مکمل شاعری

برف سی رات یہ معصوم کنواری باتیں

دھوپ اگتے ہی پگھل جائیں گی ساری باتیں

توڑ سکتی ہیں تبسم کی طلسمی زنجیر

ایک لٹتے ہوئے احساس کی ماری باتیں

اس نے حالانکہ تغافل سے بہت کام لیا

پھر بھی پلکوں کے دیے کہہ گئے ساری باتیں

ٹوٹتے لفظ تھے ہونٹوں کی منڈیروں پہ فرازؔ

ساتھ دیتیں بھی کہاں تک تھکی ہاری باتیں

منہ کو تکتی رہیں بے لفظ ہماری باتیں

اور وہ طنز سے بھرپور تمہاری باتیں

— طاہر فراز