شاعر کی معلومات لوڈ ہو رہی ہیں...
غزال اشک سر صبح دوب مژگاں پر
کب آنکھ اپنی کھلی اور لہو لہو نہ ملا
شاعر کی معلومات لوڈ ہو رہی ہیں...
Zafar Iqbal
1933 – حال
Zafar Iqbal is a renowned Pakistani Urdu poet, born on September 27, 1932, in Bahawalnagar, British India. He later moved to Pakistan and settled in Okara, Punjab. Zafar Iqbal is famous for his distinctive style of poetry, especially his ghazals, which blend classical traditions with modern expressions. In addition to his literary contributions, Zafar Iqbal is a lawyer and has written for various Urdu newspapers. He has received several prestigious awards for his work, including the Pride of Performance Award in 1999 and the Hilal-i-Imtiaz Award in 2014. Zafar Iqbal's poetry is celebrated for its innovative diction and emotional depth, making him a significant figure in contemporary Urdu literature.
ان کے کلام کے چند منتخب اشعار پڑھیے۔
غزال اشک سر صبح دوب مژگاں پر
کب آنکھ اپنی کھلی اور لہو لہو نہ ملا
چمکتے چاند بھی تھے شہر شب کے ایواں میں
نگار غم سا مگر کوئی شمع رو نہ ملا
یہاں کسی کو بھی کچھ حسب آرزو نہ ملا
کسی کو ہم نہ ملے اور ہم کو تو نہ ملا
پھر آج مے کدۂ دل سے لوٹ آئے ہیں
پھر آج ہم کو ٹھکانے کا ہم سبو نہ ملا
انہی کی رمز چلی ہے گلی گلی میں یہاں
جنہیں ادھر سے کبھی اذن گفتگو نہ ملا
خامشی اچھی نہیں انکار ہونا چاہئے
یہ تماشا اب سر بازار ہونا چاہئے
ڈوب کر مرنا بھی اسلوب محبت ہو تو ہو
وہ جو دریا ہے تو اس کو پار ہونا چاہئے
خواب کی تعبیر پر اصرار ہے جن کو ابھی
پہلے ان کو خواب سے بیدار ہونا چاہئے
بات پوری ہے ادھوری چاہئے اے جان جاں
کام آساں ہے اسے دشوار ہونا چاہئے
کہیں کہیں مجھے اپنی خبر نہیں ملتی
کہیں کہیں ترے بارے نہیں سمجھتا ہوں
جھوٹ بولا ہے تو قائم بھی رہو اس پر ظفرؔ
آدمی کو صاحب کردار ہونا چاہئے
دوستی کے نام پر کیجے نہ کیونکر دشمنی
کچھ نہ کچھ آخر طریق کار ہونا چاہئے
نہیں کہ تیرے اشارے نہیں سمجھتا ہوں
سمجھ تو لیتا ہوں سارے نہیں سمجھتا ہوں
ترا چڑھا ہوا دریا سمجھ میں آتا ہے
ترے خموش کنارے نہیں سمجھتا ہوں
کدھر سے نکلا ہے یہ چاند کچھ نہیں معلوم
کہاں کے ہیں یہ ستارے نہیں سمجھتا ہوں
کبھی تو ہوتا ہے میری سمجھ سے باہر ہی
کبھی میں شرم کے مارے نہیں سمجھتا ہوں
جو دائیں بائیں بھی ہیں اور آگے پیچھے بھی
انہیں میں اب بھی تمہارے نہیں سمجھتا ہوں
خود اپنے دل سے یہی اختلاف ہے میرا
کہ میں غموں کو غبارے نہیں سمجھتا ہوں
اندر سب آ گیا ہے باہر کا بھی اندھیرا
خود رات ہو گیا ہوں میں شام کرتے کرتے
کچھ بے خبر نہیں تھے جو جانتے ہیں مجھ کو
میں کوچ کر رہا تھا بسرام کرتے کرتے
تھکنا بھی لازمی تھا کچھ کام کرتے کرتے
کچھ اور تھک گیا ہوں آرام کرتے کرتے
یہ عمر تھی ہی ایسی جیسی گزار دی ہے
بدنام ہوتے ہوتے بدنام کرتے کرتے
سر سے گزر گیا ہے پانی تو زور کرتا
سب روک رکتے رکتے سب تھام کرتے کرتے
کس کے طواف میں تھے اور یہ دن آ گئے ہیں
کیا خاک تھی کہ جس کو احرام کرتے کرتے
مجھی کو طعنۂ غارت گری نہ دے پیارے
یہ نقش میں نے ترے ہاتھ سے مٹایا تھا
وہ مجھ سے اپنا پتا پوچھنے کو آ نکلے
کہ جن سے میں نے خود اپنا سراغ پایا تھا
گلی میں لوگ بھی تھے میرے اس کے دشمن لوگ
وہ سب پہ ہنستا ہوا میرے دل میں آیا تھا
مرے وجود سے گلزار ہو کے نکلی ہے
وہ آگ جس نے ترا پیرہن جلایا تھا
پھنستا نہیں پرندہ ہے بھی اسی فضا میں
تنگ آ گیا ہوں دل کو یوں دام کرتے کرتے
ظفرؔ کی خاک میں ہے کس کی حسرت تعمیر
خیال و خواب میں کس نے یہ گھر بنایا تھا
آخر ظفرؔ ہوا ہوں منظر سے خود ہی غائب
اسلوب خاص اپنا میں عام کرتے کرتے
بس ایک بار کسی نے گلے لگایا تھا
پھر اس کے بعد نہ میں تھا نہ میرا سایا تھا
ہم سوالات کا حل سوچ رہے ہوں ابھی تک
اور ماتھے پہ محبت کا نتیجہ لگ جائے
کیا ستم ہے کہ وہی دور رہا ہو تم سے
اور اسی شخص پہ الزام تمہارا لگ جائے
اور تو اس کے سوا کچھ نہیں امکان کہ اب
میرے دریا میں کہیں تیرا کنارہ لگ جائے
پوری آواز سے اک روز پکاروں تجھ کو
اور پھر میری زباں پر ترا تالا لگ جائے
میں نے اور دل نے اسی باب میں سوچا ہے کہ ہم
کام کچھ بھی نہ کریں کوئی وظیفہ لگ جائے
کیا تماشا ہے کہ باقی ہو سمندر کا سفر
اور ساحل سے کسی روز سفینہ لگ جائے
یہ بھی ممکن ہے کہ اس کار گہہ دل میں ظفرؔ
کام کوئی کرے اور نام کسی کا لگ جائے
روبرو کر کے کبھی اپنے مہکتے سرخ ہونٹ
ایک دو پل کے لیے گلدان کر دے گا مجھے
کب وہ ظاہر ہوگا اور حیران کر دے گا مجھے
جتنی بھی مشکل میں ہوں آسان کر دے گا مجھے
اسی نے روپ بدل کر جگا دیا آخر
جو زہر مجھ پہ کبھی نیند بن کے چھایا تھا
روح پھونکے گا محبت کی مرے پیکر میں وہ
پھر وہ اپنے سامنے بے جان کر دے گا مجھے
کہیں تو ہیں جو مرے خواب دیکھتے ہیں ظفرؔ
کوئی تو ہیں جنہیں پیارے نہیں سمجھتا ہوں
یوں بھی ہوتا ہے کہ یک دم کوئی اچھا لگ جائے
بات کچھ بھی نہ ہو اور دل میں تماشا لگ جائے
اب وہی کرنے لگے دیدار سے آگے کی بات
جو کبھی کہتے تھے بس دیدار ہونا چاہئے
جس موڑ سے چلے تھے پہنچے ہیں پھر وہیں پر
اک رائیگاں سفر کو انجام کرتے کرتے
منہدم کر دے گا آ کر ساری تعمیرات دل
دیکھتے ہی دیکھتے ویران کر دے گا مجھے
خواہشوں کا خوں بہائے گا سر بازار شوق
اور مکمل بے سر و سامان کر دے گا مجھے
ابھی دیوار اٹھائی بھی نہ ہو دل کی طرف
لیکن اس میں کوئی در کوئی دریچہ لگ جائے
اس ایک دشت میں سو شہر ہو گئے آباد
جہاں کسی نے کبھی کارواں لٹایا تھا
ایک ناموجودگی رہ جائے گی چاروں طرف
رفتہ رفتہ اس قدر سنسان کر دے گا مجھے
یا تو مجھ سے وہ چھڑا دے گا غزل گوئی ظفرؔ
یا کسی دن صاحب دیوان کر دے گا مجھے
پائے ہوئے اس وقت کو کھونا ہی بہت ہے
نیند آئے تو اس حال میں سونا ہی بہت ہے
اتنی بھی فراغت ہے یہاں کس کو میسر
یہ ایک طرف بیٹھ کے رونا ہی بہت ہے
تجھ سے کوئی فی الحال طلب ہے نہ تمنا
اس شہر میں جیسے ترا ہونا ہی بہت ہے
اپنے لیے ان چاند ستاروں کو سر شام
اس شاخ تماشا میں پرونا ہی بہت ہے
ہم اوڑھ بھی لیتے ہیں اسے وقت ضرورت
ہم کو یہ محبت کا بچھونا ہی بہت ہے
خوش حال بھی ہو سکتا ہوں میں چشم زدن میں
میرے لیے اس جسم کا سونا ہی بہت ہے
پہلے ہی بہت خاک اڑائی ہے یہاں پر
میرے لیے اس دشت کا کونا ہی بہت ہے
اگتا ہے کہ مٹی ہی میں ہو جاتا ہے مٹی
اس بیج کا اس خاک میں بونا ہی بہت ہے
ابھی کسی کے نہ میرے کہے سے گزرے گا
وہ خود ہی ایک دن اس دائرے سے گزرے گا
دریا کی روانی کو ظفرؔ چھوڑیئے فی الحال
تھوڑا سا یہ ہونٹوں کو بھگونا ہی بہت ہے
بھری رہے ابھی آنکھوں میں اس کے نام کی نیند
وہ خواب ہے تو یونہی دیکھنے سے گزرے گا
قریب آنے کی تمہید ایک یہ بھی رہی
وہ پہلے پہلے ذرا فاصلے سے گزرے گا
جو اپنے آپ گزرتا ہے کوچۂ دل سے
مجھے گماں تھا مرے مشورے سے گزرے گا
چھپی ہو شاید اسی میں سلامتی دل کی
یہ رفتہ رفتہ اگر ٹوٹنے سے گزرے گا
قصوروار نہیں پھر بھی چھپتا پھرتا ہوں
وہ میرا چور ہے اور سامنے سے گزرے گا
ہماری سادہ دلی تھی جو ہم سمجھتے رہے
کہ عکس ہے تو اسی آئینے سے گزرے گا
جیسی اب ہے اسی حالت میں نہیں رہ سکتا
میں ہمیشہ تو محبت میں نہیں رہ سکتا
دل سے باہر نکل آنا مری مجبوری ہے
میں تو اس شور قیامت میں نہیں رہ سکتا
گلی گلی مرے ذرے بکھر گئے تھے ظفرؔ
خبر نہ تھی کہ وہ کس راستے سے گزرے گا
خواب در خواب چلا کرتا ہے آنکھوں میں جو شخص
ڈھونڈنے نکلیں اسے اور کہیں رہتا ہی نہ ہو
شک مجھے یوں تو خیانت کا نہیں ہے کوئی
میں کسی کی بھی امانت میں نہیں رہ سکتا
چمک اٹھا ہو ابھی روئے بیاباں اک دم
اور یہ نظارہ کسی اور نے دیکھا ہی نہ ہو
مسئلہ اتنا بھی آسان نہیں ہے کہ ظفرؔ
اپنے نزدیک جو سیدھا ہے وہ الٹا ہی نہ ہو
کیفیت ہی کوئی پانی نے بدل لی ہو کہیں
ہم جسے دشت سمجھتے ہیں وہ دریا ہی نہ ہو
ابھی آنکھیں کھلی ہیں اور کیا کیا دیکھنے کو
مجھے پاگل کیا اس نے تماشا دیکھنے کو
وہ صورت دیکھ لی ہم نے تو پھر کچھ بھی نہ دیکھا
ابھی ورنہ پڑی تھی ایک دنیا دیکھنے کو
کھل کے رو بھی سکوں اور ہنس بھی سکوں جی بھر کے
ابھی اتنی بھی فراغت میں نہیں رہ سکتا
وہ کوئی اور ہو جو ساتھ کسی اور کے ہے
اصل میں تو وہ ابھی لوٹ کے آیا ہی نہ ہو
سمجھ ہمیں بھی ہے اتنی کہ اس کا عہد ستم
گزارنا ہے تو اب حوصلے سے گزرے گا
بہ ظاہر مطمئن میں بھی رہا اس انجمن میں
سبھی موجود تھے اور وہ بھی خوش تھا دیکھنے کو
تمنا کی کسے پروا کہ سونے جاگنے میں
میسر ہیں بہت خواب تمنا دیکھنے کو
اب اتنا حسن آنکھوں میں سمائے بھی تو کیونکر
وگرنہ آج اسے ہم نے بھی دیکھا دیکھنے کو
اب اس کو دیکھ کر دل ہو گیا ہے اور بوجھل
ترستا تھا یہی دیکھو تو کتنا دیکھنے کو
کوئی خطرہ ہے مجھے اور طرح کا اے دوست
میں جو اب تیری حفاظت میں نہیں رہ سکتا
آگ کا رشتہ نکل آئے کوئی پانی کے ساتھ
زندہ رہ سکتا ہوں ایسی ہی خوش امکانی کے ساتھ
چھپایا ہاتھ سے چہرہ بھی اس نامہرباں نے
ہم آئے تھے ظفرؔ جس کا سراپا دیکھنے کو
فرق پڑتا ہے کوئی لوگوں میں رہنے سے ضرور
شہر کے آداب تھے اپنی بیابانی کے ساتھ
تم ہی بتلاؤ کہ اس کی قدر کیا ہوگی تمہیں
جو محبت مفت میں مل جائے آسانی کے ساتھ
چل رہا ہے کام سارا خوب مل جل کر یہاں
کفر بھی چمٹا ہوا ہے جذب ایمانی کے ساتھ
بات ہے کچھ زندہ رہ جانا بھی اپنا آج تک
لہر تھی آسودگی کی بھی پریشانی کے ساتھ
کوچ کر جائیں جہاں سے مرے دشمن اے دوست
میں وہاں بھی کسی صورت میں نہیں رہ سکتا
یہ وہ دنیا ہے کہ جس کا کچھ ٹھکانا ہی نہیں
ہم گزارہ کر رہے ہیں دشمن جانی کے ساتھ
یہ بھی ممکن ہے کہ آنکھیں ہوں تماشا ہی نہ ہو
راس آنے لگے ہم کو تو یہ دنیا ہی نہ ہو
کہیں نکلے کوئی اندازہ ہمارا بھی غلط
جانتے ہیں اسے جیسا کہیں ویسا ہی نہ ہو
ہو کسی طرح سے مخصوص ہمارے ہی لیے
یعنی جتنا نظر آتا ہے وہ اتنا ہی نہ ہو
چاہیئے ہے مجھے کچھ اور ہی ماحول کہ میں
اور اب اپنی رفاقت میں نہیں رہ سکتا
ویسے رہنے کو تو خوش باش ہی رہتا ہوں ظفرؔ
سچ جو پوچھیں تو حقیقت میں نہیں رہ سکتا
کچھ بھی میں کرتا کراتا تو نہیں ہوں لیکن
باوجود اس کے فراغت میں نہیں رہ سکتا
ٹکٹکی باندھ کے میں دیکھ رہا ہوں جس کو
یہ بھی ہو سکتا ہے وہ سامنے بیٹھا ہی نہ ہو
رائیگانی سے ذرا آگے نکل آئے ہیں ہم
اس دفعہ تو کچھ گرانی بھی ہے ارزانی کے ساتھ
فاصلوں ہی فاصلوں میں جان سے ہارا ظفرؔ
عشق تھا لاہوریے کو ایک ملتانی کے ساتھ
خوشی ملی تو یہ عالم تھا بدحواسی کا
کہ دھیان ہی نہ رہا غم کی بے لباسی کا
اپنی مرضی سے بھی ہم نے کام کر ڈالے ہیں کچھ
لفظ کو لڑوا دیا ہے بیشتر معنی کے ساتھ
چمک اٹھے ہیں جو دل کے کلس یہاں سے ابھی
گزر ہوا ہے خیالوں کی دیو داسی کا
گزر نہ جا یوں ہی رخ پھیر کر سلام تو لے
ہمیں تو دیر سے دعوی ہے روشناسی کا
خدا کو مان کہ تجھ لب کے چومنے کے سوا
کوئی علاج نہیں آج کی اداسی کا
بات ایسی بھی کوئی نہیں کہ محبت بہت زیادہ ہے
لیکن ہم دونوں سے اس کی طاقت بہت زیادہ ہے
آپ کے پیچھے پیچھے پھرنے سے تو رہے اس عمر میں ہم
راہ پہ آ بیٹھے ہیں یہ بھی غنیمت بہت زیادہ ہے
عشق اداسی کے پیغام تو لاتا رہتا ہے دن رات
لیکن ہم کو خوش رہنے کی عادت بہت زیادہ ہے
گرے پڑے ہوئے پتوں میں شہر ڈھونڈتا ہے
عجیب طور ہے اس جنگلوں کے باسی کا
کام تو کافی رہتا ہے لیکن کرنا ہے کس نے یہاں
بے شک روز ادھر آ نکلو فرصت بہت زیادہ ہے
سیر ہی کرکے آ جائیں گے پھر بازار تماشا کی
جس شے کو بھی ہاتھ لگائیں قیمت بہت زیادہ ہے
کیا کچھ ہو نہ سکا ہم سے اور ہونے والا ہے کیا کچھ
حسرت بھی کافی ہے لیکن حیرت بہت زیادہ ہے
عشق ہے کس کو یاد کہ ہم تو ڈرتے ہی رہتے ہیں سدا
حسن وہ جیسا بھی ہے اس کی دہشت بہت زیادہ ہے
اس کی توجہ حاصل کی اور بیچ میں سب کچھ چھوڑ دیا
حکمت جتنی بھی ہو اس میں حماقت بہت زیادہ ہے
ایک چیز جو اپنی رسائی سے باہر ہے کہیں ظفرؔ
سچ پوچھو تو اس کی ہمیں ضرورت بہت زیادہ ہے
مٹ گئی ہے کوئی مڑتی ہوئی سی موج ہوا
چھپ گیا ہے کوئی تارا سا اشارا کر کے
روک رکھنا تھا ابھی اور یہ آواز کا رس
بیچ لینا تھا یہ سودا ذرا مہنگا کر کے
صاف و شفاف تھی پانی کی طرح نیت دل
دیکھنے والوں نے دیکھا اسے گدلا کر کے
اس طرف کام ہمارا تو نہیں ہے کوئی
آ نکلتے ہیں کسی شام تمہارا کر کے
خوش بہت پھرتے ہیں وہ گھر میں تماشا کر کے
کام نکلا تو ہے ان کا مجھے رسوا کر کے
شوق سے کیجیے اور دیر نہ فرمائیے گا
کچھ اگر آپ کو مل جائے گا ایسا کر کے
فرق اتنا نہ سہی عشق و ہوس میں لیکن
میں تو مر جاؤں ترا رنگ بھی میلا کر کے
اک ہاتھ میں تلوار تھی اک ہاتھ میں کشکول
ظالم تو وہ تھا ہی مرا سائل بھی وہی تھا
یوں بھی سجتی ہے بدن پر یہ محبت کیا کیا
کبھی پہنوں اسی ملبوس کو الٹا کر کے
آساں تھا بہت اس کے لیے حرف مروت
اور مرحلہ اپنے لیے مشکل بھی وہی تھا
یہ بات الگ ہے مرا قاتل بھی وہی تھا
اس شہر میں تعریف کے قابل بھی وہی تھا
تعبیر تھی اپنی بھی وہی خواب سفر کی
افسانۂ محرومی منزل بھی وہی تھا
ہم آپ کے اپنے ہیں وہ کہتا رہا مجھ سے
آخر صف اغیار میں شامل بھی وہی تھا
مجھ سے چھڑوائے مرے سارے اصول اس نے ظفرؔ
کتنا چالاک تھا مارا مجھے تنہا کر کے
میں لوٹ کے آیا تو گلستان ہوس میں
تھا گل بھی وہی شور عنادل بھی وہی تھا
دعوے تھے ظفرؔ اس کو بہت با خبری کے
دیکھا تو مرے حال سے غافل بھی وہی تھا
یکسو بھی لگ رہا ہوں بکھرنے کے باوجود
پوری طرح مرا نہیں مرنے کے باوجود
اک دھوپ سی تنی ہوئی بادل کے آر پار
اک پیاس ہے رکی ہوئی جھرنے کے باوجود
پہلا بھی دوسرا ہی کنارہ ہو جس طرح
حالت وہی ہے پار اترنے کے باوجود
اپنی طرف ہی رخ تھا وہاں واردات کا
الزام اس کے نام پہ دھرنے کے باوجود
حیراں ہوں مجھ میں اتنی یہ ہمت کہاں سے آئی
کر ہی گیا ہوں کام جو ڈرنے کے باوجود
نکلا نہیں ہے کوئی نتیجہ یہاں ظفرؔ
کرنے کے باوجود نہ بھرنے کے باوجود
ہونا پڑا نہ ہوتے ہوئے بھی مجھے یہاں
کچھ یاد رہ گیا ہوں بسرنے کے باوجود
جیسا بھی یہ سفر ہو ذرا غور کیجئے
کیسا رواں دواں ہوں ٹھہرنے کے باوجود
اس کو بھی یاد کرنے کی فرصت نہ تھی مجھے
مصروف تھا میں کچھ بھی نہ کرنے کے باوجود
کوئی خبر تھی اس کی پرندوں کے شور میں
رنگ ہوا میں شاخ و شجر انتظار تھا
مدت کے بعد پھول کی صورت کھلا تھا دل
شبنم کی طرح تازہ و تر انتظار تھا
آنکھیں تھیں خشک خشک تو دل بھی تھا بند بند
کھل ہی نہیں رہا تھا کدھر انتظار تھا
بالوں میں دھول پاؤں میں چھالے نہ تھے مگر
پھر بھی کچھ ایک رنج سفر انتظار تھا
یوں تھی جواہرات لب و چشم کی جھلک
جیسے یہ کوئی لعل و گہر انتظار تھا
یوں بھی نہیں کہ شام و سحر انتظار تھا
کہتے نہیں تھے منہ سے مگر انتظار تھا
دالان و در میں ایک توقع تھی موج موج
دیوار و بام تھے کہ بھنور انتظار تھا
مجھے باہر نہیں سامان کے اندر ڈھونڈو
مل بھی سکتا ہوں کسی شے میں سمویا ہوا میں
کس نئے خواب میں رہتا ہوں ڈبویا ہوا میں
ایک مدت ہوئی جاگا نہیں سویا ہوا میں
میری سورج سے ملاقات بھی ہو سکتی ہے
سوکھنے ڈال دیا جاؤں جو دھویا ہوا میں
ایسے میں اعتبار کسی پر نہ تھا مجھے
میں بھی تھا ساتھ ساتھ جدھر انتظار تھا
شام کی آخری آہٹ پہ دہلتا ہوا دل
صبح کی پہلی ہواؤں میں بھگویا ہوا میں
کبھی چاہوں بھی تو اب جا بھی کہاں سکتا ہوں
اس طرح سے ترے کانٹے میں پرویا ہوا میں
میں بہت سا جیسے ضائع ہو چکا ہوں جا بہ جا
ہاتھ سے محسوس کرتا ہوں کدھر باقی ہوں میں
مسکراتے ہوئے ملتا ہوں کسی سے جو ظفرؔ
صاف پہچان لیا جاتا ہوں رویا ہوا میں
میں نے کب دعویٰ کیا تھا سر بسر باقی ہوں میں
پیش خدمت ہوں تمہارے جس قدر باقی ہوں میں
میرے کہنے کے لیے بات نئی تھی نہ کوئی
کہہ کے چپ ہو گئے سب لوگ تو گویا ہوا میں
مایوس ہونے والے نہ تھے ہم بھی اے ظفرؔ
آیا نہیں تو بار دگر انتظار تھا
میں کسی کام آ بھی سکتا ہوں اگر سمجھے کوئی
آج بھی خس خانۂ دل میں شرر باقی ہوں میں
بازیابی کی توقع ہی کسی کو نہیں اب
اپنی دنیا میں ہوں اس طرح سے کھویا ہوا میں
آسماں پر کوئی کونپل سا نکل آؤں گا
سالہا سال سے اس خاک میں بویا ہوا میں
دن چڑھے ہونا نہ ہونا ایک سا رہ جائے گا
یہ بھی کیا کم ہے کہ اب سے رات بھر باقی ہوں میں
میری تفصیلات میں جانے کا موقع اب کہاں
اب تو آساں ہے سمجھنا مختصر باقی ہوں میں
ڈھونڈتے ہیں اب جہاں میرا نشاں تک بھی نہیں
اس طرف بھی دیکھ لینا تھا جدھر باقی ہوں میں
خرچ سارا ہو چکا ہوں اور دنیا میں کہیں
کچھ اگر ہوں بھی تو خود سے بے خبر باقی ہوں میں
جھمیلے اور بھی سلجھانے والے ہیں کئی پہلے
اور اس کے وصل کی خواہش کو سب سے بعد رکھا ہے
میں اگر باقی نہیں ہوں تو بھی ہے کس کو غرض
اور ہے پروا یہاں کس کو اگر باقی ہوں میں
نہ اس کو بھول پائے ہیں نہ ہم نے یاد رکھا ہے
دل برباد کو اس طرح سے آباد رکھا ہے
پھر اس کی کامیابی کا کوئی امکان ہی کیا ہو
اگر اس شوخ پر دعویٰ ہی بے بنیاد رکھا ہے
رکا رہتا ہے چاروں سمت اشک و آہ کا موسم
رواں ہر لحظہ کاروبار ابر و باد رکھا ہے
کچھ بھی ہو بے سود ہے مجھ سے سفر کرنا ظفرؔ
جو کہیں جاتی نہیں وہ رہگزر باقی ہوں میں
یہ کیا کم ہے کہ ہم ہیں تو سہی فہرست میں اس کی
بھلے نا شاد رکھا ہے کہ ہم کو شاد رکھا ہے
جسے لفظ محبت کے معانی تک نہیں آتے
اسے اپنے لیے ہم نے یہاں استاد رکھا ہے
خزاں کے خشک پتے جس میں دن بھر کھڑکھڑاتے ہیں
اسی موسم کا نام اب کے بہار ایجاد رکھا ہے
بے وفائی کرکے نکلوں یا وفا کر جاؤں گا
شہر کو ہر ذائقے سے آشنا کر جاؤں گا
ظفرؔ اتنا ہی کافی ہے جو وہ راضی رہے ہم پر
کمر اپنی پہ کوئی بوجھ ہم نے لاد رکھا ہے
جواب اپنے کو چاہے جو بھی وہ ملبوس پہنائے
سوال اس دل نے اس کے آگے مادر زاد رکھا ہے
مجھ سے اچھائی بھی نہ کر میری مرضی کے خلاف
ورنہ میں بھی ہاتھ کوئی دوسرا کر جاؤں گا
تو بھی ڈھونڈے گا مجھے شوق سزا میں ایک دن
میں بھی کوئی خوبصورت سی خطا کر جاؤں گا
مجھ میں ہیں گہری اداسی کے جراثیم اس قدر
میں تجھے بھی اس مرض میں مبتلا کر جاؤں گا
سمٹنے کی ہوس کیا تھی بکھرنا کس لیے ہے
وہ جینا کس کی خاطر تھا یہ مرنا کس لیے ہے
مسافت خواب ہے تو خواب میں اب جاگنا کیا
اگر چل ہی پڑے ہیں تو ٹھہرنا کس لیے ہے
جھجھکنا ہے تو اس کے سامنے ہونا ہی کیسا
جو ڈرنا ہے تو دریا میں اترنا کس لیے ہے
شور ہے اس گھر کے آنگن میں ظفرؔ کچھ روز اور
گنبد دل کو کسی دن بے صدا کر جاؤں گا
اگر رکنا نہیں اس نے ہمارے پاس تو پھر
ہمارے راستے پر سے گزرنا کس لیے ہے
وہ کہہ دے گا تو اٹھ جائیں گے اس کی بزم سے ہم
مناسب ہی نہیں لگتا پسرنا کس لیے ہے
نہ کرنے سے بھی ہوتا ہو جہاں سب کا گزارہ
وہاں آخر کسی نے کام کرنا کس لیے ہے
دیکھو تو کچھ زیاں نہیں کھونے کے باوجود
ہوتا ہے اب بھی عشق نہ ہونے کے باوجود
شاید یہ خاک میں ہی سمانے کی مشق ہو
سوتا ہوں فرش پر جو بچھونے کے باوجود
ظفرؔ اس پر اثر تو کوئی ہوتا ہے نہ ہوگا
تو پھر یہ روز کا بننا سنورنا کس لیے ہے
محبت بھی ہے اور اپنا تقاضا بھی نہیں کچھ
ہم اس سے صاف کہہ دیں گے مکرنا کس لیے ہے
پانی تو ایک عمر سے مجھ پر ہے بے اثر
میلا ہوں جیسے اور بھی دھونے کے باوجود
ہوتی نہیں ہے میری تسلی کسی طرح
رونے کا انتظار ہے رونے کے باوجود
بوجھل تو میں کچھ اور بھی رہتا ہوں رات دن
سامان خواب رات کو ڈھونے کے باوجود
کرتا ہوں نیند میں ہی سفر سارے شہر کا
فارغ تو بیٹھتا نہیں سونے کے باوجود
تھی پیاس تو وہیں کی وہیں اور میں وہاں
خوش تھا ذرا سا ہونٹ بھگونے کے باوجود
یہ کیمیا گری مری اپنی ہے اس لیے
میں راکھ ہی سمجھتا ہوں سونے کے باوجود
ڈرتا ہوں پھر کہیں سے نکالیں نہ سر ظفرؔ
میں اس کو اپنے ساتھ ڈبونے کے باوجود
ہمیں بھی مطلب و معنی کی جستجو ہے بہت
حریف حرف مگر اب کے دو بہ دو ہے بہت
پھٹے پرانے دلوں کی خبر نہیں لیتا
اگرچہ جانتا ہے حاجت رفو ہے بہت
وقار گھر کی تواضع ہی پر نہیں موقوف
بہ فیض شاعری باہر بھی آبرو ہے بہت
ادھر ادھر یوں ہی منہ مارتے بھی ہیں لیکن
یہ مانتے بھی ہیں دل سے کہ ہم کو تو ہے بہت
بدن کا سارا لہو کھنچ کے آ گیا رخ پر
وہ ایک بوسہ ہمیں دے کے سرخ رو ہے بہت
اب اس کی دید محبت نہیں ضرورت ہے
کہ اس سے مل کے بچھڑنے کی آرزو ہے بہت
یہی ہے بے سر و پا بات کہنے کا موقع
پتا چلے گا کسے شور چار سو ہے بہت
نہ کوئی بات کہنی ہے نہ کوئی کام کرنا ہے
اور اس کے بعد کافی دیر تک آرام کرنا ہے
بہت بے سود ہے لیکن ابھی کچھ اور دن مجھ کو
سواد صبح میں رہ کر شمار شام کرنا ہے
یہی ہے فکر کہیں مان ہی نہ جائیں ظفرؔ
ہمارے معجزۂ فن پہ گفتگو ہے بہت
یہ حال ہے تو بدن کو بچایئے کب تک
صدا میں دھوپ بہت ہے لہو میں لو ہے بہت
اس آغاز محبت ہی میں پورے ہو گئے ہم تو
اسے اب اور کیا شرمندۂ انجام کرنا ہے
بدی کے طور پر کرنی ہے نیکی بھی محبت میں
کہ جو بھی کام کرنا ہے وہ بے ہنگام کرنا ہے
کوئی بدلہ چکانا ہے وفا کے نام پر اس سے
مسافت کے لیے اٹھنا ہے اور بسرام کرنا ہے
ابھی تو کار خیر اتنا پڑا ہے سامنے میرے
ابھی تو میں نے ہر خاص آدمی کو عام کرنا ہے
کبھی یہ شوق نامانوس ہوگا
کبھی وہ شکل انجانی رہے گی
اک آغاز سفر ہے اے ظفرؔ یہ پختہ کاری بھی
ابھی تو میں نے اپنی پختگی کو خام کرنا ہے
نشاں دینا ہے میں نے کچھ غبار آلود سمتوں کا
کوئی کافی پرانا راز طشت از بام کرنا ہے
چلو اتنی تو آسانی رہے گی
ملیں گے اور پریشانی رہے گی
کمائی عمر بھر کی ہے یہی اک جائداد اپنی
سو یہ خواب تماشا اب کسی کے نام کرنا ہے
اسی سے رونق دریائے دل ہے
یہی اک لہر طوفانی رہے گی
اتار پھینکتا میں بھی یہ تار تار بدن
اسیر خاک ہوں کرنا پڑا گزارہ مجھے
مرے حدود میں ہے میرے آس پاس کی دھند
رہا یہ شہر تو اس کا نہیں اجارہ مجھے
لہو میں آئے گا طوفان تند رات بہ رات
کرے گی موج بلا خیز پارہ پارہ مجھے
ابھی دل کی سیاہی زور پر ہے
ابھی چہرے پہ تابانی رہے گی
بجھا نہیں مرے اندر کا آفتاب ابھی
جلا کے خاک کرے گا یہی شرارہ مجھے
نوچ کر پھینک دیے آپ ہی خواب آنکھوں سے
اس دبی شاد کو ناشاد بھی خود میں نے کیا
اڑے وہ گرد کہ میں چار سو بکھر جاؤں
غبار میں نظر آئے نہ کوئی چارہ مجھے
سنوگے لفظ میں بھی پھڑپھڑاہٹ
لہو میں بھی پرافشانی رہے گی
جال پھیلائے تھے جس کے لیے چاروں جانب
اس گرفتار کو آزاد بھی خود میں نے کیا
سبک سر ہو کے جینا ہے کوئی دن
ابھی کچھ دن گراں جانی رہے گی
انکساری میں مرا حکم بھی جاری تھا ظفرؔ
عرض کرتے ہوئے ارشاد بھی خود میں نے کیا
ظفرؔ میں شہر میں آ تو گیا ہوں
مری خصلت بیابانی رہے گی
ہماری گرم گفتاری کے باوصف
ہوا اتنی ہی برفانی رہے گی
سحر ہوئی تو بہت دیر تک دکھائی دیا
غروب ہوتی ہوئی رات کا کنارہ مجھے
کام تیرا تھا مگر مارے مروت کے اسے
تجھ سے پہلے بھی ترے بعد بھی خود میں نے کیا
شیر آ کے چیر پھاڑ گیا مجھ کو خواب میں
دم بھر کو میری آنکھ لگی تھی مچان پر
نکل جائے گی صورت آئنے سے
ہمارے گھر میں حیرانی رہے گی
مری فضا میں ہے ترتیب کائنات کچھ اور
عجب نہیں جو ترا چاند ہے ستارہ مجھے
شہر میں کیوں مری پہچان ہی باقی نہ رہی
اس خرابے کو تو آباد بھی خود میں نے کیا
بجلی گری ہے کل کسی اجڑے مکان پر
رونے لگوں کہ ہنس پڑوں اس داستان پر
پیاسی ہے روح جسم شرابور ہے تو کیا
بیکار مینہ برستا رہا سائبان پر
نہ چھو سکوں جسے کیا اس کا دیکھنا بھی ظفرؔ
بھلا لگا نہ کبھی دور کا نظارہ مجھے
ابھی تو کرنا پڑے گا سفر دوبارہ مجھے
ابھی کریں نہیں آرام کا اشارہ مجھے
اک نقش سا نکھرتا رہے گا نگاہ میں
اک حرف سا لرزتا رہے گا زبان پر
خالی پڑی ہیں بید کی بیمار کرسیاں
خوں خواب دھوپ دھند برستی ہے لان پر
ہر نیا ذائقہ چھوڑا ہے جو اوروں کے لیے
پہلے اپنے لیے ایجاد بھی خود میں نے کیا
پیلی ہوا میں خون کا ذرہ اڑا ہی تھا
پاگل ہوا یہ شہر ذرا سے نشان پر
بھول بیٹھا تھا مگر یاد بھی خود میں نے کیا
وہ محبت جسے برباد بھی خود میں نے کیا
اپنے لیے ہی آنکھ کا پردہ ہوں رات دن
میں ورنہ آشکار ہوں سارے جہان پر
کس تازہ معرکے پہ گیا آج پھر ظفرؔ
تلوار طاق میں ہے نہ گھوڑا ہے تھان پر
وہ قہر تھا کہ رات کا پتھر پگھل پڑا
کیا آتشیں گلاب کھلا آسمان پر
اگر اس کھیل میں اب وہ بھی شامل ہونے والا ہے
تو اپنا کام پہلے سے بھی مشکل ہونے والا ہے
اثر اب اور کیا ہونا تھا اس جان تغافل پر
جو پہلے بیش و کم تھا وہ بھی زائل ہونے والا ہے
حقیقت میں بہت کچھ کھونے والے ہیں یہ سادہ دل
جو یہ سمجھے ہوئے ہیں ان کو حاصل ہونے والا ہے
ہمیں سے کوئی کوشش ہو نہ پائی کارگر ورنہ
ہر اک ناقص یہاں کا پیر کامل ہونے والا ہے
زیادہ ناز اب کیا کیجیے جوش جوانی پر
کہ یہ طوفاں بھی رفتہ رفتہ ساحل ہونے والا ہے
ہوا شاخوں میں رکنے اور الجھنے کو ہے اس لمحے
گزرتے بادلوں میں چاند حائل ہونے والا ہے
ہمارے حال مستوں کو خبر ہونے سے پہلے ہی
یہاں پر اور ہی کچھ رنگ محفل ہونے والا ہے
وہ وقت ہے کہ خلق پہ ہر ظلم ناروا
اللہ کا نام لے کے روا ہونے والا ہے
رنگ ہوا میں ہے عجب اسرار سا کوئی
کوئی بھی جانتا نہیں کیا ہونے والا ہے
یہ بھی درست ہے کہ پیمبر نہیں ہوں میں
ہے یہ بھی سچ کہ میرا کہا ہونے والا ہے
چلو اس مرحلے پر ہی کوئی تدبیر کر دیکھو
وگرنہ شہر میں پانی تو داخل ہونے والا ہے
اک خوف ہے کہ ہونے ہی والا ہے جا گزیں
اک خواب ہے کہ سب سے جدا ہونے والا ہے
ظفرؔ کچھ اور ہی اب شعبدہ دکھلائیے ورنہ
یہ دعوائے سخن دانی تو باطل ہونے والا ہے
کچھ اشک خوں بچا کے بھی رکھیے کہ شہر میں
جو ہو چکا ہے اس سے سوا ہونے والا ہے
اک لہر ہے کہ مجھ میں اچھلنے کو ہے ظفرؔ
اک لفظ ہے کہ مجھ سے ادا ہونے والا ہے
دل میں کھلتا ہوا اک آخری خواہش کا یہ پھول
جاتے جاتے اسے خود میں نے مسل جانا ہے
یہ تیر آخری ہے بس اس کی کمان میں
اور وہ بھی دیکھ لینا خطا ہونے والا ہے
خوش تھا سیاہ خانۂ دل میں بہت لہو
اس قید سے مگر یہ رہا ہونے والا ہے
لہر کی طرح کنارے سے اچھل جانا ہے
دیکھتے دیکھتے ہاتھوں سے نکل جانا ہے
دوپہر وہ ہے کہ ہوتی نظر آتی ہی نہیں
دن ہمارا تو بہت پہلے ہی ڈھل جانا ہے
جو یہاں خود ہی لگا رکھی ہے چاروں جانب
ایک دن ہم نے اسی آگ میں جل جانا ہے
جی ہمارا بھی یہاں اب نہیں لگتا اتنا
آج اگر روک لیے جائیں تو کل جانا ہے
اور تو ہونی ہے کیا اپنی وصولی اس سے
منہ پہ کالک یہ ملاقات کی مل جانا ہے
جیسے گھٹی میں کوئی خوف پڑا ہو اس کی
بات بے بات ہی اس دل نے دہل جانا ہے
میں کسی اور زمانے کے لیے ہوں شاید
اس زمانے میں ہے مشکل مرا ظاہر ہونا
میں بھی کچھ دیر سے بیٹھا ہوں نشانے پہ ظفرؔ
اور وہ کھینچا ہوا تیر بھی چل جانا ہے
وہ مقامات مقدس وہ ترے گنبد و قوس
اور مرا ایسے نشانات کا زائر ہونا
بادلوں اور ہواؤں میں اڑا پھرتا میں
کاش ہوتا مری تقدیر میں طائر ہونا
میں نہ ہونے پہ ہی خوش تھا مگر ایسے ہوا پھر
مجھ کو ناچار پڑا آپ کی خاطر ہونا
چلتی رکتی ہوئی یہ حسن بھی ہے ایک ہوا
موسم عشق بھی اک روز بدل جانا ہے
واقعی تم کو دکھائی ہی نہیں دیتا ہوں
یا ضرورت ہے تمہاری مرا منکر ہونا
کبھی اول نظر آنا کبھی آخر ہونا
اور وقفوں سے مرا غائب و حاضر ہونا
دور ہو جاؤں بھی اس باغ بدن سے لیکن
کہیں ممکن ہی نہیں ایسے مناظر ہونا
راستہ آپ بنانا ہی کوئی سہل نہیں
پھر اسی راستے کا آپ مسافر ہونا
صرف آنکھیں تھیں ابھی ان میں اشارے نہیں تھے
دل پہ موسم یہ محبت نے اتارے نہیں تھے
جیسی راتوں میں سفر ہم نے کیا تھا آغاز
سر بسر سمتیں ہی سمتیں تھیں ستارے نہیں تھے
جو بندۂ خدا تھا خدا ہونے والا ہے
کیا کچھ ابھی تو جلوہ نما ہونے والا ہے
کام نکلا ہے کچھ اتنا ہی یہ پیچیدہ ظفرؔ
جتنا آساں نظر آیا مجھے شاعر ہونا
اب تو ہر شخص کی خاطر ہوئی مطلوب ہمیں
ہم کسی کے بھی نہیں تھے جو تمہارے نہیں تھے
لوگ بھی کچھ تعارف کراتے رہے
مجھ کو پہلے ہی معلوم تھا کون تھا
جب ہمیں کوئی توقع ہی نہیں تھی تم سے
ایسے اس وقت بھی حالات ہمارے نہیں تھے
ڈوب ہی جانا مقدر تھا ہمارا کہ وہاں
جس طرف دیکھیے پانی تھا کنارے نہیں تھے
کیوں نہیں عشق بھلا ہر کس و نا کس کا شعار
اس تجارت میں اگر اتنے خسارے نہیں تھے
میرے اندر وہ میرے سوا کون تھا
میں تو تھا ہی مگر دوسرا کون تھا
لوگ اندازے ہی سب لگاتے رہے
وہ جبیں کس کی تھی نقش پا کون تھا
مہلت عمر میں رہنے دیے اس نے شامل
جو شب و روز کبھی ہم نے گزارے نہیں تھے
جب نظارے تھے تو آنکھوں کو نہیں تھی پروا
اب انہی آنکھوں نے چاہا تو نظارے نہیں تھے
ٹھیک ہے کوئی مدد کو نہیں پہنچا لیکن
یہ بھی سچ ہے کہ ظفرؔ ہم بھی پکارے نہیں تھے
مجھ سے مل کر ہی اندازہ ہوگا کوئی
وہ الگ کون تھا وہ جدا کون تھا
جس کو احوال سارا تھا معلوم وہ
بے خبر راستے میں پڑا کون تھا
منتظر جس کی دنیا رہی دیر تک
دور سے کوئی آتا ہوا کون تھا
وہی تکرار ہے اور ایک وہی یکسانی
اس شب و روز میں اب اپنا گزارہ کم ہے
میں زیادہ ہوں بہت اس کے لیے اب تک بھی
اور میرے لیے وہ سارے کا سارا کم ہے
اس کی اپنی بھی توجہ نہیں مجھ پر کوئی خاص
اور میں نے بھی ابھی اس کو پکارا کم ہے
ریزہ ریزہ ہی پہچان میں تھا ظفرؔ
جانتے تھے سبھی جا بجا کون تھا
کوئی جس پر نہ تھا موسموں کا اثر
بعد ساون کے بھی وہ ہرا کون تھا
آئی جس کی مہک اس سے پہلے کہیں
وہ سوار کمند ہوا کون تھا
ایک ہی بار نہیں ہے وہ دوبارہ کم ہے
میں وہ دریا ہوں جسے اپنا کنارہ کم ہے
میرے دن رات میں کرنا نہیں اب اس کو شمار
حصۂ عمر کوئی میں نے گزارا کم ہے
میں تو رکھتا ہوں بہت روز کے روز ان کا حساب
آسماں پر کوئی آج ایک ستارہ کم ہے
آج پانی جو اچھلتا نہیں پہلے کی طرح
ایسا لگتا ہے کہ اس میں کوئی دھارا کم ہے
ہاتھ پیر آپ ہی میں مار رہا ہوں فی الحال
ڈوبتے کو ابھی تنکے کا سہارا کم ہے
وہ کس طرف چلا ہے لگائے کوئی سراغ
میں کس طرف رواں ہوں پتا لینا چاہیئے
پیش رفت اور ابھی ممکن بھی نہیں ہے کہ ظفرؔ
ابھی اس شوخ پہ کچھ زور ہمارا کم ہے
کیسا ہے کون یہ تو نظر آ سکے کہیں
پردہ یہ درمیاں سے ہٹا لینا چاہیئے
الزام ایک یہ بھی اٹھا لینا چاہیئے
اس شہر بے اماں کو بچا لینا چاہیئے
یہ زندگی کی آخری شب ہی نہ ہو کہیں
جو سو گئے ہیں ان کو جگا لینا چاہیئے
دل پر جو یادگار رہے اس کے مکر کی
ایسا بھی کوئی نقش بنا لینا چاہیئے
کھڑکیاں کس طرح کی ہیں اور در کیسا ہے وہ
سوچتا ہوں جس میں وہ رہتا ہے گھر کیسا ہے وہ
یعنی قمار عشق میں کیا کچھ ہے داؤ پر
اس راز وا شگاف کو پا لینا چاہیئے
اس طرح بھی چلا ہے کبھی کاروبار شوق
روٹھے کوئی تو اس کو منا لینا چاہیئے
کیجیے نہ کیوں مطالبۂ وصل اے ظفرؔ
کی ہے وفا تو اس کا صلہ لینا چاہیئے
اک نظر میں ہی نظر آ جائے گا وہ سر بسر
پھر بھی اس کو دیکھنا بار دگر کیسا ہے وہ
کون سی رنگت کے ہیں اس کے زمین و آسماں
چھاؤں ہے جس کی یہاں تک بھی شجر کیسا ہے وہ
اس کا ہونا ہی بہت ہے وہ کہیں ہے تو سہی
کیا سروکار اس سے ہے مجھ کو ظفرؔ کیسا ہے وہ
نہ گھاٹ ہے کوئی اپنا نہ گھر ہمارا ہوا
قیام اب کے سر رہگزر ہمارا ہوا
اسی کی روشنی کام آئی عمر بھر اپنے
جو اک ستارہ فقط شام بھر ہمارا ہوا
غرض رہی نہ کبھی منزلوں سے کوئی ہمیں
ہمیشہ اپنے ہی اندر سفر ہمارا ہوا
میں تو اس کے ایک اک لمحے کا رکھتا ہوں شمار
اور میرے حال دل سے بے خبر کیسا ہے وہ
کیسی وہ آب و ہوا ہے جس میں وہ لیتا ہے سانس
آتا جاتا ہے وہ جس پر رہ گزر کیسا ہے وہ
ہمارے حصے میں دیوار ہی رہی دن رات
کوئی دریچہ ہمارا نہ در ہمارا ہوا
ہمارے خوں سے گزر کر ہی تیغ برق بجھی
ہمارے خس میں اتر کر شرر ہمارا ہوا
زر سخن جو لٹایا ہے راستے میں کہیں
تو دور دشت ہوا میں خطر ہمارا ہوا
رہے ہیں بے ثمر و سایہ ہی سر ہستی
برائے نام یہاں پر شجر ہمارا ہوا
خواہش کا حساب بھی لگاؤں
لڑکی تو بہت نپی تلی ہے
دریا ہے رکا ہوا ہمارا
صحرا میں ریت بہہ رہی ہے
ہوتی جاتی ہے میری تشکیل
جوں جوں مجھ میں وہ ٹوٹتی ہے
کسی سند کی ضرورت نہیں پڑی ہے ظفرؔ
ہمارا عیب ہی آخر ہنر ہمارا ہوا
اسی میں الجھے ہوئے ہیں ہمارے پاؤں ابھی
جو ایک خواب کبھی سر بہ سر ہمارا ہوا
یوں تو کس چیز کی کمی ہے
ہر شے لیکن بکھر گئی ہے
کیا نقش بنائیے کہ گھر میں
دیوار کبھی نہیں کبھی ہے
دل تنگ ہے پاس بیٹھنے سے
اٹھنا چاہوں تو روکتی ہے
پیرو نہیں ایک بھی ظفرؔ کا
کس مذہب سخت کا نبی ہے
تصویر خزاں لہو میں اب کے
پیلی پیلی ہری ہری ہے
چلے گا کس طرح سے کاروبار شوق اس صورت
رسد کچھ بھی نہیں ہے اور طلب گاری زیادہ ہے
بظاہر صحت اچھی ہے جو بیماری زیادہ ہے
اسی خاطر بڑھاپے میں ہوس کاری زیادہ ہے
محبت کام ہے جس طرح کا بس دیکھتے جاؤ
رکا رہتا بھی ہے اکثر مگر جاری زیادہ ہے
ہمیں خود بھی یقیں آتا نہیں اس کا جو یہ ہم پر
گراں باری کی نسبت سے سبکساری زیادہ ہے
سراغ اس کا کہیں اندر تو کچھ ملتا نہیں بے شک
یہ حالت وہ ہے جو ہم پر ابھی طاری زیادہ ہے
عمارت یہ مکمل ہونے والی ہی نہیں لگتی
کہ اس تعمیر میں کچھ رنگ مسماری زیادہ ہے
مجھے خریدنا کچھ بھی نہ تھا اسی خاطر
میں خود کو بیچ کے بازار سے نکل آیا
اٹھا سکتے نہیں جب چوم کر ہی چھوڑنا اچھا
محبت کا یہ پتھر اس دفعہ بھاری زیادہ ہے
حفاظت ہی ہمارا مسئلہ تھا روز اول سے
سو اپنے ارد گرد اب چار دیواری زیادہ ہے
چھپا ہوا جو نمودار سے نکل آیا
یہ فرق بھی ترے انکار سے نکل آیا
پلٹ پڑا جو میں سر پھوڑ کر محبت میں
تو راستہ اسی دیوار سے نکل آیا
ضروری ہو تو کر دیں گے ظفرؔ تردید بھی جاری
بیان عشق اپنا اب کے اخباری زیادہ ہے
مجھے بھی دے رہے تھے خلعت وفا لیکن
نظر بچا کے میں دربار سے نکل آیا
ابھی تو اپنے کھنڈر ہی کی سیر تھی باقی
یہ تو کہاں مرے آثار سے نکل آیا
بہت سے اور طلسمات منتظر ہیں مرے
اگر کبھی ترے اسرار سے نکل آیا
نئی فضا نئے آفاق ہیں اسی کے لیے
جو آج اڑتی ہوئی ڈار سے نکل آیا
رخ زیبا ادھر نہیں کرتا
چاہتا ہے مگر نہیں کرتا
اسی کو ایک غنیمت قرار دوں گا ظفرؔ
جو ایک شعر بھی طومار سے نکل آیا
سوچتا ہے مگر سمجھتا نہیں
دیکھتا ہے نظر نہیں کرتا
بند ہے اس کا در اگر مجھ پر
کیوں مجھے در بدر نہیں کرتا
سرے سے جو کہیں موجود ہی نہ تھا آخر
وہ نقص بھی مرے کردار سے نکل آیا
حرف انکار اور اتنا طویل
بات کو مختصر نہیں کرتا
نہ کرے شہر میں وہ ہے تو سہی
مہربانی اگر نہیں کرتا
حسن اس کا اسی مقام پہ ہے
یہ مسافر سفر نہیں کرتا
جا کے سمجھائیں کیا اسے کہ ظفرؔ
تو بھی تو درگزر نہیں کرتا
سج رہے تھے یہ شب و روز کچھ ایسے تجھ سے
ہم کو دنیا ہی پسند آ گئی دیں رہنے دیا
اس نے ٹکڑوں میں بکھیرا ہوا تھا مجھ کو جہاں
جا اٹھایا ہے کہیں سے تو کہیں رہنے دیا
نہ گماں رہنے دیا ہے نہ یقیں رہنے دیا
راستہ کوئی کھلا ہم نے نہیں رہنے دیا
اک خبر تھی جسے ظاہر نہ کیا ہم نے کبھی
اک خزانہ تھا جسے زیر زمیں رہنے دیا
جا بجا اس میں بھی تیرے ہی نشاں تھے شامل
ہم نے اک نقش اگر اپنے تئیں رہنے دیا
خود تو باہر ہوئے ہم خانۂ دل سے لیکن
وہ کسی خواب میں تھا اس کو یہیں رہنے دیا
آسماں سے کبھی ہم نے بھی اتارا نہ اسے
اور اس نے بھی ہمیں خاک نشیں رہنے دیا
ہم نے چھیڑا نہیں اشیائے محبت کو ظفرؔ
جو جہاں پر تھی پڑی اس کو وہیں رہنے دیا
خود تو باغی ہوئے ہم تجھ سے مگر ساتھ ہی ساتھ
دل رسوا کو ترے زیر نگیں رہنے دیا
چڑھے ہیں کاٹنے والوں پہ لوٹنے والے
اسی ہجوم بلا میں پتنگ اڑتی ہے
طلسم ہوشربا میں پتنگ اڑتی ہے
کسی عقب کی ہوا میں پتنگ اڑتی ہے
پتنگ اڑانے سے کیا منع کر سکے زاہد
کہ اس کی اپنی عبا میں پتنگ اڑتی ہے
یہ آپ کٹتی ہے یا کاٹتی ہے دوسری کو
بس ایک بیم و رجا میں پتنگ اڑتی ہے
یہ خواب ہے کہ الجھتا ہے اور خوابوں سے
یہ چاند ہے کہ خلا میں پتنگ اڑتی ہے
امید وصل میں سو جائیں ہم کبھی جو ظفرؔ
تو اپنی خواب سرا میں پتنگ اڑتی ہے
کہیں چھتوں پہ بپا ہے بسنت کا تہوار
کہیں پہ تنگئ جا میں پتنگ اڑتی ہے
بہت سلجھی ہوئی باتوں کو بھی الجھائے رکھتے ہیں
جو ہے کام آج کا کل تک اسے لٹکائے رکھتے ہیں
کہیں فلک پہ سرکتی ہے سرسراتی ہوئی
کہیں دلوں کی فضا میں پتنگ اڑتی ہے
ہماری جستجو سے دور تر ہے منزل معنی
اسی کو کھوئے رکھنا ہے جسے ہم پائے رکھتے ہیں
ہماری آرزو اپنی سمجھ میں بھی نہیں آتی
پجامہ اس طرح کا ہے جسے الٹائے رکھتے ہیں
تغافل سا روا رکھتے ہیں اس کے سامنے کیا کیا
مگر اندر ہی اندر طبع کو للچائے رکھتے ہیں
اسی کی روشنی ہے اور اسی میں بھسم ہونا ہے
یہ شعلہ شام کا جو رات بھر بھڑکائے رکھتے ہیں
ہم اتنی روشنی میں دیکھ بھی سکتے نہیں اس کو
سو اپنے آپ ہی اس چاند کو گہنائے رکھتے ہیں
نشیب شاعری میں ہے ہماری ذات سے رونق
یہی پتھر ہے جس کو رات دن لڑھکائے رکھتے ہیں
ہوائیں بھول کر بھی اس طرف کا رخ نہیں کرتیں
سو یہ شاخ تماشا آپ ہی تھرائے رکھتے ہیں
یہاں سب سے الگ سب سے جدا ہونا تھا مجھ کو
مگر کیا ہو گیا ہوں اور کیا ہونا تھا مجھ کو
پھر اس کو ڈھونڈنے میں عمر ساری بیت جاتی
کوئی اپنی ہی گم گشتہ صدا ہونا تھا مجھ کو
یہ گھر جس کا ہے اس نے واپس آنا ہے ظفرؔ اس میں
اسی خاطر در و دیوار کو مہکائے رکھتے ہیں
ابھی اک لہر تھی جس کو گزرنا تھا سروں سے
ابھی اک لفظ تھا میں اور ادا ہونا تھا مجھ کو
کھلا ہے اس پہ کچھ ایسے بہار کا موسم
ہے رخ پہ رنگ قبا میں پتنگ اڑتی ہے
پسند آیا کسی کو میرا آندھی بن کے اٹھنا
کسی کی رائے میں باد صبا ہونا تھا مجھ کو
وہاں سے بھی گزر آیا ہوں خاموشی میں اب کے
جہاں اک شور کی صورت بپا ہونا تھا مجھ کو
در و دیوار سے اتنی محبت کس کے لیے تھی
اگر اس قید خانے سے رہا ہونا تھا مجھ کو
ظفرؔ میں ہو گیا کچھ اور ورنہ اصل میں تو
برا ہونا تھا مجھ کو یا بھلا ہونا تھا مجھ کو
میں اندر سے کہیں تبدیل ہونا چاہتا تھا
پرانی کینچلی میں ہی نیا ہونا تھا مجھ کو
آگے بھی عشق میں ہوئیں رسوائیاں مگر
اب کے وفا کا زخم جبیں پر لگا مجھے
ہر سو ترے وجود کی خوشبو تھی خیمہ زن
وہ دن کہ اپنا گھر بھی ترا گھر لگا مجھے
دل کا یہ دشت عرصۂ محشر لگا مجھے
میں کیا بلا ہوں رات بڑا ڈر لگا مجھے
اے دل وہ مہرباں ہے یوں ہی بد گماں نہ ہو
مارا تھا اس نے غیر کو پتھر لگا مجھے
ہنس کر نہ ٹال جا کہ یہ امید کی کرن
وہ تیر ہے کہ سینے کے اندر لگا مجھے
تاریکیٔ حیات کا اندازہ کر کہ آج
داغ شکست مہر منور لگا مجھے
سانچے تو تھے غزل کے سوا بھی مگر ظفرؔ
کیا جانے کیوں یہ ظرف حسین تر لگا مجھے
تقاضا ہو چکی ہے اور تمنا ہو رہا ہے
کہ سیدھا چاہتا ہوں اور الٹا ہو رہا ہے
جسے دروازہ کہتے تھے وہی دیوار نکلی
جسے ہم دل سمجھتے تھے وہ دنیا ہو رہا ہے
کچھ مجھ کو خود بھی اندازہ ہونا چاہیئے
کتنا ضائع ہو کر کتنا رہ سکتا ہوں
کیسا رہتا ہوں مت پوچھو شہر میں اس کے
ویسا ہی رہتا ہوں جیسا رہ سکتا ہوں
کہیں ڈھلتی ہے شام اور پھوٹتی ہے روشنی سی
کہیں پو پھٹ رہی ہے اور اندھیرا ہو رہا ہے
پس موج ہوا بارش کا بستر سا بچھانے
سر بام نوا بادل کا ٹکڑا ہو رہا ہے
دریا دور نہیں اور پیاسا رہ سکتا ہوں
اس سے ملے بغیر بھی زندہ رہ سکتا ہوں
یہ تصویریں صداؤں میں ڈھلی جاتی ہیں کیوں کر
کہ آنکھیں بند ہیں لیکن تماشا ہو رہا ہے
تنہا رہنے میں بھی کوئی عذر نہیں ہے
لیکن اس کے ساتھ ہی تنہا رہ سکتا ہوں
وہ بھی دامن چھوڑنے کو تیار نہیں ہے
میں بھی ابھی اس شاخ سے الجھا رہ سکتا ہوں
قدم رکھے ہیں اس پایاب میں ہم نے تو جب سے
یہ دریا اور گہرا اور گہرا ہو رہا ہے
اس کی بے توفیق محبت کے جنگل میں
آدھا گم ہو کر بھی آدھا رہ سکتا ہوں
خرابی ہو رہی ہے تو فقط مجھ میں ہی ساری
مرے چاروں طرف تو خوب اچھا ہو رہا ہے
ایک انوکھے خواب کے اندر سوتے جاگتے
رہتا ہوں میں اور ہمیشہ رہ سکتا ہوں
کہاں تک ہو سکا کار محبت کیا بتائیں
تمہارے سامنے ہے کام جتنا ہو رہا ہے
گزرتے جا رہے تھے ہم ظفرؔ لمحہ بہ لمحہ
سمجھتے تھے کہ اب اپنا گزارہ ہو رہا ہے
جس حالت سے نکل آیا ہوں کوشش کرکے
اس میں وہ چاہے تو دوبارہ رہ سکتا ہوں
یہ نہیں کہتا کہ دوبارہ وہی آواز دے
کوئی آسانی تو پیدا کر کوئی آواز دے
میں اسے سن کر بھی آنے کا نہیں مجبور ہوں
پھر بھی اپنے خواب خانے سے کبھی آواز دے
ہو سکے دونوں زمانوں میں ہم آہنگی کوئی
میں پرانا ہوں تو کیا مجھ کو نئی آواز دے
موت کے ساحل پر استادہ ہوں تو مجھ کو کہیں
زندگی کے پانیوں میں ڈوبتی آواز دے
بن بلایا ہی چلا آؤں گا میں شاید کبھی
لیکن اتنے شور میں تو آپ بھی آواز دے
منہ سے کچھ کہہ تو سہی اس خامشی کے آر پار
مستقل کو چھوڑ کوئی سرسری آواز دے
ٹھیک ہے تو نے پکارا ہوگا جس تس کو مگر
میرے حصے میں کوئی آئی ہوئی آواز دے
تو نے تو ہر حال میں سننا ہے اب تجھ کو ظفرؔ
روشنی آواز دے یا تیرگی آواز دے
اس کو آنا تھا کہ وہ مجھ کو بلاتا تھا کہیں
رات بھر بارش تھی اس کا رات بھر پیغام تھا
میں اسے پہچان ہی پاؤں نہ پہلی بار تو
کوئی آوازوں کے جنگل میں گھری آواز دے
منتظر تھی جیسے خود ہی تنکا تنکا آرزو
خار و خس کے واسطے گویا شرر پیغام تھا
جتنے فاصلے پر رکھتا ہے ظفرؔ وہ مجھ کو
رہ بھی سکتا ہوں لیکن کیا رہ سکتا ہوں
کچھ نہیں سمجھا ہوں اتنا مختصر پیغام تھا
کیا ہوا تھی جس ہوا کے ہاتھ پر پیغام تھا
کیا مسافر تھے کہ تھے رنج سفر سے بے نیاز
آنے جانے کے لیے اک رہگزر پیغام تھا
ہر قدم پر راستوں کے رنگ تھے بکھرے ہوئے
چلنے والوں کے لیے اپنا سفر پیغام تھا
وہ ایک طرح سے اقرار کرنے آیا تھا
جو اتنی دور سے انکار کرنے آیا تھا
کوئی کاغذ ایک میلے سے لفافے میں تھا بند
کھول کر دیکھا تو اس میں سر بہ سر پیغام تھا
خوشی جو خواب میں بھی میری دسترس سے تھی دور
مجھے اسی کا سزاوار کرنے آیا تھا
اور تو لایا نہ تھا پیغام ساتھ اپنے ظفرؔ
جو بھی تھا اس کا یہی عیب و ہنر پیغام تھا
کچھ صفت اس میں پرندوں اور پتوں کی بھی تھی
کتنی شادابی تھی اور کیسا شجر پیغام تھا
یہ صاف لگتا ہے جیسی کہ اس کی آنکھیں تھیں
وہ اصل میں مجھے بیمار کرنے آیا تھا
یہ زندگی کہ جو آساں نہیں تھی پہلے بھی
اسے کچھ اور بھی دشوار کرنے آیا تھا
اگرچہ ایک ہی سست الوجود تھا لیکن
وہ کام کوئی لگاتار کرنے آیا تھا
عداوتوں میں وہاں دھر لیا گیا ہوں ظفرؔ
جہاں کے لوگوں سے میں پیار کرنے آیا تھا
اگر تھا اس کو مری حیثیت کا اندازہ
تو کیوں وہ اپنا خریدار کرنے آیا تھا
وہ ایک ابر گراں بار تھا مگر اس دن
ذرا فضا کو ہوا دار کرنے آیا تھا
کچھ سبب ہی نہ بنے بات بڑھا دینے کا
کھیل کھیلا ہوا یہ اس کو بھلا دینے کا
مرے تو بس میں کوئی چیز تھی نہ پہلے بھی
وہ مجھ کو اور بھی لاچار کرنے آیا تھا
اپنے ہی سامنے دیوار بنا بیٹھا ہوں
ہے یہ انجام اسے رستے سے ہٹا دینے کا
سب کو معلوم ہے اور حوصلہ رکھتا ہوں ابھی
اپنے لکھے ہوئے کو خود ہی مٹا دینے کا
ایک مقصد تو ہوا ڈھونڈنا اس کو ہر سو
لطف ہی اور ہے پانے سے گنوا دینے کا
یونہی چپ چاپ گزر جائیے ان گلیوں سے
یہاں کچھ اور ہی مطلب ہے صدا دینے کا
راستہ روکنا مقصد نہیں کچھ اور ہے یہ
درمیاں میں کوئی دیوار اٹھا دینے کا
آنے والوں کو طریقہ مجھے آتا ہے بہت
جانے والوں کے تعاقب میں لگا دینے کا
اک ہنر پاس تھا اپنے سو نہیں اب وہ بھی
جو دکھائی نہیں دیتا ہے دکھا دینے کا
ٹوٹ پڑتی ہے قیامت کوئی پہلے ہی ظفرؔ
قصد کرتا ہوں جو فتنے کو جگا دینے کا
میں اپنی راکھ سے بے شک دوبارہ سر اٹھاتا
مگر اک بار تو جل کر فنا ہونا تھا مجھ کو
باہر سے چٹان کی طرح ہوں
اندر کی فضا میں تھرتھری ہے
لینے والا ہی کوئی باقی نہیں تھا شہر میں
ورنہ تو اس شام کوئی در بدر پیغام تھا
گزر ہی جائے گی سر سے کہیں تو موج ہوس
کبھی تو شرم اسے آئے گی مکرتے ہوئے
سوال وصل کرتا ہوں کہ چمکاؤں لہو دل کا
میں اپنا رنگ بھرنے کو کہانی مانگ لیتا ہوں
شرار بوسہ ہی اس سنگ لب سے ہو پیدا
کہ میرے سر میں کئی لفظ ہیں ٹھٹھرتے ہوئے
یہ کام اور تو اب کون ہی کرے گا یہاں
سمیٹتا بھی رہوں جسم کو بکھرتے ہوئے
وہ سیر صبح کے عالم میں ہوتا ہے تو میں اس سے
گھڑی بھر کے لیے خواب جوانی مانگ لیتا ہوں
لرزش پردۂ اظہار کا مطلب کیا ہے
ہے یہ دیوار تو دیوار کا مطلب کیا ہے
ایک بار اس نے اگر دے ہی دیا صاف جواب
پھر اسی بات پہ اصرار کا مطلب کیا ہے
حواس میں ہیں کہیں خوف کے نشیب و فراز
جو خود سے بھاگتا ہوں راہ میں ٹھہرتے ہوئے
جہاں رکنے لگے میرے دل بیمار کی دھڑکن
میں ان قدموں سے تھوڑی سی روانی مانگ لیتا ہوں
جس کا انکار ہتھیلی پہ لیے پھرتا ہوں
جانتا ہی نہیں انکار کا مطلب کیا ہے
بیچنا کچھ نہیں اس نے تو خریدار ہیں کیوں
آخر اس گرمئ بازار کا مطلب کیا ہے
ربط باقی نہیں الفاظ و معانی میں ظفرؔ
کیا کہیں اس سے کہ اس پیار کا مطلب کیا ہے
کوئی کنایہ کہیں اور بات کرتے ہوئے
کوئی اشارہ ذرا دور سے گزرتے ہوئے
نہیں کہ دل میں ہمیشہ خوشی بہت آئی
کبھی ترستے رہے اور کبھی بہت آئی
اس کی راہوں میں بکھر جائے یہ خاکستر چشم
اور اپنے لیے دیدار کا مطلب کیا ہے
مجھے تو رنج تھا سب سے کہیں زیادہ ظفرؔ
جو دیکھ لیتا مری سمت بھی وہ مرتے ہوئے
مرے فلک سے وہ طوفاں نہیں اٹھا پھر سے
مری زمین میں وہ تھرتھری بہت آئی
جدھر سے کھول کے بیٹھے تھے در اندھیرے کا
اسی طرف سے ہمیں روشنی بہت آئی
رواں رہے سفر مرگ پر یونہی ورنہ
ہماری راہ میں یہ زندگی بہت آئی
نہ تھا زیادہ کچھ احساس جس کے ہونے کا
چلا گیا ہے تو اس کی کمی بہت آئی
یہ کیا اہل ہوس کی طرح ہر شے مانگتے رہنا
کہ میں تو صرف اس کی مہربانی مانگ لیتا ہوں
نہ جانے کیوں مری نیت بدل گئی یک دم
وگرنہ اس پہ طبیعت مری بہت آئی
ظفرؔ شعور تو آیا نہیں ذرا بھی ہمیں
بجائے اس کے مگر شاعری بہت آئی
وہی بر آمد کروں گا جو چیز کام کی ہے
زباں کے باطن سے بے زبانی نکالتا ہوں
زمیں پہ ایڑی رگڑ کے پانی نکالتا ہوں
میں تشنگی کے نئے معانی نکالتا ہوں
یہاں کچھ اپنی ہواؤں میں بھی اڑے ہیں بہت
ہمارے خواب میں کچھ وہ پری بہت آئی
جلائیں گے نم ساحل پہ کشتیاں اپنی
اس آب زار تماشا میں پانو دھرتے ہوئے
وہاں مقام تو رونے کا تھا مگر اے دوست
ترے فراق میں ہم کو ہنسی بہت آئی
مرے لہو کی لپک میں رہے وہ ہاتھ وہ پانو
کچھ آئنے سے کہیں ڈوبتے ابھرتے ہوئے
مزید شاعری پڑھیے اور دوسرے شعراء کو دریافت کیجیے۔