تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجیقیں معذور ہے اب اور گماں بھی
بڑی بے روزگاری ہو گئی ہے
بہت ہی خوش ہے دل اپنے کیے پر
زمانے بھر میں خواری ہو گئی ہے
دل اب دنیا پہ لعنت کر کہ اس کی
بہت خدمت گزاری ہو گئی ہے
مرے پاس آ کے خنجر بھونک دے تو
بہت نیزہ گزاری ہو گئی ہے
وہ اک باد شمالی رنگ جو تھی
شمیم اس کی سواری ہو گئی ہے
دل کا تھا ایک مدعا جس نے تباہ کر دیا
دل میں تھی ایک ہی تو بات وہ جو فقط سہی گئی
بات کوئی امید کی مجھ سے نہیں کہی گئی
سو مرے خواب بھی گئے سو میری نیند بھی گئی
جانئے کیا تلاش تھی جونؔ مرے وجود میں
جس کو میں ڈھونڈھتا گیا جو مجھے ڈھونڈھتی گئی
ایک خوشی کا حال ہے خوش سخناں کے درمیاں
عزت شائقین غم تھی جو رہی سہی گئی
اس کے جمال کا تھا دن میرا وجود اور پھر
صبح سے دھوپ بھی گئی رات سے چاندنی گئی
بود و نبود کی تمیز ایک عذاب تھی کہ تھی
یعنی تمام زندگی دھند میں ڈوبتی گئی
جب میں تھا شہر ذات کا تھا مرا ہر نفس عذاب
پھر میں وہاں کا تھا جہاں حالت ذات بھی گئی
گرد فشاں ہوں دشت میں سینہ زناں ہوں شہر میں
تھی جو صبائے سمت دل جانے کہاں چلی گئی
تم نے بہت شراب پی اس کا سبھی کو دکھ ہے جونؔ
اور جو دکھ ہے وہ یہ ہے تم کو شراب پی گئی
تجھ کو بھولا نہیں وہ شخص کہ جو
تیری بانہوں میں بھی اکیلا تھا
وہ فقط صحن تک ہی آتی تھی
میں بھی حجرے سے کم نکلتا تھا
دھول اڑتی ہے جو اس آنگن میں
اس کو بھیجو صبا صبا بھیجو
کچھ تو رشتہ ہے تم سے کم بختوں
کچھ نہیں کوئی بد دعا بھیجو
جسم کی صاف گوئی کے با وصف
روح نے کتنا جھوٹ بولا تھا
اب کیا کہوں کہ سارا محلہ ہے شرمسار
میں ہوں عذاب میں کہ مرے زخم بھر گئے