مکمل شاعری
گرانی ہونٹوں کی مسکان لے اڑی یارو
بہانہ ڈھونڈ کے لایا ہوں مسکرانے کا
بدل گیا ہوں کہ حالات کا تقاضہ تھا
جواز کوئی نہیں پاس تیرے آنے کا
ہے انتظار فقط پھر بہار آنے کا
پتہ لگائے گا صیاد آشیانے کا
بلایا بزم میں پھر آنکھ بھر نہیں دیکھا
ملال کیا مرے مایوس لوٹ جانے کا
ہوا ہوں دور جو اپنوں سے سر پہ بن آئی
بڑا جنون تھا پردیس میں کمانے کا
پڑا ہے اوندھا محبت کا شہسوار تھا جو
بڑا تھا شوق اسے بخت آزمانے کا
کہا سنا جو کبھی تم معاف کر دینا
خیال دل سے نکالا ہے تم کو پانے کا
مرا جو گاؤں میں فاقوں سے اس کا سوئم ہے
کیا ہے میر نے یہ انتظام کھانے کا
کبھی تو بن کہے بھی بات مان لیتا تھا
رشیدؔ گر اسے آیا ہے اب ستانے کا
— رشید حسرت