مکمل شاعری
سانس لینا مجھے آسان بھی ہو سکتا ہے
ٹہنیاں پیڑ کی دھیرے سے اگر ہل جائیں
میرے آنسو تری آنکھوں سے اگر مل جائیں
جتنے مرجھائے ہوئے پھول ہیں سب کھل جائیں
ڈھونڈھتی رہتی ہیں ہر وقت یہ آنکھیں اس کو
کسی بازار سے گزریں کسی محفل جائیں
خامشی اتنی بھی اچھی نہیں ہوتی طاہرؔ
مجھ کو ڈر ہے نہ کہیں ہونٹ ترے سل جائیں
ایک اک کر کے سبھی بستیاں ویران ہوئیں
قتل کرنے کے لیے اب کہاں قاتل جائیں
— طاہر فراز