مکمل شاعری

دن رات مے کدے میں گزرتی تھی زندگی

اخترؔ وہ بے خودی کے زمانے کدھر گئے

وہ ہجر میں وصال کی امید کیا ہوئی

وہ رنج میں خوشی کے بہانے کدھر گئے

اجڑے پڑے ہیں دشت غزالوں پہ کیا بنی

سونے ہیں کوہسار دوانے کدھر گئے

ہے نجد میں سکوت ہواؤں کو کیا ہوا

لیلائیں ہیں خموش دوانے کدھر گئے

ویراں ہیں صحن و باغ بہاروں کو کیا ہوا

وہ بلبلیں کہاں وہ ترانے کدھر گئے

اے دل وہ عاشقی کے فسانے کدھر گئے

وہ عمر کیا ہوئی وہ زمانے کدھر گئے

— اختر شیرانی