مکمل شاعری

دھول اڑتی ہے جو اس آنگن میں

اس کو بھیجو صبا صبا بھیجو

کچھ تو رشتہ ہے تم سے کم بختوں

کچھ نہیں کوئی بد دعا بھیجو

کیا ہمارا نہیں رہا ساون

زلف یاں بھی کوئی گھٹا بھیجو

اے فقیرو گلی کے اس گل کی

تم ہمیں اپنی خاک پا بھیجو

نئی کلیاں جو اب کھلی ہیں وہاں

ان کی خوشبو کو اک ذرا بھیجو

شفق شام ہجر کے ہاتھوں

اپنی اتری ہوئی قبا بھیجو

اپنی منزل کا راستہ بھیجو

جان ہم کو وہاں بلا بھیجو

ہم نہ جیتے ہیں اور نہ مرتے ہیں

درد بھیجو نہ تم دوا بھیجو

— سید حسین جون اصغر