مکمل شاعری

نکل گئے ہیں جو بادل برسنے والے تھے

یہ شہر آب کو ترسے گا چشم تر کے بغیر

کوئی نہیں جو پتا دے دلوں کی حالت کا

کہ سارے شہر کے اخبار ہیں خبر کے بغیر

یہ شہر ذہن سے خالی نمو سے عاری ہے

بلائیں پھرتی ہیں یاں دست و پا و سر کے بغیر

مجھے وہ شدت احساس دے کہ دیکھ سکوں

تجھے قریب سے اور منت نظر کے بغیر

میں سر چھپاؤں کہاں سایۂ نظر کے بغیر

کہ تیرے شہر میں رہتا ہوں اور گھر کے بغیر

میں پاؤں توڑ کے بیٹھا رہا کہیں نہ گیا

سلیمؔ منزلیں طے ہو گئیں سفر کے بغیر

— سلیم احمد