مکمل شاعری

اے جان رشیدؔ اس کا سبب تم تو نہیں ہو

یہ خاک نشیں جان سے بیزار اگر ہے

ہونٹوں کو بھلے جنبش الفاظ گراں ہو

آنکھوں ہی سے کر ڈالیے اظہار اگر ہے

ہم جس کے لیے عمر گنوا بیٹھے ہیں یارو

رکھ لے گا بھرم صاحب کردار اگر ہے

لو کل سے نئی سمت کا کرتے ہیں تعین

اے دوست بچھڑنے کا ہی اصرار اگر ہے

کل اس سے ہمیشہ کو تری جان چھوٹے گی

اک رات کا مہمان ہے بیمار اگر ہے

بک جائیں گے ہم حسن خریدار اگر ہے

نمٹیں گے کوئی برسر پیکار اگر ہے

بس ایک نظر دل کے صحیفے کی طرف دیکھ

پھر شوق سے کر جان تو انکار اگر ہے

— رشید حسرت