شاعر کی معلومات لوڈ ہو رہی ہیں...
جب کبھی بولنا وقت پر بولنا
مدتوں سوچنا مختصر بولنا
شاعر کی معلومات لوڈ ہو رہی ہیں...
Tahir Faraz
اردو ادب
Tahir Faraz's poetry speaks directly to the people, which is why his tone is also very popular and accessible, making it easy for even someone with a basic level of understanding to appreciate his work. This kind of poetry breaks down class boundaries and presents poetry in a universal way, like the sun or the moon, reaching everyone. His style and rhythm are beautiful, akin to the melodic flow of a waterfall. The unique, melodious, and organic nature of his verses sets him apart from poets of typical mushairas (poetry gatherings). In his poetry, there is a deep sense of pain and longing, creating an emotional atmosphere that resonates deeply with the reader. This intensity in his tone can affect many people, either leaving them overwhelmed or inducing a state of ecstasy. His poetry embodies the essence of "what comes from the heart, touches the heart," a quality that few poets possess.
ان کے کلام کے چند منتخب اشعار پڑھیے۔
جب کبھی بولنا وقت پر بولنا
مدتوں سوچنا مختصر بولنا
ڈال دے گا ہلاکت میں اک دن تجھے
اے پرندے ترا شاخ پر بولنا
میری خانہ بدوشی سے پوچھے کوئی
کتنا مشکل ہے رستے کو گھر بولنا
پہلے کچھ دور تک ساتھ چل کے پرکھ
پھر مجھے ہم سفر ہم سفر بولنا
کیوں ہے خاموش سونے کی چڑیا بتا
لگ گئی تجھ کو کس کی نظر بول نا
مری منزلیں کہیں اور ہیں مرا راستہ کوئی اور ہے
ہٹو راہ سے مری خضر جی مرا رہنما کوئی اور ہے
عمر بھر تجھ کو رکھے گا گرم سفر
منزلوں کو ترا رہ گزر بولنا
عمر بھر کو مجھے بے صدا کر گیا
تیرا اک بار منہ پھیر کر بولنا
پلکوں پہ اس کی جلے بجھیں گے جگنو جب مری یادوں کے
کمرے میں ہوں گی برساتیں گھر جنگل ہو جائے گا
خود کو پڑھتا ہوں چھوڑ دیتا ہوں
اک ورق روز موڑ دیتا ہوں
اس قدر زخم ہیں نگاہوں میں
روز اک آئینہ توڑ دیتا ہوں
میں پجاری برستے پھولوں کا
چھو کے شاخوں کو چھوڑ دیتا ہوں
ترے حسن تیرے جمال کا میں دوانہ یوں ہی نہیں ہوا
ہے مجھے خبر ترے روپ میں یہ چھپا ہوا کوئی اور ہے
مری جنبشیں مری لغزشیں مرے بس میں ہوں گی نہ تھیں نہ ہیں
میں قیام کرتا ہوں ذہن میں مجھے سوچتا کوئی اور ہے
تجھ سے رشتہ ہے ریشمی رشتہ
کچے دھاگے میں توڑ دیتا ہوں
یہ عجیب منطق عشق ہے مگر اس میں کچھ بھی نہ بن پڑے
مرے دل میں یاد کسی کی ہے مجھے بھولتا کوئی اور ہے
کوئی حسیں منظر آنکھوں سے جب اوجھل ہو جائے گا
مجھ کو پاگل کہنے والا خود ہی پاگل ہو جائے گا
کاسۂ شب میں خون سورج کا
قطرہ قطرہ نچوڑ دیتا ہوں
ریت کے گھر بنا بنا کے فرازؔ
جانے کیوں خود ہی توڑ دیتا ہوں
کانپتے ہونٹ بھیگتی پلکیں
بات ادھوری ہی چھوڑ دیتا ہوں
اس کی یادیں اس کی باتیں اس کی وفائیں اس کا پیار
کس کو خبر تھی جینا مشکل ایک اک پل ہو جائے گا
مت گھبرا اے پیاسے دریا سورج آنے والا ہے
برف پہاڑوں سے پگھلی تو جل ہی جل ہو جائے گا
جب بھی وہ پاکیزہ دامن آ جائے گا ہاتھ مرے
آنکھوں کا یہ میلا پانی گنگا جل ہو جائے گا
جس دن اس کی زلفیں اس کے شانوں پر کھل جائیں گی
اس دن شرم سے پانی پانی خود بادل ہو جائے گا
نہیں ہے کھیل کوئی ان سے گفتگو کرنا
سخن وہ جنبش لب کے بغیر چاہتے ہیں
عجیب ہم ہیں سبب کے بغیر چاہتے ہیں
تمہیں تمہاری طلب کے بغیر چاہتے ہیں
فقیر وہ ہیں جو اللہ تیرے بندوں کو
ہر امتیاز نسب کے بغیر چاہتے ہیں
مزا تو یہ ہے انہیں بھی نوازتا ہے رب
جو اس جہان کو رب کے بغیر چاہتے ہیں
ٹھٹھرتی رات میں چادر بھی جن کے پاس نہیں
وہ دن نکالنا شب کے بغیر چاہتے ہیں
نہیں مجھ کو تجھ سے کوئی گلہ ہے الگ طرح مرا سلسلہ
کہ ترے خدا کئی اور ہیں تو مرا خدا کوئی اور ہے
جمی ہے گرد سیاست کی جن کے ذہنوں پر
مشاعرہ بھی ادب کے بغیر چاہتے ہیں
ہے اعتماد انہیں خود پر غرور کی حد تک
اکیلے جینا جو سب کے بغیر چاہتے ہیں
جگنو جلے بجھے مری پلکوں پہ صبح تک
جب بھی ترا خیال سر شام آ گیا
میں نے تو ایک لاش کی دی تھی خبر فرازؔ
الٹا مجھی پہ قتل کا الزام آ گیا
محسوس کر رہا ہوں میں خوشبو کی بازگشت
شاید ترے لبوں پہ مرا نام آ گیا
جو شجر بے لباس رہتے ہیں
ان کے سائے اداس رہتے ہیں
کچھ دوستوں نے پوچھا بتاؤ غزل ہے کیا
بے ساختہ لبوں پہ ترا نام آ گیا
اتفاقاً جو ہنس لیے تھے کبھی
انتقاماً اداس رہتے ہیں
چند لمحات کی خوشی کے لیے
لوگ برسوں اداس رہتے ہیں
ان کے بارے میں سوچئے طاہرؔ
جو مسلسل اداس رہتے ہیں
میری پلکیں ہیں اور اشک ترے
پیڑ دریا کے پاس رہتے ہیں
وقت کرتا ہے خودکشی مجھ میں
لمحہ لمحہ ہے زندگی مجھ میں
سونے والی سماعتو جاگو
خامشی بولنے لگی مجھ میں
شکریہ اے جلانے والے تیرا
دور تک اب ہے روشنی مجھ میں
روز اپنا ہی خون پیتا ہوں
ایسی کب تھی درندگی مجھ میں
اس نئے دور میں نہ کھو جائے
یہ جو باقی ہے سادگی مجھ میں
شعر میرا تھا داد اس کو ملی
شخصیت کی کمی جو تھی مجھ میں
میں نہ کہتا تھا کہ شہروں میں نہ جا یار مرے
سوندھی مٹی ہی میں ہوتی ہے وفا یار مرے
شعر کہنا نہیں ہے سہل فرازؔ
یہ ودیعت ہے قدرتی مجھ میں
جانتا ہوں میں اپنے قاتل کو
روز کرتا ہے خودکشی مجھ میں
کوئی ٹوٹے ہوئے خوابوں سے کہاں ملتا ہے
ہر جگہ درد کا بستر نہ لگا یار مرے
تجھ سے ملتا ہوں تو رشتہ کوئی یاد آتا ہے
سلسلہ مجھ سے زیادہ نہ بڑھا یار مرے
سلسلہ پھر سے جڑا ہے تو جڑا رہنے دے
دل کے رشتوں کو تماشہ نہ بنا یار مرے
اپنی چاہت کے شب و روز مکمل کر لے
جا یہ سورج بھی ترے نام کیا یار مرے
ایسا لگتا ہے کہ کچھ ٹوٹ رہا ہے مجھ میں
چھوڑ کے تو مجھے اس وقت نہ جا یار مرے
سر پھرا جھونکا ہوا کا توڑ دے گا شاخ کو
پھول بننے کی تمنا میں کلی رہ جائے گی
جب مرے ہونٹوں پہ میری تشنگی رہ جائے گی
تیری آنکھوں میں بھی تھوڑی سی نمی رہ جائے گی
ختم ہو جائے گا جس دن بھی تمہارا انتظار
گھر کے دروازے پہ دستک چیختی رہ جائے گی
درد خاموش رہا ٹوٹتی آواز رہی
میری ہر شام تری یاد کی ہم راز رہی
کیا خبر تھی آئے گا اک روز ایسا وقت بھی
میری گویائی ترا منہ دیکھتی رہ جائے گی
وقت رخصت آئے گا اور ختم ہوگا یہ سفر
میرے دل کی بات میرے دل میں ہی رہ جائے گی
اک نئے موڑ پہ اس نے بھی مجھے چھوڑ دیا
جس کی آواز میں شامل مری آواز رہی
آئنے ٹوٹ گئے عکس کی سچائی پر
اور سچائی ہمیشہ کی طرح راز رہی
شہر میں جب بھی چلے ٹھنڈی ہوا کے جھونکے
تپتے صحرا کی طبیعت بڑی ناساز رہی
سنتا رہتا ہوں بزرگوں سے میں اکثر طاہرؔ
وہ سماعت ہی رہی اور نہ وہ آواز رہی
مرے لبوں پہ اسی آدمی کی پیاس نہ ہو
جو چاہتا ہے مرے سامنے گلاس نہ ہو
تمام دن کے دکھوں کا حساب کرنا ہے
میں چاہتا ہوں کوئی میرے آس پاس نہ ہو
یہ تشنگی تو ملی ہے ہمیں وراثت میں
ہمارے واسطے دریا کوئی اداس نہ ہو
واقعہ یہ کن فکاں سے بھی بہت پہلے کا ہے
اک بشر کا نور تھا قندیل میں افلاک پر
مجھے بھی دکھ ہے خطا ہو گیا نشانہ ترا
کمان کھینچ میں حاضر ہوں تو اداس نہ ہو
جس نے تیری یاد میں سجدے کئے تھے خاک پر
اس کے قدموں کے نشاں پائے گئے افلاک پر
غزل ہی رہ گئی طاہر فرازؔ اپنے لیے
جہاں میں کوئی ایسا بھی بے اساس نہ ہو
دوستوں کی محفلوں سے دور ہم ہوتے گئے
جیسے جیسے سلوٹیں پڑتی گئیں پوشاک پر
آدمی ہوں وصف پیغمبر نہ مانگ
مجھ سے میرے دوست میرا سر نہ مانگ
مخملی ہونٹوں پہ بوسوں کی نمی ٹھہری ہوئی
سانس الجھی زلف بکھری سلوٹیں پوشاک پر
پانیوں کی سازشوں نے جب بھنور ڈالے فرازؔ
تبصرہ کرتے رہے سب ڈوبتے تیراک پر
ہو سکے تو عکس لوٹا دے مجھے
آئنے مجھ سے مرا پیکر نہ مانگ
یہ تو ممکن ہے کہ سر دے دیں مگر
ہم فقیروں سے کوئی پتھر نہ مانگ
عیب میں داخل ہو فن کاری جہاں
وقت کے پتھر وہاں آزر نہ مانگ
جن کو نیندوں کی نہ ہو چادر نصیب
ان سے خوابوں کا حسیں بستر نہ مانگ
سانس لینا مجھے آسان بھی ہو سکتا ہے
ٹہنیاں پیڑ کی دھیرے سے اگر ہل جائیں
میرے آنسو تری آنکھوں سے اگر مل جائیں
جتنے مرجھائے ہوئے پھول ہیں سب کھل جائیں
ڈھونڈھتی رہتی ہیں ہر وقت یہ آنکھیں اس کو
کسی بازار سے گزریں کسی محفل جائیں
خامشی اتنی بھی اچھی نہیں ہوتی طاہرؔ
مجھ کو ڈر ہے نہ کہیں ہونٹ ترے سل جائیں
ایک اک کر کے سبھی بستیاں ویران ہوئیں
قتل کرنے کے لیے اب کہاں قاتل جائیں
دھوپ مجھ کو جو لیے پھرتی ہے سائے سائے
ہے تو آوارہ مگر ذہن میں گھر رکھتی ہے
میرے پیروں کی تھکن روٹھ نہ جانا مجھ سے
ایک تو ہی تو مرا راز سفر رکھتی ہے
کیسے مانوں کہ زمانے کی خبر رکھتی ہے
گردش وقت تو بس مجھ پہ نظر رکھتی ہے
دوستی تیرے درختوں میں ہوائیں بھی نہیں
دشمنی اپنے درختوں میں ثمر رکھتی ہے
جانے کیا سوچ کے رو لیتا ہوں اس وقت فرازؔ
زندگی جب مرے آغوش میں سر رکھتی ہے
جب بھی ٹوٹا مرے خوابوں کا حسیں تاج محل
میں نے گھبرا کے کہی میرؔ کے لہجے میں غزل
حادثے راہ کے زیور ہیں مسافر کے لیے
ایک ٹھوکر جو لگی ہے تو ارادہ نہ بدل
خیر مقدم کو ترے آئے گا خود ہی سورج
تو کبھی رات کی دہلیز سے باہر تو نکل
کہیں خلوص کی خوشبو ملے تو رک جاؤں
مرے لیے کوئی آنسو کھلے تو رک جاؤں
کبھی پلک پہ ستارے کبھی لبوں پہ گلاب
اگر نہ ختم ہوں یہ سلسلے تو رک جاؤں
میں اس کے سائے میں یوں تو ٹھہر نہیں سکتا
اداس پیڑ کا پتا ہلے تو رک جاؤں
کیسا پیار کہاں کی الفت عشق کی بات تو جانے دو
میرے لیے اب اس کے دل سے ہمدردی بھی ختم ہوئی
بہت طویل اندھیروں کا ہے سفر طاہرؔ
کہیں جو دھوپ کا سایہ ملے تو رک جاؤں
وہ ایک ربط جو اتنا بڑھا کہ ٹوٹ گیا
سمٹ کے جوڑ دے یہ فاصلے تو رک جاؤں
اب کے برس ہونٹوں سے میرے تشنہ لبی بھی ختم ہوئی
تجھ سے ملنے کی اے دریا مجبوری بھی ختم ہوئی
جو برف آنکھوں میں جم چکی تھی وہ دھیرے دھیرے پگھل رہی تھی
جب آئنے میں وہ میرا آینہ دار اترا تو میں نے دیکھا
جس کی جل دھارا سے بستی والے جیون پاتے تھے
رستہ بدلتے ہی ندی کے وہ بستی بھی ختم ہوئی
نہ جانے کب سے سسک رہا تھا قریب آتے جھجک رہا تھا
مکاں کی دہلیز سے وہ جب اشک بار اترا تو میں نے دیکھا
اداس آنکھوں سے تک رہا تھا مجھے وہ چھوٹا ہوا کنارا
شکستہ کشتی سے جب میں دریا کے پار اترا تو میں نے دیکھا
سامنے والی بلڈنگ میں اب کام ہے بس آرائش کا
کل تک جو ملتی تھی ہمیں وہ مزدوری بھی ختم ہوئی
سکون دل میں وہ بن کے جب انتشار اترا تو میں نے دیکھا
نہ دیکھتا پر لہو میں وہ بار بار اترا تو میں نے دیکھا
جیل سے واپس آ کر اس نے پانچوں وقت نماز پڑھی
منہ بھی بند ہوئے سب کے اور بدنامی بھی ختم ہوئی
تھے جتنے وہم و گمان وہ سب نئی حقیقت میں ڈھل چکے تھے
اک آدمی پر کلام پروردگار اترا تو میں نے دیکھا
خیال جاناں تری بدولت فرازؔ ہے کتنا خوبصورت
دماغ و دل سے حقیقتوں کا غبار اترا تو میں نے دیکھا
نہ آنسوؤں ہی میں وہ چمک تھی نہ دل کی دھڑکن میں وہ کسک تھی
سحر کے ہوتے ہی نشۂ ہجر یار اترا تو میں نے دیکھا
غم اس کا کچھ نہیں ہے کہ میں کام آ گیا
غم یہ ہے قاتلوں میں ترا نام آ گیا
ذرا سی بات پہ کٹتے ہیں سر ہماری طرف
بھلا اسی میں ہے تو رخ نہ کر ہماری طرف
خوش نصیبی سے یہ ساعت ترے ہاتھ آئی ہے
آسماں جھکنے لگا ہاتھ بڑھا یار مرے
نئے سماج کی تعمیر کھا گئی ان کو
بنے ہوئے تھے جو چھپر کے گھر ہماری طرف
پرانے عہد کے قصے سناتا رہتا ہے
بچا ہوا ہے جو بوڑھا شجر ہماری طرف
اپنے افسانے سے دلچسپیاں کچھ کم کر دے
نیند کے بوجھ سے ہونے لگیں پلکیں بوجھل
برف سی رات یہ معصوم کنواری باتیں
دھوپ اگتے ہی پگھل جائیں گی ساری باتیں
نہ بات سمجھیں نہ لہجے کا درد پہچانیں
ہیں اس نظر کے بھی اہل نظر ہماری طرف
کنی وہ چاٹ کے ہیرے کی ہو گیا پتھر
جب آ گیا کوئی آئینہ گر ہماری طرف
توڑ سکتی ہیں تبسم کی طلسمی زنجیر
ایک لٹتے ہوئے احساس کی ماری باتیں
اس نے حالانکہ تغافل سے بہت کام لیا
پھر بھی پلکوں کے دیے کہہ گئے ساری باتیں
ٹوٹتے لفظ تھے ہونٹوں کی منڈیروں پہ فرازؔ
ساتھ دیتیں بھی کہاں تک تھکی ہاری باتیں
منہ کو تکتی رہیں بے لفظ ہماری باتیں
اور وہ طنز سے بھرپور تمہاری باتیں
سوال یہ ہے کہ ترک تعلقات کے بعد
تری شکست ہوئی یا مری شکست ہوئی
جو تیرے ہوتے ہوئے زندگی شکست ہوئی
مری شکست سے پہلے تری شکست ہوئی
بولنے کے لیے چاہا ہے مجھے اس نے فرازؔ
بند ہونے کے لیے کھلتے ہیں پانی میں کنول
یہ سرد جنگ بھی وہ مسکرا کے جیت گیا
عجیب رخ سے مری بے رخی شکست ہوئی
مرے ہنر کا اسے بھی نہ تھا کچھ اندازہ
ملال یہ ہے اسے دوسری شکست ہوئی
نصیب فتح بالآخر اسے ہوئی طاہرؔ
قدم قدم پہ جسے عارضی شکست ہوئی
شاید مجھی میں یادوں کی شمعیں جلی تھیں رات
پگھلا ہوا سا خود کو جو پایا ہے دھوپ میں
کل شب کا تاپمان چلو اس سے پوچھ لیں
وہ آدمی جو کانپتا آیا ہے دھوپ میں
اس زاویے سے دیکھیے آئینۂ حیات
جس زاویے سے میں نے لگایا ہے دھوپ میں
تاریکیوں نے خود کو ملایا ہے دھوپ میں
سایہ جو شام کا نظر آیا ہے دھوپ میں
اپنا تو نہیں کوئی وہاں پوچھنے والا
اس بزم میں جانا ہے جنہیں اب تو وہی جائیں
چمکے گا چاند بن کے یہی رات میں فرازؔ
پتھر کا جس کو تم نے بتایا ہے دھوپ میں
جالبؔ غم دوراں ہو کہ یاد رخ جاناں
تنہا مجھے رہنے دیں مرے دل سے سبھی جائیں
باتیں تو کچھ ایسی ہیں کہ خود سے بھی نہ کی جائیں
سوچا ہے خموشی سے ہر اک زہر کو پی جائیں
اک عمر اٹھائے ہیں ستم غیر کے ہم نے
اپنوں کی تو اک پل بھی جفائیں نہ سہی جائیں
ظلم سے ہیں برسر پیکار آزادی پسند
ان پہاڑوں میں جہاں پر کوئی جھرنا ہی نہیں
یوں مہ و انجم کی وادی میں اڑے پھرتے ہیں وہ
خاک کے ذروں پہ جیسے پاؤں دھرنا ہی نہیں
اب تجھ سے ہمیں کوئی تعلق نہیں رکھنا
اچھا ہو کہ دل سے تری یادیں بھی چلی جائیں
ان کا دعویٰ ہے کہ سورج بھی انہی کا ہے غلام
شب جو ہم پر آئی ہے اس کو گزرنا ہی نہیں
دل بھی ان کے ہیں سیہ خوراک زنداں کی طرح
ان سے اپنا غم بیاں اب ہم کو کرنا ہی نہیں
انتہا کر لیں ستم کی لوگ ابھی ہیں خواب میں
جاگ اٹھے جب لوگ تو ان کو ٹھہرنا ہی نہیں
اس رعونت سے وہ جیتے ہیں کہ مرنا ہی نہیں
تخت پر بیٹھے ہیں یوں جیسے اترنا ہی نہیں
آزادئ انساں کے وہیں پھول کھلیں گے
جس جا پہ ظہیر آج ترا خون گرا ہے
افسوس تمہیں کار کے شیشے کا ہوا ہے
پروا نہیں اک ماں کا جو دل ٹوٹ گیا ہے
فرعون بھی نمرود بھی گزرے ہیں جہاں میں
رہتا ہے یہاں کون یہاں کون رہا ہے
ہوتا ہے اثر تم پہ کہاں نالۂ غم کا
برہم جو ہوئی بزم طرب اس کا گلا ہے
کیا علاج اس کا اگر ہو مدعا ان کا یہی
اہتمام رنگ و بو گلشن میں کرنا ہی نہیں
تم ظلم کہاں تک تہ افلاک کرو گے
یہ بات نہ بھولو کہ ہمارا بھی خدا ہے
تا چند رہے گی یہ شب غم کی سیاہی
رستہ کوئی سورج کا کہیں روک سکا ہے
آگ ہے پھیلی ہوئی کالی گھٹاؤں کی جگہ
بد دعائیں ہیں لبوں پر اب دعاؤں کی جگہ
کچھ بھی ہوتا پر نہ ہوتے پارہ پارہ جسم و جاں
راہزن ہوتے اگر ان رہنماؤں کی جگہ
تو آج کا شاعر ہے تو کر میری طرح بات
جیسے مرے ہونٹوں پہ مرے دل کی صدا ہے
انتخاب اہل گلشن پر بہت روتا ہے دل
دیکھ کر زاغ و زغن کو خوش نواؤں کی جگہ
کچھ تو آتا ہم کو بھی جاں سے گزرنے کا مزہ
غیر ہوتے کاش جالبؔ آشناؤں کی جگہ
لٹ گئی اس دور میں اہل قلم کی آبرو
بک رہے ہیں اب صحافی بیسواؤں کی جگہ
فیضؔ اور فیضؔ کا غم بھولنے والا ہے کہیں
موت یہ تیرا ستم بھولنے والا ہے کہیں
آخری بار اسے دیکھ نہ پائے جالبؔ
یہ مقدر کا ستم بھولنے والا ہے کہیں
لوگ اسی صورت پریشاں ہیں جدھر بھی دیکھیے
اور وہ کہتے ہیں کوہ غم تو سر بھی ہو گیا
سر سے سانسوں کا ناتا ہے توڑوں کیسے
تم جلتے ہو کیوں جیتا ہوں کیوں گاتا ہوں
جن خوابوں کو دیکھ کے میں نے جینا سیکھا
ان کے آگے ہر دولت کو ٹھکراتا ہوں
جالبؔ میرے شعر سمجھ میں آ جاتے ہیں
اسی لیے کم رتبہ شاعر کہلاتا ہوں
ہم سے جس وقت نے وہ شاہ سخن چھین لیا
ہم کو وہ وقت الم بھولنے والا ہے کہیں
آنے والی برکھا دیکھیں کیا دکھلائے آنکھوں کو
یہ برکھا برساتے دن تو بن پریتم بیکار گئے
زہر اگلتے ہیں جب مل کر دنیا والے
میٹھے بولوں کی وادی میں کھو جاتا ہوں
جب بھی لوٹے پیار سے لوٹے پھول نہ پا کر گلشن میں
بھونرے امرت رس کی دھن میں پل پل سو سو بار گئے
ایک لگن کی بات ہے جیون ایک لگن ہی جیون ہے
پوچھ نہ کیا کھویا کیا پایا کیا جیتے کیا ہار گئے
اس ستم گر کی حقیقت ہم پہ ظاہر ہو گئی
ختم خوش فہمی کی منزل کا سفر بھی ہو گیا
نہ ڈگمگائے کبھی ہم وفا کے رستے میں
چراغ ہم نے جلائے ہوا کے رستے میں
جن کی یادوں سے روشن ہیں میری آنکھیں
دل کہتا ہے ان کو بھی میں یاد آتا ہوں
یہ نفرتوں کی فصیلیں جہالتوں کے حصار
نہ رہ سکیں گے ہماری صدا کے رستے میں
مٹا سکے نہ کوئی سیل انقلاب جنہیں
وہ نقش چھوڑے ہیں ہم نے وفا کے رستے میں
کہیں سلاسل تسبیح اور کہیں زنار
بچھے ہیں دام بہت مدعا کے رستے میں
ہم سے پوچھو ساحل والو کیا بیتی دکھیاروں پر
کھیون ہارے بیچ بھنور میں چھوڑ کے جب اس پار گئے
زمانہ ایک سا جالبؔ سدا نہیں رہتا
چلیں گے ہم بھی کبھی سر اٹھا کے رستے میں
جیون مجھ سے میں جیون سے شرماتا ہوں
مجھ سے آگے جانے والو میں آتا ہوں
ذرے ہی سہی کوہ سے ٹکرا تو گئے ہم
دل لے کے سر عرصۂ غم آ تو گئے ہم
ہیں آج بھی وہی دار و رسن وہی زنداں
ہر اک نگاہ رموز آشنا کے رستے میں
کون بتائے کون سجھائے کون سے دیس سدھار گئے
ان کا رستہ تکتے تکتے نین ہمارے ہار گئے
کبھی زنداں میں کبھی دور وطن سے اے دوست
جو کیا اس نے رقم بھولنے والا ہے کہیں
ابھی وہ منزل فکر و نظر نہیں آئی
ہے آدمی ابھی جرم و سزا کے رستے میں
اب نام رہے یا نہ رہے عشق میں اپنا
روداد وفا دار پہ دہرا تو گئے ہم
چور تھا زخموں سے دل زخمی جگر بھی ہو گیا
اس کو روتے تھے کہ سونا یہ نگر بھی ہو گیا
جاں اپنی گنوا کر کبھی گھر اپنا جلا کر
دل ان کا ہر اک طور سے بہلا تو گئے ہم
بام و در پر ہے مسلط آج بھی شام الم
یوں تو ان گلیوں سے خورشید سحر بھی ہو گیا
کہتے تھے جو اب کوئی نہیں جاں سے گزرتا
لو جاں سے گزر کر انہیں جھٹلا تو گئے ہم
خدا کا نام کوئی لے تو چونک اٹھتے ہیں
ملے ہیں ہم کو وہ رہبر خدا کے رستے میں
ترے اشک اور بھی چمکائیں گی یادیں اس کی
ہم کو وہ دیدۂ نم بھولنے والا ہے کہیں
کسے لگائے گلے اور کہاں کہاں ٹھہرے
ہزار غنچہ و گل ہیں صبا کے رستے میں
کانٹوں کے دکھ سہنے میں تسکین بھی تھی آرام بھی تھا
ہنسنے والے بھولے بھالے پھول چمن کے مار گئے
اب سوچ رہے ہیں کہ یہ ممکن ہی نہیں ہے
پھر ان سے نہ ملنے کی قسم کھا تو گئے ہم
کچھ اور ہی عالم تھا پس چہرۂ یاراں
رہتا جو یونہی راز اسے پا تو گئے ہم
تم اپنے دامن میں ستارے بیٹھ کے ٹانکو
اور میں نئے برن لفظوں کو پہناتا ہوں
اٹھیں کہ نہ اٹھیں یہ رضا ان کی ہے جالبؔ
لوگوں کو سر دار نظر آ تو گئے ہم
مزید شاعری پڑھیے اور دوسرے شعراء کو دریافت کیجیے۔