شاعر کی معلومات لوڈ ہو رہی ہیں...
زندگی موت کے پہلو میں بھلی لگتی ہے
گھاس اس قبر پہ کچھ اور ہری لگتی ہے
شاعر کی معلومات لوڈ ہو رہی ہیں...
Salim Ahmed
1927 – 1983
His name was Saleem Ahmad, and his pen name was Saleem. He was born on December 1, 1927, in a town called Khewali near Barabanki. He met Hassan Askari in Meerut, and he was deeply influenced by his ideas. In November 1947, he moved to Pakistan. He served as an advisor to the Ministry of Information in the federal government, working for radio and television. He wrote numerous radio and television plays that became very popular. He also wrote film stories, dialogues, and screenplays. Besides being a poet and playwright, he was also a good critic. He was a multifaceted personality. Saleem Ahmad passed away on September 1, 1983, in Karachi. His works include: Akai, Chiragh-e-Naim Shab, Mashriq, Adabi Aqdar, Beyaz, Adhoori Jadeediat, Iqbal Ek Shair, Mohammad Hassan Askari: Aadmi ya Insaan, Ghalib Kaun, Islamic Nizam: Masail aur Tajziye. Source: Paimana-e-Ghazal (Volume 2), Muhammad Shams-ul-Haq
ان کے کلام کے چند منتخب اشعار پڑھیے۔
زندگی موت کے پہلو میں بھلی لگتی ہے
گھاس اس قبر پہ کچھ اور ہری لگتی ہے
سچ تو کہہ دوں مگر اس دور کے انسانوں کو
بات جو دل سے نکلتی ہے بری لگتی ہے
روز کاغذ پہ بناتا ہوں میں قدموں کے نقوش
کوئی چلتا نہیں اور ہم سفری لگتی ہے
آنکھ مانوس تماشا نہیں ہونے پاتی
کیسی صورت ہے کہ ہر روز نئی لگتی ہے
گھاس میں جذب ہوئے ہوں گے زمیں کے آنسو
پاؤں رکھتا ہوں تو ہلکی سی نمی لگتی ہے
میرے شیشے میں اتر آئی ہے جو شام فراق
وہ کسی شہر نگاراں کی پری لگتی ہے
دل کے اندر درد آنکھوں میں نمی بن جائیے
اس طرح ملیے کہ جزو زندگی بن جائیے
شور طفلاں بھی نہیں ہے نہ رقیبوں کا ہجوم
لوٹ آؤ یہ کوئی اور گلی لگتی ہے
جس طرح دریا بجھا سکتے نہیں صحرا کی پیاس
اپنے اندر ایک ایسی تشنگی بن جائیے
بوند بھر اشک بھی ٹپکا نہ کسی کے غم میں
آج ہر آنکھ کوئی ابر تہی لگتی ہے
جس طرح خالی انگوٹھی کو نگینہ چاہئے
عالم امکاں میں اک ایسی کمی بن جائیے
اک پتنگے نے یہ اپنے رقص آخر میں کہا
روشنی کے ساتھ رہیے روشنی بن جائیے
عقل کل بن کر تو دنیا کی حقیقت دیکھ لی
دل یہ کہتا ہے کہ اب دیوانگی بن جائیے
گھر میں کچھ کم ہے یہ احساس بھی ہوتا ہے سلیمؔ
یہ بھی کھلتا نہیں کس شے کی کمی لگتی ہے
عالم کثرت نہاں ہے اس اکائی میں سلیمؔ
خود میں خود کو جمع کیجے اور کئی بن جائیے
نہ جانے شعر میں کس درد کا حوالہ تھا
کہ جو بھی لفظ تھا وہ دل دکھانے والا تھا
دیوتا بننے کی حسرت میں معلق ہو گئے
اب ذرا نیچے اتریے آدمی بن جائیے
میں آج تک کوئی ویسی غزل نہ لکھ پایا
وہ سانحہ تو بہت دل دکھانے والا تھا
ابھی نہیں ہے مجھے سرد و گرم کی پہچان
یہ میرے ہاتھوں میں انگار تھا کہ ژالہ تھا
مرا خیال تھا یا کھولتا ہوا پانی
مرے خیال نے برسوں مجھے ابالا تھا
افق پہ دیکھنا تھا میں قطار قازوں کی
مرا رفیق کہیں دور جانے والا تھا
مجھے کچھ ایسی آنکھیں چاہئیں اپنے رفیقوں میں
جنہیں بے باک سچے آئنوں سے ڈر نہیں لگتا
یہ کیسے لوگ ہیں صدیوں کی ویرانی میں رہتے ہیں
انہیں کمروں کی بوسیدہ چھتوں سے ڈر نہیں لگتا
مجھے اس کاغذی کشتی پہ اک اندھا بھروسا ہے
کہ طوفاں میں بھی گہرے پانیوں سے ڈر نہیں لگتا
معانی شب تاریک کھل رہے تھے سلیمؔ
جہاں چراغ نہیں تھا وہاں اجالا تھا
مجھے ان آتے جاتے موسموں سے ڈر نہیں لگتا
نئے اور پر اذیت منظروں سے ڈر نہیں لگتا
سمندر چیختا رہتا ہے پس منظر میں اور مجھ کو
اندھیرے میں اکیلے ساحلوں سے ڈر نہیں لگتا
خموشی کے ہیں آنگن اور سناٹے کی دیواریں
یہ کیسے لوگ ہیں جن کو گھروں سے ڈر نہیں لگتا
مرے پیچھے کہاں آئے ہو نا معلوم کی دھن میں
تمہیں کیا ان اندھیرے راستوں سے ڈر نہیں لگتا
نکل گئے ہیں جو بادل برسنے والے تھے
یہ شہر آب کو ترسے گا چشم تر کے بغیر
بڑھ چلا آج بہت حد سے جنون گستاخ
اب کہیں اس سے سر دار نہ سمجھا جائے
اب جو ٹھہری ہے ملاقات تو اس شرط کے ساتھ
شوق کو در خور اظہار نہ سمجھا جائے
کوئی نہیں جو پتا دے دلوں کی حالت کا
کہ سارے شہر کے اخبار ہیں خبر کے بغیر
یہ شہر ذہن سے خالی نمو سے عاری ہے
بلائیں پھرتی ہیں یاں دست و پا و سر کے بغیر
مجھے وہ شدت احساس دے کہ دیکھ سکوں
تجھے قریب سے اور منت نظر کے بغیر
یہ ممکن ہے وہ ان کو موت کی سرحد پہ لے جائیں
پرندوں کو مگر اپنے پروں سے ڈر نہیں لگتا
عشق کو شاد کرے غم کا مقدر بدلے
حسن کو اتنا بھی مختار نہ سمجھا جائے
بن کے دنیا کا تماشا معتبر ہو جائیں گے
سب کو ہنستا دیکھ کر ہم چشم تر ہو جائیں گے
اتنی کاوش بھی نہ کر میری اسیری کے لیے
تو کہیں میرا گرفتار نہ سمجھا جائے
نالہ بلبل کا جو سنتا ہے تو کھل اٹھتا ہے گل
عشق کو مفت کی بیگار نہ سمجھا جائے
میں سر چھپاؤں کہاں سایۂ نظر کے بغیر
کہ تیرے شہر میں رہتا ہوں اور گھر کے بغیر
دل کے لینے سے سلیمؔ اس کو نہیں ہے انکار
لیکن اس طرح کہ اقرار نہ سمجھا جائے
جس کا انکار بھی انکار نہ سمجھا جائے
ہم سے وہ یار طرح دار نہ سمجھا جائے
میں پاؤں توڑ کے بیٹھا رہا کہیں نہ گیا
سلیمؔ منزلیں طے ہو گئیں سفر کے بغیر
آتے جاتے رہرووں کو دیکھتا ہوں اس طرح
راہ چلتے لوگ جیسے ہم سفر ہو جائیں گے
رفتہ رفتہ ان سے اڑ جائے گی یکجائی کی بو
آج جو گھر میں وہ سب دیوار و در ہو جائیں گے
مجھ کو قدروں کے بدلنے سے یہ ہوگا فائدہ
میرے جتنے عیب ہیں سارے ہنر ہو جائیں گے
آدمی خود اپنے اندر کربلا بن جائے گا
سارے جذبے خیر کے نیزوں پہ سر ہو جائیں گے
گرمئ رفتار سے وہ آگ ہے زیر قدم
میرے نقش پا چراغ رہ گزر ہو جائیں گے
کیسے قصے تھے کہ چھڑ جائیں تو اڑ جاتی تھی نیند
کیا خبر تھی وہ بھی حرف مختصر ہو جائیں گے
کیا کہیں ایسے تقاضے ہیں محبت کے تو ہم
اپنی بیتابی سے ہم رقص شرر ہو جائیں گے
آج اپنے جسم کو تو جس قدر چاہے چھپا
رفتہ رفتہ تیرے کپڑے مختصر ہو جائیں گے
یہ عجب شب ہے انہیں سونے نہ دو ورنہ سلیمؔ
خواب بچوں کے لیے وحشت اثر ہو جائیں گے
ایک ساعت ایسی آئے گی کہ یہ وصل و فراق
میرے رنگ بے دلی سے یک دگر ہو جائیں گے
در بہ در ٹھوکریں کھائیں تو یہ معلوم ہوا
گھر کسے کہتے ہیں کیا چیز ہے بے گھر ہونا
حال دل کون سنائے اسے فرصت کس کو
سب کو اس آنکھ نے باتوں میں لگا رکھا ہے
دل برا تھا کہ بھلا کام وفا کے آیا
یار جانے بھی دے اس بحث میں کیا رکھا ہے
عشق میں جس کے یہ احوال بنا رکھا ہے
اب وہی کہتا ہے اس وضع میں کیا رکھا ہے
کیسا گرداب تھا وہ ترک تعلق تیرا
کام آیا نہ مرے میرا شناور ہونا
حسن چاہے جسے ہنس بول کے اپنا کر لے
دل نے اپنوں کو بھی بیگانہ بنا رکھا ہے
دل جو اس بزم میں آتا ہے تو جاتا ہی نہیں
ایک دن دیکھنا دیوانہ ہوا رکھا ہے
حال مت پوچھ محبت کا ہوا ہے کچھ اور
لا کے کس نے یہ سر راہ دیا رکھا ہے
دیکھ اے دل نہ کہیں بات یہ اس تک پہنچے
چشم نمناک نے طوفان اٹھا رکھا ہے
بارہا یوں بھی ہوا تیری محبت کی قسم
جان کر ہم نے تجھے خود سے خفا رکھا ہے
دشت و در خیر منائیں کہ ابھی وحشت میں
عشق نے پہلا قدم نام خدا رکھا ہے
تیرے آنے کی خبر پا کے ابھی سے دل نے
شکوہ کو اور کسی دن پہ اٹھا رکھا ہے
انتظام ایسا کہ گھٹتی ہی نہیں رونق بزم
ہم سے کتنے ہیں کہ وعدے پہ لگا رکھا ہے
ہوش تو پہلے ہی کھو آئے تھے اس محفل میں
اب اگر جائیں تو پھر دل بھی گیا رکھا ہے
بیٹھے ہیں سنہری کشتی میں اور سامنے نیلا پانی ہے
وہ ہنستی آنکھیں پوچھتی ہیں یہ کتنا گہرا پانی ہے
ہجر میں رنج بھی کرتے ہیں پہ اتنا بھی سلیم
یار تو نے تو عجب حال بنا رکھا ہے
تم تو دشمن بھی نہیں ہو کہ ضروری ہے سلیمؔ
میرے دشمن کے لیے میرے برابر ہونا
اے صبا آ کہ دکھائیں تجھے وہ گل جس نے
باتوں ہی باتوں میں گلزار کھلا رکھا ہے
میں بھی بن جاؤں گا پھر سحر ہوا سے کشتی
رات آ جائے تو پھر تم بھی سمندر ہونا
بستی کے گھروں کو کیا دیکھے بنیاد کی حرمت کیا جانے
سیلاب کا شکوہ کون کرے سیلاب تو اندھا پانی ہے
کاخ و کوئے اہل دولت کی بنا ہے ریت پر
اک دھماکے سے یہ سب زیر و زبر ہو جائیں گے
بیتاب ہوا کے جھونکوں کی فریاد سنے تو کون سنے
موجوں پہ تڑپتی کشتی ہے اور گونگا بہرا پانی ہے
وہاں دیوار اٹھا دی مرے معماروں نے
گھر کے نقشے میں مقرر تھا جہاں در ہونا
باغ میں یہ نئی سازش ہے کہ ثابت ہو جائے
برگ گل کا خس و خاشاک سے کم تر ہونا
لے چلے ہو مجھے اس بزم میں یارو لیکن
کچھ مرا حال بھی پہلے سے سنا رکھا ہے
دیکھنے کے لیے اک شرط ہے منظر ہونا
دوسری شرط ہے پھر آنکھ کا پتھر ہونا
مجھ کو دیکھا تو فلک زاد رفیقوں نے کہا
اس ستارے کا مقدر ہے زمیں پر ہونا
یہ راز سمجھ میں کب آتا آنکھوں کی نمی سے سمجھا ہوں
اس گرد و غبار کی دنیا میں ہر چیز سے سچا پانی ہے
اس بستی میں اس دھرتی پر سیرابیٔ جاں کا حال نہ پوچھ
یاں آنکھوں آنکھوں آنسو ہیں اور دریا دریا پانی ہے
کچھ ہیں منظر حال کے کچھ خواب مستقبل کے ہیں
یہ تمنا آنکھ کی ہے وہ تقاضے دل کے ہیں
ہر موج میں گریاں رہتا ہے گرداب میں رقصاں رہتا ہے
بیتاب بھی ہے بے خواب بھی ہے یہ کیسا زندہ پانی ہے
وہ مرا گرد کی مانند ہوا میں اڑنا
پھر اسی گرد سے پیدا مرا لشکر ہونا
عمر ساری راہ کے پتھر ہٹاتے کٹ گئی
زخم میرے ہاتھ میں اک سعئ لا حاصل کے ہیں
ہم نے یہ نیرنگیاں بھی دہر کی دیکھیں کہ لوگ
دوست ہیں مقتول کے اور ہم نوا قاتل کے ہیں
ان کو طوفانوں سے کیا مطلب بھنور سے کیا غرض
دوست جتنے ہیں تماشائی فقط ساحل کے ہیں
اک دھنک لہرا رہی ہے آنسوؤں کے درمیاں
میری آنکھوں میں ابھی تک رنگ اس محفل کے ہیں
اس سے آگے کون جائے دشت نامعلوم میں
ہم نہ کہتے تھے کہ سارے ہم سفر منزل کے ہیں
تو جسے اپنا سمجھتا ہے وہ مال غیر ہے
تیرے ہاتھوں میں جو سکے ہیں کسی سائل کے ہیں
جانچتی ہے غیر کو ہر لحظہ چشم عیب جو
نقش مجھ میں جتنے ہیں سارے کسی کامل کے ہیں
آنکھ سرشار تمنا ہے تو وعدہ کر لے
چال کہتی ہے کہ اب لوٹ کے آنا کیسا
اس کا شکوہ تو نہیں ہے نہ ملے تم ہم سے
رنج اس کا ہے کہ تم نے ہمیں جانا کیسا
مجھ سے کہتا ہے کہ سائے کی طرح ساتھ ہیں ہم
یوں نہ ملنے کا نکالا ہے بہانہ کیسا
جو بات دل میں تھی وہ کب زبان پر آئی
سنا رہا ہے فسانے فریب گویائی
جا کے پھر لوٹ جو آئے وہ زمانہ کیسا
تیری آنکھوں نے یہ چھیڑا ہے فسانہ کیسا
نئے چراغ سر رہ گزر جلا آئی
ہوائے نکہت گل تھی کہ میری بینائی
خود بھی سوچا تھا بہت اس نے بھی پوچھا تھا بہت
حال جب خود ہی نہ سمجھے تو سنانا کیسا
تجھ کو پانے کی ہوس تھی سو کسے تھا معلوم
اپنے ہی آپ کو کھو بیٹھیں گے پانا کیسا
تو گرم رات میں ٹھنڈی ہوا کا جھونکا تھا
ذرا قریب سے گزرا تو نیند سی آئی
سلیمؔ قرب سے بھی تشنگی نہیں جاتی
یہ بات ساحل و دریا نے مجھ کو سمجھائی
بہت دنوں سے مرا دل اداس بھی تو نہیں
بہت دنوں سے تری یاد بھی نہیں آئی
وہ یاد آئے تو دل اور ہو گیا ویراں
وہ مل گئے تو بڑھا اور درد تنہائی
جو بات تجھ میں ہے وہ دوسروں میں کیا ملتی
جو بات مجھ میں ہے تو نے بھی وہ کہاں پائی
دلوں میں درد بھرتا آنکھ میں گوہر بناتا ہوں
جنہیں مائیں پہنتی ہیں میں وہ زیور بناتا ہوں
غنیم وقت کے حملے کا مجھ کو خوف رہتا ہے
میں کاغذ کے سپاہی کاٹ کر لشکر بناتا ہوں
یہ دھرتی میری ماں ہے اس کی عزت مجھ کو پیاری ہے
میں اس کے سر چھپانے کے لیے چادر بناتا ہوں
حریفان فسوں گر مو قلم ہے میرے ہاتھوں میں
یہی میرا عصا ہے اس سے میں اژدر بناتا ہوں
پرانی کشتیاں ہیں میرے ملاحوں کی قسمت میں
میں ان کے بادباں سیتا ہوں اور لنگر بناتا ہوں
مرے خوابوں پہ جب تیرہ شبی یلغار کرتی ہے
میں کرنیں گوندھتا ہوں چاند سے پیکر بناتا ہوں
یہ سوچا ہے کہ اب خانہ بدوشی کر کے دیکھوں گا
کوئی آفت ہی آتی ہے اگر میں گھر بناتا ہوں
یہ کائنات ابھی ایک انتظار میں ہے
کہ ہونے والی کوئی واردات باقی ہے
یہ خواب اور بھی دیکھیں گے رات باقی ہے
ابھی تو اے دل زندہ حیات باقی ہے
جو ہو سکے تو شہادت گہ نظر میں آ
یہ دیکھ عشق میں کتنا ثبات باقی ہے
مرے لہو میں ابھی ترک عشق کے با وصف
وہ گرمیٔ نگہہ التفات باقی ہے
ابھی تو ذوق طلب میں کمی نہیں آئی
ابھی مرا سفر بے جہات باقی ہے
شب وصال میں دن بھی ملا نہ لیں اے دوست
کہ رات ختم ہوئی اور بات باقی ہے
دل حسن کو دان دے رہا ہوں
گاہک کو دکان دے رہا ہوں
خود اپنی راکھ سے تو جی اٹھے شرر کی طرح
یہ معجزہ ابھی اے کائنات باقی ہے
میں غم کو بسا رہا ہوں دل میں
بے گھر کو مکان دے رہا ہوں
شاید کوئی بندۂ خدا آئے
صحرا میں اذان دے رہا ہوں
ہوئی ہے شاخ ہنر میں نئی نمو اب کے
سلیمؔ برگ خزاں سے نجات باقی ہے
گونگی ہے ازل سے جو حقیقت
میں اس کو زبان دے رہا ہوں
بے جادہ و راہ ہے جو منزل
میں اس کا نشان دے رہا ہوں
ہر کہنہ یقیں کو از سر نو
اک تازہ گمان دے رہا ہوں
جو فصل ابھی کٹی نہیں ہے
میں اس کا لگان دے رہا ہوں
رکھوں جو لحاظ مصلحت کا
کیا کوئی بیان دے رہا ہوں
حاصل کا حساب ہو رہے گا
فی الحال تو جان دے رہا ہوں
زمانہ گرم سفر ہے کہیں تو پائے گا
وہ دل جو مہر و محبت کی سرزمیں ہوں گے
میں کر رہا ہوں تری چشم نم سے اندازہ
کہ آنے والے زمانے بہت حسیں ہوں گے
سلیمؔ گھر سے نکل کر نہ جاؤ صحرا میں
ہوا کے راگ بہت درد آفریں ہوں گے
کہاں سے آج مری روح میں چمک اٹھے
وہ تیرے دکھ جو تجھے یاد بھی نہیں ہوں گے
بجا یہ رونق محفل مگر کہاں ہیں وہ لوگ
یہاں جو اہل محبت کے جانشیں ہوں گے
ترے سانچے میں ڈھلتا جا رہا ہوں
تجھے بھی کچھ بدلتا جا رہا ہوں
حقیقت کو مکمل دیکھنا ہے
نظر کے رخ بدلتا جا رہا ہوں
طبیعت ہے ابھی طفلانہ میری
کھلونوں سے بہلتا جا رہا ہوں
نہ جانے تجھ کو بھولا ہوں کہ خود کو
بہر صورت سنبھلتا جا رہا ہوں
بہت نازاں ہوں محرومی پہ اپنی
اسی پر ہاتھ ملتا جا رہا ہوں
چلا ہے مجھ سے آگے میرا سایہ
سو میں بھی ساتھ چلتا جا رہا ہوں
یہ چاہا تھا کہ پتھر بن کے جی لوں
سو اندر سے پگھلتا جا رہا ہوں
مری جانب کوئی آئے تو پوچھوں
نشان راہ ہوں منزل ہوں کیا ہوں
کسی کا وعدۂ فردا نہیں میں
تو کیوں فردا پہ ٹلتا جا رہا ہوں
نیا مضموں کتاب زیست کا ہوں
نہایت غور سے سوچا گیا ہوں
کسی کو کیا بتاؤں کون ہوں میں
کہ اپنی داستاں بھولا ہوا ہوں
خود اپنی دید سے اندھی ہیں آنکھیں
خود اپنی گونج سے بہرا ہوا ہوں
سنیں مجھ کو تو میں دھڑکن ہوں دل کی
نہیں سنتے تو صحرا کی صدا ہوں
مری سیرابیوں میں تشنگی ہے
کہ میں دریا ہوں لیکن ریت کا ہوں
وہ رن مجھ میں پڑا ہے خیر و شر کا
کہ اپنی ذات میں اک کربلا ہوں
مرا سینہ ہے چھلنی نے کی صورت
انہیں زخموں سے میں نغمہ سرا ہوں
مری موجودگی سے بندگی ہے
کہ جب سے گم ہوا ہوں میں خدا ہوں
مجھے شبنم کا آئینہ ملا ہے
اسی میں گل کی صورت دیکھتا ہوں
تجھی سے خواب ہیں میرے تجھی سے بیداری
تجھے سلیقہ ہے شام و سحر بنانے کا
میں اپنے پیچھے ستاروں کو چھوڑ آیا ہوں
مجھے دماغ نہیں ہم سفر بنانے کا
ملا جو کام غم معتبر بنانے کا
ہنر اس آنکھ کو آیا نہ گھر بنانے کا
یہ اور بات کہ منزل فریب تھا لیکن
ہنر وہ جانتا تھا ہم سفر بنانے کا
یہ میرے ہاتھوں میں پتھر ہیں اور رات ہے سرد
میں کام لیتا ہوں ان سے شرر بنانے کا
وہ لوگ کشتی و ساحل کی فکر کیا کرتے
جنہیں ہے حوصلہ دریا میں گھر بنانے کا
سرائے میں کوئی اک شب رکے تو بات ہے اور
مگر سوال ہے دنیا کو گھر بنانے کا
مکاں کے نقشے پہ دیوار لکھ دیا کس نے
یہاں تو میرا ارادہ تھا در بنانے کا
کوئی ستارۂ گرداب آشنا تھا میں
کہ موج موج اندھیروں میں ڈوبتا تھا میں
سفر میں عشق کے اک ایسا مرحلہ آیا
وہ ڈھونڈتا تھا مجھے اور کھو گیا تھا میں
ہر ایک تخم کو رزق شکم پری نہ سمجھ
ہنر بھی سیکھ زمیں سے شجر بنانے کا
بہت طویل مری داستان غم تھی مگر
غزل سے کام لیا مختصر بنانے کا
نئے ستارے مری روشنی میں چلتے تھے
چراغ تھا کہ سر راہ جل رہا تھا میں
تمام عمر کا حاصل سراب و تشنہ لبی
مرا قصور یہی تھا کہ سوچتا تھا میں
اس ایک چہرے میں آباد تھے کئی چہرے
اس ایک شخص میں کس کس کو دیکھتا تھا میں
بگڑ رہا تھا میں دنیا کے زاویے سے مگر
اک اور زاویہ تھا جس سے بن رہا تھا میں
نہیں رہا میں ترے راستے کا پتھر بھی
وہ دن بھی تھے ترے احساس میں خدا تھا میں
آنسوؤں سے تو ہے خالی درد سے عاری ہوں میں
تیری آنکھیں کانچ کی ہیں میرا دل پتھر کا ہے
مجھے گلہ نہ کسی سنگ کا نہ آہن کا
اسی نے توڑ دیا جس کا آئینہ تھا میں
کون دفناتا اسے وہ اک برہنہ لاش تھی
سب نے پوچھا کون ہے وہ کون سے لشکر کا ہے
خیر کا تجھ کو یقیں ہے اور اس کو شر کا ہے
دونوں حق پر ہیں کہ جھگڑا صرف پس منظر کا ہے
تو سکوں سے تھک گیا ہے اور بیتابی سے میں
شوق ہے تجھ کو سفر کا اور مجھ کو گھر کا ہے
ایک پودا صحن میں تھا دھوپ کھا کر جل گیا
صرف میرا ہی نہیں ہے رنج یہ گھر بھر کا ہے
سوچتا رہتا ہوں میں تیری اڑانیں دیکھ کر
یہ ہوا کا زور ہے یا تیرے بال و پر کا ہے
میں نے سینچا ہے لہو سے اس دل سرسبز کو
عمر بھر سے یہ علاقہ میری چشم تر کا ہے
اک طبیب آدمیت نے کہا ہے صاف صاف
زہر دنیا کی رگوں میں سب فساد زر کا ہے
دیکھ کر انسان کو کہتی ہے ساری کائنات
یہ تو ہم میں سے نہیں ہے یہ کوئی باہر کا ہے
میں سمٹ کر لیٹتا ہوں بستر ادراک پر
پاؤں پھیلاؤں تو اندیشہ مجھے چادر کا ہے
ساری کڑیاں توڑ دیں میں نے محبت کے سوا
کون توڑے گا اسے یہ جبر تو اندر کا ہے
ایک بوڑھے نے کیا عصر رواں پہ تبصرہ
یہ زمانہ آدمی کا ہے کہ زور و زر کا ہے
جو آنکھوں کے تقاضے ہیں وہ نظارے بناتا ہوں
اندھیری رات ہے کاغذ پہ میں تارے بناتا ہوں
محلے والے میرے کار بے مصرف پہ ہنستے ہیں
میں بچوں کے لیے گلیوں میں غبارے بناتا ہوں
اس مسافت کا مداوا تجھ سے بھی ممکن نہیں
زخم دل سے کچھ زیادہ زخم میرے سر کا ہے
سب دیکھتی ہیں سب جھیلتی ہیں
یہ آنکھوں کی مجبوری ہے
نہ پوچھو عقل کی چربی چڑھی ہے اس کی بوٹی پر
کسی شے کا اثر ہوتا نہیں کم بخت موٹی پر
نہ جانے کیسے نازک تار کو مضراب نے چھیڑا
کہ وجد آخر انہیں بھی آ گیا نوچا کسوٹی پر
ہر آنکھ کا حاصل دوری ہے
ہر منظر اک مستوری ہے
محبت کچھ بڑی ہے عمر میں اور ہے ہوس چھوٹی
مگر دل ہے کہ ہے سو جان سے لہلوٹ چھوٹی پر
دکھ دے یا رسوائی دے
غم کو مرے گہرائی دے
یہ قرب حباب و آب کا ہے
یہ وصل نہیں مہجوری ہے
یہی عیش ایک دن اہل ہوس کا خون چاٹے گا
ابھی کچھ دن لگا رکھیں وہ اس کتے کو روٹی پر
جتنا آنکھ سے کم دیکھوں
اتنی دور دکھائی دے
مجھ سے کوئی ایسی بات
بن بولے جو سنائی دے
میں تجھ کو کتنا چاہتا ہوں
یہ کہنا غیر ضروری ہے
افق افق گھر آنگن ہے
آنگن پار رسائی دے
کسی دشت کا لب خشک ہوں جو نہ پائے مژدۂ آب تک
کبھی آئے بھی مری سمت کو تو برس نہ پائے سحاب تک
اپنے لمس کو زندہ کر
ہاتھوں کو بینائی دے
میں طلب کے دشت میں پھر چکا تو یہ راز مجھ پہ عیاں ہوا
مری تشنگی کے یہ پھیر ہیں کہ جو آب سے ہیں سراب تک
اس شدت سے ظاہر ہو
اندھوں کو بھی سجھائی دے
وہ لوگ بھی ہیں جو موجوں سے ڈر گئے ہوں گے
مگر جو ڈوب گئے پار اتر گئے ہوں گے
تجھے جان کر یہ پتا چلا تو مقام دید میں اور تھا
کئی مرحلے ہیں فریب کے مری آنکھ سے مرے خواب تک
میں وہ معنی غم عشق ہوں جسے حرف حرف لکھا گیا
کبھی آنسوؤں کی بیاض میں کبھی دل سے لے کے کتاب تک
پلٹ کے آنکھ میں وہ موج خوں نہیں آئی
چڑھے ہوئے تھے جو دریا اتر گئے ہوں گے
کفن سے دوسروں کے جو سلاتے ہیں لباس اپنا
وہ جذبے ہنس رہے ہیں عشق سادہ کی لنگوٹی پر
لگی یہ فکر نئی دل کو آ کے منزل پر
کہاں بھٹک کے مرے ہم سفر گئے ہوں گے
جو موت سے نہ ڈرے وہ بھی تیرے ساتھ نہیں
کہ زندگی کے سوالوں سے ڈر گئے ہوں گے
جو سود و زیاں کی فکر کرے
وہ عشق نہیں مزدوری ہے
چلے تو ایک ہی رستے پہ ہم مگر نہ ملے
ملے بھی ہوں گے تو بچ کر گزر گئے ہوں گے
فضائے نیلگوں میں حسرت پرواز تو دیکھو
میں اڑنے کے لیے کاغذ کے طیارے بناتا ہوں
زمیں یخ بستہ ہو جاتی ہے جب جاڑوں کی راتوں میں
میں اپنے دل کو سلگاتا ہوں انگارے بناتا ہوں
ترا دست حنائی دیکھ کر مجھ کو خیال آیا
میں اپنے خون سے لفظوں کے گل پارے بناتا ہوں
بلندی کی طلب ہے اور اندر انتشار اتنا
سو اپنے شہر کی سڑکوں پہ فوارے بناتا ہوں
جو شاہراہوں پہ دیکھے ہیں لوگ پتھر کے
طلب میں جینے کی یہ سوئے زر گئے ہوں گے
ہماری کشت دل و جاں سے اس کی مژگاں تک
یہ سلسلے ترے اے چشم تر گئے ہوں گے
سلیمؔ زیست تو مشکل تھی بے دیاروں کی
وطن سے دور کہیں جا کے مر گئے ہوں گے
جہاں یہ باغ ہے پہلے یہاں بیاباں تھا
ضرور ادھر سے ترے خوش نظر گئے ہوں گے
میں اس کو ڈھونڈنے نکلا تو میرے جانے کے بعد
گلی گلی مجھے گھر تک وہ پوچھتا آیا
پھر اس کے بعد کئی راستے کئی گھر تھے
وہ موڑ تک مجھے رک رک کے دیکھتا آیا
جو مل گیا ہے تو اب مجھ سے حال ہجر نہ پوچھ
کسی طرح سے وہ دن بھی گزر گئے ہوں گے
جدا ہوئے تو زمان و مکاں کے بعد کے ساتھ
جو راہ میں تھا دلوں میں وہ فاصلہ آیا
میں آئینہ تو نہیں ہوں پہ ایک سوچ میں ہوں
تو خود نمائی کے جوہر کہاں چھپا آیا
میں اس کو بھول گیا تھا وہ یاد سا آیا
زمیں ہلی تو میں سمجھا کہ زلزلہ آیا
اس ساحل سے اس ساحل تک
کیا کہیے کتنی دوری ہے
سلیمؔ ترک رہ و رسم ترک عشق نہیں
جدھر سے گزرے ادھر اس کا راستہ آیا
مجھے رنگوں سے اپنے حیرتیں تخلیق کرنی ہیں
کبھی تتلی کبھی جگنو کبھی تارے بناتا ہوں
مجھے اک کام آتا ہے یہ لفظوں کے بنانے کا
کبھی میٹھے بناتا ہوں کبھی کھارے بناتا ہوں
وہ لوری گائیں گی اور ان میں بچوں کو سلائیں گی
میں ماؤں کے لیے پھولوں کے گہوارے بناتا ہوں
مزید شاعری پڑھیے اور دوسرے شعراء کو دریافت کیجیے۔