شاعر کی معلومات لوڈ ہو رہی ہیں...
میں خیال ہوں کسی اور کا مجھے سوچتا کوئی اور ہے
سر آئینہ مرا عکس ہے پس آئینہ کوئی اور ہے
شاعر کی معلومات لوڈ ہو رہی ہیں...
Saleem Kausar
1947 – 2023
Salim Kausar is a renowned Pakistani poet, writer, and literary figure. He is known for his deep and expressive poetry, often touching on themes of love, human emotions, and life’s complexities. Salim Kausar’s work has earned him respect and recognition in the world of Urdu literature. While much of his personal life remains private, his contributions to Urdu poetry are significant, and he continues to be appreciated by literary enthusiasts and readers.
ان کے کلام کے چند منتخب اشعار پڑھیے۔
میں خیال ہوں کسی اور کا مجھے سوچتا کوئی اور ہے
سر آئینہ مرا عکس ہے پس آئینہ کوئی اور ہے
میں کسی کے دست طلب میں ہوں تو کسی کے حرف دعا میں ہوں
میں نصیب ہوں کسی اور کا مجھے مانگتا کوئی اور ہے
مری روشنی ترے خد و خال سے مختلف تو نہیں مگر
تو قریب آ تجھے دیکھ لوں تو وہی ہے یا کوئی اور ہے
عجب اعتبار و بے اعتباری کے درمیان ہے زندگی
میں قریب ہوں کسی اور کے مجھے جانتا کوئی اور ہے
وہی منصفوں کی روایتیں وہی فیصلوں کی عبارتیں
مرا جرم تو کوئی اور تھا پہ مری سزا کوئی اور ہے
تجھے دشمنوں کی خبر نہ تھی مجھے دوستوں کا پتا نہیں
تری داستاں کوئی اور تھی مرا واقعہ کوئی اور ہے
کون یہ پاتال سے ابھرا کنارے پر سلیمؔ
سر پھری موجیں ابھی تک دائروں میں قید ہیں
کچھ بھی تھا سچ کے طرف دار ہوا کرتے تھے
تم کبھی صاحب کردار ہوا کرتے تھے
سنتے ہیں ایسا زمانہ بھی یہاں گزرا ہے
حق انہیں ملتا جو حق دار ہوا کرتے تھے
تجھ کو بھی زعم سا رہتا تھا مسیحائی کا
اور ہم بھی ترے بیمار ہوا کرتے تھے
کون سی آنکھوں میں میرے خواب روشن ہیں ابھی
کس کی نیندیں ہیں جو میرے رتجگوں میں قید ہیں
کبھی لوٹ آئیں تو پوچھنا نہیں دیکھنا انہیں غور سے
جنہیں راستے میں خبر ہوئی کہ یہ راستہ کوئی اور ہے
جو مری ریاضت نیم شب کو سلیمؔ صبح نہ مل سکی
تو پھر اس کے معنی تو یہ ہوئے کہ یہاں خدا کوئی اور ہے
اس جزیرے پر ازل سے خاک اڑتی ہے ہوا
منزلوں کے بھید پھر بھی راستوں میں قید ہیں
وقت رک رک کے جنہیں دیکھتا رہتا ہے سلیمؔ
یہ کبھی وقت کی رفتار ہوا کرتے تھے
قربتیں ہوتے ہوئے بھی فاصلوں میں قید ہیں
کتنی آزادی سے ہم اپنی حدوں میں قید ہیں
آئینہ خود بھی سنورتا تھا ہماری خاطر
ہم ترے واسطے تیار ہوا کرتے تھے
شہر آبادی سے خالی ہو گئے خوشبو سے پھول
اور کتنی خواہشیں ہیں جو دلوں میں قید ہیں
دیے کی لو سے چھلکتا ہے اس کے حسن کا عکس
سنگار کرتے ہوئے آئینہ سجاتے ہوئے
پاؤں میں رشتوں کی زنجیریں ہیں دل میں خوف کی
ایسا لگتا ہے کہ ہم اپنے گھروں میں قید ہیں
کوچۂ میرؔ کی جانب نکل آتے تھے سبھی
وہ جو غالبؔ کے طرف دار ہوا کرتے تھے
میں سر دشت وفا اب ہوں اکیلا ورنہ
میرے ہم راہ مرے یار ہوا کرتے تھے
عشق کرتے تھے فقط پاس وفا رکھنے کو
لوگ سچ مچ کے وفادار ہوا کرتے تھے
پھر اس نے مجھ سے کسی بات کو چھپایا نہیں
وہ کھل گیا تھا کسی بات کو چھپاتے ہوئے
اب اس جگہ سے کئی راستے نکلتے ہیں
میں گم ہوا تھا جہاں راستہ بتاتے ہوئے
جن سے آوارگئ شب کا بھرم تھا وہ لوگ
اس بھرے شہر میں دو چار ہوا کرتے تھے
اک نظر روز کہیں جال بچھائے رکھتی
اور ہم روز گرفتار ہوا کرتے تھے
پکارتے ہیں انہیں ساحلوں کے سناٹے
جو لوگ ڈوب گئے کشتیاں بناتے ہوئے
مزاروں اور منڈیروں کے رت جگوں میں سلیمؔ
بدن پگھلنے لگے ہیں دیے جلاتے ہوئے
کہانی لکھتے ہوئے داستاں سناتے ہوئے
وہ سو گیا ہے مجھے خواب سے جگاتے ہوئے
مجھی میں تھا وہ ستارہ صفت کہ جس کے لیے
میں تھک گیا ہوں زمانے کی خاک اڑاتے ہوئے
تجھ سے بڑھ کر کوئی پیارا بھی نہیں ہو سکتا
پر ترا ساتھ گوارا بھی نہیں ہو سکتا
راستہ بھی غلط ہو سکتا ہے منزل بھی غلط
ہر ستارا تو ستارا بھی نہیں ہو سکتا
یہ زمیں یوں ہی سکڑتی جائے گی اور ایک دن
پھیل جائیں گے جو طوفاں ساحلوں میں قید ہیں
پاؤں رکھتے ہی پھسل سکتا ہے مٹی ہو کہ ریت
ہر کنارا تو کنارا بھی نہیں ہو سکتا
اس تک آواز پہنچنی بھی بڑی مشکل ہے
اور نہ دیکھے تو اشارہ بھی نہیں ہو سکتا
تیرے بندوں کی معیشت کا عجب حال ہوا
عیش کیسا کہ گزارا بھی نہیں ہو سکتا
اپنا دشمن ہی دکھائی نہیں دیتا ہو جسے
ایسا لشکر تو صف آرا بھی نہیں ہو سکتا
دنیا اچھی بھی نہیں لگتی ہم ایسوں کو سلیمؔ
اور دنیا سے کنارا بھی نہیں ہو سکتا
ہم کو معلوم تھا آنا تو نہیں تجھ کو مگر
تیرے آنے کے تو آثار ہوا کرتے تھے
کہیں تم اپنی قسمت کا لکھا تبدیل کر لیتے
تو شاید ہم بھی اپنا راستہ تبدیل کر لیتے
اگر ہم واقعی کم حوصلہ ہوتے محبت میں
مرض بڑھنے سے پہلے ہی دوا تبدیل کر لیتے
ہم گل خواب سجاتے تھے دکان دل میں
اور پھر خود ہی خریدار ہوا کرتے تھے
پہلے ہی لذت انکار سے واقف نہیں جو
اس سے انکار دوبارہ بھی نہیں ہو سکتا
حسن ایسا کہ چکا چوند ہوئی ہیں آنکھیں
حیرت ایسی کہ نظارا بھی نہیں ہو سکتا
چلئے وہ شخص ہمارا تو کبھی تھا ہی نہیں
دکھ تو یہ ہے کہ تمہارا بھی نہیں ہو سکتا
تمہارے ساتھ چلنے پر جو دل راضی نہیں ہوتا
بہت پہلے ہم اپنا فیصلہ تبدیل کر لیتے
تمہیں ان موسموں کی کیا خبر ملتی اگر ہم بھی
گھٹن کے خوف سے آب و ہوا تبدیل کر لیتے
تمہاری طرح جینے کا ہنر آتا تو پھر شاید
مکان اپنا وہی رکھتے پتا تبدیل کر لیتے
وہی کردار ہیں تازہ کہانی میں جو پہلے بھی
کبھی چہرہ کبھی اپنی قبا تبدیل کر لیتے
جدائی بھی نہ ہوتی زندگی بھی سہل ہو جاتی
جو ہم اک دوسرے سے مسئلہ تبدیل کر لیتے
ہمیشہ کی طرح اس بار بھی ہم بول اٹھے ورنہ
گواہی دینے والے واقعہ تبدیل کر لیتے
بہت دھندلا گیا یادوں کی رم جھم میں دل سادہ
وہ مل جاتا تو ہم یہ آئینہ تبدیل کر لیتے
تم نے سچ بولنے کی جرأت کی
یہ بھی توہین ہے عدالت کی
اپنا زاد سفر بھی چھوڑ گئے
جانے والوں نے کتنی عجلت کی
میں جہاں قتل ہو رہا ہوں وہاں
میرے اجداد نے حکومت کی
منزلیں راستوں کی دھول ہوئیں
پوچھتے کیا ہو تم مسافت کی
پہلے مجھ سے جدا ہوا اور پھر
عکس نے آئینے سے ہجرت کی
ہم نے تو خود سے انتقام لیا
تم نے کیا سوچ کر محبت کی
کون کس کے لیے تباہ ہوا
کیا ضرورت ہے اس وضاحت کی
عشق جس سے نہ ہو سکا اس نے
شاعری میں عجب سیاست کی
یاد آئی تو ہے شناخت مگر
انتہا ہو گئی ہے غفلت کی
اتنا مشکل نہیں تجھے پانا
اک گھڑی چاہیئے ہے فرصت کی
ہم وہاں پہلے رہ چکے ہیں سلیمؔ
تم نے جس دل میں اب سکونت کی
دل تجھے ناز ہے جس شخص کی دل داری پر
دیکھ اب وہ بھی اتر آیا اداکاری پر
یہ جو زنداں میں تمہیں سائے نظر آتے ہیں
یہ کبھی رونق دربار ہوا کرتے تھے
میری آنکھوں پہ اس نے ہاتھ رکھا
اور اک خواب کی مہورت کی
میں نے دشمن کو جگایا تو بہت تھا لیکن
احتجاجاً نہیں جاگا مری بیداری پر
کبھی اس جرم پہ سر کاٹ دئے جاتے تھے
اب تو انعام دیا جاتا ہے غداری پر
مجھ میں یوں تازہ ملاقات کے موسم جاگے
آئنہ ہنسنے لگا ہے مری تیاری پر
آدمی آدمی کو کھائے چلا جاتا ہے
کچھ تو تحقیق کرو اس نئی بیماری پر
بس یہی وقت ہے سچ منہ سے نکل جانے دو
لوگ اتر آئے ہیں ظالم کی طرف داری پر
تیری قربت کا نشہ ٹوٹ رہا ہے مجھ میں
اس قدر سہل نہ ہو تو مری دشواری پر
یہ لوگ جس سے اب انکار کرنا چاہتے ہیں
وہ گفتگو در و دیوار کرنا چاہتے ہیں
ہمیں خبر ہے کہ گزرے گا ایک سیل فنا
سو ہم تمہیں بھی خبردار کرنا چاہتے ہیں
یہاں تک آ تو گئے آپ کی محبت میں
اب اور کتنا گنہ گار کرنا چاہتے ہیں
اور اس سے پہلے کہ ثابت ہو جرم خاموشی
ہم اپنی رائے کا اظہار کرنا چاہتے ہیں
کوئی دیکھے بھرے بازار کی ویرانی کو
کچھ نہ کچھ مفت ہے ہر شے کی خریداری پر
جہاں کہانی میں قاتل بری ہوا ہے وہاں
ہم اک گواہ کا کردار کرنا چاہتے ہیں
گل امید فروزاں رہے تری خوشبو
کہ لوگ اسے بھی گرفتار کرنا چاہتے ہیں
وہ ہم ہیں جو تری آواز سن کے تیرے ہوئے
وہ اور ہیں کہ جو دیدار کرنا چاہتے ہیں
لوگوں کو راستے کی ضرورت ہے اور مجھے
اک سنگ رہ گزر کو ہٹانا ہے اور بس
اٹھائے پھرتے ہیں کب سے عذاب در بدری
اب اس کو وقف رہ یار کرنا چاہتے ہیں
ملنا نہ ملنا ایک بہانہ ہے اور بس
تم سچ ہو باقی جو ہے فسانہ ہے اور بس
سوئے ہوئے تو جاگ ہی جائیں گے ایک دن
جو جاگتے ہیں ان کو جگانا ہے اور بس
مصروفیت زیادہ نہیں ہے مری یہاں
مٹی سے اک چراغ بنانا ہے اور بس
تم وہ نہیں ہو جن سے وفا کی امید ہے
تم سے مری مراد زمانہ ہے اور بس
آب و ہوا تو یوں بھی مرا مسئلہ نہیں
مجھ کو تو اک درخت لگانا ہے اور بس
تجھ کو قسمت سے تو میں جیت چکا ہوں کب کا
شاید اب کے مجھے لڑنا پڑے تقدیر کے ساتھ
پھولوں کو ڈھونڈتا ہوا پھرتا ہوں باغ میں
باد صبا کو کام دلانا ہے اور بس
تیرے بندوں کی معیشت کا عجب حال ہوا
عیش کیسا کہ گزارا بھی نہیں ہو سکتا
اب کسی اور گواہی کی ضرورت ہی نہیں
جرم خود بول رہا ہے تری تحریر کے ساتھ
دیکھتے کچھ ہیں دکھاتے ہمیں کچھ ہیں کہ یہاں
کوئی رشتہ ہی نہیں خواب کا تعبیر کے ساتھ
اب کے سورج کی رہائی میں بڑی دیر لگی
ورنہ میں گھر سے نکلتا نہیں تاخیر کے ساتھ
یہ تو ہونا ہی تھا مہتاب تماشا پھر بھی
کتنے دل ٹوٹ گئے ہیں تری تسخیر کے ساتھ
اب جہاں تیری امارت کی حدیں ملتی ہیں
ایک بڑھیا کا مکاں تھا اسی جاگیر کے ساتھ
ویسے وہ شخص ہمارا تو کبھی تھا ہی نہیں
دکھ تو یہ ہے کہ تمہارا بھی نہیں ہو سکتا
یاد بھی ابر محبت کی طرح ہوتی ہے
ایک سایا سا چلا جاتا ہے رہ گیر کے ساتھ
تو سورج ہے تیری طرف دیکھا نہیں جا سکتا
لیکن دیکھنے والوں کو روکا نہیں جا سکتا
وہ جو آئے تھے بہت منصب و جاگیر کے ساتھ
کیسے چپ چاپ کھڑے ہیں تری تصویر کے ساتھ
اب جو لہر ہے پل بھر بعد نہیں ہوگی یعنی
اک دریا میں دوسری بار اترا نہیں جا سکتا
اب بھی وقت ہے اپنی روش تبدیل کرو ورنہ
جو کچھ ہونے والا ہے سوچا نہیں جا سکتا
اس کی گلی میں جانے سے اسے ملنے سے خود کو
روکا جا سکتا ہے پر روکا نہیں جا سکتا
کسی کو چاہت اور کسی کو نفرت مارتی ہے
کوئی بھی ہو اسے مرتے تو دیکھا نہیں جا سکتا
وہاں محفل نہ سجائی جہاں خلوت نہیں کی
اس کو سوچا ہی نہیں جس سے محبت نہیں کی
اب کے بھی تیرے لیے جاں سے گزر جائیں گے ہم
ہم نے پہلے بھی محبت میں سیاست نہیں کی
ایک طرف ترے حسن کی حیرت ایک طرف دنیا
اور دنیا میں دیر تلک ٹھہرا نہیں جا سکتا
اپنا دشمن بھی دکھائی نہیں دیتا ہو جسے
ایسا لشکر تو صف آرا بھی نہیں ہو سکتا
صرف زنداں کی حکایت ہی پہ معمور نہیں
ایک تاریخ سفر کرتی ہے زنجیر کے ساتھ
دھڑکنیں سینے سے آنکھوں میں سمٹ آئی تھیں
وہ بھی خاموش تھا ہم نے بھی وضاحت نہیں کی
دنیا اچھی بھی نہیں لگتی ہم ایسوں کو سلیمؔ
اور دنیا سے کنارا بھی نہیں ہو سکتا
تم سے کیا وعدہ خلافی کی شکایت کرتے
تم نے تو لوٹ کے آنے کی بھی زحمت نہیں کی
رات کو رات ہی اس بار کہا ہے ہم نے
ہم نے اس بار بھی توہین عدالت نہیں کی
پاؤں رکھتے ہیں پھسل سکتا ہے مٹی ہو کہ ریت
ہر کنارا تو کنارا بھی نہیں ہو سکتا
حسن ایسا کہ چکا چوند ہوئی ہیں آنکھیں
حیرت ایسی کہ نظارا بھی نہیں ہیں آنکھیں
تجھ سے بڑھ کر کوئی پیارا بھی نہیں ہو سکتا
پر ترا ساتھ گوارا بھی نہیں ہو سکتا
اک وعدہ جو کیا ہی نہیں ہے ابھی سلیمؔ
مجھ کو وہی تو وعدہ نبھانا ہے اور بس
گرد آئینہ ہٹائی ہے کہ سچائی کھلے
ورنہ تم جانتے ہو ہم نے بغاوت نہیں کی
آ ذرا دیکھ لیں دنیا کو بھی کس حال میں ہے
کئی دن ہو گئے دشمن کی زیارت نہیں کی
لو کو چھونے کی ہوس میں ایک چہرہ جل گیا
شمع کے اتنے قریب آیا کہ سایا جل گیا
دیوانے ہیں ہم جھوٹ بہت بولتے ہیں
ہم کو سر بازار یہ عزت دی جائے
اس تک آواز پہنچنی بھی بڑی مشکل ہے
اور نہ دیکھے تو اشارہ بھی نہیں ہو سکتا
خود ہی خاکستر کیا اس نے مجھے اور اس کے بعد
مجھ سے خود ہی پوچھتا ہے بول کیا کیا جل گیا
جب میری گواہی بھی مرے حق میں نہیں
پھر شہر میں کس کس کی شہادت دی جائے
پھر گرد مہ و سال میں اٹ جائیں گے
آئینہ بنایا ہے تو صورت دی جائے
نیندوں کا رت جگوں سے الجھنا یوں ہی نہیں
اک خواب رائیگاں کو بچانا ہے اور بس
کیا عجب کار تحیر ہے سپرد نار عشق
گھر میں جو تھا بچ گیا اور جو نہیں تھا جل گیا
اصرار ہی کرتے ہو تو اپنا سمجھو
دینا ہی اگر ہے تو محبت دی جائے
چھڑ جائے تو طبقات کی اب جنگ سلیمؔ
کچھ بھی ہو مگر ہم کو نہ زحمت دی جائے
ہم جاگتے رہنے کے بہت عادی ہیں
ہم کو شب ہجراں کی مسافت دی جائے
صرف یاد یار باقی رہ گئی دل میں سلیمؔ
ایک اک کر کے سبھی اسباب دنیا جل گیا
گرمی دیدار ایسی تھی تماشا گاہ میں
دیکھنے والوں کی آنکھوں میں تماشا جل گیا
اب فیصلہ کرنے کی اجازت دی جائے
یا پھر ہمیں منزل کی بشارت دی جائے
تم نے سب کچھ کیا انسان کی عزت نہیں کی
کیا ہوا وقت نے جو تم سے رعایت نہیں کی
وہ جس نے مجھے قتل پہ اکسایا تھا
اس شخص سے ملنے کی بھی مہلت دی جائے
پیاس کی شدت تھی سیرابی میں صحرا کی طرح
وہ بدن پانی میں کیا اترا کہ دریا جل گیا
اس عالم حیرت و عبرت میں کچھ بھی تو سراب نہیں ہوتا
کوئی نیند مثال نہیں بنتی کوئی لمحہ خواب نہیں ہوتا
یہاں منظر سے پس منظر تک حیرانی ہی حیرانی ہے
کبھی اصل کا بھید نہیں کھلتا کبھی سچا خواب نہیں ہوتا
اس لمحۂ خیر و شر میں کہیں اک ساعت ایسی ہے جس میں
ہر بات گناہ نہیں ہوتی سب کار ثواب نہیں ہوتا
کبھی عشق کرو اور پھر دیکھو اس آگ میں جلتے رہنے سے
کبھی دل پر آنچ نہیں آتی کبھی رنگ خراب نہیں ہوتا
بدل گیا ہے سبھی کچھ اس ایک ساعت میں
ذرا سی دیر ہمیں ہو گئی تھی عجلت میں
مرے چار طرف آوازیں اور دیواریں پھیل گئیں لیکن
کب تیری یاد نہیں آتی اور جی بے تاب نہیں ہوتا
اسے کسی نے کبھی بولتے نہیں دیکھا
جو شخص چپ نہیں رہتا مری حمایت میں
مری باتیں جیون سپنوں کی مرے شعر امانت نسلوں کی
میں شاہ کے گیت نہیں گاتا مجھ سے آداب نہیں ہوتا
بدن سے پھوٹ پڑا ہے تمام عمر کا ہجر
عجیب حال ہوا ہے تری رفاقت میں
یہاں پہ لوگ ہیں محرومیوں کے مارے ہوئے
کسی سے کچھ نہیں کہنا یہاں مروت میں
وہی بے خبری وہی جیون کا بے انت سفر اور ایسے میں
کوئی اپنی یاد دلاتا ہے پر جانے کون دلاتا ہے
مجھے سنبھالنے میں اتنی احتیاط نہ کر
بکھر نہ جاؤں کہیں میں تری حفاظت میں
کوئی سچے خواب دکھاتا ہے پر جانے کون دکھاتا ہے
مجھے ساری رات جگاتا ہے پر جانے کون جگاتا ہے
کبھی جائے نماز کی بانہوں میں کبھی حمد درود کی چھاؤں میں
کوئی زار و زار رلاتا ہے پر جانے کون رلاتا ہے
میں جانتا ہوں کہ موسم خراب ہے پھر بھی
کوئی تو ساتھ ہے اس دکھ بھری مسافت میں
کوئی دریا ہے جس کی لہریں مجھے کھینچ رہی ہیں اور کوئی
مری جانب ہاتھ بڑھاتا ہے پر جانے کون بڑھاتا ہے
کہیں اس معلوم سی دنیا میں کوئی نامعلوم سی دنیا ہے
کوئی اس کے بھید بتاتا ہے پر جانے کون بتاتا ہے
مری تنہائی میں ایک نئی تنہائی ہے جس کے رنگوں میں
کوئی اپنے رنگ ملاتا ہے پر جانے کون ملاتا ہے
کوئی کہتا ہے یہ رستہ ہے اور تیرے لیے ہے یہ رستہ
کوئی اس میں خاک اڑاتا ہے پر جانے کون اڑاتا ہے
کوئی کہتا ہے یہ دنیا ہے اور تیرے لیے ہے یہ دنیا
کوئی اس سے خوف دلاتا ہے پر جانے کون دلاتا ہے
مجھے دنیا اپنی چھب دکھلانے روز چلی آتی ہے مگر
کوئی دونوں بیچ آ جاتا ہے پر جانے کون آ جاتا ہے
کوئی دیکھا ان دیکھا ہر پل چپ چاپ لکھے جاتا ہے مگر
کوئی مجھ میں شور مچاتا ہے پر جانے کون مچاتا ہے
کوئی ہر شے کے سینے میں کہیں موجود ہے ظاہر ہونے کو
کوئی اپنا آپ چھپاتا ہے پر جانے کون چھپاتا ہے
کوئی کہتا ہے اس مٹی میں کئی خواب ہیں اور ان خوابوں سے
کوئی بیٹھا نقش بناتا ہے پر جانے کون بناتا ہے
اجنبی حیران مت ہونا کہ در کھلتا نہیں
جو یہاں آباد ہیں ان پر بھی گھر کھلتا نہیں
دیکھنے والے تغافل کار فرما ہے ابھی
وہ دریچہ کھل گیا حسن نظر کھلتا نہیں
راستے کب گرد ہو جاتے ہیں اور منزل سراب
ہر مسافر پر طلسم رہ گزر کھلتا نہیں
جانے کیوں تیری طرف سے دل کو دھڑکا ہی رہا
اس تکلف سے تو کوئی نامہ بر کھلتا نہیں
کوئی سچے خواب دکھاتا ہے پر جانے کون دکھاتا ہے
مجھے ساری رات جگاتا ہے پر جانے کون جگاتا ہے
ہم بھی اس کے ساتھ گردش میں ہیں برسوں سے سلیمؔ
جو ستارہ ساتھ رہتا ہے مگر کھلتا نہیں
انتظار اور دستکوں کے درمیاں کٹتی ہے عمر
اتنی آسانی سے تو باب ہنر کھلتا نہیں
کوئی دریا ہے جس کی لہریں مجھے کھینچ رہی ہیں اور کوئی
مری جانب ہاتھ بڑھاتا ہے پر جانے کون بڑھاتا ہے
کبھی جائے نماز کی بانہوں میں کبھی حمد درود کی چھاؤں میں
کوئی زار و زار رلاتا ہے پر جانے کون رلاتا ہے
مری تنہائی میں ایک نئی تنہائی ہے جس کے رنگوں میں
کوئی اپنے رنگ ملاتا ہے پر جانے کون ملاتا ہے
کہیں اس معلوم سی دنیا میں کوئی نامعلوم سی دنیا ہے
کوئی اس کے بھید بتاتا ہے پر جانے کون بتاتا ہے
کوئی کہتا ہے یہ رستہ ہے اور تیرے لیے ہے یہ رستہ
کوئی اس میں خاک اڑاتا ہے پر جانے کون اڑاتا ہے
وہی بے خبری وہی جیون کا بے انت سفر اور ایسے میں
کوئی اپنی یاد دلاتا ہے پر جانے کون دلاتا ہے
کوئی کہتا ہے یہ دنیا ہے اور تیرے لیے ہے یہ دنیا
کوئی اس سے خوف دلاتا ہے پر جانے کون دلاتا ہے
کوئی کہتا ہے اس مٹی میں کئی خواب ہیں اور ان خوابوں سے
کوئی بیٹھا نقش بناتا ہے پر جانے کون بناتا ہے
کوئی دیکھا ان دیکھا ہر پل چپ چاپ لکھے جاتا ہے مگر
کوئی مجھ میں شور مچاتا ہے پر جانے کون مچاتا ہے
مجھے دنیا اپنی چھب دکھلانے روز چلی آتی ہے مگر
کوئی دونوں بیچ آ جاتا ہے پر جانے کون آ جاتا ہے
کوئی ہر شے کے سینے میں کہیں موجود ہے ظاہر ہونے کو
کوئی اپنا آپ چھپاتا ہے پر جانے کون چھپاتا ہے
وہ آنکھیں جن سے ملاقات اک بہانہ ہوا
انہیں خبر ہی نہیں کون کب نشانہ ہوا
ستارۂ سحری کا بھروسہ مت کیجو
نئے سفر میں یہ رخت سفر پرانا ہوا
کچھ اس طرح سے وہ شامل ہوا کہانی میں
کہ اس کے بعد جو کردار تھا فسانہ ہوا
اسی ستارے نے بھٹکا دیا سر منزل
سفر پہ جو مری تحویل میں روانہ ہوا
نہ جانے کون سی آتش میں جل بجھے ہم تم
یہاں تو جو بھی ہوا ہے درون خانہ ہوا
بس ہمیں عشق کی آشقتہ سری کھینچتی ہے
رزق کے واسطے ہم نے کبھی ہجرت نہیں کی
اک عمر نمو کی خواہش میں موسم کے جبر سہے تو کھلا
ہر خوشبو عام نہیں ہوتی ہر پھول گلاب نہیں ہوتا
محبت اپنے لیے جن کو منتخب کر لے
وہ لوگ مر کے بھی مرتے نہیں محبت میں
سنا ہے تجھ کو تو ہم یاد بھی نہیں آتے
یہ امتحاں تو نہیں یہ تو آزمانا ہوا
ہمیں تو عشق مقدر ہے جیسے رزق سلیمؔ
سو چل پڑیں گے جہاں اپنا آب و دانہ ہوا
ملاقاتوں کا ایسا سلسلہ رکھا ہے تم نے
بدن کیا روح میں بھی رت جگا رکھا ہے تم نے
ہوا کو حبس کرنا ہو تو کوئی تم سے سیکھے
دریچے بند دروازہ کھلا رکھا ہے تم نے
ہم ایسے ملنے والوں کو کہاں اس کی خبر تھی
نہ ملنے کا بھی کوئی راستہ رکھا ہے تم نے
کوئی آساں نہیں تھا زندگی سے کٹ کے جینا
بہت مشکل دنوں میں رابطہ رکھا ہے تم نے
جنوں کی حالتوں کا ہم کو اندازہ نہیں تھا
دیے کہ شہ پہ سورج کو بجھا رکھا ہے تم نے
اب ایسا ہے کہ دنیا سے الجھتے پھر رہے ہیں
عجب کیفتیوں میں مبتلا رکھا ہے تم نے
خزاں جیسے ہرے پیڑوں کو رسوا کر رہی ہے
سلوک ایسا ہی کچھ ہم سے روا رکھا ہے تم نے
رہائی کے لیے زنجیر پہنائی گئی تھی
اسیری کے لیے پہرا اٹھا رکھا ہے تم نے
محبت کرنے والے اب کہاں جا کر ملیں گے
گزر گاہوں کو تو مقتل بنا رکھا ہے تم نے
بریدہ عکس لرزاں ہیں لہو کی وحشتوں میں
یہ کیسا آئینہ خانہ سجا رکھا ہے تم نے
نہ اس طرح کوئی آیا ہے اور نہ آتا ہے
مگر وہ ہے کہ مسلسل دیئے جلاتا ہے
یہ لوگ عشق میں سچے نہیں ہیں ورنہ ہجر
نہ ابتدا نہ کہیں انتہا میں آتا ہے
وہ کون تھا میں جسے راستے میں چھوڑ آیا
یہ کون ہے جو مرے ساتھ ساتھ آتا ہے
یہ کون ہے جو دکھائی نہیں دیا اب تک
اور ایک عمر سے اپنی طرف بلاتا ہے
کبھی سفر کبھی رخت سفر گنواتا ہے
پھر اس کے بعد کوئی راستہ بناتا ہے
جہاں کردار گونگے دیکھنے والے ہیں اندھے
اسی منظر سے تو پردہ ہٹا رکھا ہے تم نے
جو آسمان سے راتیں اتارتا ہے سلیمؔ
وہی زمیں سے کبھی آفتاب اٹھاتا ہے
کبھی ستارے کبھی کہکشاں بلاتا ہے
ہمیں وہ بزم میں اپنی کہاں بلاتا ہے
وہی تسلسل اوقات توڑ دے گا کہ جو
در افق پہ شب و روز کو ملاتا ہے
نہ جانے کون سی افتاد آ پڑی ہے کہ جو
ہم اہل عشق کو کار جہاں بلاتا ہے
گلی گلی میں عقیدوں بھری دکانیں ہیں
قدم قدم پہ نیا آستاں بلاتا ہے
یہ کیسا دام رہائی بچھا دیا اس نے
زمیں پکڑتی ہے اور آسماں بلاتا ہے
بھٹک گئے ہیں مگر گم نہیں ہوئے ہیں کہیں
ابھی ہمیں جرس کارواں بلاتا ہے
یہ آگ لگنے سے پہلے کی بازگشت ہے جو
بجھانے والوں کو اب تک دھواں بلاتا ہے
امید ٹوٹنے لگتی ہے جب بھی کوئی سلیمؔ
تو اک یقیں پس وہم و گماں بلاتا ہے
اجل سے پہلے بھی ملتا رہا ہوں پر اب کے
بڑے سکوں بڑے آرام سے ملا ہوں میں
ابھی جو گردش ایام سے ملا ہوں میں
سمجھ رہی تھی کسی کام سے ملا ہوں میں
شکست شب تری تقریب سے ذرا پہلے
دیے جلاتی ہوئی شام سے ملا ہوں میں
وہ جنوں خیز مسافت تھی کہ دیکھا ہی نہیں
عمر بھر پاؤں سے لپٹی رہی منزل میرے
تو ملا ہے تو نکل آئے ہیں دشمن سارے
وقت کس کس کو اٹھا لایا مقابل میرے
میں جانتا ہوں مکینوں کی خامشی کا سبب
مکاں سے پہلے در و بام سے ملا ہوں میں
تری قبا کی مہک ہر طرف نمایاں تھی
ہوائے وادئ گل فام سے ملا ہوں میں
سلیمؔ نام بتایا تھا غالباً اس نے
کل ایک شاعر گمنام سے ملا ہوں میں
میں اسے تجھ سے ملا دیتا مگر دل میرے
میرے کچھ کام نہیں آئے وسائل میرے
جتنا حل کرتا ہوں اتنا ہی بگڑ جاتے ہیں
تو نہیں جانتا اے دوست مسائل میرے
عشق میں ہار کے معنی ہی بدل جاتے ہیں
تجھ کو معلوم نہیں ہے ابھی قاتل میرے
ابر گریہ نے وہ طوفان اٹھائے اب کے
میرے دریاؤں کو کم پڑ گئے ساحل میرے
جنوں تبدیلی موسم کا تقریروں کی حد تک ہے
یہاں جو کچھ نظر آتا ہے تصویروں کی حد تک ہے
بے انت سفر میرا مقدر ہے سلیمؔ
مجھ میں طے کرتا ہے یہ کون مراحل میرے
غبار آثار کرتی ہے مسافر کو سبک گامی
طلسم منزل ہستی تو رہ گیروں کی حد تک ہے
زمانے تو نے غم کو بھی نمائش کر دیا آخر
نشاط گریہ و ماتم بھی زنجیروں کی حد تک ہے
کب سے راہوں میں تری گرد بنے بیٹھے ہیں
تجھ سے ملنے کے لیے وقت کو ٹالے ہوئے لوگ
کس کی تحویل میں تھے کس کے حوالے ہوئے لوگ
چشم گریہ میں رہے دل سے نکالے ہوئے لوگ
سائے سے سایا گزرتا ہوا محسوس ہوا
اک عجب خواب کی حیرت میں ملے ہیں تجھ سے
کہیں آنکھوں سے چھلکنے نہیں دیتے تجھ کو
کیسے پھرتے ہیں ترے خواب سنبھالے ہوئے لوگ
دامن صبح میں گرتے ہوئے تاروں کی طرح
جل رہے ہیں تری قربت کے اجالے ہوئے لوگ
یا تجھے رکھتے ہیں یا پھر تری خواہش دل میں
ایسے دنیا میں کہاں چاہنے والے ہوئے لوگ
وقت کا سیل رواں روک ہی لیں گے شاید
وہ جو پھر ملنے کی حسرت میں ملے ہیں تجھ سے
کیسے ہنگامۂ فرصت میں ملے ہیں تجھ سے
ہم بھرے شہر کی خلوت میں ملے ہیں تجھ سے
اس قدر تنگ نہیں وسعت صحرائے جہاں
ہم تو اک اور ہی وحشت میں ملے ہیں تجھ سے
اتنا شفاف نہیں ہے ابھی عکس دل و جاں
آئینے گرد مسافت میں ملے ہیں تجھ سے
اتنا خوش فہم نہ ہو اپنی پذیرائی پر
ہم کسی اور محبت میں ملے ہیں تجھ سے
جز غم عشق کوئی کام نہیں ہے سو اے حسن
جب ملے اک نئی حالت میں ملے ہیں تجھ سے
اب اگر لوٹ کے آئے تو ذرا ٹھہریں گے
ہم مسافر ہیں سو عجلت میں ملے ہیں تجھ سے
یہ جو شاخ لب پہ ہجوم رنگ صدا کھلا ہے گلی گلی
کہیں کوئی شعلۂ بے نوا کسی قتل گاہ میں جل بجھا
یاد کا زخم بھی ہم تجھ کو نہیں دے سکتے
دیکھ کس عالم غربت میں ملے ہیں تجھ سے
جو کتاب عشق کے باب تھے تری دسترس میں بکھر گئے
وہ جو عہد نامۂ خواب تھا وہ مری نگاہ میں جل بجھا
وہ جو ہم رہی کا غرور تھا وہ سواد راہ میں جل بجھا
تو ہوا کے عشق میں گھل گیا میں زمیں کی چاہ میں جل بجھا
ہمیں یاد ہو تو سنائیں بھی ذرا دھیان ہو تو بتائیں بھی
کہ وہ دل جو محرم راز تھا کہاں رسم و راہ میں جل بجھا
وہ جو حرف تازہ مثال تھے انہیں جب سے تو نے بھلا دیا
تری بزم ناز کا بانکپن کسی خانقاہ میں جل بجھا
اے شب ہجر اب مجھے صبح وصال چاہئے
تازہ غزل کے واسطے تازہ خیال چاہئے
کہیں بے نیازی کی لاگ میں کہیں احتیاط کی آگ میں
تجھے میری کوئی خبر بھی ہے مرے خیر خواہ میں جل بجھا
مری راکھ سے نئی روشنی کی حکایتوں کو سمیٹ لے
میں چراغ صبح وصال تھا تری خیمہ گاہ میں جل بجھا
اس کی رفاقتوں کا ہجر جھیلئے کب تلک سلیمؔ
اپنی طرح سے اب مجھے وہ بھی نڈھال چاہئے
اے مرے چارہ گر ترے بس میں نہیں معاملہ
صورت حال کے لیے واقف حال چاہئے
اہل خرد کو آج بھی اپنے یقین کے لیے
جس کی مثال ہی نہیں اس کی مثال چاہئے
پھر جی اٹھے ہیں جس سے وہ امکان تم نہیں
اب جو بھی کر رہا ہے یہ احسان تم نہیں
بجھتے ہوئے چراغ کی لو جس نے تیز کی
وہ اور ہی ہوا ہے مری جان تم نہیں
مجھ میں بدل رہا ہے جو اک عالم خیال
اس لمحۂ جنوں کے نگہبان تم نہیں
تم سے تو بس نباہ کی صورت نکل پڑی
جس سے ہوئے تھے وعدہ و پیمان تم نہیں
تم نے سنی نہیں ہے صدائے شکست دل
ہم جھیلتے رہے ہیں یہ نقصان تم نہیں
پھر یوں ہوا کہ جیسے گرہ کھل گئی کوئی
مشکل تو بس یہی تھی کہ آسان تم نہیں
خوش فہمیوں کی بات الگ ہے مگر یہ گھر
جس کے لیے سجا ہے وہ مہمان تم نہیں
میں بام و در سے پوچھ آؤں کوئی آیا تو نہیں
سلیمؔ رات ڈھل گئی مرا مکان آ گیا
یہ عالم ظہور ہے ہجرت زدہ سلیمؔ
ہم بھی دکھی ہیں صرف پریشان تم نہیں
یہ فیصلہ ہوا مری شناخت آئینہ کرے
مگر یہ کس کا عکس ہے جو درمیان آ گیا
حصار سیل آب سے تو ناؤ بچ گئی مگر
ہوا کے ہاتھ ساحلوں پہ بادبان آ گیا
اچھا ہے اسی صورت حالات میں رہنا
دن شہر میں اور رات مضافات میں رہنا
نگاہ اور راستے کے دکھ تو روشنی سے تھے
چراغ بجھ گئے تو میرا میہمان آ گیا
اس شخص کی چاہت بھی عجب ہے کہ ہمیشہ
خاطر میں نہ لانا تو مدارات میں رہنا
ہم اہل طریقت کی یہی رسم رہی ہے
زندان میں یا حلقۂ سادات میں رہنا
اس بھیڑ میں گرد در و دیوار ہے اتنی
ممکن ہی نہیں ہاتھ کسی ہات میں رہنا
ہر رات ستاروں کو زمیں پر لئے پھرنا
ہر صبح کہیں حمد و مناجات میں رہنا
یہ شہر سمندر کے کنارے پہ ہے آباد
اس شہر میں رہنا بھی تو اوقات میں رہنا
عجیب الجھنوں میں اب کے ساعتیں گزر گئیں
نصاب یاد بھی نہیں اور امتحان آ گیا
دکھنا تو سلیمؔ اپنے رویے ہی پہ دکھنا
خوش رہنا تو اپنی ہی کسی بات میں رہنا
بس اک رستہ ہے اک آواز اور ایک سایا ہے
یہ کس نے آ کے گہری نیند سے مجھ کو جگایا ہے
کہاں تک روکتے آنکھوں میں ابر و باد ہجراں کو
اب آئے ہو کہ جب یہ شہر زیر آب آیا ہے
بچھڑتی اور ملتی ساعتوں کے درمیان اک پل
یہی اک پل بچانے کے لیے سب کچھ گنوایا ہے
ہمیں اک اسم اعظم یاد ہے وہ ساتھ ہے، ہم نے
کئی بار آسماں کو ان زمینوں پر بلایا ہے
تمہیں کیسے بتائیں جھوٹ کیا ہے اور سچ کیا ہے
نہ تم نے آئنہ دیکھا نہ آئینہ دکھایا ہے
آب و ہوا ہے برسر پیکار کون ہے
میرے سوا یہ مجھ میں گرفتار کون ہے
سلیمؔ اب تک کسی کو بد دعا دی تو نہیں لیکن
ہمیشہ خوش رہے جس نے ہمارا دل دکھایا ہے
ایک ایک کر کے خود سے بچھڑنے لگے ہیں ہم
دیکھو تو جا کے قافلہ سالار کون ہے
بوسیدگی کے خوف سے سب اٹھ کے چل دیئے
پھر بھی یہ زیر سایۂ دیوار کون ہے
سفر کی ابتدا ہوئی کہ تیرا دھیان آ گیا
مری زمیں کے سامنے اک آسمان آ گیا
قدموں میں سائے کی طرح روندے گئے ہیں ہم
ہم سے زیادہ تیرا طلب گار کون ہے
اک روشنی سی راہ دکھاتی ہے ہر طرف
دوش ہوا پہ صاحب رفتار کون ہے
پھیلا رہا ہے دامن شب کی حکایتیں
سورج نہیں تو یہ پس کہسار کون ہے
ادھر یہ دل ابھی تک ہے اسیر وحشت صحرا
ادھر اس آنکھ نے چاروں طرف پہرہ بٹھایا ہے
کیا شے ہے جس کے واسطے ٹوٹے پڑے ہیں لوگ
یہ بھیڑ کیوں ہے رونق بازار کون ہے
اے دل اب اپنی لو کو بچا لے کہ شہر میں
تو جل بجھا تو تیرا عزا دار کون ہے
تری صدا پہ مجھ کو لوٹنا تھا جنگ چھوڑ کر
مگر وہ ایک تیر جو سر کمان آ گیا
سینے پہ ہاتھ رکھ کے بتاؤ مجھے کہ تم
جو کچھ دھڑک رہا ہے اسے دل سمجھتے ہو
اب تک اسی خیال سے سوئے نہیں سلیمؔ
ہم سو گئے تو پھر یہاں بے دار کون ہے
دریا تمہیں سراب دکھائی دیا اور اب
گرد و غبار راہ کو منزل سمجھتے ہو
دست دعا کو کاسۂ سائل سمجھتے ہو
تم دوست ہو تو کیوں نہیں مشکل سمجھتے ہو
ہر شے کو تم نے فرض کیا اور اس کے بعد
سائے کو اپنا مد مقابل سمجھتے ہو
خوش فہمیوں کی حد ہے کہ پانی میں ریت پر
جو بھی جگہ ملے اسے ساحل سمجھتے ہو
ڈوبنے والے بھی تنہا تھے تنہا دیکھنے والے تھے
جیسے اب کے چڑھے ہوئے تھے دریا دیکھنے والے تھے
ایک سوار کی سج دھج کو رستوں کی وحشت نگل گئی
ورنہ اس تہوار پہ ہم بھی میلہ دیکھنے والے تھے
تنہائی جلوہ گاہ تحیر ہے اور تم
ویرانیوں کے رقص کو محفل سمجھتے ہو
اک دستک کی رم جھم نے اندیشوں کے در کھول دیئے
رات اگر ہم سو جاتے تو سپنا دیکھنے والے تھے
مہلت نہ ملی خواب کی تعبیر اٹھاتے
ہم مارے گئے ٹوٹے ہوئے تیر اٹھاتے
آج تو شام ہی سے آنکھوں میں نیند نے خیمے گاڑ دیئے
ہم تو دن نکلے تک تیرا رستہ دیکھنے والے تھے
میں پانی اور آگ سے اک مٹی کی خاطر لوٹا تھا
اور یہ دونوں عالم کھیل تماشا دیکھنے والے تھے
میں نے جس صف کو چھوڑا ہے اس میں شامل سارے لوگ
اپنے قد کو بھول کے اپنا سایا دیکھنے والے تھے
جس نے تمہاری نیند پہ پہرے بٹھا دیئے
اپنی طرف سے تم اسے غافل سمجھتے ہو
اب آئینہ حیرت سے اک اک کا منہ تکتا ہے سلیمؔ
پہلے لوگ تو آئینے میں چہرہ دیکھنے والے تھے
اس وقت بھی ہاتھوں نے قلم کو نہیں چھوڑا
جب ان پہ ضروری تھا کہ شمشیر اٹھاتے
حسن کی یکتائی کا بس اتنا احساس ہے مجھ کو
کانٹوں کی ترتیب میں ایک گلاب کہاں رکھنا ہے
تجھ تک بھی پہنچنے کے لیے وقت نہیں تھا
کب دولت دنیا ترے رہگیر اٹھاتے
مری زمیں پہ ترے آفتاب روشن ہیں
ترے فلک پہ چمکتا ہے اک ستارہ مرا
ہم لوگ سلیمؔ اصل سے کٹ کر نہیں جیتے
کیا سوچ کے آخر کوئی تصویر اٹھاتے
بس ایک ہی موسم کا تسلسل ہے یہ دنیا
کیا ہجر زدہ خواب جوانی سے نکلتے
تارے جو کبھی اشک فشانی سے نکلتے
ہم چاند اٹھائے ہوئے پانی سے نکلتے
بس ایک ہی خواہش سر مقتل ہمیں یاد آئی
زنداں سے نکلتے ہوئے زنجیر اٹھاتے
مامور تھیں سورج کی گواہی پہ ہوائیں
پھر سائے کہاں دھوپ کی جاگیر اٹھاتے
مہلت ہی نہ دی گردش افلاک نے ہم کو
کیا سلسلۂ نقل مکانی سے نکلتے
وہ وقت بھی گزرا ہے کہ دیکھا نہیں تم نے
صحراؤں کو دریا کی روانی سے نکلتے
خاموش سہی مرکزی کردار تو ہم تھے
پھر کیسے بھلا تیری کہانی سے نکلتے
نہ کوئی نام و نسب ہے نہ گوشوارہ مرا
بس اپنی آب و ہوا ہی پہ ہے گزارہ مرا
اک عمر لگی تیری کشادہ نظری میں
اس تنگئ داماں کو گرانی سے نکلتے
جو چاہتا ہے وہ تسخیر کر لے دنیا کو
کسی بھی شے پہ نہیں ہے یہاں اجارہ مرا
یاد کہاں رکھنی ہے تیرا خواب کہاں رکھنا ہے
دل میں یاد پھر آنکھوں میں مہتاب کہاں رکھنا ہے
تو پھر جو نفع ہے میں اس میں کیوں نہیں شامل
اگر یہاں کا خسارہ ہے سب خسارہ مرا
جو دھیان تک نہیں دیتا ہے میری باتوں پر
سمجھ رہا ہے وہی شخص تو اشارہ مرا
وہ کہتا ہے آخری باب عشق مکمل کر لیں
اور میں سوچ رہا ہوں پہلا باب کہاں رکھنا ہے
بس ایک لمحۂ بے نام کی گرفت میں ہیں
نہ جانے کیسا تعلق ہے یہ تمہارا مرا
میں ہمکنار ہوا ایک لہر سے اور پھر
کنارے ہی میں کہیں گم ہوا کنارہ مرا
کہیں خوشی کی نمائش میں رکھ دیا جا کر
کل اس نے بستہ غم طاق سے اتارا مرا
وہی ہے تل وہی رخسار ہیں وہی تو ہے
مگر نہیں ہے سمرقند اور بخارا مرا
شاید کہ سلیمؔ امن کی صورت نظر آتی
ہم لوگ اگر شعلہ بیانی سے نکلتے
میں باد و باراں سے آتش کشید کرتا ہوں
کہ آب و خاک کی تمثیل ہے ادارہ مرا
اب آ گیا ہوں تو سوچا صدا لگاتا چلوں
کسے خبر یہاں آنا نہ ہو دوبارہ مرا
درون خانہ کوئی بھی نہیں کسی کا سلیمؔ
پہ دیکھنے میں تو لگتا ہے شہر سارا مرا
سفر آغاز کرنا تھا جہاں سے زندگی کا
ہمیں ان راستوں سے اب گزارا جا رہا ہے
سراسر نفع تھا لیکن خسارہ جا رہا ہے
تو کیا جیتی ہوئی بازی کو ہارا جا رہا ہے
یہ کن کے پاس گروی رکھ دیا ہم نے سمندر
یہ کن لوگوں کو ساحل پر اتارا جا رہا ہے
سلیمؔ اک آخری مضمون باقی تھا کہ چھپنے
مری رسوائی کا تازہ شمارہ جا رہا ہے
اسے جو بھی ملا بچ کر نہیں آیا ابھی تک
مگر جو بچ گیا ملنے دوبارہ جا رہا ہے
کبھی موسم ساتھ نہیں دیتے کبھی بیل منڈیر نہیں چڑھتی
لیکن یہاں وقت بدلنے میں ایسی کوئی دیر نہیں لگتی
اک گھڑی وصل کی بے وصل ہوئی ہے مجھ میں
کس کے آنے کی خبر قتل ہوئی ہے مجھ میں
کہیں اندر بزم سجائے ہوئے کہیں باہر خود کو چھپائے ہوئے
ترے ذکر کا کام نہیں رکتا تری یاد کی عمر نہیں ڈھلتی
اک خواب نما تمثیل کا دھندلا عکس ہے آئینہ خانے میں
وہ حسن دکھائی نہیں دیتا اور پھر بھی نگاہ نہیں ہٹتی
کئی صدیاں بیت گئیں مجھ میں ترے قرب کی بے لذت رت میں
مرا جسم نماز کا عادی ہے مری روح نماز نہیں پڑھتی
سانس لینے سے بھی بھرتا نہیں سینے کا خلا
جانے کیا شے ہے جو بے دخل ہوئی ہے مجھ میں
مجھ سے باہر تو فقط شور ہے تنہائی کا
ورنہ یہ جنگ تو دراصل ہوئی ہے مجھ میں
جل اٹھے ہیں سر مژگاں تری خوشبو کے چراغ
اب کے خوابوں کی عجب فصل ہوئی ہے مجھ میں
تو نے دیکھا نہیں اک شخص کے جانے سے سلیمؔ
اس بھرے شہر کی جو شکل ہوئی ہے مجھ میں
ابھی حیرت زیادہ اور اجالا کم رہے گا
غزل میں اب کے بھی تیرا حوالہ کم رہے گا
وہ چاندی کا ہو سونے کا ہو یا پھر ہو لہو کا
سلیمؔ اہل ہوس کو ہر نوالہ کم رہے گا
مری وحشت پہ صحرا تنگ ہوتا جا رہا ہے
کہا تو تھا یہ آنگن لا محالہ کم رہے گا
بھلا وہ حسن کس کی دسترس میں آ سکا ہے
کہ ساری عمر بھی لکھیں مقالہ کم رہے گا
بہت سے دکھ تو ایسے بھی دیے تم نے کہ جن کا
مداوا ہو نہیں سکتا ازالہ کم رہے گا
چراغ یاد کی لو ہم سفر کہاں تک ہے
یہ روشنی مری دہلیز پر کہاں تک ہے
مسافران جنوں گرد ہو گئے لیکن
کھلا نہیں کہ تری رہ گزر کہاں تک ہے
بس ایک تم تھے کہ جو دل کا حال جانتے تھے
سو اب تمہیں بھی ہماری خبر کہاں تک ہے
بچھڑنے والوں کو اندازہ ہی نہیں ہوتا
تو ہم سفر ہے مگر ہم سفر کہاں تک ہے
زمیں کی آخری حد پر پہنچ کے سوچتا ہوں
یہاں سے موسم دیوار و در کہاں تک ہے
ہر ایک لمحہ بدلتی ہوئی کہانی میں
حکایت غم دل معتبر کہاں تک ہے
قصۂ سود و زیاں وقف مدارات ہوا
پھر کسی روز ملاقات کی زحمت دوں گا
دل سیماب صفت پھر تجھے زحمت دوں گا
دور افتادہ زمینوں کی مسافت دوں گا
عجیب لوگ ہیں آزادیوں کے مارے ہوئے
قفس میں پوچھتے پھرتے ہیں گھر کہاں تک ہے
اپنے اطراف نیا شہر بساؤں گا کبھی
اور اک شخص کو پھر اس کی حکومت دوں گا
اک دیا نیند کی آغوش میں جلتا ہے کہیں
سلسلہ خواب کا ٹوٹے تو بشارت دوں گا
چشم بے خواب ہوئی شہر کی ویرانی سے
دل اترتا ہی نہیں تخت سلیمانی سے
یوں ہی دشمن نہیں در آیا مرے آنگن میں
دھوپ کو راہ ملی پیڑ کی عریانی سے
ہم نے اک دوسرے کے عکس کو جب قتل کیا
آئینہ دیکھ رہا تھا ہمیں حیرانی سے
پہلے تو رات ہی کاٹے سے نہیں کٹتی تھی
اور اب دن بھی گزرتا نہیں آسانی سے
کچھ یادیں اور کتابیں ہوں مرا عشق ہو اور یارانے ہوں
اسی آب و ہوا میں رہنا ہو اور ساری عمر بتانی ہو
کوئی بھی چیز سلامت نہ رہے گھر میں سلیمؔ
فائدہ کیا ہے بھلا ایسی نگہبانی سے
میں نے جو لکھ دیا وہ خود ہے گواہی اپنی
جو نہیں لکھا ابھی اس کی بشارت دوں گا
آنکھ پہچانتی ہے لوٹنے والوں کو مگر
کون پوچھے گا مری بے سر و سامانی سے
کوئی ناؤ کہیں منجدھار میں ڈوبے چاند سے الجھے اور ادھر
موجوں کی وہی حلقہ بندی دریا کی وہی طغیانی ہو
یوں خانۂ دل میں اک خوشبو آباد ہے اور لو دیتی ہے
جو باد شمال کے پہرے میں کوئی تنہا رات کی رانی ہو
کوئی یاد ہی رخت سفر ٹھہرے کوئی راہ گزر انجانی ہو
جب تک مری عمر جوان رہے اور یہ تصویر پرانی ہو
وہ جن کے نقش قدم دیکھنے میں آتے ہیں
اب ایسے لوگ تو کم دیکھنے میں آتے ہیں
ہم کب تک اپنے ہاتھوں سے خود اپنے لیے دیوار چنیں
کبھی تجھ سے حکم عدولی ہو کبھی مجھ سے نافرمانی ہو
اسی رات اور دن کے میلے میں ترا ہاتھ چھٹے مرے ہاتھوں سے
ترے ساتھ تری تنہائی ہو مرے ساتھ مری ویرانی ہو
کیا ڈھونڈتے ہیں کیا کھو بیٹھے کس عجلت میں ہیں لوگ یہاں
سر راہ کچھ ایسے ملتے ہیں جیسے کوئی رسم نبھانی ہو
اب کے ہے لب آب ہی مر جائیں گے
پیاس ایسی ہے کہ بجھتی ہی نہیں پانی سے
اک عمر ہوئی موسم زنداں نہیں بدلا
روزن ہے وہی دیدۂ نمناک وہی ہے
طواف کوئے سخن ختم ہی نہیں ہوتا
کوئی نہیں ہے تو ہم دیکھنے میں آتے ہیں
کیا چشم رفو گر سے شکایت ہو کہ اب تک
وحشت ہے وہی سینۂ صد چاک وہی ہے
کہیں نہیں ہے منارہ نہ منبر و محراب
محل سرا سے حرم دیکھنے میں آتے ہیں
اٹے ہوئے ہیں غبار شکستگی میں سلیمؔ
جو آئنے پس غم دیکھنے میں آتے ہیں
ایک صفحہ کہیں تاریخ میں خالی ہے ابھی
آخری جنگ سے پہلے تمہیں مہلت دوں گا
ہر چند کہ حالات موافق نہیں پھر بھی
دل تیری طرف داری میں سفاک وہی ہے
جو کچھ ہے مرے پاس وہ میرا نہیں شاید
جو میں نے گنوا دی مری املاک وہی ہے
وسعت ہے وہی تنگئی افلاک وہی ہے
جو خاک پہ ظاہر ہے پس خاک وہی ہے
زوروں پہ سلیمؔ اب کے ہے نفرت کا بہاؤ
جو بچ کے نکل آئے گا تیراک وہی ہے
اک ہاتھ کی جنبش میں در و بست ہے ورنہ
گردش وہی کوزہ ہے وہی چاک وہی ہے
میں اک صدا کے تحیر میں گھر گیا ورنہ
کنارا سامنے گرداب میرے سامنے تھا
وہی نہیں تھا جسے دل تلک رسائی تھی
کہ یوں تو مجمع احباب میرے سامنے تھا
طلسم خانۂ اسباب میرے سامنے تھا
مرا ہی دیکھا ہوا خواب میرے سامنے تھا
ردائے فقر بچا لے گئی مجھے ورنہ
فریب اطلس و کم خواب میرے سامنے تھا
تمام عمر ستارے تلاش کرتا پھرا
پلٹ کے دیکھا تو مہتاب میرے سامنے تھا
کتاب عشق کھلی تھی سنا رہا تھا کوئی
میں پڑھ رہا تھا نیا باب میرے سامنے تھا
میں ڈھونڈتا رہا ماضی کے گم شدہ اوراق
نصاب منبر و محراب میرے سامنے تھا
بس تری بیچارگی ہم سے نہیں دیکھی گئی
ورنہ ہاتھ آئی ہوئی دولت کو یوں کھوتا ہے کون
تم تو کہتے تھے کہ سب قیدی رہائی پا گئے
پھر پس دیوار زنداں رات بھر روتا ہے کون
کیا بتائیں فصل بے خوابی یہاں بوتا ہے کون
جب در و دیوار جلتے ہوں تو پھر ہوتا ہے کون
کوئی بے ترتیبئ کردار کی حد ہے سلیمؔ
داستاں کس کی ہے زیب داستاں ہوتا ہے کون
کون یہ پاتال سے لے کر ابھرتا ہے مجھے
اتنی تہہ داری سے مجھ پر منکشف ہوتا ہے کون
اداس شاموں کی سرد راتوں میں تیرے عشاق دیکھتے ہیں
پلک جھپکتے ہوئے دریچوں میں صبح کرتے ہوئے زمانے
غبار ہوتی صدی کے صحراؤں سے ابھرتے ہوئے زمانے
نئے زمانوں میں آئے تجھ کو تلاش کرتے ہوئے زمانے
زمین سورج کے گرد اپنے مدار میں گھومتی ہے جیسے
تری گلی کا طواف کرتے ہیں یوں گزرتے ہوئے زمانے
تم تو آنکھ والے تھے عکس مل گیا ہوگا
میں سدا کا بے چہرہ میرا آئینہ ہی کیا
عجز خاکساری کیوں فخر کج کلاہی کیا
جب محبتیں کی ہیں پھر کوئی گواہی کیا
ہم رتوں کے مجرم ہیں ہر ہوا کی نظروں میں
تیری پارسائی کیا میری بے گناہی کیا
وصل کا کوئی لمحہ رائیگاں نہیں لیکن
جو الگ نہ کرتا ہو ایسا راستہ ہی کیا
یہ جو اب جا کے خلش ہونے لگی ہے دل میں
ایسا لگتا ہے کوئی زخم یہ آغاز کا ہے
جانے کب بگڑ جائیں جانے کب سنور جائیں
دست کوزہ گر میں ہیں اپنا آسرا ہی کیا
تم سلیمؔ شاعر ہو شہرتوں پہ مت جاؤ
مسند فقیری پہ خبط بادشاہی کیا
آسماں اپنی حدیں کھول رہا ہے مجھ پر
تو کبھی دیکھ جو عالم مری پرواز کا ہے
بساط امکان پر تغیر کا حسن مہرے بدل رہا ہے
چراغ حیرت کی لو میں زندہ ہیں رقص کرتے ہوئے زمانے
لے محبت کی ہے آہنگ سخن ساز کا ہے
ہر نئی نسل سے رشتہ مری آواز کا ہے
شب گزیدہ لوگوں کو نیند سے الجھنا ہے
رات کی مسافت میں رزم صبح گاہی کیا
اگر یہ سب کاروبار ہستی تری توجہ سے ہٹ گیا ہے
تو پھر یہ کس نے سنبھال رکھے ہیں سب بکھرتے ہوئے زمانے
مزید شاعری پڑھیے اور دوسرے شعراء کو دریافت کیجیے۔