تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجاپنے معیار تک نہ پہنچا میں
مجھ کو خود پر بڑا بھروسہ تھا
کیا ہمارا نہیں رہا ساون
زلف یاں بھی کوئی گھٹا بھیجو
تھا رن بھی زندگی کا عجب طرفہ ماجرا
یعنی اٹھے تو پاؤں مگر جونؔ سر گئے
خون تھوکے گی زندگی کب تک
یاد آئے گی اب تری کب تک
جس میں تھا سوز آرزو اس کا
شب غم وہ ہوا چلی کب تک
ہو کبھی تو شراب وصل نصیب
پیے جاؤں میں خون ہی کب تک
جان لیوا تھیں خواہشیں ورنہ
وصل سے انتظار اچھا تھا
بنی آدم کی زندگی ہے عذاب
یہ خدا کو رلائے گی کب تک
دل نے جو عمر بھر کمائی ہے
وہ دکھن دل سے جائے گی کب تک
ایک سایہ مرا مسیحا تھا
کون جانے وہ کون تھا کیا تھا
بات تو دل شکن ہے پر یارو
عقل سچی تھی عشق جھوٹا تھا
اے فقیرو گلی کے اس گل کی
تم ہمیں اپنی خاک پا بھیجو
نئی کلیاں جو اب کھلی ہیں وہاں
ان کی خوشبو کو اک ذرا بھیجو
ہم نے بھی زندگی کو تماشا بنا دیا
اس سے گزر گئے کبھی خود سے گزر گئے
شفق شام ہجر کے ہاتھوں
اپنی اتری ہوئی قبا بھیجو
اب کون زخم و زہر سے رکھے گا سلسلہ
جینے کی اب ہوس ہے ہمیں ہم تو مر گئے
اپنی منزل کا راستہ بھیجو
جان ہم کو وہاں بلا بھیجو
جانے والوں سے پوچھنا یہ صبا
رہے آباد دل گلی کب تک
اے کوئے یار تیرے زمانے گزر گئے
جو اپنے گھر سے آئے تھے وہ اپنے گھر گئے
ہے جہنم جو یاد اب اس کی
وہ بہشت وجود تھی کب تک