مکمل شاعری
رات بھر شبنم ہی کیا روتی رہی گلزار میں
رو دئے ہم بھی گلوں کا چاک داماں دیکھ کر
کون تم کو روکتا ہے ہاں مگر کہتا یہ ہوں
دل میں نشتر دو ہجوم داغ ارماں دیکھ کر
بڑھ گئی وحشت بہار فتنہ ساماں دیکھ کر
ہنس رہا ہوں خود بخود چاک گریباں دیکھ کر
دو تم اتنا غم کہ آسانی سے جتنا اٹھ سکے
آزماؤ طاقت بیمار ہجراں دیکھ کر
کیا کہوں چھٹکے ہوئے بالوں نے کیا ڈھایا غضب
دل پریشاں ہو گیا زلف پریشاں دیکھ کر
— جوہر نظامی