مکمل شاعری
تجھ کو بھولا نہیں وہ شخص کہ جو
تیری بانہوں میں بھی اکیلا تھا
وہ فقط صحن تک ہی آتی تھی
میں بھی حجرے سے کم نکلتا تھا
جسم کی صاف گوئی کے با وصف
روح نے کتنا جھوٹ بولا تھا
اپنے معیار تک نہ پہنچا میں
مجھ کو خود پر بڑا بھروسہ تھا
جان لیوا تھیں خواہشیں ورنہ
وصل سے انتظار اچھا تھا
ایک سایہ مرا مسیحا تھا
کون جانے وہ کون تھا کیا تھا
بات تو دل شکن ہے پر یارو
عقل سچی تھی عشق جھوٹا تھا
— سید حسین جون اصغر