھیرے بادلوں سے پوچھ زاہد
مری کھوئی ہوئی توبہ کہاں ہے
خدائی کہکشاں کہتی ہے جس کو
وہ عذرا کا خرام رائیگاں ہے
جوانی رائیگاں جائے تو اچھا
جوانی ایک خواب رائیگاں ہے
یہ کس نے پیار کی نظروں سے دیکھا
کہ میرے دل کی دنیا پھر جواں ہے
ہمارے ہاتھ میں کب ساغر شراب نہیں
ہمارے قدموں پہ کس روز ماہتاب نہیں
چمن میں بلبلیں اور انجمن میں پروانے
جہاں میں کون غم عشق سے خراب نہیں
جہاں میں اب کوئی صورت پئے ثواب نہیں
وہ مے کدے نہیں ساقی نہیں شراب نہیں
شب بہار میں زلفوں سے کھیلنے والے
ترے بغیر مجھے آرزوئے خواب نہیں
غم آہ عشق کے غم کا کوئی نہیں موسم
بہار ہو کہ خزاں کب یہ اضطراب نہیں
بسے ہوئے ہیں نگاہوں میں وہ حسیں کوچے
ہر ایک ذرہ جہاں کم ز آفتاب نہیں
بجھا سا رہتا ہے دل جب سے ہیں وطن سے جدا
وہ صحن باغ نہیں سیر ماہتاب نہیں
امید پرسش احوال ہو تو کیوں کر ہو
سلام کا بھی تری بزم میں جواب نہیں
وطن کا چھیڑ دیا کس نے تذکرہ اخترؔ
کہ چشم شوق کو پھر آرزوئے خواب نہیں
وہ جوئبار رواں کا طرب فزا پانی
شراب سے نہیں کچھ کم اگر شراب نہیں
وہ باغ و راغ کے دلچسپ و دل نشیں منظر
کہ جن کے ہوتے ہوئے خلد مثل خواب نہیں
زمان ہجر مٹے دور وصل یار آئے
الٰہی اب تو خزاں جائے اور بہار آئے
سما رہے ہیں نظر میں وہ مہوشان حرم
حرم میں جن کے ستارے بھی باریاب نہیں
وطن کا چھیڑ دیا کس نے تذکرہ اخترؔ
کہ چشم شوق کو پھر آرزوئے خواب نہیں
ستم ظریفیٔ فطرت یہ کیا معمہ ہے
کہ جس کلی کو بھی سونگھوں میں بوئے یار آئے
ہیں تشنہ کام ہم ان بادلوں سے پوچھے کوئی
کہاں بہار کی پریوں کے تخت اتار آئے
حزیں ہے بیکس و رنجور ہے دل
محبت پر مگر مجبور ہے دل
چمن کی ہر کلی آمادۂ تبسم ہے
بہار بن کے مری جان نو بہار آئے
وہ آئیں یوں مرے آغوش عشق میں اخترؔ
کہ جیسے آنکھوں میں اک خواب بے قرار آئے
ترے خیال کی بے تابیاں معاذ اللہ
کہ ایک بار بھلائیں تو لاکھ بار آئے
برنگ زلف پریشاں وہ موج ہائے رواں
کہ جن کی یاد میں راتوں کو فکر خواب نہیں
ترے جلوے کا ہے جس دن سے مسکن
جواب جلوہ گاہ طور ہے دل
کیا ہے یاد اس یاد جہاں نے
الٰہی کس قدر مسرور ہے دل
تمہارے نور سے معمور ہے دل
عجب کیا ہے کہ رشک طور ہے دل
تمہارے عشق سے مسرور ہے دل
ابھی تک مست ہے مخمور ہے دل
دو عالم کو بھلا دیں کیوں نہ اخترؔ
کہ اس کی یاد سے معمور ہے دل
بہت چاہا نہ جائیں تیرے در پر
مگر کیا کیجیے مجبور ہے دل
فقیری میں اسے حاصل ہے شاہی
تمہارے عشق پر مغرور ہے دل
مزید شاعری پڑھیے اور دوسرے شعراء کو دریافت کیجیے۔