تمام اردو شاعری
شاعری لوڈ ہو رہی ہے...
شاعری لوڈ ہو رہی ہے...
اپنے پسندیدہ اشعار پڑھیے اور اردو ادب کی خوبصورتی سے لطف اٹھائیے۔
← ہوم پیجدرد مندان کوۓ دل داری
گئے غارت جہاں تہاں جاناں
کہیں چھپ جاؤ تہ خانوں میں جا کر
شب فتنہ ہے اپنے گھر نہ رہیو
میں ہواؤں سے کیسے پیش آؤں
یہی موسم ہے کیا وہاں جاناں
روشنی بھر گئی نگاہوں میں
ہو گئے خواب بے اماں جاناں
لمحے لمحے کی نارسائی ہے
زندگی حالت جدائی ہے
مرد میداں ہوں اپنی ذات کا میں
میں نے سب سے شکست کھائی ہے
پاس حیات کا خیال ہم کو بہت برا لگا
پس بہ ہجوم معرکہ جان کے بے سپر گئے
میں تو صفوں کے درمیاں کب سے پڑا ہوں نیم جاں
میرے تمام جاں نثار میرے لیے تو مر گئے
جو زندگی بچی ہے اسے مت گنوائیے
بہتر یہ ہے کہ آپ مجھے بھول جائیے
اب بھی جھیلوں میں عکس پڑتے ہیں
اب بھی نیلا ہے آسماں جاناں
ہر آن اک جدائی ہے خود اپنے آپ سے
ہر آن کا ہے زخم جو ہر آن کھائیے
تھوکا ہے میں نے خون ہمیشہ مذاق میں
میرا مذاق آپ ہمیشہ اڑائیے
تھی مشورت کی ہم کو بسانا ہے گھر نیا
دل نے کہا کہ میرے در و بام ڈھائیے
شام ہے کتنی بے تپاک شہر ہے کتنا سہم ناک
ہم نفسو! کہاں ہو تم جانے یہ سب کدھر گئے!
ہرگز مرے حضور کبھی آئیے نہ آپ
اور آئیے اگر تو خدا بن کے آئیے
اک طور دہ صدی تھا جو بے طور ہو گیا
اب جنتری بجائیے تاریخ گائیے
اب کوئی بھی نہیں ہے کوئی دل محلے میں
کس کس گلی میں جائیے اور گل مچائیے
شاعر ہے آپ یعنی کہ سستے لطیف گو
رشتوں کو دل سے روئیے سب کو ہنسائیے
اک لال قلعہ تھا جو میاں زرد پڑ گیا
اب رنگ ریز کون سے کس جا سے لائیے
اب کیا فریب دیجیے اور کس کو دیجیے
اب کیا فریب کھائیے اور کس سے کھائیے