مکمل شاعری

گزر ہی جائے گی سر سے کہیں تو موج ہوس

کبھی تو شرم اسے آئے گی مکرتے ہوئے

شرار بوسہ ہی اس سنگ لب سے ہو پیدا

کہ میرے سر میں کئی لفظ ہیں ٹھٹھرتے ہوئے

یہ کام اور تو اب کون ہی کرے گا یہاں

سمیٹتا بھی رہوں جسم کو بکھرتے ہوئے

حواس میں ہیں کہیں خوف کے نشیب و فراز

جو خود سے بھاگتا ہوں راہ میں ٹھہرتے ہوئے

کوئی کنایہ کہیں اور بات کرتے ہوئے

کوئی اشارہ ذرا دور سے گزرتے ہوئے

مجھے تو رنج تھا سب سے کہیں زیادہ ظفرؔ

جو دیکھ لیتا مری سمت بھی وہ مرتے ہوئے

جلائیں گے نم ساحل پہ کشتیاں اپنی

اس آب زار تماشا میں پانو دھرتے ہوئے

مرے لہو کی لپک میں رہے وہ ہاتھ وہ پانو

کچھ آئنے سے کہیں ڈوبتے ابھرتے ہوئے

نہ سخت گیر تھا وہ اور نہ میں ہی بے ہمت

پر اس کو ہاتھ لگایا ہے آج ڈرتے ہوئے

— ظفر اقبال