مکمل شاعری

سر سے سانسوں کا ناتا ہے توڑوں کیسے

تم جلتے ہو کیوں جیتا ہوں کیوں گاتا ہوں

جن خوابوں کو دیکھ کے میں نے جینا سیکھا

ان کے آگے ہر دولت کو ٹھکراتا ہوں

جالبؔ میرے شعر سمجھ میں آ جاتے ہیں

اسی لیے کم رتبہ شاعر کہلاتا ہوں

زہر اگلتے ہیں جب مل کر دنیا والے

میٹھے بولوں کی وادی میں کھو جاتا ہوں

جن کی یادوں سے روشن ہیں میری آنکھیں

دل کہتا ہے ان کو بھی میں یاد آتا ہوں

جیون مجھ سے میں جیون سے شرماتا ہوں

مجھ سے آگے جانے والو میں آتا ہوں

تم اپنے دامن میں ستارے بیٹھ کے ٹانکو

اور میں نئے برن لفظوں کو پہناتا ہوں

— طاہر فراز