شاعر کی معلومات لوڈ ہو رہی ہیں...
دل کو تبسم نظر اپنا دکھا گیا کوئی
دامن عقل و ہوش میں آگ لگا گیا کوئی
شاعر کی معلومات لوڈ ہو رہی ہیں...
Jauhar Nizami
1906 – 1997
Jauhar Nizami (1906 – December 27, 1997) was an Indian scholar, poet, and intellectual, best known for his contributions to Islamic literature, Sufism, and Urdu poetry. Born in Bijnor, Uttar Pradesh, India, he was deeply influenced by Sufi mysticism and Islamic teachings. Nizami was renowned for his elegant poetry, which explored themes of divine love, spirituality, and ethical values. He was a prominent figure in the intellectual and religious circles of his time, actively promoting classical Islamic knowledge and Sufi philosophy. His literary works continue to be appreciated for their depth and spiritual insights. Jauhar Nizami passed away on December 27, 1997, leaving behind a lasting legacy in the world of Urdu literature and Islamic thought.
ان کے کلام کے چند منتخب اشعار پڑھیے۔
دل کو تبسم نظر اپنا دکھا گیا کوئی
دامن عقل و ہوش میں آگ لگا گیا کوئی
جوہرؔ غم نصیب کو دے کے پیام التفات
عشق کے اعتبار کو اور بڑھا گیا کوئی
وہ آئے ان کی راہ مگر دیکھتے رہے
محو خیال جانب در دیکھتے رہے
عالم بے خودی میں پھر سجدوں کی دھوم دھام سے
دیر کے ذرے ذرے کو کعبہ بنا گیا کوئی
گردش چشم مست سے دل کو لبھا گیا کوئی
عقل پہ مجھ کو ناز تھا وہ بھی مٹا گیا کوئی
یاس نے کر دیا تھا کچھ دل کے مزاج کو خنک
گرمیٔ التفات سے آگ لگا گیا کوئی
گلشن میں یوں تو عام رہائی کا حکم تھا
تیرے اسیر تجھ کو مگر دیکھتے رہے
رنگینیٔ بہار کا اللہ رے فسوں
ساز دل شکستہ غزل خواں ہے آج کل
پھر نغمہ ریز ابر بہاراں ہے آج کل
پھر چاک دل بقدر گریباں ہے آج کل
اب تک یہ راز حسن نہ معلوم ہو سکا
کیا دیکھتے رہے وہ جدھر دیکھتے رہے
بخشا کسی نے آنکھ کو وہ کیف سرمدی
آئینہ میں خود اپنی نظر دیکھتے رہے
وہ سجدہ جو بہائے دو عالم سے ہے گراں
میری جبین شوق میں غلطاں ہے آج کل
اپنی نظر کے سامنے جلتا رہا چمن
جلتے ہوئے ہم آنکھوں سے گھر دیکھتے رہے
یہ ابر یہ ہوا یہ برستی ہوئی شراب
کافر ہے سخت وہ جو مسلماں ہے آج کل
پہلے بھی عطر بیز نسیم بہار تھی
کس کی شمیم زلف پریشاں ہے آج کل
ژولیدگی نہ پوچھ فضاؤں میں ہم نشیں
خوشبوئے زلف دوست پریشاں ہے آج کل
پھر میں ہوں اور محفل جاناں کی آرزو
پھر مہرباں سیاست درباں ہے آج کل
ساقی نے وا کیا در مے خانۂ حیات
فطرت کی چشم مہر پشیماں ہے آج کل
میں اور دور ساغر و مینا ہے ان دنوں
آنکھیں ہیں اور تصور جاناں ہے آج کل
ہر جلوہ حیات بقدر نشاط و رنگ
منت کش تبسم جاناں ہے آج کل
اے عشق اب احساس سے بیگانہ بنا دے
ورنہ کہیں غم دل کو کھلونا نہ بنا دے
بے خود مجھے اے جلوۂ جانانہ بنا دے
دنیا مری حیرت کو تماشا نہ بنا دے
اے روح درد و شاد یہ تیرا ہی فیض ہے
جوہرؔ جو اس ادا سے غزل خواں ہے آج کل
بد بخت ہوں جاتے ہوئے ڈرتا ہوں چمن میں
قسمت کہیں ہر پھول کو کانٹا نہ بنا دے
جس بزم میں پہنچوں میں بنوں بزم کا حاصل
اتنا تو تری چشم کریمانہ بنا دے
محفل مری آنکھوں میں تجھے ڈھونڈ رہی ہے
تو مجھ کو کہیں انجمن آرا نہ بنا دے
آیا ہوں میں بھٹکا ہوا صحرائے جنوں سے
اے عقل کہیں تو بھی نہ دیوانہ بنا دے
ہر گام پہ کچھ پھول چنے جاتے ہو جوہرؔ
یہ شوق کہیں باغ کو صحرا نہ بنا دے
جوہرؔ پہ ستم ترک محبت کی ہے تمہید
یہ جور تمہیں اور بھی پیارا نہ بنا دے
بھاتی نہیں ہے دل کو کسی ساز کی صدا
نغموں کا ہر نفس میں وہ طوفاں ہے آج کل
رات بھر شبنم ہی کیا روتی رہی گلزار میں
رو دئے ہم بھی گلوں کا چاک داماں دیکھ کر
کون تم کو روکتا ہے ہاں مگر کہتا یہ ہوں
دل میں نشتر دو ہجوم داغ ارماں دیکھ کر
بڑھ گئی وحشت بہار فتنہ ساماں دیکھ کر
ہنس رہا ہوں خود بخود چاک گریباں دیکھ کر
دو تم اتنا غم کہ آسانی سے جتنا اٹھ سکے
آزماؤ طاقت بیمار ہجراں دیکھ کر
مست ہوں اپنے حال میں دست کرم ادھر نہ کر
ہوں تو گدا ضرور میں تجھ سے سوال کچھ نہیں
کیا کہوں چھٹکے ہوئے بالوں نے کیا ڈھایا غضب
دل پریشاں ہو گیا زلف پریشاں دیکھ کر
رنج نہیں الم نہیں سن مرا حال کچھ نہیں
تو نے جو آنکھیں پھیر لیں اس کا ملال کچھ نہیں
تیری نگاہ ناز نے وہ سبق خودی دیا
اپنے سوا کسی سے بھی اب تو ملال کچھ نہیں
شکوہ ہے بخت کا مجھے تجھ سے شکایتیں نہیں
جس سے ملال چاہئے اس سے ملال کچھ نہیں
ذوق نمود شوق کا اللہ رے ارتقا
تیری نظر میں میری تپش جلوہ گر ہے آج
کچھ اس ادا سے بزم میں وہ جلوہ گر ہے آج
عالم یہ ہے کہ دل ہی رقیب نظر ہے آج
اللہ رے حسن یار کی یہ سحر کاریاں
ہر شے مری نظر میں فریب نظر ہے آج
حسن بہار ناوک مژگاں کے میں نثار
کیسا ہرا بھرا مرا زخم جگر ہے آج
پاس حجاب حسن ہمیشہ رہا مجھے
دل کے خموش ساز سے آواز دی گئی
کیوں کر رہے ہو جلوہ گہ عام کی تلاش
منظور کیا اہانت اہل نظر ہے آج
نغموں کو سن کے بھی مرے آنسو ٹپک پڑے
مجھ سے مری تمام خوشی چھین لی گئی
کیوں التجائے شوق سر بزم کی گئی
سننا تو درکنار یہاں بات بھی گئی
میں وہ کہ تم پہ کر دی فدا دل کی کائنات
تم وہ کہ ایک لمحہ تسلی نہ دی گئی
میں سجدہ کر رہا ہوں خود اپنے ہی عکس کو
کیا ان کے ساتھ میں مری تصویر لی گئی
کچھ کہہ رہا تھا داور محشر کے سامنے
دزدیدہ اک نظر مرے ہونٹوں کو سی گئی
آپ آئے بہر پرسش احوال شکریہ
کیوں غم نصیب کے لیے تکلیف کی گئی
اب حیات رنگ و بو کا حوصلہ جاتا رہا
دل گیا کیا نغمۂ ساز وفا جاتا رہا
پھر جھکی تیرے تصور میں جبین بندگی
پھر خیال عقدۂ روز جزا جاتا رہا
جوہرؔ ازل کے روز جو بٹنے لگے نقیب
اک بے وفا سے میری محبت لکھی گئی
اس قدر بھٹکا حیات نوع انساں کا یقیں
کارواں کو اعتماد رہنما جاتا رہا
زندگی تھی مضمحل اور موج طوفاں کا شباب
اس کشاکش میں خیال ناخدا جاتا رہا
کیوں التجائے شوق سر بزم کی گئی
سننا تو درکنار یہاں بات بھی گئی
میں سجدہ کر رہا ہوں خود اپنے ہی عکس کو
کیا ان کے ساتھ میں مری تصویر لی گئی
پاس حجاب حسن ہمیشہ رہا مجھے
دل کے خموش ساز سے آواز دی گئی
میں وہ کہ تم پہ کر دی فدا دل کی کائنات
تم وہ کہ ایک لمحہ تسلی نہ دی گئی
آپ آئے بہر پرسش احوال شکریہ
کیوں غم نصیب کے لئے تکلیف کی گئی
کچھ کہہ رہا تھا داور محشر کے سامنے
دزدیدہ اک نظر مرے ہونٹوں کو سی گئی
جوہرؔ ازل کے روز جو بٹنے لگے نصیب
اک بے وفا سے میری محبت لکھی گئی
نغموں کو سن کے بھی مرے آنسو ٹپک پڑے
مجھ سے مری تمام خوشی چھین لی گئی
مزید شاعری پڑھیے اور دوسرے شعراء کو دریافت کیجیے۔