مکمل شاعری

رائیگاں وصل میں بھی وقت ہوا

پر ہوا خوب رائیگاں جاناں

ہم کہاں اور تم کہاں جاناں

ہیں کئی ہجر درمیاں جاناں

عالم بیکران رنگ ہے تو

تجھ میں ٹھہروں کہاں کہاں جاناں

میرے اندر ہی تو کہیں گم ہے

کس سے پوچھوں ترا نشاں جاناں

درد مندان کوۓ دل داری

گئے غارت جہاں تہاں جاناں

میں ہواؤں سے کیسے پیش آؤں

یہی موسم ہے کیا وہاں جاناں

روشنی بھر گئی نگاہوں میں

ہو گئے خواب بے اماں جاناں

اب بھی جھیلوں میں عکس پڑتے ہیں

اب بھی نیلا ہے آسماں جاناں

ہے جو پرخوں تمہارا عکس خیال

زخم آئے کہاں کہاں جاناں

— سید حسین جون اصغر