شاعر کی معلومات لوڈ ہو رہی ہیں...
ذرا دیر آشنا چشم کرم ہے
ستم ہی عشق میں پیہم نہ ہوں گے
شاعر کی معلومات لوڈ ہو رہی ہیں...
Hafeez Hoshiarpuri
1912 – 1973
Hafeez Hoshyarpuri was a renowned Pakistani Urdu poet, lyricist, and intellectual. He was born in 1900 in Hoshyarpur, Punjab, British India (now in Pakistan). Hafeez Hoshyarpuri is best known for his soulful poetry and thought-provoking ghazals, which often centered on themes of love, beauty, and human emotions. He was a prominent figure in the classical Urdu poetry world and became particularly famous for his ghazals, many of which were later adapted into popular songs in Bollywood. Hafeez Hoshyarpuri's work was deeply influential in the evolution of Urdu poetry, and he earned the respect of both his contemporaries and later generations of poets. Hafeez passed away in 1982, but his contributions to Urdu literature and poetry continue to be celebrated to this day. His work remains timeless, resonating with lovers of Urdu literature worldwide.
ان کے کلام کے چند منتخب اشعار پڑھیے۔
ذرا دیر آشنا چشم کرم ہے
ستم ہی عشق میں پیہم نہ ہوں گے
میں اکثر سوچتا ہوں پھول کب تک
شریک گریۂ شبنم نہ ہوں گے
محبت کرنے والے کم نہ ہوں گے
تری محفل میں لیکن ہم نہ ہوں گے
زمانے بھر کے غم یا اک ترا غم
یہ غم ہوگا تو کتنے غم نہ ہوں گے
ہر قدم پر ہم سمجھتے تھے کہ منزل آ گئی
ہر قدم پر اک نئی درپیش مشکل آ گئی
دلوں کی الجھنیں بڑھتی رہیں گی
اگر کچھ مشورے باہم نہ ہوں گے
ٹوٹتے جاتے ہیں رشتے جوڑتا جاتا ہوں میں
ایک مشکل کم ہوئی اور ایک مشکل آ گئی
تلاش دوست کو اک عمر چاہئے اے دوست
کہ ایک عمر ترا انتظار ہم نے کیا
حال دل ہے کوئی خواب آور فسانہ تو نہیں
نیند ابھی سے تم کو اے یاران محفل آ گئی
حیرت عشق مری حسن کا آئینہ ہے
دیکھنے والے کہاں سے ہیں کہاں تک پہنچے
تری منزل پہ پہنچنا کوئی آسان نہ تھا
سرحد عقل سے گزرے تو یہاں تک پہنچے
ابتدا میں جنہیں ہم ننگ وفا سمجھے تھے
ہوتے ہوتے وہ گلے حسن بیاں تک پہنچے
کھل گیا آج نگاہیں ہیں نگاہیں اپنی
جلوے ہی جلوے نظر آئے جہاں تک پہنچے
وہی اس گوشۂ داماں کی حقیقت جانے
جو مرے دیدۂ خوں نابہ فشاں تک پہنچے
راز سر بستہ محبت کے زباں تک پہنچے
بات بڑھ کر یہ خدا جانے کہاں تک پہنچے
آہ وہ حرف تمنا کہ نہ لب تک آئے
ہائے وہ بات کہ اک اک کی زباں تک پہنچے
اگر تو اتفاقاً مل بھی جائے
تری فرقت کے صدمے کم نہ ہوں گے
خلش انگیز تھا کیا کیا تری مژگاں کا خیال
ٹوٹ کر دل میں یہ نشتر رگ جاں تک پہنچے
نہ پتہ سنگ نشاں کا نہ خبر رہبر کی
جستجو میں ترے دیوانے یہاں تک پہنچے
آج انہیں کچھ اس طرح جی کھول کر دیکھا کئے
ایک ہی لمحے میں جیسے عمر بھر دیکھا کئے
کس کا دل ہے کہ سنے قصۂ فرقت میرا
کون ہے جو مرے اندوہ نہاں تک پہنچے
نہ غبار رہ منزل ہے نہ آواز جرس
کون مجھ رہرو گم کردۂ نشاں تک پہنچے
یا خلا پر حکمراں یا خاک کے اندر نہاں
زندگی ڈٹ کر عناصر کے مقابل آ گئی
صاف توہین ہے یہ درد محبت کی حفیظؔ
حسن کا راز ہو اور میری زباں تک پہنچے
حفیظؔ ان سے میں جتنا بد گماں ہوں
وہ مجھ سے اس قدر برہم نہ ہوں گے
تیرے خیال میں دل شادماں رہا برسوں
ترے حضور اسے سوگوار ہم نے کیا
یہ تشنگی ہے کے ان سے قریب رہ کر بھی
حفیظؔ یاد انہیں بار بار ہم نے کیا
بڑھ رہا ہے دم بدم صبح حقیقت کا یقیں
ہر نفس پر یہ گماں ہوتا ہے منزل آ گئی
دل اگر بیتاب ہے دل کا مقدر ہے یہی
جس قدر تھی ہم کو توفیق نظر دیکھا کئے
ہمارے دل میں سیل گریہ ہوگا
اگر با دیدۂ پر نم نہ ہوں گے
حسن کو دیکھا ہے میں نے حسن کی خاطر حفیظؔ
ورنہ سب اپنا ہی معیار نظر دیکھا کئے
کیا تصرف ہے ترے حسن کا اللہ اللہ
جلوے آنکھوں سے اتر کر دل و جاں تک پہنچے
ناشناس غم فقط داد ہنر دیتے رہے
ہم متاع غم کو رسوائے ہنر دیکھا کئے
خود فروشانہ ادا تھی میری صورت دیکھنا
اپنے ہی جلوے بہ انداز دگر دیکھا کئے
دیکھنے کا اب یہ عالم ہے کوئی ہو یا نہ ہو
ہم جدھر دیکھا کئے پہروں ادھر دیکھا کئے
نہ پوچھ کیوں مری آنکھوں میں آ گئے آنسو
جو تیرے دل میں ہے اس بات پر نہیں آئے
کہوں بے درد کیوں اہل جہاں کو
وہ میرے حال سے محرم نہ ہوں گے
تمام عمر ترا انتظار ہم نے کیا
اس انتظار میں کس کس سے پیار ہم نے کیا
ابھی ابھی وہ گئے ہیں مگر یہ عالم ہے
بہت دنوں سے وہ جیسے نظر نہیں آئے
عجیب منزل دل کش عدم کی منزل ہے
مسافران عدم لوٹ کر نہیں آئے
کہیں یہ ترک محبت کی ابتدا تو نہیں
وہ مجھ کو یاد کبھی اس قدر نہیں آئے
نہ چھیڑ ان کو خدا کے لئے کہ اہل وفا
بھٹک گئے ہیں تو پھر راہ پر نہیں آئے
وفائے عہد ہے یہ پا شکستگی تو نہیں
ٹھہر گیا کہ مرے ہم سفر نہیں آئے
تختۂ دار ہے کہ تختۂ گل
بوئے خوں گلستاں سے آتی ہے
نوع انساں ہے گوش بر آواز
کیا خبر کس جہاں سے آتی ہے
دل سے آتی ہے بات لب پہ حفیظؔ
بات دل میں کہاں سے آتی ہے
اپنی فریاد بازگشت نہ ہو
اک صدا آسماں سے آتی ہے
وہ ایک جلوۂ صد رنگ اک ہجوم بہار
نہ جانے کون تھا جانے کدھر گیا کوئی
کچھ اس طرح سے نظر سے گزر گیا کوئی
کہ دل کو غم کا سزاوار کر گیا کوئی
عہد وفا ہے اور بھی محکم تیری جدائی کے میں قرباں
تیری جدائی کے میں قرباں عہد وفا ہے اور بھی محکم
ناکامی سی ناکامی ہے محرومی سی محرومی ہے
دل کا منانا سعیٔ مسلسل ان کو بھلانا کوشش پیہم
کچھ بھی ہو پر ان آنکھوں نے اکثر یہ عالم بھی دیکھا
عشق کی دنیا ناز سراپا حسن کی دنیا عجز مجسم
نظر کہ تشنۂ دیدار تھی رہی محروم
نظر اٹھائی تو دل میں اتر گیا کوئی
شہد شکن ہونٹوں کی لرزش عشرت باقی کا گہوارہ
دائرہ امکان تمنا نرم لچکتی بانہوں کے خم
حفیظ کب انہیں دیکھا نہیں بہ رنگ دگر
حفیظؔ کب وہ بہ رنگ دگر نہیں آئے
اپنے اپنے دل کے ہاتھوں دونوں ہی برباد ہوئے ہیں
میں ہوں اور وفا کا رونا وہ ہیں اور جفا کا ماتم
نگاہ شوق کی محرومیوں سے ناواقف
نگاہ شوق پہ الزام دھر گیا کوئی
حسن و عشق جدا ہوتے ہیں جانے کیا طوفان اٹھے گا
حسن کی آنکھیں بھی ہیں پر نم عشق کی آنکھیں بھی ہیں پر نم
نصیب اہل وفا یہ سکون دل تو نہ تھا
ضرور نالۂ دل بے اثر گیا کوئی
اب ان کے حسن میں حسن نظر بھی شامل ہے
کچھ اور میری نظر سے سنور گیا کوئی
کسی کے پاؤں کی آہٹ کہ دل کی دھڑکن تھی
ہزار بار اٹھا سوئے در گیا کوئی
یہ کہہ کے یاد کریں گے حفیظؔ دوست مجھے
وفا کی رسم کو پایندہ کر گیا کوئی
اٹھا پھر آج مرے دل میں رشک کا طوفاں
پھر ان کی راہ سے با چشم تر گیا کوئی
اک عمر سے ہم تم آشنا ہیں
ہم سے مہ و انجم آشنا ہیں
ایسی بھی کیا جلدی پیارے جانے ملیں پھر یا نہ ملیں ہم
کون کہے گا پھر یہ فسانہ بیٹھ بھی جاؤ سن لو کوئی دم
وصل کی شیرینی میں پنہاں ہجر کی تلخی بھی ہے کم کم
تم سے ملنے کی بھی خوشی ہے تم سے جدا ہونے کا بھی غم
میری وفا تو نادانی تھی تم نے مگر یہ کیا ٹھانی تھی
کاش نہ کرتے مجھ سے محبت کاش نہ ہوتا دل کا یہ عالم
دل ڈوبتا جا رہا ہے پیہم
لب ہیں کہ تبسم آشنا ہیں
ان منزلوں کا سراغ کم ہے
جن منزلوں میں گم آشنا ہیں
کچھ چارۂ درد آشنائی
کس سوچ میں گم سم آشنا ہیں
لفظ ابھی ایجاد ہوں گے ہر ضرورت کے لیے
شرح راحت کے لیے غم کی صراحت کے لیے
اب مرا چپ چاپ رہنا امر مجبوری سہی
میں نے کھولی ہی زباں کب تھی شکایت کے لیے
میرے چشم و گوش و لب سے پوچھ لو سب کچھ یہیں
مجھ کو میرے سامنے لاؤ شہادت کے لیے
روشنی سی کبھی کبھی دل میں
منزل بے نشاں سے آتی ہے
سخت کوشی سخت جانی کی طرف لائی مجھے
مجھ کو یہ فرصت غنیمت ہے علالت کے لیے
لوٹ کر نور کی کرن جیسے
سفر لا مکاں سے آتی ہے
پروانے کی خاک پریشاں شمع کی لو بھی لرزاں لرزاں
محفل کی محفل ہے ویراں کون کرے اب کس کا ماتم
اس دور میں تشنہ کام ساقی
ہم جیسے کئی خم آشنا ہیں
آکسیجن سے شبستان عناصر تابناک
مضطرب ہر ذی نفس اس کی رفاقت کے لیے
دل ستم زدہ کو جیسے کچھ ہوا ہی نہیں
خود اپنے حسن سے یوں بے خبر گیا کوئی
مر گئے کچھ لوگ جینے کا مداوا سوچ کر
اور کچھ جیتے رہے جینے کی عادت کے لیے
آہ مرگ آدمی پر آدمی روئے بہت
کوئی بھی رویا نہ مرگ آدمیت کے لیے
کوئی موقع زندگی کا آخری موقع نہیں
اس قدر تعجیل کیوں رفع کدورت کے لیے
استقامت اے مرے دیر آشنائے غم گسار
ایک آنسو ہے بہت حسن ندامت کے لیے
کوئی ناصرؔ کی غزل کوئی ظفر کی مے ترنگ
چاہیے کچھ تو مری شام عیادت کے لیے
گلشن آباد جہاں میں صورت شبنم حفیظؔ
ہم اگر روئے بھی تو رونے کی فرصت کے لیے
کہاں کہاں نہ تصور نے دام پھیلائے
حدود شام و سحر سے نکل کے دیکھ آئے
نہیں پیام رہ نامہ و پیام تو ہے
ابھی صبا سے کہو ان کے دل کو بہلائے
خدا وہ دن نہ دکھائے کہ راہبر یہ کہے
چلے تھے جانے کہاں سے کہاں نکل آئے
غرور جادہ شناسی بجا سہی لیکن
سراغ منزل مقصود بھی کوئی پائے
گزر گیا کوئی درماندہ راہ یہ کہتا
اب اس فضا میں کوئی قافلے نہ ٹھہرائے
نہ جانے ان کے مقدر میں کیوں ہے تیرہ شبی
وہ ہم نوا جو سحر کو قریب تر لائے
کوئی فریب نظر ہے کہ تابناک فضا
کسے خبر کہ یہاں کتنے چاند گہنائے
غم زمانہ تری ظلمتیں ہی کیا کم تھیں
کہ بڑھ چلے ہیں اب ان گیسوؤں کے بھی سائے
بہت بلند ہے اس سے مرا مقام غزل
اگرچہ میں نے محبت کے گیت بھی گائے
حفیظؔ اپنا مقدر حفیظؔ اپنا نصیب
گرے تھے پھول مگر ہم نے زخم ہی کھائے
ہر نقش ہے آئینۂ نیرنگ تماشا
دنیا ہے کہ حاصل مری حیراں نظری کا
بے واسطۂ عشق بھی رنگ رخ پرویز
عنوان ہے فرہاد کی خونیں جگری کا
کب ملتی ہے یہ دولت بیدار کسی کو
اور میں ہوں کہ رونا ہے اسی دیدہ وری کا
آخر ترے در پہ مجھے لے آئی محبت
دیکھا نہ گیا حال مری در بدری کا
لمحات انتظار کی رفتار دیکھنا
وہ بار بار سایۂ دیوار دیکھنا
توفیق رفاقت نہیں ان کو سر منزل
رستے میں جنہیں پاس رہا ہم سفری کا
بے چارگئ حسرت دیدار دیکھنا
مشکل نہ دیکھنا ہے تو دشوار دیکھنا
راہبر تم کو بنایا ہمیں معلوم نہ تھا
راہرو راہ بھٹک جاتے ہیں رہبر بن کے
اب خانقہ و مدرسہ و مے کدہ ہیں ایک
اک سلسلہ ہے قافلۂ بے خبری کا
یوں دیکھنا کہ ٹوٹے نہ رشتہ نگاہ کا
اک بار دیکھنے میں وہ سو بار دیکھنا
یا صبح ہی سے شام کا پر کیف انتظار
یا شام ہی سے صبح کے آثار دیکھنا
موت کی نیند کے ماتوں پہ نہ کیوں رشک آئے
جاگنا ہے انہیں ہنگامۂ محشر بن کے
دل میں ہو فقط تم ہی تم آنکھوں پہ نہ جاؤ
آنکھوں کو تو ہے روگ پریشاں نظری کا
کیا دل فریب ہے ترے خواب گراں کا حسن
تجھ سے نہاں ترے لب و رخسار دیکھنا
اب فرش سے تا عرش زبوں حال ہے فطرت
اک معرکہ در پیش ہے عزم بشری کا
درد فراق کی سحر اولیں حفیظؔ
اٹھتے ہی جانب در و دیوار دیکھنا
اب کوئی آرزو نہیں ذوق پیام کے سوا
اب کوئی جستجو نہیں شوق سلام کے سوا
خواہش آرزو سہی حاصل زندگی مگر
حاصل آرزو ہے کیا سوز مدام کے سوا
نرگس پہ تو الزام لگا بے بصری کا
ارباب گلستاں پہ نہیں کم نظری کا
تیری نگاہ مست سے مجھ پہ یہ راز کھل گیا
اور بھی گردشیں ہیں کچھ گردش جام کے سوا
رنگ بہار پر نہ بھول بوئے چمن سے در گذر
یہ بھی ہیں خوش نما فریب دانہ و دام کے سوا
عشق کی منزل اول پہ ٹھہرنے والو
اس سے آگے بھی کئی دشت و بیاباں ہوں گے
تو جہاں جائے گی غارت گر ہستی بن کر
ہم بھی اب ساتھ ترے گردش دوراں ہوں گے
تیرے جلووں سے جو محروم رہے ہیں اب تک
وہی آخر ترے جلووں کے نگہباں ہوں گے
کس قدر سخت ہے یہ ترک و طلب کی منزل
اب کبھی ان سے ملے بھی تو پشیماں ہوں گے
کوئی شریک غم نہیں اب تری یاد کے بغیر
کوئی انیس دل نہیں اب ترے نام کے سوا
بے پیرویٔ میرؔ حفیظؔ اپنی روش ہے
ہم پر کوئی الزام نہیں کم ہنری کا
آہ کوئی نہ کر سکا چارۂ تلخئ فراق
نالۂ صبح کے بغیر گریۂ شام کے سوا
اب تو مجبور ہیں پر حشر کا دن آنے دے
تجھ سے انصاف طلب روئے گریزاں ہوں گے
آہ یہ عقدۂ غم بزم طرب میں بھی حفیظؔ
بارہا آنکھ چھلک جاتی ہے ساغر بن کے
پھر سے آرائش ہستی کے جو ساماں ہوں گے
تیرے جلووں ہی سے آباد شبستاں ہوں گے
اب کوئی آرزو نہیں ذوق پیام کے سوا
اب کوئی جستجو نہیں شوق سلام کے سوا
کوئی بھی غم ہو غم دل کہ غم دہر حفیظؔ
ہم بہ ہر حال بہ ہر رنگ غزل خواں ہوں گے
مر کے حیات جاوداں عشق کو مل گئی حفیظؔ
جی کے ہوس کو کیا ملا مرگ دوام کے سوا
کوئی شریک غم نہیں اب تیری یاد کے سوا
کوئی انیس دل نہیں اب تیرے نام کے سوا
کاہش آرزو سہی حاصل زندگی مگر
حاصل آرزو ہے کیا سوز مدام کے سوا
جب کبھی ہم نے کیا عشق پشیمان ہوئے
زندگی ہے تو ابھی اور پشیماں ہوں گے
تیری نگاہ مست سے مجھ پہ یہ راز کھل گیا
اور بھی گردشیں ہیں کچھ گردش جام کے سوا
اس زیاں خانے میں اک قطرے پہ کیا کیا گزری
کبھی آنسو کبھی شبنم کبھی گوہر بن کے
رنگ بہار پر نہ پھول بوئے چمن سے درگزر
یہ بھی ہیں خوش نما فریب دانہ و دام کے سوا
آہ کوئی نہ کر سکا چارۂ تلخئ فراق
نالۂ صبح کے بغیر گریۂ شام کے سوا
وہی میں ہوں وہی ہے تیرے غم کی کار فرمائی
کبھی تنہائی میں محفل کبھی محفل میں تنہائی
مر کے حیات جاوداں عشق کو مل گئی حفیظؔ
جی کے ہوش کو کیا ملا مرگ دوام کے سوا
من و تو کا حجاب اٹھنے نہ دے اے جان یکتائی
کہیں ایسا نہ ہو بن جاؤں خود اپنا تمنائی
خلش انگیز ہے وہ عالم جذب و گریز اب تک
تری اچھی بری ہر بات یوں تو مجھ کو یاد آئی
گر اس کا سلسلہ بھی عمر جاوداں سے ملے
کسی کو خاک سکوں مرگ ناگہاں سے ملے
قصور ظرف سمجھوں یا شعور لذت اندوزی
ترے لطف و کرم میں تشنگی ہی تشنگی پائی
نہ چھوڑا دامن ہوش و خرد دل نے محبت میں
سزائے دل حصار آگہی کی قید تنہائی
کوئی زمیں سے بھی پہنچائے آسماں کو پیام
پیام اہل زمیں کو تو آسماں سے ملے
خود اپنی گم شدگی سے جنہیں شکایت ہے
تو ہی بتا انہیں تیرا نشاں کہاں سے ملے
سراغ عمر گزشتہ ملے کہیں سے حفیظؔ
سراغ عمر گزشتہ مگر کہاں سے ملے
یاد پھر آ گئیں بھولی ہوئی باتیں کیا کیا
پھر ملاقات ہوئی ایسے مقدر بن کے
وہ نہیں موت سہی موت نہیں نیند سہی
کوئی آ جائے شب غم کا مقدر بن کے
غم آفاق ہے رسوا غم دلبر بن کے
تہمت عشق لگی ہم پہ سخن ور بن کے
مزید شاعری پڑھیے اور دوسرے شعراء کو دریافت کیجیے۔