مکمل شاعری

الٹا ہی دعاؤں کا اثر دیکھ لیا ہے

اب تو مرا آفات نے گھر دیکھ لیا ہے

ویسے تو کوئی شخص بھی عیبوں سے نہیں پاک

منہ بند رکھو پھر بھی اگر دیکھ لیا ہے

بس حاجت احسان نہیں ہے کہ اب ہم نے

جنگل میں بیابان میں گھر دیکھ لیا ہے

کیا چین ملے مجھ کو سکوں کیوں ہو میسر

بے چین اسی چشم کو تر دیکھ لیا ہے

اب چین کہاں راحت و آرام کہاں کا

جنت میں جو ممنوعہ شجر دیکھ لیا ہے

بچوں پہ لٹا دی تھی پسینے کی کمائی

حسرتؔ جو ملا ان سے ثمر دیکھ لیا ہے

پھن سانپ کی مانند اٹھایا ہے جنہوں نے

ایسوں کا تو کچلا ہوا سر دیکھ لیا ہے

— رشید حسرت