شاعر کی معلومات لوڈ ہو رہی ہیں...
یا خدا بھرم رکھنا میری بے نوائی کا
تو دلوں سے واقف ہے تجھ کو کیا نہیں معلوم
شاعر کی معلومات لوڈ ہو رہی ہیں...
Rashid Hasrat
اردو ادب
Rashid Hasrat (1925–2011) was a prominent Urdu poet from Quetta, Pakistan. He was known for his soulful ghazals and his significant contribution to Urdu literature. Born in 1925 in Quetta, Rashid Hasrat's early education in literature, combined with his natural poetic talent, led him to become a well-respected figure in the world of Urdu poetry. His works primarily dealt with themes of love, sorrow, and human emotions, resonating deeply with readers and listeners alike. Throughout his life, Rashid Hasrat was involved in various cultural and literary activities, and his poetry was appreciated not just for its lyrical beauty but for its philosophical depth as well. He spent much of his life in Pakistan and became a celebrated poet of his time. His ghazals are still recited today for their emotional depth and reflective nature. Rashid Hasrat passed away in 2011, leaving behind a rich legacy of poetry that continues to influence Urdu literature.
ان کے کلام کے چند منتخب اشعار پڑھیے۔
یا خدا بھرم رکھنا میری بے نوائی کا
تو دلوں سے واقف ہے تجھ کو کیا نہیں معلوم
اپنے پاس رہنے دے اپنی جھوٹی ہمدردی
حال دل سناؤں کیا تجھ کو جا نہیں معلوم
حق کی بات کی ہم نے کیا برا کیا لوگو
کیوں مزاج برہم ہے آپ کا نہیں معلوم
کیا نہیں مقدر میں کیا لکھا نہیں معلوم
آسمان چل جائے چال کیا نہیں معلوم
ہم قریب آئے ہیں کتنی مدتوں کے بعد
دور پھر کرے لمحہ کون سا نہیں معلوم
ہم نے ایک پتھر کو دھڑکنیں عطا کی ہیں
دیکھتے ہیں بنتا ہے کب خدا نہیں معلوم
انسان کی توہین کبھی اتنی نہیں تھی
روٹی ہے گراں خون ہے ارزان یقیناً
مزدور کو پابند کیا گھر پہ بٹھایا
دو وقت کی اب اس کو نہیں نان یقیناً
جو دل کے کھرے ان پہ کڑا وقت بھلے ہو
منزل بھی مگر ان کی ہے آسان یقیناً
جس گاؤں میں افلاس میں دن ہم نے گزارے
اب ہوں گے وہاں موت کے سامان یقیناً
تنکا تنکا کر ڈالا میرے آشیانے کا
کس طرف کو چلتی ہے اب ہوا نہیں معلوم
اے دیس کی مٹی تجھے شاداب رکھیں گے
دہقان بڑھائیں گے تری شان یقیناً
بیتے لمحے کل کی باتیں یاد آئیں
وہ رنگوں کی سب برساتیں یاد آئیں
ہر ظلم پہ جب بند رکھے آنکھ قیادت
تب تخت کے تختے کا ہے امکان یقیناً
جس حکم پہ دہقان کی محنت کا صلہ ضبط
تحقیر کے لائق ہے وہ فرمان یقیناً
آج میرے دل میں ہے کل کہیں پہ ہوگی اور
کل ٹھکانہ کیا ہوگا آس کا نہیں معلوم
مہنگائی کا اب آیا ہے طوفان یقیناً
توڑے ہیں حکمرانوں نے پیمان یقیناً
کجروی میں ہم حسرتؔ حق کو بھول بیٹھے ہیں
کس کو بے بسی میں دیں اب صدا نہیں معلوم
جس شخص نے تنویر مجھے علم کی بخشی
اس کا ہے بڑا مجھ پہ یہ احسان یقیناً
بیٹا ایم اے کر کے گھر میں بیٹھ گیا
اپنے وقت کی چار جماعتیں یاد آئیں
مجھے کل تو نے ٹھہرایا تھا لیکن
جہاں کو آج ٹھکرانے کا دکھ ہے
جھوٹی شان کا سورج ڈوبتے دیکھا تو
اپنی دبکی سہمی ذاتیں یاد آئیں
آج کی جیت پہ دل ایسا ویران ہوا
کل کی ہنستی کھیلتی باتیں یاد آئیں
حسرتؔ جب بیٹی کی ڈولی لوٹ گئی
لوٹنے والی سب باراتیں یاد آئیں
جلتی دھوپ میں ننگے پاؤں چلنے پر
ٹھنڈے لہجے کی سوغاتیں یاد آئیں
دن دیکھا تو چہرہ تیرا یاد آیا
رات کے دیکھے زلف کی راتیں یاد آئیں
جگاتا ہے مجھے شب بھر ترا غم
خوشی اپنی نہ بیگانے کا دکھ ہے
مجھے تجھ سے بچھڑ جانے کا دکھ ہے
کلی کے کھل کے مرجھانے کا دکھ ہے
وفا پانے کی دل میں آرزو تھی
تماشا بن کے رہ جانے کا دکھ ہے
تجھے سو بار سمجھایا تھا میں نے
مگر اب تیرے کمہلانے کا دکھ ہے
لگا کچھ جھڑتے پتے دیکھ کر یوں
مرے تنہا چلے آنے کا دکھ ہے
اگرچہ آج حسرتؔ چپ ہے لیکن
تری تنقید کا طعنے کا دکھ ہے
وہ در فرار کے مجھ پر کھلے تو رکھتا ہے
وہ زلف قید سے لیکن رہائی دیتا نہیں
یتیم پالتی ہے بہن کس مشقت سے
ہے دکھ کی بات کہ امداد بھائی دیتا نہیں
سلگ رہا ہوں میں برسات کی بہاروں میں
یہ میرا ظرف کہ پھر بھی دہائی دیتا نہیں
وہ شور ہے کہ یہاں کچھ سنائی دیتا نہیں
تلاش جس کی ہے وہ کیوں دکھائی دیتا نہیں
کسک جو دل میں ہے بخشی ہوئی اسی کی ہے
مقام عشق تلک جو رسائی دیتا نہیں
یہ کیسے لوگ ہیں جو موت پر اصرار کرتے ہیں
جہاں لکھا حی آہستہ وہیں رفتار کرتے ہیں
سلسلہ چلتا رہے گا میرے دل کے بعد بھی
جو نگر اجڑا ہے اب تھا یہ کبھی آباد بھی
جو تم نے راز الفت کا کیا افشا سر محفل
تو ہم بھی اعتراف اس کا سر بازار کرتے ہیں
چلو تسلیم کرتے ہیں کہ اب تک یاد ہیں ان کو
رویے سے مگر کچھ اور وہ اظہار کرتے ہیں
رشیدؔ پیڑ کے سائے سے سکھ کی تھی امید
یہ کیا کہ بیٹا بھی گھر میں کمائی دیتا نہیں
ہمیں تو بات کرنے کا سلیقہ تک نہیں آتا
کہاں ہم کو کمال ایسا جو خوش گفتار کرتے ہیں
زمیندار نے دہقاں کی پگ اچھالی آج
کہ فصل کاٹتا تو ہے بٹائی دیتا نہیں
چاند بھی جوبن پہ اپنے رات بھی مستی بھری
دور کوئی چھیڑ دے بنسی پہ اک فریاد بھی
نوجواں نے تلخئ حالات سے کی خود کشی
اور حسرتؔ آگ میں جھونکی ہیں سب اسناد بھی
ہماری عزتیں سانجھی ہیں بولی کوئی بھی بولیں
کسی بھی ایک کی عفت سو چاروں کی وہ بیٹی ہے
خلل اپنے دماغوں کا کریں تعبیر جدت سے
یہ بیوی کے لئے ماں باپ کو آزار کرتے ہیں
گلوں کی پالکی میں ہے بہاروں کی وہ بیٹی ہے
چہیتی چاند کی روشن ستاروں کی وہ بیٹی ہے
کر دیا حالات کی چکی نے بھی شیریںؔ کو چور
اور کچھ ہے خود غرض اس دور کا فرہادؔ بھی
بھلا ایسوں کی باتوں میں کہیں تاثیر ہوتی ہے
عمل کرتے نہیں تقریر دھوئیں دار کرتے ہیں
اس قفس سے اس قدر اپنی طبیعت ہو گئی
چھوڑ کر جاؤں نہ ہرگز وہ کریں آزاد بھی
میں اپنے نام کی اس میں لکیر کھینچ نہ لوں
وہ میرے ہاتھ میں دست حنائی دیتا نہیں
نہ ہوتی حسن کی توصیف گر اسے مقصود
تو شاہکار کو اتنی صفائی دیتا نہیں
کہاں خاطر میں لاتے ہیں یہ تاجر نرخ نامے کو
تو ہم ان بے حسوں سے کاہے کی تکرار کرتے ہیں
وہ چلتی ہے تو راہوں میں سریلے ساز بجتے ہیں
کسی اجلی ندی کے شوخ دھاروں کی وہ بیٹی ہے
سریلی بانسری کی تان اس کی گفتگو ٹھہری
تراشیدہ پری رخ شاہکاروں کی وہ بیٹی ہے
یہ آگے سے جو صاحب آ رہے ہیں ان سے بچ نکلو
یہ ایسا جھاڑتے ہیں فلسفہ بیزار کرتے ہیں
کیا ہے بے ردا جس نے مرے دہقاں کی بیٹی کو
وطن کے نام لیوا غمگساروں کی وہ بیٹی ہے
مدتوں سے کوئی سندیسہ نہ آنے کی خبر
اب انہیں شاید ہی آتی ہو ہماری یاد بھی
کوئی مزے سے مرا کھیل دیکھتا تھا رشیدؔ
مگر جو دیکھنے والا تھا سین چھوڑ گیا
بڑی مدت تلک جس بہن کو ہم نے عدو سمجھا
ستم سہتی رہی ہے کوہساروں کی وہ بیٹی ہے
روکھی روٹی کما کے لایا ہوں
میں کہ بیوی کے سر کا سایا ہوں
غیر نے کیوں سمجھ لیا اپنا
میں تو اپنوں کو بھی پرایا ہوں
کبھی دشمن ہوا کرتے تھے چھپ کر وار کرنے کو
مگر حسرتؔ ابھی یہ کام رشتے دار کرتے ہیں
ہماری زندگی بے کیف گزری ہے رشید حسرتؔ
نہیں جس میں کوئی سکھ ریگزاروں کی وہ بیٹی ہے
ذرا سی باپ مرا کیا زمین چھوڑ گیا
ہیں سات بچے تو ازواج تین چھوڑ گیا
ظلم کی فصل کٹ گئی لیکن
ایک میں ہی ابھی بقایا ہوں
مجھے ملے تو میں اس نوجواں کو قتل کروں
جو بد زباں کے لئے نازنین چھوڑ گیا
ہو کے مجبور بھوک کے ہاتھوں
شاعری بیچنے پہ آیا ہوں
بارہا جس نے مجھ کو دھتکارا
آج پھر اس سے ملنے آیا ہوں
دوست کی ماں جو ماں کے جیسی تھی
تعزیت میں نہ کرنے پایا ہوں
آج بیٹی کا گھر بسایا ہے
آج پھولے نہیں سمایا ہوں
شب گزیدہ ہوں مجھے تاروں کی چھاؤں سے ہے ڈر
دل کا خوں کرنے چلے آئے ہیں تیرا زاد بھی
لے اڑی مجھ کو ایک شہزادی
اس کی آنکھوں میں یوں سمایا ہوں
گھر سے جنگل کو ہجرتیں ٹھہریں
میں ٹھکانے پہ اپنے آیا ہوں
رہا جو مفت یہ حجرہ دیا سجا کے اسے
مکاں کشادہ تھا لیکن مکین چھوڑ گیا
ابھی کی حق نے عطا کی ہے کل کی دیکھیں گے
اب ایسی باتوں پہ کاہے یقین چھوڑ گیا
آج سے ملک دشمنوں کا رشیدؔ
رب نے چاہا تو میں صفایا ہوں
پلٹ تو جانا ہے ہم سب کو ایک دن یارو
مگر وہ شخص جو یادیں حسین چھوڑ گیا
خدا کا خوف نہیں وائرس کا تھا خدشہ
جسے بھی موقع ملا ہے وہ چین چھوڑ گیا
تباہ زیست مگر ایک بازی گر نے کی
وگرنہ وجہ نہ تھی ٹوٹ کر بکھرنے کی
تمام خواب پریشاں تھے شب کی محفل میں
نہ جانے بات کیا تاروں سے چشم تر نے کی
میں اپنی تلخ مزاجی پہ خود ہوا حیراں
گیا وہ شخص تو لہجہ متین چھوڑ گیا
وہ اڑ چکا ہے تو پھر اس کی مان لیتے ہیں
اسے تو ضد سی ہے الزام ہم پہ دھرنے کی
وہ رتھ میں آنکھ کی ہر پل چمکتا رہتا ہے
یہ رت ہے جگنوؤں کے خاک پر اترنے کی
کسی سے پوچھنے پر جب جواب آئے گزارا ہے
بڑا مفہوم پوشیدہ ہے سمجھو اس گزارے میں
سماعتوں کا نشہ ہے کہ شور پائل کا
خرد بھی چھین گئی ہیں صدائیں جھرنے کی
کتاب وقت کا ہر باب حفظ کر ڈالا
پڑھی نہ مشق مگر قول سے مکرنے کی
نہیں تھی زیست مقدر نہ بچ سکے ورنہ
بہت سعی مرے معصوم چارہ گر نے کی
رشیدؔ ہم نے فقیری میں وقت کاٹ لیا
اگرچہ تاج سجانے کی ضد بھی سر نے کی
منافعے میں کہاں ایسی جو لذت ہے خسارے میں
یہ فانی زندگی جیسے ہوا پھولے غبارے میں
ہے چھید چھید مرا دامن سوال بھی اب
عجیب حالت دل میرے جادوگر نے کی
یہاں سے خوش گئی میکے وہاں سے پھول کے لوٹی
بھرے ہیں کان بیگم کے کسی نے میرے بارے میں
پلایا دودھ بھی اور ناز بھی اٹھائے مگر
کمال سانپ تھا جو آستین چھوڑ گیا
ہوس نے زر کی مجھ کو خون کے رشتوں سے الجھایا
نہ آتا کاش میں مادام کی دولت کے لارے میں
دہکتے لب گھنی زلفیں یہ پلکیں شامیانوں سی
کمی کیا رہ گئی لوگو مرے زہرہ ستارے میں
آج پھر رزق کی تلاش میں تھا
پھر سے ناکام لوٹ آیا ہوں
اترتے ہیں تو یارو جان سے جانے کا اندیشہ
بظاہر تو بڑی ہی دل کشی دریا کنارے میں
میری حرکت پہ سب ہیں برہم سے
اہل خانہ کو میں نہ بھایا ہوں
صلہ خلوص و عقیدت کا مانگ سکتا تھا
جو ایک شخص زمیں پر جبین چھوڑ گیا
مری ماں کی نظر میں میں جہاں سے خوب صورت تھا
نہیں کچھ جاذبیت اب اسی آنکھوں کے تارے میں
تب دل کی دہلیز کو چھونے آئیں گے وہ پاؤں
جب اندر کے سارے خطے بنجر ہو جائیں گے
عبادت کرنے والوں سے رشیدؔ اتنی گزارش ہے
محبت ہی عبادت ذکر پائیں پارے پارے میں
اگلی عمر کے بھانپنے تک تو جانے کیا ہو جائے
ہم تم جاتی رت کا کوئی منظر ہو جائیں گے
پیاسے ہیں آنکھوں میں جگنو اور ایسا بھی ہوگا
خاک پہ اترے تو یہ جگنو ساگر ہو جائیں گے
رستہ تکتے تکتے اک دن پتھر ہو جائیں گے
مے سے کتراتے کتراتے ساغر ہو جائیں گے
آنکھ کی ناؤ میں بیٹھ کے سیر کو جانے والے
بیچ سفر میں غرق سمندر ہو جائیں گے
اگرچہ دشوار تھا مگر زیر کر لیا تھا
انا کا رستہ سہل سمجھ کر جو سر لیا تھا
بڑھایا اس نے جو گرم جوشی سے ہاتھ یارو
نہیں تھا مسلک اگرچہ نذرانہ پر لیا تھا
وہ کہکشاؤں کی حد سے آگے کہیں بسا ہے
طلب میں جس کی زمیں پہ بوسیدہ گھر لیا تھا
گلوں کی چاہت میں ایک دن کیا بچھایا ہوگا
کہ ہم نے کانٹوں سے اپنا دامان بھر لیا تھا
دل شکستہ کی مدتوں تک خبر نہ آئی
کھلا کہ مٹھی میں تو نے اے فتنہ گر لیا تھا
اسی کا بخشا ہوا تھا سب کچھ تو دیر کیسی
بس اک اشارے پہ کاسۂ جان دھر لیا تھا
عدو نے چالوں سے چت کیا ہے رشید حسرتؔ
وگرنہ ہم نے بھی اسپ تو نامور لیا تھا
کسی غریب کی بیٹی جو ہو تو ہو رسوا
حضور نام تم اپنا ہی سر بلند رکھو
کسی کا رنج گھٹاؤ نہیں ضروری کوئی
فقط دکھاوے کو صورت ہی درد مند رکھو
لبوں پہ قفل رہے کان اپنے بند رکھو
بغیر چون و چرا خود کو کار بند رکھو
تمہارے ساتھ اگر ہو تڑپ کے چیخ اٹھو
وہ دوسروں کے لیے بات کیوں پسند رکھو
کبھی کسی کو بھی کمتر خیال مت کرنا
دلوں سے دور ہمیشہ تم ایسا گند رکھو
وہ اپنے آپ میں کامل خیال ہے اس کا
سو اس کے آگے نصیحت نہ کوئی پند رکھو
مقام لوگوں میں تم کو اگر بنانا ہے
مٹھاس باتوں میں اور اپنا لہجہ قند رکھو
ہاتھ ہے دوست کوئی کاسہ گدائی کا نہیں
تھام لو بڑھ کے اسے ایسے نہ ٹالو مجھ کو
نفرتیں میرے تعاقب میں چلی آتی ہیں
عین ممکن ہے بکھر جاؤں سنبھالو مجھ کو
رشیدؔ مانا کہ دشمن ہزار ہیں لیکن
جڑوں کے کاٹنے کو دوست بھی تو چند رکھو
میں نے سر بار لیے وہ جو مرے تھے ہی نہیں
قرب اتنا سا کرو مجھ سے چرا لو مجھ کو
ڈھونڈ لو پہلے خطاؤں کا مری کوئی ثبوت
بے سبب یوں تو نہ محفل سے نکالو مجھ کو
جس کی حسرتؔ تھی تمہیں میں وہ تمہاری منزل
گر ہوں محنت کا صلہ اپنا بنا لو مجھ کو
نیند اتری نہیں آنکھوں میں بڑی مدت سے
ریشمی زلف کے سائے میں سلا لو مجھ کو
اپنے چہرے کی ضیا دے کے اجالو مجھ کو
پر سکوں جیتا ہوں الجھن میں ہی ڈالو مجھ کو
داستاں کوئی کتھا ہے نہ کہانی کوئی
کچھ اگلنے کا نہیں جیسے کھنگالو مجھ کو
بس ایک رات قیامت سی مجھ کو تھی درپیش
پھر اس کے بعد کوئی مرحلہ نہیں آیا
اے جان رشیدؔ اس کا سبب تم تو نہیں ہو
یہ خاک نشیں جان سے بیزار اگر ہے
آج برسات ہے بادل ہے فضائیں مہکی
گیت ہوں پیار کا ہونٹوں پہ سجا لو مجھ کو
ابھی تو آس کی شمعوں کی لو بجھا ہی دے
وہ جس کے آنے کا امکان تھا نہیں آیا
جہاں سے آیا تھا تو دل کسی کی آس لیے
اداسیوں میں وہیں لوٹ جا نہیں آیا
ہونٹوں کو بھلے جنبش الفاظ گراں ہو
آنکھوں ہی سے کر ڈالیے اظہار اگر ہے
ہم جس کے لیے عمر گنوا بیٹھے ہیں یارو
رکھ لے گا بھرم صاحب کردار اگر ہے
نہیں کہ بعد ترے دوسرا نہیں آیا
جو زیست کو تھا میسر مزہ نہیں آیا
لو کل سے نئی سمت کا کرتے ہیں تعین
اے دوست بچھڑنے کا ہی اصرار اگر ہے
کل اس سے ہمیشہ کو تری جان چھوٹے گی
اک رات کا مہمان ہے بیمار اگر ہے
شکستہ دل تہی دامن بہ چشم تر گیا آخر
صنم مل کر ہمیں پھر آج تنہا کر گیا آخر
رشیدؔ مجھ سے مرے نامہ بر نے ہنس کے کہا
کوئی بھی نامہ ترے نام کا نہیں آیا
بچھڑ گیا ہے تو ایسے پلٹ کے آیا نہیں
وگرنہ راہ میں طوفان کیا نہیں آیا
بک جائیں گے ہم حسن خریدار اگر ہے
نمٹیں گے کوئی برسر پیکار اگر ہے
غریب شہر تھا خاموش رہنے کی سزا پائی
وفا کرنے پہ بھی الزام اس کے سر گیا آخر
بڑھا کر ہاتھ الفت کا سدا کی بیکلی دے دی
تمہاری چاہ کر کے ایک شاعر مر گیا آخر
بس ایک نظر دل کے صحیفے کی طرف دیکھ
پھر شوق سے کر جان تو انکار اگر ہے
وہ جس کی جستجو میں ہم نے اپنی زندگی کھو دی
وہی تو آج حسرتؔ ہم پہ تہمت دھر گیا آخر
فنا کے ہاتھ اپنی زندگی کو چھو نہ سکتے تھے
مگر مالک تری دنیا سے یہ دل بھر گیا آخر
تھکن سے چور تھا اس کا بدن اور آنکھ بوجھل تھی
وہ شب بھر گھر سے باہر تھا پلٹ کر گھر گیا آخر
یہ طے تھا ہم انا کے فیصلے سے منہ نہ موڑیں گے
رہی دستار قائم تن سے لیکن سر گیا آخر
جس نے ناشاد کیا نام تمہارا کیوں ہو
تم پہ الزام مرے دوست گوارا کیوں ہو
شب سسکتے ہوئے گزری ہو بھلا کیوں میری
روتے روتے میں کوئی دن بھی گزارا کیوں ہو
صاف کپڑوں میں مگر دیکھ کے جلتے ہیں امیر
بس میں ان کے ہو مجھے نان کا پارا کیوں ہو
میں اپنی آدھی محبت پہ اب ہوں گریہ کناں
مجھے تو ڈھنگ کوئی میرؔ سا نہیں آیا
بھوک و افلاس کا ہے راج یہاں چاروں طرف
اپنی دھرتی کا ہی گردش میں ستارا کیوں ہو
میں نے جس راہ پہ کھائی ہے شکست اے لوگو
ایسے جادہ سے گزر اپنا دوبارہ کیوں ہو
الٹا ہی دعاؤں کا اثر دیکھ لیا ہے
اب تو مرا آفات نے گھر دیکھ لیا ہے
جو بھی نقصان ہوا مجھ سے ازالہ لینا
سچ تو یہ ہے کہ محبت میں خسارہ کیوں ہو
بالیقیں اور کسی نے ہے اسے اکسایا
پھول کے مجھ سے مرا دوست غبارہ کیوں ہو
مجھ کو تقدیر سے بے وجہ شکایت ہی رہی
کھینچ قسمت نے مجھے فرش پہ مارا کیوں ہو
یہ سچ ہے اپنے بچوں کے لیے تھا ایک ڈھارس
چلا آیا ہے وہ طوفان خود پر ڈھ گیا ہوں
خود اپنے آپ پر تنقید کی ہے آپ میں نے
کہوں کیا آپ اپنی بات ہنس کر سہہ گیا ہوں
مزے لے لے کے پڑھتے ہو کھلا خط ہوں میں کوئی
کیا مشہور اس نے میں یہاں سے تہہ گیا ہوں
وہ ایک جوگی جو ناگن کی کھوج میں آیا
ہوا کچھ ایسا کہ وہ اپنی بین چھوڑ گیا
وہاں سے ہے غلاموں کا کوئی جرار لشکر
مگر اس سمت سے لڑنے کو میں اک شہ گیا ہوں
ہتھیلی میں سمویا اس نے اس کو پیاس بھی تھی
مگر حسرتؔ میں درزوں میں سے پھر بھی بہہ گیا ہوں
عمارت میں جو سطوت ہے ہمارے دم قدم سے ہے
ازل سے ہے غریبوں کا لہو تعمیر میں شامل
مجھے پابند کر لیتی کہاں زنجیر میں دم تھا
تمہاری زلف کی اک لٹ رہی زنجیر میں شامل
عدو سے کوئی شکوہ ہے نہ ہی کوئی شکایت ہے
رضا محبوب کی بھی تھی مری تعزیر میں شامل
نمی آنکھوں کی بھی محسوس کی تحریر میں شامل
کہ کاجل کی دکھے ہے دھار سی تنویر میں شامل
مقدر نے بنایا ہے تماشا بے نوائی کا
جسے خوابوں میں رکھا تھا نہیں تعبیر میں شامل
مجھے آساں نہیں تھا زیر کر لینا جفاؤں سے
کسی لہجے کی تلخی تھی جفا کے تیر میں شامل
سنا کرتے تھے لہجے سے پتہ انساں کا چلتا ہے
غرور زر دکھائی دے گیا تاثیر میں شامل
ویسے تو کوئی شخص بھی عیبوں سے نہیں پاک
منہ بند رکھو پھر بھی اگر دیکھ لیا ہے
بس حاجت احسان نہیں ہے کہ اب ہم نے
جنگل میں بیابان میں گھر دیکھ لیا ہے
گدا کے سر پہ جو ہے تاج وہ ہے انکساری کا
یہ کچھ اشعار ہی تو ہیں جو ہیں جاگیر میں شامل
ہمارے دل کی دھڑکن ان کی دھڑکن سے مزین ہے
ہمارا غم بھی رہتا ہے غم کشمیر میں شامل
کیا چین ملے مجھ کو سکوں کیوں ہو میسر
بے چین اسی چشم کو تر دیکھ لیا ہے
نجانے کون سے لمحے نصیبہ میرا پھوٹا تھا
کبھی تھا شہسواروں میں ابھی نخچیر میں شامل
شکست ایسے نہیں دیتے تھے کافر کو مرے آبا
کوئی جوش شہادت بھی تو تھا شمشیر میں شامل
اب چین کہاں راحت و آرام کہاں کا
جنت میں جو ممنوعہ شجر دیکھ لیا ہے
بچوں پہ لٹا دی تھی پسینے کی کمائی
حسرتؔ جو ملا ان سے ثمر دیکھ لیا ہے
پھر اس کے بعد تو تنہائیوں کے بیچ میں ہیں
کہ غم کی ٹوٹتی انگڑائیوں کے بیچ میں ہیں
یہ شادیانے فقط سر خوشی کا نام نہیں
کسی کی چیخیں بھی شہنائیوں کے بیچ میں ہیں
مرے بابا نے غربت میں بھی راحت کا کیا ساماں
ہمیں سکھ دے کے اکثر خود رہا ہے غم کے دھارے میں
مبرا کیسے کر سکتا ہوں اپنے آپ کو لوگو
یقیناً میرے دل کی تھی رضا تقصیر میں شامل
خود اپنا ہاتھ بس تھامے ہوئے میں رہ گیا ہوں
صدی کا دکھ ہوں جو آنکھوں سے اپنی بہہ گیا ہوں
رشیدؔ ارشاد کی تعمیل میں تو بھیج دیتا ہوں
جو دل کا حال ہے کیسے کروں تصویر میں شامل
پھن سانپ کی مانند اٹھایا ہے جنہوں نے
ایسوں کا تو کچلا ہوا سر دیکھ لیا ہے
وہ اور ہوں گے جنہیں چاند اور تارے ملے
یہاں تو حصے میں ٹوٹا دیا نہیں آیا
کبھی بھی اور کسی کا حق ہڑپ کرنا نہیں ہے
یہی بچوں سے اپنے مرتے مرتے کہہ گیا ہوں
اگرچہ اس سے بڑی مدتوں سے ربط نہیں
دلوں کے بیچ مگر فاصلہ نہیں آیا
جس نے ہر حال میں غربت میں ترا ساتھ دیا
آج امیری میں رشیدؔ اس سے کنارہ کیوں ہو
ہمیں تو خوف سا لاحق ہے ٹوٹ جانے کا
تعلقات جو گہرائیوں کے بیچ میں ہیں
یہ جائیداد یہ مال و متاع و میراثیں
فساد انہی پہ مرے بھائیوں کے بیچ میں ہیں
ہمارا درد بھی اک سوچنے کا زاویہ ایک
عجیب ناتے یہ صحرائیوں کے بیچ میں ہیں
کسی کو اوج ثریا پہ لے چلے تھے مگر
صلہ ملا ہے یہی کھائیوں کے بیچ میں ہیں
پلکوں کی منڈیروں پہ پرندوں کو اڑاؤ
تسلیم کیا تم مجھے سمجھا تو رہے ہو
وفا ہے کیا یہاں مفہوم کس کو سمجھائیں
یہی تو دکھ ہے کہ ہرجائیوں کے بیچ میں ہیں
بیڑی یہ مرے پاؤں میں پہنا تو رہے ہو
پھر عہد خودی توڑ کے تم جا تو رہے ہو
لہجے میں اس کے ترشی بھی ایسی کبھی نہ تھی
دل اس بری طرح مرا ٹوٹا کبھی نہ تھا
بجا یہ بات کہ لازم ہے ضبط حسرتؔ جی
مگر یہ آنکھیں کہ پروائیوں کے بیچ میں ہیں
انسان کبھی رزق سے بھی سیر ہوا ہے
تقدیر میں تھا جتنا لکھا پا تو رہے ہو
یہ دل کا شیشہ تو ٹکڑوں میں بٹ چکا کب کا
ابھی تلک تیری رعنائیوں کے بیچ میں ہیں
جھیلا ہے درد ہنستے ہوئے کھیلتے ہوئے
کیا شخص تھا جو شکوہ سراپا کبھی نہ تھا
جتنے دن کا ساتھ لکھا تھا سات رہے
اب کچھ دن تو آنکھوں میں برسات رہے
راہ وفا میں دشت بھی تھے وحشتیں بھی تھیں
گر کچھ نہ تھا تو زلف کا سایہ کبھی نہ تھا
اندر کی دیوی نے یہ چمکار کہا
نرم ہے دل تو کاہے لہجہ دھات رہے
گھٹنے ہی اس نے ٹیک دئے ہار مان لی
لوگو وہ ایک شخص جو ہارا کبھی نہ تھا
راتیں کٹی ہیں دن بھی گزارے گئے رشیدؔ
دیتا جو دکھ میں ساتھ سہارا کبھی نہ تھا
تم ویسے کے ویسے ہو تو لا یعنی
مانا قربانی بھی کی عرفات رہے
اب نا شکری کرنا اور معاملہ ہے
حاصل ہم کو عشق رہا ثمرات رہے
گو اضطراب کی تو نہ تھی وجہ ظاہری
دل کو مگر قرار کبھی تھا کبھی نہ تھا
ایک بھی دل جو تم تسخیر نہ کر پائے
کیا پایا جو حاصل کائنات رہے
حسرتؔ ان آنکھوں میں چشمے پھوٹ پڑے
جتنا چپ رہ سکتے تھے جذبات رہے
مانا کہ زندگانی میں آئے گئے ہیں لوگ
کوئی بھی اس گلاب نما سا کبھی نہ تھا
ایک اکیلے شخص کا کام نہیں لگتا
شامل اس کے ساتھ کئی جنات رہے
ہم تھے بے چینی کے حلقے اور سکوت
دن میں تھوڑی چھوٹ ملی تو رات رہے
اگرچہ چہرے سے یہ سخت گیر لگتے ہیں
سبھی ہیں دوست صفت برف پوش نگری میں
جو منہ کی کھا کے پلٹتا ہے اور بستی سے
نکالتا ہے وہ سب اپنا جوش نگری میں
تمہارے شہر کے شر شور کا اثر ہی نہیں
کہ چھوڑ آیا ہوں میں چشم و گوش نگری میں
شاہوں کی شہ خرچی کم نہ ہو پائی
ہم جیسوں کے جیسے تھے حالات رہے
جنم لیا ہے جو انساں فروش نگری میں
سکوت چھایا ہوا ہے خموش نگری میں
اس میں بھی کوئی رمز کوئی فلسفہ ہوگا
حسرتؔ جی ابھی جھوم کے تم گا تو رہے ہو
پچھتاوا نہ ہو کل یہ قدم سوچ کے لینا
جذبات میں الفت کی قسم کھا تو رہے ہو
کل ٹھوکروں میں جگ کی کہیں چھوڑ نہ دینا
اک درد زدہ شخص کو اپنا تو رہے ہو
بچھڑا وہ گویا زیست میں آیا کبھی نہ تھا
اس نے مرے مزاج کو سمجھا کبھی نہ تھا
سمجھایا تھا کل کتنا مگر باز نہ آئے
کیا ہوگا ابھی مانا کہ پچھتا تو رہے ہو
پڑی ہے سب کو یہاں اپنا سر چھپانے کی
کوئی تو مجھ سا دکھے سرفروش نگری میں
اب ایک نئے طرز رفاقت پہ عمل ہو
تم بیچ میں لوگوں کے بھی تنہا تو رہے ہو
رہنے بھی ابھی دیجیے اشکوں کا تکلف
جب جانتے ہو دل پہ ستم ڈھا تو رہے ہو
اگا رہے ہیں یہاں فصل ظلمتوں کی جو
سنائی دی ہے نوائے سروش نگری میں
امیر شہر نے صرف نظر پسر سے کیا
غریب شہر کا نکلا ہے دوش نگری میں
حقیر جانتا ہے افتخار مانگتا ہے
وہ زہر بانٹتا ہے اور پیار مانگتا ہے
بہار آئی ہے پیلی خزاں رتوں کے بعد
سو پایا جاتا ہے جوش و خروش نگری میں
حواس جب سے ملے تب سے اضطراب میں ہوں
مرے خدا مرا دل بھی قرار مانگتا ہے
میں اپنے وعدے پہ قرضا چکا نہیں پایا
معافی دل سے ابھی شرمسار مانگتا ہے
بچھا کے رکھتا ہے وہ سب کی راہ میں کانٹے
صلے میں لوگوں سے پھولوں کے ہار مانگتا ہے
رشیدؔ نام کے سنتے ہیں کوئی شاعر ہیں
نہیں ہے ان سا کوئی شبد کوش نگری میں
ابھی تو ہاتھ میں اس کے ہے خاندان کی لاج
گریباں سب کے جو اب تار تار مانگتا ہے
بجا کے طائر چشم حسین ہے مشاق
دل و نظر کا مگر یہ شکار مانگتا ہے
امیر شہر نے چھینا ہے منہ کا لقمہ بھی
پھر اس پہ قہر ابھی اعتبار مانگتا ہے
ابھی یہ اہل سیاست کے بس کا روگ نہیں
ابھی یہ ملک نیا شہسوار مانگتا ہے
گرانی ہونٹوں کی مسکان لے اڑی یارو
بہانہ ڈھونڈ کے لایا ہوں مسکرانے کا
آیا بھی میرے شہر ملے بن بھی جا چکا
جیسا ہوا ہوں آج میں تنہا کبھی نہ تھا
میں دیکھتا ہوں کہ زلفیں تری سنوارتا ہوں
ہے خواب اچھا مگر انتظار مانگتا ہے
بدل گیا ہوں کہ حالات کا تقاضہ تھا
جواز کوئی نہیں پاس تیرے آنے کا
ہے انتظار فقط پھر بہار آنے کا
پتہ لگائے گا صیاد آشیانے کا
بلایا بزم میں پھر آنکھ بھر نہیں دیکھا
ملال کیا مرے مایوس لوٹ جانے کا
ہوا ہوں دور جو اپنوں سے سر پہ بن آئی
بڑا جنون تھا پردیس میں کمانے کا
پڑا ہے اوندھا محبت کا شہسوار تھا جو
بڑا تھا شوق اسے بخت آزمانے کا
رشیدؔ ان پہ مرا نغمہ کارگر ہی نہیں
یہ گیت وہ ہے کہ جو دل کے تار مانگتا ہے
کہا سنا جو کبھی تم معاف کر دینا
خیال دل سے نکالا ہے تم کو پانے کا
مرا جو گاؤں میں فاقوں سے اس کا سوئم ہے
کیا ہے میر نے یہ انتظام کھانے کا
کبھی تو بن کہے بھی بات مان لیتا تھا
رشیدؔ گر اسے آیا ہے اب ستانے کا
مزید شاعری پڑھیے اور دوسرے شعراء کو دریافت کیجیے۔