شاعر کی معلومات لوڈ ہو رہی ہیں...
ڈھونڈوگے اگر ملکوں ملکوں ملنے کے نہیں نایاب ہیں ہم
جو یاد نہ آئے بھول کے پھر اے ہم نفسو وہ خواب ہیں ہم
شاعر کی معلومات لوڈ ہو رہی ہیں...
Shad Azimabadi
1846 – 1927
Shad Azimabadi was a prominent Urdu poet, born in 1803 in Azimabad (now Patna, Bihar, India). He is known for his significant contributions to classical Urdu poetry, particularly in the ghazal form. Shad was recognized for his eloquent and expressive style, and his work is considered an important part of Urdu literature. He was one of the notable poets in the court of the Nawabs of Oudh (Lucknow) during the 19th century. Shad Azimabadi's poetry was deeply influenced by Persian literary traditions, and he is remembered for his mastery over both language and emotion. His works often reflected themes of love, mysticism, and human experiences. He passed away in 1871, leaving behind a legacy that continues to influence Urdu poetry to this day.
ان کے کلام کے چند منتخب اشعار پڑھیے۔
ڈھونڈوگے اگر ملکوں ملکوں ملنے کے نہیں نایاب ہیں ہم
جو یاد نہ آئے بھول کے پھر اے ہم نفسو وہ خواب ہیں ہم
ہو جائے بکھیڑا پاک کہیں پاس اپنے بلا لیں بہتر ہے
اب درد جدائی سے ان کی اے آہ بہت بیتاب ہیں ہم
میں حیرت و حسرت کا مارا خاموش کھڑا ہوں ساحل پر
دریائے محبت کہتا ہے آ کچھ بھی نہیں پایاب ہیں ہم
کس طرح تڑپتے جی بھر کر یاں ضعف نے مشکیں کس دیں ہیں
ہو بند اور آتش پر ہو چڑھا سیماب بھی وہ سیماب ہیں ہم
اے شوق پتا کچھ تو ہی بتا اب تک یہ کرشمہ کچھ نہ کھلا
ہم میں ہے دل بے تاب نہاں یا آپ دل بے تاب ہیں ہم
لاکھوں ہی مسافر چلتے ہیں منزل پہ پہنچتے ہیں دو ایک
اے اہل زمانہ قدر کرو نایاب نہ ہوں کم یاب ہیں ہم
مرغان قفس کو پھولوں نے اے شادؔ یہ کہلا بھیجا ہے
آ جاؤ جو تم کو آنا ہو ایسے میں ابھی شاداب ہیں ہم
اے شوق برا اس وہم کا ہو مکتوب تمام اپنا نہ ہوا
واں چہرہ پہ ان کے خط نکلا یاں بھولے ہوئے القاب ہیں ہم
نہیں اٹھتے قدم کیوں جانب دیر
کسی مسجد میں بہکایا گیا ہوں
ہوں اس کوچے کے ہر ذرے سے آگاہ
ادھر سے مدتوں آیا گیا ہوں
تمناؤں میں الجھایا گیا ہوں
کھلونے دے کے بہلایا گیا ہوں
ستایا آ کے پہروں آرزو نے
جو دم بھر آپ میں پایا گیا ہوں
سویرا ہے بہت اے شور محشر
ابھی بے کار اٹھوایا گیا ہوں
دل مضطر سے پوچھ اے رونق بزم
میں خود آیا نہیں لایا گیا ہوں
نہ تھا میں معتقد اعجاز مے کا
بڑی مشکل سے منوایا گیا ہوں
عدم میں کیوں نہ جاؤں منہ چھپائے
بھری محفل سے اٹھوایا گیا ہوں
لحد میں کیوں نہ جاؤں منہ چھپا کر
بھری محفل سے اٹھوایا گیا ہوں
کجا میں اور کجا اے شادؔ دنیا
کہاں سے کس جگہ لایا گیا ہوں
اب بھی اک عمر پہ جینے کا نہ انداز آیا
زندگی چھوڑ دے پیچھا مرا میں باز آیا
پیتے پیتے تری اک عمر کٹی اس پر بھی
پینے والے تجھے پینے کا نہ انداز آیا
کیوں ہے خاموش دلا کس سے یہ سرگوشی ہے
موت آئی کہ ترے واسطے ہم راز آیا
مدعی بستہ زباں کیوں نہ ہو سن کر مرے شعر
کیا چلے سحر کی جب صاحب اعجاز آیا
دھیان رہ رہ کے ادھر کا مجھے دلواتا ہے
دم نہ آیا مرے تن میں کوئی دم ساز آیا
دل جو گھبرائے قفس میں تو ذرا پر کھولوں
زور اتنا بھی نہ اے حسرت پرواز آیا
نہ گیا پر نہ گیا شمع کا رونا کسی حال
گو کہ پروانۂ مرحوم سا دم ساز آیا
رند پھیلائے ہیں چلو کو تکلف کیسا
ساقیا ڈھال بھی دے جام خدا ساز آیا
کس طرح موت کو سمجھوں نہ حیات ابدی
آپ آئے کہ کوئی صاحب اعجاز آیا
مژدہ اے روح تجھے عشق سا دم ساز آیا
نکبت فقر گئی شاہ سرافراز آیا
بے انیسؔ اب چمن نظم ہے ویراں اے شادؔ
ہائے ایسا نہ کوئی زمزمہ پرداز آیا
اگر مرتے ہوئے لب پر نہ تیرا نام آئے گا
تو میں مرنے سے در گزرا مرے کس کام آئے گا
اس خرابے میں تو ہم دونوں ہیں یکساں ساقی
ہم کو پینے تجھے دینے کا نہ انداز آیا
دیکھیے نالۂ دل جا کے لگائے کس سے
جس کا کھٹکا تھا وہی مفسدہ پرداز آیا
لے رہا ہے در مے خانہ پہ سن گن واعظ
رندو ہشیار کہ اک مفسدہ پرداز آیا
شب فرقت میں درد دل سے میں اس واسطے خوش ہوں
زباں پر رات بھر رہ رہ کے تیرا نام آئے گا
اسے بھی ٹھان رکھ ساقی یقیں ہوگا نہ رندوں کو
اگر زاہد پہن کر جامۂ احرام آئے گا
انہیں دیکھے گی تو اے چشم حسرت وصل میں یا میں
ترے کام آئے گا رونا کہ میرے کام آئے گا
یہاں اپنی پڑی ہے تجھ سے اے غم خوار کیا الجھوں
یہ کون آرام ہے مر جاؤں تب آرام آئے گا
زہے عزت جو ہو اس بزم میں مذکور اے واعظ
بلا سے گر گنہ گاروں میں اپنا نام آئے گا
ہمیشہ کیا پیوں گا میں اسی کہنہ سفالی میں
مرے آگے کبھی تو ساغر زرفام آئے گا
عطا کی جب کہ خود پیر مغاں نے پی بھی لے زاہد
یہ کیسا سوچنا ہے تجھ پہ کیوں الزام آئے گا
اسی امید میں باندھے ہوئے ہیں ٹکٹکی میکش
کف نازک پہ ساقی رکھ کے اک دن جام آئے گا
کوئی بدمست کو دیتا ہے ساقی بھر کے پیمانہ
ترا کیا جائے گا مجھ پر عبث الزام آئے گا
دل ہو یا روح و جگر کان کھڑے سب کے ہوئے
عشق آیا کہ کوئی مفسدہ پرداز آیا
کہاں سے لاؤں صبر حضرت ایوب اے ساقی
خم آئے گا صراحی آئے گی تب جام آئے گا
لگی ہو کچھ تو قاصد آخر اس کم بخت دل میں بھی
وہاں تیری طرح جو جائے گا ناکام آئے گا
نالہ آتا نہیں کن رس ہے فقط اے بلبل
مرد سیاح ہوں سن کر تری آواز آیا
پڑا ہے سلسلہ تقدیر کا صیاد کے بس میں
چمن میں اے صبا کیونکر اسیر دام آئے گا
دیکھ لو اشک تواتر کو نہ پوچھو مرا حال
چپ رہو چپ رہو اس بزم میں غماز آیا
دل مجبور پہ اس طرح سے پہنچی وہ نگاہ
جیسے عصفور پہ پر تول کے شہباز آیا
ہزار انکار یا قطع تعلق اس سے کر ناصح
مگر ہر پھر کے ہونٹوں پر اسی کا نام آئے گا
چھری تھی کند تیری یا ترے قاتل کی او بسمل
تڑپ بھی تو تری گردن پہ کیوں الزام آئے گا
گلی میں یار کی اے شادؔ سب مشتاق بیٹھے ہیں
خدا جانے وہاں سے حکم کس کے نام آئے گا
ہمیشہ کیا یوں ہی قسمت میں ہے گنتی گنا دینا
کوئی نالہ نہ لب پر لائق انجام آئے گا
ایک ستم اور لاکھ ادائیں اف ری جوانی ہائے زمانے
ترچھی نگاہیں تنگ قبائیں اف ری جوانی ہائے زمانے
ایک چپکی میں گلو تم نے نکالے سب کام
غمزہ آیا نہ کرشمہ نہ تمہیں ناز آیا
یہی کہہ کر اجل کو قرض خواہوں کی طرح ٹالا
کہ لے کر آج قاصد یار کا پیغام آئے گا
ہجر میں اپنا اور ہے عالم ابر بہاراں دیدۂ پر نم
ضد کہ ہمیں وہ آپ بلائیں اف ری جوانی ہائے زمانے
پچھلے پہر اٹھ اٹھ کے نمازیں ناک رگڑنی سجدوں پہ سجدے
جو نہیں جائز اس کی دعائیں اف ری جوانی ہائے زمانے
نہ دل اپنا نہ غم اپنا نہ کوئی غم گسار اپنا
ہم اپنا جانتے ہر چیز کو ہوتا جو یار اپنا
اپنی ادا سے آپ جھجکنا اپنی ہوا سے آپ کھٹکنا
چال میں لغزش منہ پہ حیائیں اف ری جوانی ہائے زمانے
جمے کس طرح اس حیرت کدے میں اعتبار اپنا
نہ دل اپنا نہ جان اپنی نہ ہم اپنے نہ یار اپنا
شادؔ نہ وہ دیدار پرستی اور نہ وہ بے نشہ کی مستی
تجھ کو کہاں سے ڈھونڈ کے لائیں اف ری جوانی ہائے زمانے
کالی گھٹائیں باغ میں جھولے دھانی دوپٹے لٹ جھٹکائے
مجھ پہ یہ قدغن آپ نہ آئیں اف ری جوانی ہائے زمانے
ہاتھ میں آڑی تیغ پکڑنا تاکہ لگے بھی زخم تو اوچھا
قصد کہ پھر جی بھر کے ستائیں اف ری جوانی ہائے زمانے
کہیں ہے دام ارماں کا کہیں دانے امیدوں کے
اجل کرتی ہے کس کس گھات سے ہم کو شکار اپنا
الٰہی خیر ہو اب کے بہار باغ نے پھر بھی
جمایا بے طرح بلبل کے دل پر اعتبار اپنا
پاس اپنے جو نیا کوئی فسوں ساز آیا
ہو رہے اس کے ہمیں یاد ترا ناز آیا
جو مے کو ڈھال بھی لیں ہم تو ساقی کے اشارے پر
نہیں اس کے علاوہ مے کدے میں اختیار اپنا
گلوں کی سرخ رنگت جسم میں لوکے لگاتی ہے
دکھاتی ہے تماشا کس کی آنکھوں کو بہار اپنا
معاذ اللہ فرقت کی ہیں راتیں قبر کی راتیں
ابھی سے یاں ہوا جاتا ہے سن سن کر فشار اپنا
ضرورت کیا کسی کو اس طرف ہو کر گزرنے کی
الگ اے بیکسی بستی سے ہے کوسوں مزار اپنا
خطر کیا کشتئ مے کو بھلا موج حوادث کا
نہ بیڑا پار ہو کیونکر کہ خود ساقی ہے یار اپنا
اگر قاصد حقیقت میں پیام وصل لایا ہے
تو کیوں آنسو بھرے منہ دیکھتا ہے غم گسار اپنا
چھپا لے گا کسی دن عرش تک کو اپنے دامن میں
دکھا دے گا تماشا پھیل کر مشت غبار اپنا
خبر کیا غیب کی غم خوار کو اور یاں یہ عالم ہے
کہا جاتا نہیں اپنی زباں سے حال زار اپنا
دم آیا ناک میں فریادیوں کے شور و غوغا سے
قیامت میں عبث کیوں کھینچ لایا انتشار اپنا
نہیں کرتا گوارا راہ رو کے دل پہ میل آنا
اڑا کرتا ہے رستہ سے الگ ہٹ کر غبار اپنا
حقیقت میں ہمیں کو جب نہیں خود اعتبار اپنا
غلط سمجھی اگر سمجھی ہے تن کو جان زار اپنا
کچھ ایسا کر کہ خلد آباد تک اے شادؔ جا پہنچیں
ابھی تک راہ میں وہ کر رہے ہیں انتظار اپنا
یہ دلجمعی جئے جب تک جئے جینا اسی کا ہے
پئے جو سیر ہو کے رات دن پینا اسی کا ہے
ہم اک مہماں ہیں ہم سے دوستی کرنے کا حاصل کیا
نہیں کچھ اس جہاں میں اے شب غم اعتبار اپنا
نگہ کی برچھیاں جو سہہ سکے سینا اسی کا ہے
ہمارا آپ کا جینا نہیں جینا اسی کا ہے
تصور اس رخ صافی کا رکھ مد نظر ناداں
لگائے منہ جو آئینے کو آئینہ اسی کا ہے
یہ بزم مے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں مینا اسی کا ہے
فضائے دہر میں یہ سیر گہ جس نے بنا دی ہے
تماشائی جہاں میں دیدۂ بینا اسی کا ہے
کدر ہو یا کہ صافی سب کو پی کر مست ہو جائے
یہ ہم رندوں کا پینا کچھ نہیں پینا اسی کا ہے
تماشا دیکھنا غیروں کے گھر کو پھونک کر کیسا
جو اپنی آگ میں جل جائے خود کینہ اسی کا ہے
مبارک ہیں یہ سب راتیں جو پینے میں کٹیں رندو
گزارے یوں جو شب ہفتے کی آدینہ اسی کا ہے
بسر ہو میکدے میں پنج شنبہ بیٹھ کر جس کا
جو مے نوشی میں کر دے صبح آدینہ اسی کا ہے
امیدیں جب بڑھیں حد سے طلسمی سانپ ہیں ناصح
جو توڑے یہ طلسم اے دوست گنجینہ اسی کا ہے
خدا لگتی کہے اے شادؔ جو اس پیر کے حق میں
یقیں سمجھو دعا گو بھی یہ دیرینہ اسی کا ہے
کچھ کہے جاتا تھا غرق اپنے ہی افسانے میں تھا
مرتے مرتے ہوش باقی تیرے دیوانے میں تھا
ہائے وہ خود رفتگی الجھے ہوئے سب سر کے بال
وہ کسی میں اب کہاں جو تیرے دیوانے میں تھا
کدورت سے دل اپنا صاف رکھو شادؔ پیری ہے
کہ جس کو منہ دکھانا ہے یہ آئینہ اسی کا ہے
جس طرف جائے نظر اپنا ہی جلوہ تھا عیاں
جسم میں ہم تھے کہ وحشی آئینہ خانے میں تھا
سن چکے جب حال میرا لے کے انگڑائی کہا
کس غضب کا درد ظالم تیرے افسانے میں تھا
بوریا تھا کچھ شبینہ مے تھی یا ٹوٹے سبو
اور کیا اس کے سوا مستوں کے ویرانے میں تھا
دون کی لیتا تو ہے زاہد مگر میں کیا کہوں
متقی ساقی سے بڑھ کر کون مے خانے میں تھا
ہنستے ہنستے رو دیا کرتے تھے سب بے اختیار
اک نئی ترکیب کا درد اپنے افسانے میں تھا
دیر تک میں ٹکٹکی باندھے ہوئے دیکھا کیا
چہرۂ ساقی نمایاں صاف پیمانے میں تھا
پاس تھا زنجیر تک کا طوق پر کیا منحصر
وہ کسی میں اب کہاں جو تیرے دیوانے میں تھا
ہائے پروانے کا وہ جلنا وہ رونا شمع کا
میں نے روکا ورنہ کیا آنسو نکل آنے میں تھا
شادؔ کچھ پوچھو نہ مجھ سے میرے دل کے داغ کو
ٹمٹماتا سا چراغ اک اپنے ویرانے میں تھا
خود غرض دنیا کی حالت قابل عبرت تھی شادؔ
لطف ملنے کا نہ اپنے میں نہ بیگانے میں تھا
اپنے سمند ناز کو اے شہسوار آ چھیڑ کر
صف بستہ حاضر کب سے ہیں محو تماشا اک طرف
میں شادؔ تنہا اک طرف دنیا کی دنیا اک طرف
سارا سمندر اک طرف آنسو کا قطرہ اک طرف
اس آفت جاں کو بھی چہرہ تو دکھانا ہی نہ تھا
اک سمت عیسیٰ دم بخود غش میں ہے موسیٰ اک طرف
فرقت میں سب اچھے رہے دل کا مگر یہ حال ہے
زخم اک طرف بڑھتا گیا داغ سویدا اک طرف
ساقی بغیر احوال یہ پہنچا ہے مے خانہ کا اب
جام اک طرف ہے سرنگوں خالی ہے مینا اک طرف
وہ تیغ لے کے کہتے ہیں دیکھوں تو حق پر کون ہے
میں اک طرف شادؔ اک طرف سارا زمانہ اک طرف
دیدار جاناں کا بھلا کیوں کر تحمل ہو سکے
ترچھی نگاہیں ایک سو زلف چلیپا اک طرف
وصل میں دھڑکا ہے ناحق ہجر کا
وہ دن آئیں گے تجھے سمجھائے گا
تیری زلفیں غیر اگر سلجھائے گا
آنکھ والوں سے نہ دیکھا جائے گا
ایک دن ایسا بھی ناصح آئے گا
غم کو میں اور غم مجھے کھا جائے گا
اے فلک ایسا بھی اک دن آئے گا
جب کیے پر اپنے تو پچھتائے گا
آ چکے احباب اٹھانے میری لاش
ناز اس کو دیکھیے کب لائے گا
سب طرح کی سختیاں سہہ جائے گا
کیوں دلا تو بھی کبھی کام آئے گا
چھوڑ دے ہم وحشیوں کو اے غبار
پیچھے پیچھے تو کہاں تک آئے گا
منتظر ہے جان بر لب آمدہ
دیکھیے کب پھر کے قاصد آئے گا
نیم کشتہ ہیں تو ہیں پھر کیا کریں
کچھ اگر بولیں تو وہ شرمائے گا
جوش وحشت تجھ پہ صدقے اپنی جان
کون تلوے اس طرح سہلائے گا
چوٹ کھائے دل کا ماتم دار ہے
میرا نالہ بھی تڑپتا جائے گا
ہجر میں نالے غنیمت جان لے
پھر تو خود اے ضعف تو پچھتائے گا
راہرو تجھ سا کہاں اے خضر شوق
کون تیری خاک پا کو پائے گا
باغ میں کیا جائیں آتی ہے خزاں
گل کا اترا منہ نہ دیکھا جائے گا
کیوں نہ میں مشتاق ناصح کا رہوں
نام تیرا اس کے لب پر آئے گا
کھو گئے ہیں دونوں جانب کے سرے
کون دل کی گتھیاں سلجھائے گا
میری جاں میں کیا کروں گا کچھ بتا
جب تصور رات بھر تڑپائے گا
میں کہاں واعظ کہاں توبہ کرو
جو نہ سمجھا خود وہ کیا سمجھائے گا
اور بھی تڑپا دیا غم خوار نے
خود ہے وحشی کیا مجھے بہلائے گا
کم نہ سمجھو شوق کو اے شادؔ تم
اک نہ اک بڑھ کے یہ آفت لائے گا
دل کے ہاتھوں سے جو گھبراؤگے شادؔ
کون اس وحشی کو پھر سمجھائے گا
دل کے ہاتھوں روح اگر گھبرا گئی
کون اس وحشی کو پھر بہلائے گا
ہے خزاں گل گشت کو جاؤ نہ شادؔ
گریۂ شبنم نہ دیکھا جائے گا
تھک کے آخر بیٹھ جائے گا غبار
کارواں منہ دیکھ کر رہ جائے گا
اب انتہا کا ترے ذکر میں اثر آیا
کہ منہ سے نام لیا دل میں تو اتر آیا
کچھ نہ کہنا شادؔ سے حال خزاں
اس خبر کو سنتے ہی مر جائے گا
بہت دنوں پہ مری چشم میں نظر آیا
اے اشک خیر تو ہے، تو کدھر کدھر آیا
ہزار شکر کہ اس دل میں تو نظر آیا
یہ نقشہ صفحۂ خالی پہ جلد اتر آیا
بشر حباب کی صورت ہمیں نظر آیا
بھری جو قطرہ کے اندر ہوا ابھر آیا
زباں پہ آتا ہے نالہ بھی سو کرشموں سے
کہاں سے آپ کے انداز کا اثر آیا
لکھے کو روئیے اب تابہ حشر تربت میں
کہ میرے مرنے پہ خط لے کے نامہ بر آیا
عدم میں عیش ہے چلتا ہوں میں بھی لے اے دل
جہاں میں جتنے مصیبت کے دن تھے بھر آیا
پڑا ہے شب سے یوں ہی اب تلک نہ لی کروٹ
دل ستم زدہ اس کی گلی سے مر آیا
ہمارے پائے طلب نے بڑی مہم سر کی
کہ کٹ کے سامنے قاتل کے اپنا سر آیا
ریا تو دل میں تھی ماتھے پہ اب ہے اس کا نشاں
کہاں کا داغ کہاں دفعتاً ابھر آیا
مقیم دل ہے ڈنواں ڈول رہ کے اب ایماں
بتوں کے قہر سے چھوٹا خدا کے گھر آیا
ہزار شکر خدا کا یہی غنیمت ہے
نہ خیر آیا مرے دل کو اور شر آیا
وہ چاہے بد کہے قاصد بتوں کو یا مجھ کو
حرم میں چین سے ایمان جا کے دھر آیا
ہزار شکر ہوا آفتاب حشر طلوع
بڑی تو لاج رہی یہ کہ تو نظر آیا
شراب پی کے میں پہنچا فلک پہ اے ساقی
کہاں سے ان کئی قطروں میں یہ اثر آیا
ہجوم غم نے سکھانے کی لاکھ کوشش کی
ہمیں تو آہ بھی کرنا نہ عمر بھر آیا
جو چند دن میں ہوئے ذی کمال کون ہیں شادؔ
ہمیں تو شعر کا کہنا نہ عمر بھر آیا
گواہیاں ہوئیں اعضا کی حشر میں مقبول
وہ پاک ہو گئے الزام میرے سر آیا
اسی کو شعر سمجھتے ہیں شادؔ اہل مذاق
ادھر پڑھا کہ دلوں میں ادھر اتر آیا
لحد میں شانہ ہلا کر یہ موت کہتی ہے
لے اب تو چونک مسافر کہ اپنے گھر آیا
جستجو کے لیے نکلے گا جو خواہاں ان کا
گھر بتا دے گا کوئی مرد مسلماں ان کا
کعبہ و دیر میں جلوہ نہیں یکساں ان کا
جو یہ کہتے ہیں ٹٹولے کوئی ایماں ان کا
اپنے مٹنے کا سبب میں بھی بتا دوں اے شوق
کاش چھو جائے مری خاک سے داماں ان کا
تو نے دیدار کا جن جن سے کیا ہے وعدہ
ہائے رے ان کی خوشی ہائے رے ارماں ان کا
چھوڑ کر آئے ہیں جو صبح وطن سی شے کو
مرتبہ کچھ تو سمجھ شام غریباں ان کا
جن کی آغوش تصور میں ہے وہ حور جمال
کہیں سچ ہو نہ یہی خواب پریشاں ان کا
سر میں سودائے خرد پاؤں میں زنجیر شکوک
بھید پائے گا نہ اس شکل سے انساں ان کا
جو اس الجھاؤ کے خود ہیں متمنی دل سے
کیا بگاڑے گی تری زلف پریشاں ان کا
ہم دعا دیں تجھے دل کھول کے اے پہلوئے تنگ
ٹوٹ کر سینہ میں رہ جائے جو پیکاں ان کا
چاک کرنے کا ہے الزام مرے سر ناحق
ہاتھ ان کے ہیں ہم ان کے ہیں گریباں ان کا
وہ مٹا کیوں نہیں دیتے مجھے حیرت تو یہ ہے
ان کے کہنے میں ہے دل دل میں ہے ارماں ان کا
پہلے ہم نیت خالص سے وضو تو کر لیں
ٹھہر اے خاک ٹھہر پاک ہے داماں ان کا
وہی ایسے ہیں کہ خاموش ہیں سب کی سن کر
سب کو دعوا ہے کہ ہوں بندۂ فرماں ان کا
ان شہیدان محبت میں تو میں صاف کہوں
کوئی اتنا نہیں پکڑے جو گریباں ان کا
کہیں پیوند کی کوشش کہیں تدبیر رفو
جامۂ تن سے بہت تنگ ہے عریاں ان کا
چاہیں دوزخ میں اتاریں کہ جگہ خلد میں دیں
دخل کیا غیر کو گھر ان کے ہیں مہماں ان کا
کیجیے شانہ و آئینہ کی حالت پہ نگاہ
سینہ صدچاک کوئی ہے کوئی حیراں ان کا
ہم تو کیا چیز ہیں جبریل تو جا لیں ان تک
روک لیتا ہے فرشتوں کو بھی درباں ان کا
مان لو پاؤں سے زنجیر بھی اتری لیکن
بھاگ کر جائے کہاں قیدئ زنداں ان کا
جن شہیدوں نے بہ صد درد تڑپ کر دی جان
چھن گیا ہاتھ سے جیتا ہوا میداں ان کا
ہم شب ہجر کے جاگے نہ قیامت میں اٹھیں
جب تلک خواب سے چونکائے نہ ارماں ان کا
مست جاتے ہیں خرابات سے مسجد کی طرف
راہ پر شور ہے اللہ نگہباں ان کا
وہم تو ہی خلل انداز ہوا ہے ورنہ
کون جویا نہیں اے رہزن ایماں ان کا
حق جتاتے ہیں شہیدان محبت بے کار
کیا یہ مرنا تھا بڑا کار نمایاں ان کا
دن قیامت کا ڈھلا سب نے مرادیں پائیں
رہ گیا دیکھ کے منہ تابع فرماں ان کا
مرنے والوں کا اگر ساتھ دیا پورا کر
لے جنازہ بھی اٹھا حسرت و ارماں ان کا
داغ ہو یا سوز ہو یا درد و غم
لے لیا خوش ہو کے جس نے جو دیا
شادؔ گھبرا گیا اک عمر سے جیتے جیتے
وہ بلا لیں مجھے اس وقت تو احساں ان کا
جب کسی نے حال پوچھا رو دیا
چشم تر تو نے تو مجھ کو کھو دیا
اشک ریزی کے دھڑلے نے غبار
جب ذرا بھی دل پہ دیکھا دھو دیا
دل کی پروا تک نہیں اے بے خودی
کیا کیا پھینکا کہاں کس کو دیا
یہ بھی نشہ مے کشو کچھ کم نہیں
دے نہ دے ساقی پہ تم سمجھو دیا
کچھ نہ کچھ اس انجمن میں حسب حال
تو نے قسام ازل سب کو دیا
شادؔ کے آگے بھلا کیا ذکر یار
نام ادھر آیا کہ اس نے رو دیا
کشت دنیا کیا خبر کیا پھل ملے
تخم غم ہم نے تو آ کر بو دیا
زمرۂ اہل قلم میں لکھ کے نام
خود کو ناحق شادؔ تو نے کھو دیا
شہید ناز کی بھولی نہیں مجھے صورت
تری طرف کو نگاہیں پھرا کے رہ جانا
دلا بہت نہ الجھ نامہ بر کو کیا میں نے
سکھا دیا تھا کہ جانا تو جا کے رہ جانا
ہماری آنکھوں میں اشکوں کا آ کے رہ جانا
جھکا کے سر کو ترا مسکرا کے رہ جانا
ٹھہر تو جا رخ جاناں پہ اے نگہ کچھ دیر
سند نہیں فقط آنسو بہا کے رہ جانا
نگاہ ناز سے ساقی کا دیکھنا مجھ کو
مرا وہ ہاتھ میں ساغر اٹھا کے رہ جانا
وہ بزم غیر وہ ہر بار اضطراب مرا
بہ مصلحت وہ ترا مسکرا کے رہ جانا
جو پوچھیں حشر میں کچھ وہ تو ہاں دلا شاباش
وہاں بھی تو یوں ہی باتیں بنا کے رہ جانا
اگر تھا نشہ تو گرنا تھا پائے خم پہ مجھے
مجھے پسند نہیں لڑکھڑا کے رہ جانا
کیا فقط طالب دیدار تھا موسیٰ تیرا
وہی شیدا تھا ترا میں نہیں شیدا تیرا
نہیں یہ حسن نہیں بخت کی ہے کوتاہی
سوال وصل کا ہونٹوں تک آ کے رہ جانا
دیدۂ شوق سے بے وجہ ہے پردا تیرا
کس نے دیکھا نہیں ان آنکھوں سے جلوا تیرا
کسی طرح تو یہ جسم کثیف پاک ہو شاد
گلی میں یار کی جانا تو جا کے رہ جانا
چین سے شہر خموشاں میں ہر اک سوتا ہے
آسرا سب کو ہے اے وعدۂ فردا تیرا
مٹ گئی شورش طوفان حوادث اے موج
اب وہی تو وہی بہتا ہوا دریا تیرا
بے سبب میری خموشی نہیں اے شاہد حسن
دامن صبر سے ڈھنکتا نہیں پردا تیرا
منزلت ایک کی بھی ہوگی نہ ویسی بہ خدا
حشر میں آئے گا جس شان سے رسوا تیرا
خود نزاکت پہ نہ کیوں بوجھ ہو پردا تیرا
کیا کسی آنکھ نے دیکھا نہیں جلوا تیرا
وہی رنگت وہی خوشبو وہی نازک بدنی
پھول نے نقش اتارا ہے سراپا تیرا
تجھ سے ملنے کا جو ہے شوق تو در در نہ پھرے
پانو توڑے ہوئے بیٹھا رہے شیدا تیرا
جستجو شرط ہے مل جائے گا زینہ بھی ضرور
سامنے ہے نظر شوق کے مکھڑا تیرا
شادؔ غزلیں نہیں آیات زبور ان کو سمجھ
لحن داؤد سے کچھ کم نہیں نغما تیرا
اک ذرا سی تھی کبھی کی خلش اس پر اے حشر
دل میں لیتا ہوا زاہد وہی کینہ آیا
اب جوانی کی امنگیں نہ امنگوں کی خوشی
شادؔ کو ہے فقط اے موج سہارا تیرا
کاش زاہد رخ روشن سے اٹھا لیں وہ نقاب
پھر تو کچھ رند کی رندی ہے نہ تقویٰ تیرا
اے گل آتی ہے خزاں باغ میں ٹھہرا نہ مجھے
دیکھوں ان آنکھوں سے اترا ہوا چہرا تیرا
لڑکھڑانا کوئی سیکھا کوئی سیکھا مستی
ہم کو آیا تو فقط ڈھال کے پینا آیا
وسعت قدرت حق ہوگی نہ محدود کبھی
نہیں ملنے کا سرا زلف چلیپا تیرا
اپنے مے خانے سے گھبرا کے میں باہر آیا
جب حرم سے کوئی نکلا نہ شناسا تیرا
یوں حبابوں کا نہ دل توڑ خدارا اے موج
انہیں قطروں کے تو ملنے سے ہے دریا تیرا
دیکھ چاروں طرف اپنے کہ تماشا کیا ہے
لے کے اس بزم میں تو دیدۂ بینا آیا
بزم آخر ہے تقاضہ نہ کر اے محفل شوق
اب کہاں صاف بھلا ساغر و صہبا تیرا
آج تک دامن گل چاک ہے خیاط ازل
تجھ کو خلعت بھی حسینوں کا نہ سینا آیا
خوش ہو اے چشم کہ ہے فصل یہی رونے کی
مژدہ اے ابر کہ ساون کا مہینہ آیا
کس طرح ملتے ہیں بچھڑوں سے دکھا دیں گے کبھی
دل میں وہ تیر اگر چیر کے سینا آیا
کسی بدمست کی یاد آ گئیں آنکھیں ساقی
جب چھلکتا ہوا آگے مرے مینا آیا
منہ پہ عاشق کے محبت کی شکایت ناصح
بات کرنے کا بھی ناداں نہ قرینا آیا
زندگی کرتے ہیں کس طرح یہ سیکھو اس وقت
شادؔ کیا نفع اگر مرنے پہ جینا آیا
ڈھال کر دیتے ہیں کس کو کسے بے ڈھالے ہوئے
میرے ساقی کو تو یہ بھی نہ قرینا آیا
زندگی کہتی ہے ارماں کوئی اب ہے نہ امید
کب تلک ساتھ کروں میں تن تنہا تیرا
کعبہ بھی ہے ٹوٹا ہوا بت خانہ ہمارا
یا رب رہے آباد یہ ویرانہ ہمارا
ساقی ترا مے خانہ رہے حشر تک آباد
بھر جاتا ہے کشکول گدایانہ ہمارا
چاہا جو کچھ وہ زمانے نے کیا نقش اس پر
میں تو سادہ لیے اس دل کا نگینہ آیا
باطن کی طرح پاک ہے خم خانہ ہمارا
کیوں کر نہ اچھوتا رہے پیمانہ ہمارا
پی ہی لینی تھی جو مے خانے کو آ نکلا تھا
تجھ کو صحبت کا بھی زاہد نہ قرینا آیا
بہہ جائے گا اس بزم میں اک فیض کا دریا
آتا ہے چھلکتا ہوا پیمانہ ہمارا
اس پہ کیا زور بھلا جس پہ ہو اس کا قابو
چشم شوق اپنی سہی دل تو ہے شیدا تیرا
چل سوئے عدم چل ہمیں کیا عذر ہے اے موت
تیار ہے سامان غریبانہ ہمارا
جو شمع ہوا کرتی ہے روشن سر بازار
اس شمع پہ گرتا نہیں پروانہ ہمارا
نہ پلانا کسی مے کش کو نہ پینا آیا
تجھ کو زاہد اگر آیا بھی تو کینہ آیا
خاروں سے یہ کہہ دو کہ گل تر سے نہ الجھیں
سیکھے کوئی انداز شریفانہ ہمارا
بن جاتا ہے پھر شیخ کا بھی مرشد کامل
ڈگتا نہیں پیتا ہے جو پیمانہ ہمارا
کس زلف کو سلجھائیں رقیبان سیہ کار
چھوتا نہیں اس زلف کو پھر شانہ ہمارا
دل نے دیکھا مجھے اور میں نے فلک کو دیکھا
بچ کے ساحل پہ اگر کوئی سفینا آیا
اسیر جسم ہوں میعاد قید لا معلوم
یہ کس گناہ کی پاداش ہے خدا معلوم
فریاد کناں ہیں کسی پازیب کے دانے
توڑے کہیں زنجیر نہ دیوانہ ہمارا
لے کے خود پیر مغاں ہاتھ میں مینا آیا
مے کشو شرم کہ اس پر بھی نہ پینا آیا
تری گلی بھی مجھے یوں تو کھینچتی ہے بہت
دراصل ہے مری مٹی کہاں کی کیا معلوم
تاثیر نہ ہو شادؔ تو دینا ہمیں الزام
کچھ دیر تو سن واعظ حکیمانہ ہمارا
طلب کریں بھی تو کیا شے طلب کریں اے شادؔ
ہمیں کو آپ نہیں اپنا مدعا معلوم
تو عام فریبی مجھ سے نہ کر ہم مرد ہیں سن لے اے دنیا
جو منہ سے کہا وہ کر گزرے جو ٹھان لیا وہ ٹھان لیا
کہاں سے لاؤں الٰہی وہ دوربیں آنکھیں
کہ ہو اشارۂ انگشت حق نما معلوم
سنی حکایت ہستی تو درمیاں سے سنی
نہ ابتدا کی خبر ہے نہ انتہا معلوم
سفر ضرور ہے اور عذر کی مجال نہیں
مزہ تو یہ ہے نہ منزل نہ راستہ معلوم
بھاگا تو بہت تھا موت سے میں کم بخت نے لیکن آن لیا
ان لاکھوں ہی مرنے والوں میں کیا جلد مجھے پہچان لیا
جب قتل ہوا میں تڑپا بھی چھینٹیں بھی اڑائیں مان لیا
الزام خود اس پر کیا یہ نہیں دامن کو نہ کیوں گردان لیا
جس ہاتھ سے مجھ کو قتل کیا اس ہاتھ کا کلمہ پڑھوایا
لی جان تو خیر احسان کیا قاتل نے مگر ایمان لیا
مے خانہ ہے جائے عیش و طرب یاں بیٹھ کے رونا کیا معنی
کیا مفت کا اپنے سر تو نے اے دیدۂ تر طوفان لیا
اس گھر میں کرم جب تو نے کیا کچھ دیر ٹھہر اے تیر نظر
بوسہ ترے قدموں کا دل نے کس شوق سے اے مہمان لیا
اقسام تھے یاس و حسرت کے اصناف امید بے حد کے
جب چلنے لگے ہم دنیا سے ساتھ اپنے بہت سامان لیا
آرام طلب ہونے کا گماں جویا پہ ترے لاحول ولا
تب پاؤں کو توڑے بیٹھا ہوں جب دشت و جبل کو چھان لیا
تھی دھار رگ گردن پہ مری سینہ بھی دبا تھا قدموں سے
خنجر کا ترے بوسہ ہم نے منہ پھیر کے تا امکان لیا
جس بھیس میں تو ہو کیا پروا آئندہ نہ کھائے گی دھوکا
اے طالب دنیا دنیا نے ہر طرح تجھے پہچان لیا
اے شادؔ عبث ہے اس کا گلا وہ ہجو کرے یا تجھ سے پھرے
تا حشر رہا شاگرد ترا استاد تجھے جب مان لیا
حسب معمول چڑھایا نہیں ناصح کوئی جام
یہ سبب بھی ہے مرے منہ کے اتر جانے کا
یہی موقع ہے زمانے سے گزر جانے کا
کیوں اجل کیا کیا ساماں مرے مر جانے کا
تجھ سے رخصت ہے مری جلد بس اے پیر مغاں
منتظر ہوں فقط اس جام کے بھر جانے کا
کیا کہوں نزع میں میں اپنی خموشی کا سبب
رنج ہے وقت کے بے کار گزر جانے کا
ناامیدی ہمیں پہنچاتی ہے پستی کی طرف
یہی زینہ تو ہے کوٹھے سے اتر جانے کا
موتیوں کا تھا خزانہ مری چشم تر میں
غم ہے دل کو انہیں دانوں کے بکھر جانے کا
لے چلی موت بصد شوق ہمیں ساتھ اپنے
نہ ہوا جب کوئی ساماں ترے گھر جانے کا
تار ہوں آنسوؤں کے آہ کے ہرکارے ہوں
سلسلہ کوئی تو ان تک ہو خبر جانے کا
دل اپنی طلب میں صادق تھا گھبرا کے سوئے مطلوب گیا
دریا سے یہ موتی نکلا تھا دریا ہی میں جا کر ڈوب گیا
احوال جوانی پیری میں کیا عرض کروں اک قصہ ہے
وہ طرز گئی وہ وضع گئی انداز گیا اسلوب گیا
دن بہ دن پاؤں کی طاقت میں کمی ہونے لگی
شادؔ ساماں کرو اس دشت سے گھر جانے کا
لا ریب خموشی نے تیری تاثیر دکھا دی مستوں کو
بے باک جو مے کش تھا ساقی اس بزم سے وہ محجوب گیا
بے راحلہ و بے زاد سفر رحمت پہ بھروسا فرما کر
جو ملک عدم میں بسنے کو اس طرح گیا وہ خوب گیا
بد حال بہت تھا اس پر بھی اے یار کسی نے لی نہ خبر
بڑ مار کے تیرے کوچے سے آخر کو ترا مجذوب گیا
رضواں نے کیا در خلد کا وا حوریں ہوئیں صدقے آ آ کر
غلماں نے قدم چومے اس کے جو تیری طرف منسوب گیا
طاقت جو نہیں اب حیرت سے تصویر کا عالم رہتا ہے
وہ آخر شب کی آہ گئی وہ لغرۂ محبوب گیا
یاں اپنی سزا بھگتی اس نے رحمت کی نظر ہوگی اس پر
ہر چند خطا کار الفت کوچے سے ترے معتوب گیا
حیرت ہے عبث اے جو ان بیش بہا منصوبوں پر
اس طرح کے موتی تب نکلے جب زیر زمیں میں ڈوب گیا
کیا اس کا سبب میں عرض کروں کچھ واقعے ایسے پیش آئے
میں روتا ہوا آیا تھا یہاں چپ یاں سے گیا مرعوب گیا
وہی رہ رہ کے گھبرانا وہی نا کار گر آہیں
سوا اس بات کے تجھ سے دل ناکام کیا ہوگا
کسی کو کیا خبر اے صبح وقت شام کیا ہوگا
خدا جانے ترے آغاز کا انجام کیا ہوگا
تابوت پہ میرے آئے جو مٹی میں ملایا یوں کہہ کر
پھیلا دیے دست و پا اپنے اتنے ہی میں بس جی چھوٹ گیا
آیا تھا یہی دل میں میرے رندوں ہی پہ کلی بھی پھینکوں
ساقی کا اشارہ پاتے ہی میں زہر ستم کو گھوٹ گیا
گرفتاران گیسو پر نہیں کچھ منحصر ناصح
پھنسا ہے جو تعلق میں اسے آرام کیا ہوگا
ہو ہندوئے خال لب تیرا یا ترک نگہہ ہو اے قاتل
دہلی تھا ہمارا دل شاید جو آیا وہ اس کو لوٹ گیا
کوچے میں ترے اب شادؔ نہیں لے پاک خدا نے کی یہ زمیں
صد شکر سرائے فانی سے آخر وہ سگ معیوب گیا
نازک تھا بہت کچھ دل میرا اے شادؔ تحمل ہو نہ سکا
اک ٹھیس لگی تھی یوں ہی سی کیا جلد یہ شیشہ ٹوٹ گیا
عبث ہے زاہدوں کو مے کشی میں عذر ناداری
گرو رکھ لیں اسی کو جامۂ احرام کیا ہوگا
اسے بھی جلد اٹھا کر طاق نسیاں کے حوالے کر
نہیں پیش نظر جب ختم تو ساقی جام کیا ہوگا
تقرب جن کو ہے ان کو بھی یک گونہ ہے مایوسی
یہ حالت ہے تو پھر دیدار تیرا عام کیا ہوگا
یہی ٹوٹے سبو مٹی کے کافی ہیں قناعت کر
بلوریں جام مے اے رند درد آشام کیا ہوگا
سحر فرقت کی ہے اور غش پہ غش آتے ہیں عاشق کو
ابھی سے جب یہ حالت ہو گئی تا شام کیا ہوگا
اگر ہے دیدۂ روشن تو آفتاب کو دیکھ
ادھر عروج ہوا اور ادھر زوال آیا
سب اپنی ہی اپنی دھن میں پھنسے تیرا تو نہ نکلا کام کوئی
جو آیا ترے دروازے پر وہ اپنا ہی ماتھا کوٹ گیا
ضعیفی میں تو شادؔ اللہ اکبر پی گیا خم تک
جوانی میں کہو یہ رند مے آشام کیا ہوگا
نالوں کی کشاکش سہہ نہ سکا خود تار نفس بھی ٹوٹ گیا
اک عمر سے تھی تکلیف جسے کل شب کو وہ قیدی چھوٹ گیا
لگی نسیم بہاری جو معرفت گانے
گلوں پہ کچھ نہیں موقوف سب کو حال آیا
لٹائے دیتے ہیں ان موتیوں کو دیدۂ شوق
بھر آئے اشک کہ مفلس کے ہاتھ مال آیا
ملے گا غیر بھی ان کے گلے بہ شوق اے دل
حلال کرنے مجھے عید کا ہلال آیا
زمانہ شادؔ بے گاری میں کیوں آخر پھنساتا ہے
اپاہج کر دیا پیری نے مجھ سے کام کیا ہوگا
نہ پوچھو مفتیان شرع کا احوال جانے دو
تنفر کفر کو جس سے ہو وہ اسلام کیا ہوگا
غم فراق مے و جام کا خیال آیا
سفید بال لیے سر پہ اک وبال آیا
تھی تیری تمنا کاہش جاں اس درد سے میں دیوانہ تھا
چھالا تھا دل اپنے سینے میں اے وا اسفا وہ پھوٹ گیا
عمر بھر خون جگر بیٹھ کے پینا آیا
آرزوؤ تمہیں مرنا ہمیں جینا آیا
پیام بر کو عبث دے کے خط ادھر بھیجا
غریب اور وہاں سے شکستہ حال آیا
جام مے دیکھ کے جاتا رہا قابو اپنا
لڑکھڑاتا ہوں پکڑ لے کوئی بازو اپنا
خدا خدا کرو اے شادؔ اس پہ نخوت کیا
جو شاعری تمہیں آئی تو کیا کمال آیا
کس پہ قابو جو تجھی پہ نہیں قابو اپنا
کس سے امید ہمیں جب نہ ہوا تو اپنا
مل گئے خاک میں در پر ترے اتنا بیٹھے
اس ریاضت پہ بھی اب تک نہ ہوا تو اپنا
للہ الحمد کدورت نہیں رہنے پاتی
منہ دھلا دیتا ہے ہر صبح کو آنسو اپنا
وہم و ادراک و خیالات و دل و خواہش دل
سب تو اپنے ہیں مگر کیوں نہیں قابو اپنا
اس نے پھر کر بھی نہ دیکھا کہ یہ ہے کون بلا
ہم کو تھا زعم کہ چل جائے گا جادو اپنا
تا عمر آشنا نہ ہوا دل گناہ کا
خالق بھلا کرے تری ترچھی نگاہ کا
شادؔ سمجھاتے ہیں کیوں غیر لیا کیا ان کا
چشم تر اپنی ہے جان اپنی ہے آنسو اپنا
چوکڑی بھول کے منہ تکتے ہیں مجھ وحشی کے
آکے اس پاؤں پہ سر رکھتے ہیں آہو اپنا
بے ادب مصحف رخسار پہ جھک پڑتے ہیں
رکھئے شانوں پہ ذرا گھیر کے گیسو اپنا
جس کو سمجھے ہو وہی چیز نہیں مدت سے
ہم دکھا دیں گے کبھی چیر کے پہلو اپنا
تنہا مزا اٹھاتا ہے دل رسم و راہ کا
بینا تو ہے پہ بس نہیں چلتا نگاہ کا
جی بھر کے دیکھ لوں تو کر اس جرم پر شہید
یوں اپنے سر پہ خون نہ لے بے گناہ کا
کون اے طول شب غم ترا جھگڑا رکھے
آج قصہ ہی کیے دیتے ہیں یکسو اپنا
نکہت گل بہت اتراتی ہوئی پھرتی ہے
وہ کہیں کھول بھی دیں طرۂ گیسو اپنا
رونا جو ہو تو رو لے بس اے چشم وقت نزع
اب آج خاتمہ بھی ہے روز سیاہ کا
پہنچا کے ہم کو قبر میں جاتے ہیں اپنے گھر
لیجیے انھوں نے وعدہ کیا تھا نباہ کا
نکہت خلد بریں پھیل گئی کوسوں تک
وہ نہا کر جو سکھانے لگے گیسو اپنا
سینۂ تنگ سے گھبرا کے گیا دل تو گیا
منہ دکھائے نہ مجھے اب یہ سیہ رو اپنا
تقدیر حشر سے ہمیں لائی بہشت میں
ارمان دل میں رہ گیا اس دادخواہ کا
دیکھا نہ کارواں نے پلٹ کر کہ کون ہوں
میری طرح نہ ہو کوئی واماندہ راہ کا
منزل کے قطع کرنے کا محکم ہوا جو قصد
اک اک درخت خضر بنا میری راہ کا
پاپوش ناز کرتی ہے ان کی زمین پر
چشمک زن سپہر ہے گوشہ کلاہ کا
ڈھوئے کہاں تک اس تن خاکی کو عمر بھر
اب روح کو ملے کوئی گوشہ نباہ کا
شادی و غم کے رہیں گے یہی رگڑے جھگڑے
قصہ جس وقت تلک ہوگا نہ یکسو اپنا
پھنسنے والا تھا پھنسا آ کے تری زلفوں میں دل
بہ خدا اس میں نہیں جرم سر مو اپنا
بہتر کہیں تھے مجھ سے وہ مے خوار ساقیا
حیلہ جو ڈھونڈتے رہے عفو گناہ کا
اشکوں کا سلسلہ کہیں ٹوٹے بھی اے فراق
تھک بھی چکے قدم مری فریاد و آہ کا
رکھا جناں میں بھی ہمیں مغموم تا ابد
اقرار ہم سے لے کے ہمارے گناہ کا
اظہار غم کیا تو یہ اس نے دیا جواب
چہرہ گواہی دیتا ہے جھوٹے گواہ کا
اک تجھ پہ منحصر نہیں اے خضر کر نہ ناز
ہر راہرو کو تکتا ہے واماندہ راہ کا
غم میں پروانۂ مرحوم کے تھمتے نہیں اشک
شمع اے شمع ذرا دیکھ تو منہ تو اپنا
پر پرواز نکلنے دے قفس میں صیاد
کام دے گا یہی ٹوٹا ہوا بازو اپنا
غم نہیں جام طلاکار اٹھا رکھ ساقی
کیا غرض ہم کو سلامت رہے چلو اپنا
شام سے جیب میں اک تلخ دوا رکھی ہے
آج قصہ ہی کیے دیتے ہیں یکسو اپنا
غوغائے حشر دل میں سماتا نہیں مرے
ہنگامہ یاد ہے مجھے فرقت میں آہ کا
کیونکر نہ اہل بزم میں اے شادؔ ہو رسوخ
نعم البدل ہوں راسخؔ غفراں پناہ کا
بھجوا دیا بہشت میں پوچھا نہ دل کا حال
کیا خوب فیصلہ کیا اس دادخواہ کا
سینے میں اپنے نالہ و شیون کا شور ہے
ماتم ہمیشہ ہے دل غفراں پناہ کا
کیا جانیے تلاش اثر میں کہاں گئی
اب تک کہیں پتہ نہ لگا میری آہ کا
یوسف کو اے سپہر کنویں میں گرا تو دے
منظور امتحاں ہے زلیخا کی چاہ کا
شب فراق میں سائے سے ڈر کے کہتا ہوں
اجی یہ رات ڈرانی ہے جاگتے رہنا
ہماری آہ و بکا سے ہے جسم شوق قوی
یہ ہاتھ بایاں ہے اپنا وہ ہاتھ ہے دہنا
جہاں ہے مکتب ہستی سبق ہے چپ رہنا
بڑا گناہ یہاں ہے الف سے بے کہنا
چمن میں پھول کھلے باغ میں بہار آئی
عروس دہر نے گویا پہن لیا گہنا
فغان بلبل شیدا نہ جانیے اس کو
بجا رہا ہے کوئی صحن باغ میں شحنہ
غم فراق میں اے آسماں نہیں موقوف
وہ جو سہائیں مجھے مجھ کو ہر طرح سہنا
اثر بھی شادؔ کے شعروں میں ہے متانت بھی
یہ کہنہ مشق ہیں ان کی غزل کا کیا کہنا
شکایت آرزو کی بے کئے ناصح نہیں بنتی
یہ سب دل جوئیاں ظاہر کی تھی باطن کی کھوٹی تھی
گلی میں یار کی ہو یا کسی خرابے میں
ہمیں تو حشر کے دن تک کہیں پہ مر رہنا
نکال دے کہ ہے ایسے میں جوئے اشک رواں
برا ہے بات کا اے چشم دل میں لے رہنا
مرے دانتوں کی عمر اے آرزو مجھ سے بھی چھوٹی تھی
اسی نے ساتھ چھوڑا دانت کاٹی جن سے روٹی تھی
پہاڑ اس پر گرا اے آسماں کیا بس چلے ورنہ
ہمارے آشیاں کی شاخ سب شاخوں سے موٹی تھی
بلا کر تو نے اے ہستی یہاں کی خوب مہمانی
وہی کرتے ہیں فاقے جن کے دم سے دس کی روٹی تھی
ہوا در در لیے پھرتی ہے اب تو میری مٹی کو
یہ ہے وہ خاک جو اک دن ترے قدموں پہ لوٹی تھی
بہت گہرے نہ ہوں اوچھے سہی چرکے تو پورے ہیں
خطا قاتل کی کیا ہے اک درا تلوار چھوٹی تھی
یہ سچ ہے شادؔ کیا تھا کچھ نہ تھا لیکن تمہارا تھا
نہ سمجھا تم نے اے باریک بینو بات موٹی تھی
پہنچ جاتی تھی اس اس گھر میں جس جس گھر کا پاسا تھا
جو سچ پوچھو تو میری آرزو چوسر کی گوٹی تھی
نہ کیوں کر تیری یکتائی کا کلمہ نقش ہو دل پر
سبق کی طرح برسوں یہ عبارت ہم نے گھوٹی تھی
ہرگز کبھی کسی سے نہ رکھنا دلا غرض
جب کچھ غرض نہیں تو زمانے سے کیا غرض
مجھے خوش خوش جو پایا جل کے کیا جلدی ہوئی رخصت
شب وصل اے فلک سب کچھ سہی نیت کی چھوٹی تھی
وصل و فراق و حسرت و امید سے کھلا
ہم راہ ہے ہر ایک بقا کے فنا غرض
پھیلا کے ہاتھ مفت میں ہوں گے ذلیل ہم
محروم تیرے در سے پھرے گی دعا غرض
اک پھر کے دیکھنے میں گئی سیکڑوں کی جاں
تیری ہر اک ادا میں بھری ہے جفا غرض
دیکھا تو تھا یہی سبب حسرت و الم
مجبور ہو کے ترک کیا مدعا غرض
مصیبت جس سے زائل ہو رہی سامان کر دے گا
نہ گھبرانا خدا سب مشکلیں آسان کر دے گا
دنیا میں کچھ تو روح کو اس جسم سے ہے کام
ملتا ہے ورنہ کون کسی سے بلا غرض
کیونکر نہ روح و جسم سے ہو چند دن ملاپ
اس کو جدا غرض ہے تو اس کو جدا غرض
قناعت کی بھی دولت ہو تو استغنا نہیں لازم
جسے تو نفع سمجھا ہے یہی نقصان کر دے گا
خرابات جہاں میں کون ہے دل سوز ساقی سا
اگر ترچھٹ بھی دینا ہے تو تجھ کو چھان کر دے گا
الزام تاکہ سر پہ کسی طرح کا نہ ہو
اے شادؔ ڈھونڈتی ہے بہانے قضا غرض
متاع بے بہا سے کم نہ جان اے چشم اشکوں کو
یہی رونا ترا خالی تری دوکان کر دے گا
جگہ دل میں نہ دے شوق نموداری بری شے ہے
یہی چسکا تجھے برباد اے نادان کر دے گا
یقیں کر لے کہ خود وہ جلوہ گر پردے میں ہے ورنہ
یہی ظالم گماں تیرا تجھے حیران کر دے گا
کوئی گر سلطنت بھی دے تو واپس کر نہ لے اے دل
سبک ہر طرف تجھ کو غیر کا احسان کر دے گا
کہوں گا آج سے میں صاحب اعجاز ناصح کو
اگر میرے دل مضطر کا اطمینان کر دے گا
کہے دیتا ہوں قاتل لے خبر جاں باز کی اپنے
فنا شوق شہادت میں کسی دن جان کر دے گا
تری رو پوشیاں اے حسن کب بیکار جائیں گی
یہی پردہ عیاں عالم میں تیری شان کر دے گا
تمناؤں کی مہمانی تصور کے حوالے کر
کہ جو ساماں مناسب ہے وہی سامان کر دے گا
غزل سے کیا مراد اے شادؔ ہے ارباب معنی کی
کسی دن تصفیہ اس کا مرا دیوان کر دے گا
واعظ نے بھرے خم چور کئے تر کر دی زمیں اے پیر مغاں
ظالم نے ذرا بھی تیرا لحاظ اے رہبر ایماں کچھ نہ کیا
اعمال کی زشتی کا بدلا میں کہہ نہیں سکتا کیا ملتا
بھیجا بھی اگر دوزخ میں تجھے اے صاحب ایماں کچھ نہ کیا
مے پینے کا دل میں جوش نہ تھا ظاہر کی طلب تھی ہوش میں آ
ساقی نے ملایا زہر اگر اے منکر احساں کچھ نہ کیا
غفلت میں ہوئی اوقات بسر اے عمر گریزاں کچھ نہ کیا
سب چلنے کے تھے سامان بہم چلنے ہی کا ساماں کچھ نہ کیا
کیا جی کے کروں گا میں تنہا یاں تاب کہاں باقی دل کو
بے موت کے اب مارا نہ مجھے تو داغ عزیزاں کچھ نہ کیا
سنتا ہوں عدو کو خاک کیا مٹی میں ملایا گھر اس کا
پھونکا نہ جلا کر مجھ کو اگر تو اے شب ہجراں کچھ نہ کیا
تکلیف کسی کو گر پہونچی تو اس میں تکلف کیا نکلا
حیران جو رکھا قاتل کو تو اے شب ہجراں کچھ نہ کیا
الٹا نہ عراق و شام و حلب دنیا نہ ہوئی ویران تو کیا
جل تھل نہ لہو سے تو نے بھرا تو خون مسلماں کچھ نہ کیا
مانا کہ بڑی سفاک ہے تو بالفرض بڑی جلاد ہے تو
میں جیتا رہا تا صبح اگر تو اے شب ہجراں کچھ نہ کیا
اے ننگ جہاں اے شادؔ بتا کچھ شرم بھی تجھ کو ہے کہ نہیں
اے جہل مرکب اے حیواں اے بے خبر انساں کچھ نہ کیا
جنبش سے تری مقتل ہوتا اک آن میں دشت کرب و بلا
عشاق کی بے باکی کا عوض اے ابروئے براں کچھ نہ کیا
کہاں یہ تاب کہ چکھ چکھ کے یا گرا کے پیوں
ملے بھرا ہوا ساغر تو ڈگڈگا کے پیوں
زمیں پہ جام کو رکھ دے ذرا ٹھہر ساقی
میں تجھ پہ ہوں لوں تصدق تو پھر اٹھا کے پیوں
ہزار تلخ ہو پیر مغاں نے جب دی ہے
خدا نہ کردہ جو میں منہ بنا بنا کے پیوں
مزا ہے بادہ کشی کا وہیں تو اے ساقی
پیوں جو اب تو ترے آستاں پہ آ کے پیوں
بغیر جلوہ دکھائے رہے نہ یہ معشوق
جو سات پردے کے اندر اسے چھپا کے پیوں
میں وہ نہیں کہ خود اپنے قدح کی خیر مناؤں
پیوں تو بزم میں دس پانچ کو پلا کے پیوں
خواب تک میں بھی نظر آتا نہیں اے چشم
میرے رو دینے پہ اشکوں کا بہانے والا
محتسب خوش ہے بہت توڑ کے خم ہائے شراب
غم نہیں سر پہ سلامت ہے پلانے والا
کب سمجھتا ہے کہ جینا بھی ہے آخر کوئی شے
اپنی ہستی تری الفت میں مٹانے والا
آج کچھ شام سے چپ ہے دل محزوں کیا علم
کیوں خفا ہے مرا راتوں کا جگانے والا
وہ مے کدہ ہے نہ ساقی ہے کچھ نہ پوچھو شادؔ
میں کس کے گھر میں پیوں کس کے گھر سے لا کے پیوں
تیرے بیمار محبت کی یہ حالت پہنچی
کہ ہٹایا گیا تکیہ بھی سرہانے والا
سامنا اس بت کافر کا ہے دیکھیں کیا ہو
خود ہے ششدر مرا ایمان بچانے والا
ہو گئے دیکھنے والے بھی جہاں سے نایاب
اب دکھائے کسے حیراں ہے دکھانے والا
شادؔ اک بھیڑ لگی رہتی تھی جس گھر میں وہاں
آنے والا ہے نہ اب کوئی نہ جانے والا
لطف تو یہ ہے کہ آپ اپنا نہیں
جو ہوا تیرا وہ تیرا ہو گیا
تھا اجل کا میں اجل کا ہو گیا
بیچ میں چونکا تو تھا پھر سو گیا
جب قیس پہاڑ اس سر سے ٹلے عید آئی تب آئی جان میں جان
تا دیر عجب عالم میں رہے ہونٹوں کو ملائے جام سے ہم
یہ رات بھیانک ہجر کی ہے کاٹیں گے بڑے آلام سے ہم
ٹلنے کی نہیں یہ کالی بلا سمجھے ہوئے تھے شام سے ہم
کاٹے کھاتی ہے مجھے ویرانگی
کون اس مدفن پہ آ کر رو گیا
بحر ہستی کے عمق کو کیا بتاؤں
ڈوب کر میں شادؔ اس میں کھو گیا
تامنزل جاناں ساتھ رہا کم بخت تصور غیروں کا
شوق اپنے قدم کھینچا ہی کیا پلٹا ہی کیے ہر گام سے ہم
تھا موت کا کھٹکا جاں فرسا صد شکر کہ نکلا وہ کانٹا
گر ہو نہ قیامت کا دھڑکا اب تو ہیں بڑے آرام سے ہم
الفت نے انہیں کی حق کی طرف پھیرا مرے دل کو شکر خدا
تعمیر کریں مسجد کوئی کیونکر نہ بتوں کے نام سے ہم
یوں ان کے ادب یا خاطر سے ہر بات کو لے لیں اپنے سر
جب دل ہے انہیں کے قابو میں پھر پاک ہیں ہر الزام سے ہم
وہ سمجھے کہ ہم نے مار لیا ہم سمجھے ملیں گے آخر وہ
ملتے ہی نگہ کے دونوں خوش آغاز سے وہ انجام سے ہم
اے ہم نفسو دم لینے دو بھولے ہوئے نغمے یاد آ لیں
آئے ہیں چمن میں اڑ کے ابھی چھوٹے ہیں اسی دم دام سے ہم
جسے پالا تھا اک مدت تک آغوش تمنا میں
وہی بانی ہوا میرے غم و درد و اذیت کا
باتوں میں گزرتے ہجر کے دن اے کاش کہ دونوں مل جاتے
ہم سے ہے دل ناکام خفا آزردہ دل ناکام سے ہم
مٹائیں تاکہ اپنے ظلم کرنے کی ندامت کو
نکالیں ڈھونڈ کر ہر طرح سے پہلو شکایت کا
اسی کے ہاتھ سے کیا کیا سہا سہنا ہے کیا کیا کچھ
الٰہی دو جہاں میں منہ ہو کالا اس مروت کا
کریں انصاف کا دعویٰ اثر کچھ بھی نہ ظاہر ہو
مزا چکھا ہے ایسے دوستوں سے بھی محبت کا
دنیا میں تخلص کوئی نہ تھا کیا نیل کا ٹیکا شادؔ ہی تھا
تم وجہ نہ پوچھو کچھ اس کی چڑھ جاتے ہیں کیوں اس نام سے ہم
مری عمر دو روزہ بیکسی کے ساتھ کٹتی ہے
نہ اپنوں سے نہ غیروں سے ملا ثمرہ ریاضت کا
طمع میں کچھ نہ سمجھیں باپ اور بھائی کی حرمت کو
عمل دیکھو تو یہ پھر کچھ کریں دعوا شرافت کا
حسد جی میں بھرا ہے لاگ ہے اک عمر سے دل میں
کریں ظاہر اگر موقع ہے اظہار عداوت کا
جسے دیکھا جسے پایا غرض کا اپنی بندہ تھا
جہاں میں اب مزا باقی نہیں خالص محبت کا
ہمارا کلبۂ احزاں ہے ہم ہیں یا کتابیں ہیں
رہا باقی نہ کوئی ہم نشیں اب اپنی قسمت کا
خدا آباد رکھے شادؔ میرے ان عزیزوں کو
مزا چکھوا دیا القرض مقراض المحبت کا
بہ قدر حوصلہ صحرائے وحشت چھان لیتے ہیں
مسافر ہیں سفر کے واسطے سامان لیتے ہیں
جو تنگ آ کر کسی دن دل پہ ہم کچھ ٹھان لیتے ہیں
ستم دیکھو کہ وہ بھی چھوٹتے پہچان لیتے ہیں
خدا چاہے تو اب کے قتل گہہ میں مشکل آساں ہو
ترے بیمار ناحق موت کا احسان لیتے ہیں
ہماری شاعری زندہ ہوئی اے شادؔ مرنے پر
کہ شائق نقد جاں دے دے کے اب دیوان لیتے ہیں
کہیں مرقد پہ جاتے ہیں کہیں گھر تک نہیں جاتے
کسی کو جان دیتے ہیں کسی کی جان لیتے ہیں
گھروندا یوں کھڑا تو کر لیا ہے آرزوؤں کا
تماشا ہے جو وہ کہہ دیں کہ میں اک کھیل کھیلا تھا
کدورت تاکہ رہ جائے سب اپنے دامن تر میں
شراب شوق ہم پینے کے پہلے چھان لیتے ہیں
اگر تقدیر میں ہوتا تو اک دن پار بھی لگتا
یہ دریا جھیلنے کو یوں تو اے دل خوب جھیلا تھا
بہت سستے چھٹے اے موت بازار محبت میں
یہ سودا وہ ہے جس میں کیا کہیں کیا کیا جھمیلا تھا
کہاں دل اور فسون عشق کی گھاتیں کہاں یا رب
نہ پڑتا تھا بلاؤں میں ابھی کم بخت انیلا تھا
ہمیشہ حسرت دیدار پہ دل نے قناعت کی
بڑے در کا مجاور تھا بڑے مرشد کا چیلا تھا
جہاں چاہے لگے جس دل کو چاہے چور کر ڈالے
زباں سے پھینک مارا بات تھی ناصح کہ ڈھیلا تھا
تمام عمر نمک خوار تھے زمیں کے ہم
وفا سرشت میں تھی ہو رہے یہیں کے ہم
تماشا گاہ دنیا میں بتاؤں کیا امیدوں کی
تن تنہا تھا میں اے شادؔ اور ریلوں پہ ریلا تھا
نہ جاں بازوں کا مجمع تھا نہ مشتاقوں کا میلا تھا
خدا جانے کہاں مرتا تھا میں جب تو اکیلا تھا
نکل کے روح ڈنواڈول ہو نہ جائے کہیں
ہزار حیف نہ دنیا کے ہیں، نہ دیں کے ہم
نظر اٹھا کے نہ دیکھا کسی طرف تا عمر
رہے خیال میں اک چشم سرمہ گیں کے ہم
زمیں چھڑائی گئی ہم سے جب بنا کر خاک
یہاں پہ کیا نہ رہے اے صبا کہیں کے ہم
زمانہ شادؔ ہمیں کیوں بھلا نہیں دیتا
نہ ہجو کے نہ سزاوار آفریں کے ہم
جگہ دامن میں اپنے کیوں نہ دیتے
کہ طفل اشک اپنا ہی لہو تھا
فقط شور دل پر آرزو تھا
نہ اپنے جسم میں ہم تھے نہ تو تھا
کہوں کیا دل کی میں نازک مزاجی
خدا بخشے نہایت تند خو تھا
یہاں مکاں ہے تو کیوں آسماں کی سیر کریں
مکیں ہیں شادؔ ازل سے اسی زمیں کے ہم
جہاں پہنچے اسی کا نور پایا
جدھر دیکھا وہی خورشید رو تھا
میں کیفیت کہوں کیا بزم مے کی
کہ مینا ہاتھ میں آنکھوں میں تو تھا
بہت ڈھونڈا کہیں پایا نہ ہم نے
بتا دے یہ کہ کس گوشے میں تو تھا
ہر اک کے پاؤں پر جھکتے کٹی عمر
نہ سمجھے ہم کہ کس قالب میں تو تھا
غش آیا اس نے تولی تیغ جب جب
عجب ہلکا ہمارا بھی لہو تھا
لباس کہنہ جب تھا اپنا صدچاک
تو پھر بے کار پیوند و رفو تھا
عدو تھے ساقیا سب مے کدے میں
یہی اک آس تھی پلے پہ تو تھا
بچا قاتل کا دامن للہ الحمد
بہت کھولا ہوا اپنا لہو تھا
سزا لغزش کی پاتے بزم میں ہم
خدا کو خیر کرنا تھا کہ تو تھا
ہم اپنے ہوش میں باقی تھے ہر طرح
مگر جب تو ہمارے روبرو تھا
نظر میں ہیچ تھا کونین ساقی
لبالب جام تھا ہم تھے سبو تھا
تجھی سے منہ پھلا لیتے عجب کیا
صبا غنچوں کا بھی آخر نمو تھا
تری تصویر تھے ہم بھی کسی وقت
یہی نقشا ہمارا ہو بہو تھا
چلے ہم باغ سے اے شادؔ کس وقت
بہار آنے کو تھی گل کا نمو تھا
سیاہ کار سیہ رو خطا شعار آیا
تری جناب میں تیرا گناہ گار آیا
کہیں جواب نہ تو نے دیا یہاں کے سوا
جہاں میں یوں تو بہت میں تجھے پکار آیا
سرائے دہر میں چھوڑا تن کثیف اپنا
یہ بوجھ سر سے مسافر ترا اتار آیا
خزاں کا دور گیا موسم بہار آیا
مگر نہ اس دل بے صبر کو قرار آیا
پڑی جو قیس کے اوپر نظر بیاباں میں
مجھے غریب کے اوپر غضب کا پیار آیا
نہ اپنے پاؤں سے آنا ملا گلی میں تری
یہاں بھی چار کے کاندھوں پہ میں سوار آیا
یہ اضطراب ہے کیوں ہے کدھر کا قصد اے روح
کہاں سے آئی طلب کس جگہ سے تار آیا
ہمارے نالۂ دل کا نہ پوچھیے احوال
گلی سے یار کی ہمت بھی اب کے ہار آیا
ترے فراق کے خوگر نہ مر مٹے جب تک
قضا کے آنے کا تب تک نہ اعتبار آیا
یقین جان لے ساقی کہ خم کی خیر نہیں
خدا نہ کردہ جو اب کے مجھے خمار آیا
مری نہ پوچھ کہ تیری گلی میں خاک ہوں میں
تجھی کو میری وفا کا نہ اعتبار آیا
لحد نے کھول کے آغوش دی جگہ جو مجھے
لپٹ کے رہ گئے ہم کو بھی خوب پیار آیا
مرے نصیب کہاں اس طرح کے دیدۂ تر
سنوں یہ خوش خبری کان سے کہ یار آیا
ہے اپنی اپنی طبیعت پہ حسن شے موقوف
میں کیوں ہوں بندۂ بے دام ان حسینوں کا
ہزار حیف چھٹا ساتھ ہم نشینوں کا
مکاں تو ہے پہ ٹھکانا نہیں مکینوں کا
کھلا جو باغ میں غنچہ ستارہ دار کھلا
گلوں نے نقش اتارا ہے مہ جبینوں کا
زمین شور ہو یا ہو زمین شعر اے دل
نہیں ہے کوئی خریدار ان زمینوں کا
نظر کا کیا ہے بھروسہ نظر پہ ہیں پردے
خیال عرش پہ جاتا ہے دوربینوں کا
جو ہو مصور فطرت مثال کیا اس کی
گماں نہ چاہیے انساں پہ آبگینوں کا
ذرا نکل کے تو دنیا سے دیکھ اے انساں
پتا نہ دن کا نہ انداز ہے مہینوں کا
بہشت دہر ہے اپنا وطن خدا کی قسم
جدا جدا ہے ترانہ سبھی مہینوں کا
کسی کو مان لیا دل نے جب تو مان لیا
نہ دخل دو یہی مسلک ہے خوش یقینوں کا
مزید شاعری پڑھیے اور دوسرے شعراء کو دریافت کیجیے۔