شاعر کی معلومات لوڈ ہو رہی ہیں...
کبھی کسی کو مکمل جہاں نہیں ملتا
کہیں زمین کہیں آسماں نہیں ملتا
شاعر کی معلومات لوڈ ہو رہی ہیں...
Nida Fazli
1938 – 2016
Nida Fazli (1938–2016) was a renowned Indian Urdu poet, lyricist, and author. Born as Mirza Nizamuddin Ahmed in Delhi, he later adopted the pen name "Nida Fazli." He is known for his poignant and reflective poetry, which often dealt with themes of love, sorrow, and existentialism. His work was celebrated for its simplicity, emotional depth, and philosophical outlook on life. Fazli was part of the progressive writers' movement and contributed to the literary and cultural landscape of India. His poetry was widely admired for its lyrical beauty and sensitivity to human emotions. He also penned lyrics for Bollywood songs, working with prominent composers and directors, including those for films like Zakhm (1998) and Taj Mahal (2005). Throughout his life, Nida Fazli's poetry was published in several collections, and he earned numerous awards for his literary contributions. He was a frequent participant in mushairas (poetry recitals) across India and internationally. His legacy continues to inspire poets and lyricists today.
ان کے کلام کے چند منتخب اشعار پڑھیے۔
کبھی کسی کو مکمل جہاں نہیں ملتا
کہیں زمین کہیں آسماں نہیں ملتا
تمام شہر میں ایسا نہیں خلوص نہ ہو
جہاں امید ہو اس کی وہاں نہیں ملتا
کہاں چراغ جلائیں کہاں گلاب رکھیں
چھتیں تو ملتی ہیں لیکن مکاں نہیں ملتا
یہ کیا عذاب ہے سب اپنے آپ میں گم ہیں
زباں ملی ہے مگر ہم زباں نہیں ملتا
چراغ جلتے ہی بینائی بجھنے لگتی ہے
خود اپنے گھر میں ہی گھر کا نشاں نہیں ملتا
سفر میں دھوپ تو ہوگی جو چل سکو تو چلو
سبھی ہیں بھیڑ میں تم بھی نکل سکو تو چلو
یہاں کسی کو کوئی راستہ نہیں دیتا
مجھے گرا کے اگر تم سنبھل سکو تو چلو
کسی کے واسطے راہیں کہاں بدلتی ہیں
تم اپنے آپ کو خود ہی بدل سکو تو چلو
میں اپنی ہی الجھی ہوئی راہوں کا تماشہ
جاتے ہیں جدھر سب میں ادھر کیوں نہیں جاتا
کہیں نہیں کوئی سورج دھواں دھواں ہے فضا
خود اپنے آپ سے باہر نکل سکو تو چلو
بے نام سا یہ درد ٹھہر کیوں نہیں جاتا
جو بیت گیا ہے وہ گزر کیوں نہیں جاتا
ہوش والوں کو خبر کیا بے خودی کیا چیز ہے
عشق کیجے پھر سمجھئے زندگی کیا چیز ہے
سب کچھ تو ہے کیا ڈھونڈھتی رہتی ہیں نگاہیں
کیا بات ہے میں وقت پے گھر کیوں نہیں جاتا
یہی ہے زندگی کچھ خواب چند امیدیں
انہیں کھلونوں سے تم بھی بہل سکو تو چلو
وہ خواب جو برسوں سے نہ چہرہ نہ بدن ہے
وہ خواب ہواؤں میں بکھر کیوں نہیں جاتا
وہ ایک ہی چہرہ تو نہیں سارے جہاں میں
جو دور ہے وہ دل سے اتر کیوں نہیں جاتا
ان سے نظریں کیا ملیں روشن فضائیں ہو گئیں
آج جانا پیار کی جادوگری کیا چیز ہے
دھوپ میں نکلو گھٹاؤں میں نہا کر دیکھو
زندگی کیا ہے کتابوں کو ہٹا کر دیکھو
گنتیوں میں ہی گنے جاتے ہیں ہر دور میں ہم
ہر قلم کار کی بے نام خبر کے ہم ہیں
چلتے رہتے ہیں کہ چلنا ہے مسافر کا نصیب
سوچتے رہتے ہیں کس راہ گزر کے ہم ہیں
ہم لبوں سے کہہ نہ پائے ان سے حال دل کبھی
اور وہ سمجھے نہیں یہ خاموشی کیا چیز ہے
فاصلہ نظروں کا دھوکہ بھی تو ہو سکتا ہے
وہ ملے یا نہ ملے ہاتھ بڑھا کر دیکھو
بکھری زلفوں نے سکھائی موسموں کو شاعری
جھکتی آنکھوں نے بتایا مے کشی کیا چیز ہے
وقت کے ساتھ ہے مٹّی کا سفر صدیوں سے
کس کو معلوم کہاں کے ہیں کدھر کے ہم ہیں
پہلے ہر چیز تھی اپنی مگر اب لگتا ہے
اپنے ہی گھر میں کسی دوسرے گھر کے ہم ہیں
پتھروں میں بھی زباں ہوتی ہے دل ہوتے ہیں
اپنے گھر کے در و دیوار سجا کر دیکھو
صرف آنکھوں سے ہی دنیا نہیں دیکھی جاتی
دل کی دھڑکن کو بھی بینائی بنا کر دیکھو
جھکتی ہوئی نظر ہو کہ سمٹا ہوا بدن
ہر رس بھری گھٹا کو برس جانا چاہئے
یوں تو قدم قدم پہ ہے دیوار سامنے
کوئی نہ ہو تو خود سے الجھ جانا چاہئے
ہم وہاں ہیں جہاں کچھ بھی نہیں رستہ نہ دیار
اپنے ہی کھوئے ہوئے شام و سحر کے ہم ہیں
دریا ہو یا پہاڑ ہو ٹکرانا چاہئے
جب تک نہ سانس ٹوٹے جیے جانا چاہئے
اپنی مرضی سے کہاں اپنے سفر کے ہم ہیں
رخ ہواؤں کا جدھر کا ہے ادھر کے ہم ہیں
بجلی کا قمقمہ نہ ہو کالا دھواں تو ہو
یہ بھی اگر نہیں ہو تو بجھ جانا چاہئے
چپ چپ مکان راستے گم سم نڈھال وقت
اس شہر کے لیے کوئی دیوانا چاہئے
چوراہے باغ بلڈنگیں سب شہر تو نہیں
کچھ ایسے ویسے لوگوں سے یارانا چاہئے
اپنی تلاش اپنی نظر اپنا تجربہ
رستہ ہو چاہے صاف بھٹک جانا چاہئے
برسات کا بادل تو دیوانہ ہے کیا جانے
کس راہ سے بچنا ہے کس چھت کو بھگونا ہے
وہ ستارہ ہے چمکنے دو یوں ہی آنکھوں میں
کیا ضروری ہے اسے جسم بنا کر دیکھو
دنیا جسے کہتے ہیں جادو کا کھلونا ہے
مل جائے تو مٹی ہے کھو جائے تو سونا ہے
اچھا سا کوئی موسم تنہا سا کوئی عالم
ہر وقت کا رونا تو بے کار کا رونا ہے
یہ وقت جو تیرا ہے یہ وقت جو میرا ہے
ہر گام پہ پہرا ہے پھر بھی اسے کھونا ہے
غم ہو کہ خوشی دونوں کچھ دور کے ساتھی ہیں
پھر رستہ ہی رستہ ہے ہنسنا ہے نہ رونا ہے
اب خوشی ہے نہ کوئی درد رلانے والا
ہم نے اپنا لیا ہر رنگ زمانے والا
اس کو رخصت تو کیا تھا مجھے معلوم نہ تھا
سارا گھر لے گیا گھر چھوڑ کے جانے والا
اک مسافر کے سفر جیسی ہے سب کی دنیا
کوئی جلدی میں کوئی دیر سے جانے والا
ایک بے چہرہ سی امید ہے چہرہ چہرہ
جس طرف دیکھیے آنے کو ہے آنے والا
دور کے چاند کو ڈھونڈو نہ کسی آنچل میں
یہ اجالا نہیں آنگن میں سمانے والا
اتنا سچ بول کہ ہونٹوں کا تبسم نہ بجھے
روشنی ختم نہ کر آگے اندھیرا ہوگا
اس کے دشمن ہیں بہت آدمی اچھا ہوگا
وہ بھی میری ہی طرح شہر میں تنہا ہوگا
پیاس جس نہر سے ٹکرائی وہ بنجر نکلی
جس کو پیچھے کہیں چھوڑ آئے وہ دریا ہوگا
مرے بارے میں کوئی رائے تو ہوگی اس کی
اس نے مجھ کو بھی کبھی توڑ کے دیکھا ہوگا
ایک محفل میں کئی محفلیں ہوتی ہیں شریک
جس کو بھی پاس سے دیکھو گے اکیلا ہوگا
اپنا غم لے کے کہیں اور نہ جایا جائے
گھر میں بکھری ہوئی چیزوں کو سجایا جائے
خود کشی کرنے کی ہمت نہیں ہوتی سب میں
اور کچھ دن ابھی اوروں کو ستایا جائے
باغ میں جانے کے آداب ہوا کرتے ہیں
کسی تتلی کو نہ پھولوں سے اڑایا جائے
جن چراغوں کو ہواؤں کا کوئی خوف نہیں
ان چراغوں کو ہواؤں سے بچایا جائے
کیا ہوا شہر کو کچھ بھی تو دکھائی دے کہیں
یوں کیا جائے کبھی خود کو رلایا جائے
گھر سے مسجد ہے بہت دور چلو یوں کر لیں
کسی روتے ہوئے بچے کو ہنسایا جائے
بچوں کے چھوٹے ہاتھوں کو چاند ستارے چھونے دو
چار کتابیں پڑھ کر یہ بھی ہم جیسے ہو جائیں گے
تم جو سوچو وہ تم جانو ہم تو اپنی کہتے ہیں
دیر نہ کرنا گھر آنے میں ورنہ گھر کھو جائیں گے
اچھی صورت والے سارے پتھر دل ہوں ممکن ہے
ہم تو اس دن رائے دیں گے جس دن دھوکا کھائیں گے
تنہا تنہا دکھ جھیلیں گے محفل محفل گائیں گے
جب تک آنسو پاس رہیں گے تب تک گیت سنائیں گے
کچھ بھی بچا نہ کہنے کو ہر بات ہو گئی
آؤ کہیں شراب پئیں رات ہو گئی
کن راہوں سے سفر ہے آساں کون سا رستہ مشکل ہے
ہم بھی جب تھک کر بیٹھیں گے اوروں کو سمجھائیں گے
رستے میں وہ ملا تھا میں بچ کر گزر گیا
اس کی پھٹی قمیص مرے ساتھ ہو گئی
پھر یوں ہوا کہ وقت کا پانسہ پلٹ گیا
امید جیت کی تھی مگر مات ہو گئی
وہ آدمی تھا کتنا بھلا کتنا پرخلوص
اس سے بھی آج لیجے ملاقات ہو گئی
نزدیکیوں میں دور کا منظر تلاش کر
جو ہاتھ میں نہیں ہے وہ پتھر تلاش کر
سورج کو چونچ میں لیے مرغا کھڑا رہا
کھڑکی کے پردے کھینچ دیے رات ہو گئی
نقشہ اٹھا کے کوئی نیا شہر ڈھونڈیئے
اس شہر میں تو سب سے ملاقات ہو گئی
کوشش بھی کر امید بھی رکھ راستہ بھی چن
پھر اس کے بعد تھوڑا مقدر تلاش کر
تاریخ میں محل بھی ہے حاکم بھی تخت بھی
گمنام جو ہوئے ہیں وہ لشکر تلاش کر
رہتا نہیں ہے کچھ بھی یہاں ایک سا سدا
دروازہ گھر کا کھول کے پھر گھر تلاش کر
جب سے قریب ہو کے چلے زندگی سے ہم
خود اپنے آئنے کو لگے اجنبی سے ہم
سورج کے ارد گرد بھٹکنے سے فائدہ
دریا ہوا ہے گم تو سمندر تلاش کر
کچھ دور چل کے راستے سب ایک سے لگے
ملنے گئے کسی سے مل آئے کسی سے ہم
شائستہ محفلوں کی فضاؤں میں زہر تھا
زندہ بچے ہیں ذہن کی آوارگی سے ہم
جنگل میں دور تک کوئی دشمن نہ کوئی دوست
مانوس ہو چلے ہیں مگر بمبئی سے ہم
اچھی بھلی تھی دنیا گزارے کے واسطے
الجھے ہوئے ہیں اپنی ہی خود آگہی سے ہم
بانس کی کھری کھاٹ کے اوپر ہر آہٹ پر کان دھرے
آدھی سوئی آدھی جاگی تھکی دوپہری جیسی ماں
چڑیوں کی چہکار میں گونجے رادھا موہن علی علی
مرغے کی آواز سے بجتی گھر کی کنڈی جیسی ماں
بیوی بیٹی بہن پڑوسن تھوڑی تھوڑی سی سب میں
دن بھر اک رسی کے اوپر چلتی نٹنی جیسی ماں
بانٹ کے اپنا چہرہ ماتھا آنکھیں جانے کہاں گئی
پھٹے پرانے اک البم میں چنچل لڑکی جیسی ماں
دل میں نہ ہو جرأت تو محبت نہیں ملتی
خیرات میں اتنی بڑی دولت نہیں ملتی
بیسن کی سوندھی روٹی پر کھٹی چٹنی جیسی ماں
یاد آتی ہے! چوکا باسن چمٹا پھکنی جیسی ماں
کچھ لوگ یوں ہی شہر میں ہم سے بھی خفا ہیں
ہر ایک سے اپنی بھی طبیعت نہیں ملتی
دیکھا ہے جسے میں نے کوئی اور تھا شاید
وہ کون تھا جس سے تری صورت نہیں ملتی
ہنستے ہوئے چہروں سے ہے بازار کی زینت
رونے کی یہاں ویسے بھی فرصت نہیں ملتی
نکلا کرو یہ شمع لیے گھر سے بھی باہر
کمرے میں سجانے کو مصیبت نہیں ملتی
جو ہو اک بار وہ ہر بار ہو ایسا نہیں ہوتا
ہمیشہ ایک ہی سے پیار ہو ایسا نہیں ہوتا
ہر اک کشتی کا اپنا تجربہ ہوتا ہے دریا میں
سفر میں روز ہی منجدھار ہو ایسا نہیں ہوتا
آوارہ مزاجی نے پھیلا دیا آنگن کو
آکاش کی چادر ہے دھرتی کا بچھونا ہے
اچھے برے کے فرق نے بستی اجاڑ دی
مجبور ہو کے ملنے لگے ہر کسی سے ہم
ہر طرف ہر جگہ بے شمار آدمی
پھر بھی تنہائیوں کا شکار آدمی
گھر کی دہلیز سے گیہوں کے کھیت تک
چلتا پھرتا کوئی کاروبار آدمی
کہانی میں تو کرداروں کو جو چاہے بنا دیجے
حقیقت بھی کہانی کار ہو ایسا نہیں ہوتا
ہر طرف بھاگتے دوڑتے راستے
ہر طرف آدمی کا شکار آدمی
کہیں تو کوئی ہوگا جس کو اپنی بھی ضرورت ہو
ہر اک بازی میں دل کی ہار ہو ایسا نہیں ہوتا
روز جیتا ہوا روز مرتا ہوا
ہر نئے دن نیا انتظار آدمی
سکھا دیتی ہیں چلنا ٹھوکریں بھی راہگیروں کو
کوئی رستہ سدا دشوار ہو ایسا نہیں ہوتا
تمہارا گھر بھی اسی شہر کے حصار میں ہے
لگی ہے آگ کہاں کیوں پتہ کیا جائے
صبح سے شام تک بوجھ ڈھوتا ہوا
اپنی ہی لاش کا خود مزار آدمی
ہر ایک بات کو چپ چاپ کیوں سنا جائے
کبھی تو حوصلہ کر کے نہیں کہا جائے
زندگی کا مقدر سفر در سفر
آخری سانس تک بے قرار آدمی
کہا گیا ہے ستاروں کو چھونا مشکل ہے
یہ کتنا سچ ہے کبھی تجربہ کیا جائے
ہر آدمی میں ہوتے ہیں دس بیس آدمی
جس کو بھی دیکھنا ہو کئی بار دیکھنا
جدا ہے ہیر سے رانجھا کئی زمانوں سے
نئے سرے سے کہانی کو پھر لکھا جائے
میداں کی ہار جیت تو قسمت کی بات ہے
ٹوٹی ہے کس کے ہاتھ میں تلوار دیکھنا
دو چار گام راہ کو ہموار دیکھنا
پھر ہر قدم پہ اک نئی دیوار دیکھنا
کتابیں یوں تو بہت سی ہیں میرے بارے میں
کبھی اکیلے میں خود کو بھی پڑھ لیا جائے
صدیوں صدیوں وہی تماشہ رستہ رستہ لمبی کھوج
لیکن جب ہم مل جاتے ہیں کھو جاتا ہے جانے کون
آنکھوں کی روشنی سے ہے ہر سنگ آئینہ
ہر آئنہ میں خود کو گنہ گار دیکھنا
جانے کیا کیا بول رہا تھا سرحد پیار کتابیں خون
کل میری نیندوں میں چھپ کر جاگ رہا تھا جانے کون
منہ کی بات سنے ہر کوئی دل کے درد کو جانے کون
آوازوں کے بازاروں میں خاموشی پہچانے کون
اچھی نہیں ہے شہر کے رستوں سے دوستی
آنگن میں پھیل جائے نہ بازار دیکھنا
دریا کے اس کنارے ستارے بھی پھول بھی
دریا چڑھا ہوا ہو تو اس پار دیکھنا
وہ میری پرچھائیں ہے یا میں اس کا آئینہ ہوں
میرے ہی گھر میں رہتا ہے مجھ جیسا ہی جانے کون
نئی نئی آنکھیں ہوں تو ہر منظر اچھا لگتا ہے
کچھ دن شہر میں گھومے لیکن اب گھر اچھا لگتا ہے
چاہت ہو یا پوجا سب کے اپنے اپنے سانچے ہیں
جو موت میں ڈھل جائے وہ پیکر اچھا لگتا ہے
ملنے جلنے والوں میں تو سب ہی اپنے جیسے ہیں
جس سے اب تک ملے نہیں وہ اکثر اچھا لگتا ہے
میرے آنگن میں آئے یا تیرے سر پر چوٹ لگے
سناٹوں میں بولنے والا پتھر اچھا لگتا ہے
کرن کرن الساتا سورج پلک پلک کھلتی نیندیں
دھیمے دھیمے بکھر رہا ہے ذرہ ذرہ جانے کون
ہم نے بھی سو کر دیکھا ہے نئے پرانے شہروں میں
جیسا بھی ہے اپنے گھر کا بستر اچھا لگتا ہے
آج ذرا فرصت پائی تھی آج اسے پھر یاد کیا
بند گلی کے آخری گھر کو کھول کے پھر آباد کیا
داناؤں کی بات نہ مانی کام آئی نادانی ہی
سنا ہوا کو پڑھا ندی کو موسم کو استاد کیا
رہے گی وعدوں میں کب تک اسیر خوشحالی
ہر ایک بار ہی کل کیوں کبھی تو آج بھی ہو
نہ کرتے شور شرابہ تو اور کیا کرتے
تمہارے شہر میں کچھ اور کام کاج بھی ہو
ہر ایک گھر میں دیا بھی جلے اناج بھی ہو
اگر نہ ہو کہیں ایسا تو احتجاج بھی ہو
اکیلے غم سے نئی شاعری نہیں ہوتی
زبان میرؔ میں غالبؔ کا امتزاج بھی ہو
بدل رہے ہیں کئی آدمی درندوں میں
مرض پرانا ہے اس کا نیا علاج بھی ہو
حکومتوں کو بدلنا تو کچھ محال نہیں
حکومتیں جو بدلتا ہے وہ سماج بھی ہو
اتنا آساں نہیں لفظوں پہ بھروسا کرنا
گھر کی دہلیز پکارے گی جدھر جاؤ گے
بڑے بڑے غم کھڑے ہوئے تھے رستہ روکے راہوں میں
چھوٹی چھوٹی خوشیوں سے ہی ہم نے دل کو شاد کیا
بات بہت معمولی سی تھی الجھ گئی تکراروں میں
ایک ذرا سی ضد نے آخر دونوں کو برباد کیا
شام ہوتے ہی سمٹ جائیں گے سارے رستے
بہتے دریا سے جہاں ہو گے ٹھہر جاؤ گے
ہم سے پوچھو عزت والوں کی عزت کا حال کبھی
ہم نے بھی اک شہر میں رہ کر تھوڑا نام کمایا ہے
کبھی کبھی یوں بھی ہم نے اپنے جی کو بہلایا ہے
جن باتوں کو خود نہیں سمجھے اوروں کو سمجھایا ہے
پہلے ہر چیز نظر آئے گی بے معنی سی
اور پھر اپنی ہی نظروں سے اتر جاؤ گے
اس کو بھولے برسوں گزرے لیکن آج نہ جانے کیوں
آنگن میں ہنستے بچوں کو بے کارن دھمکایا ہے
گھر سے نکلے تو ہو سوچا بھی کدھر جاؤ گے
ہر طرف تیز ہوائیں ہیں بکھر جاؤ گے
یہ کیسی کشمکش ہے زندگی میں
کسی کو ڈھونڈتے ہیں ہم کسی میں
اس بستی سے چھٹ کر یوں تو ہر چہرہ کو یاد کیا
جس سے تھوڑی سی ان بن تھی وہ اکثر یاد آیا ہے
نکل آتے ہیں آنسو ہنستے ہنستے
یہ کس غم کی کسک ہے ہر خوشی میں
کھول کے کھڑکی چاند ہنسا پھر چاند نے دونوں ہاتھوں سے
رنگ اڑائے پھول کھلائے چڑیوں کو آزاد کیا
جو کھو جاتا ہے مل کر زندگی میں
غزل ہے نام اس کا شاعری میں
کوئی ملا تو ہاتھ ملایا کہیں گئے تو باتیں کیں
گھر سے باہر جب بھی نکلے دن بھر بوجھ اٹھایا ہے
کہیں چہرہ کہیں آنکھیں کہیں لب
ہمیشہ ایک ملتا ہے کئی میں
مدتیں بیت گئیں خواب سہانا دیکھے
جاگتا رہتا ہے ہر نیند میں بستر میرا
کس سے پوچھوں کہ کہاں گم ہوں کئی برسوں سے
ہر جگہ ڈھونڈھتا پھرتا ہے مجھے گھر میرا
بہت مشکل ہے بنجارہ مجازی
سلیقہ چاہیے آوارگی میں
چھوٹی تھی عمر اور فسانہ طویل تھا
آغاز ہی لکھا گیا انجام رہ گیا
سلگتی ریت میں پانی کہاں تھا
کوئی بادل چھپا تھا تشنگی میں
چمکتی ہے اندھیروں میں خموشی
ستارے ٹوٹتے ہیں رات ہی میں
ہر گھڑی خود سے الجھنا ہے مقدر میرا
میں ہی کشتی ہوں مجھی میں ہے سمندر میرا
اٹھ اٹھ کے مسجدوں سے نمازی چلے گئے
دہشت گروں کے ہاتھ میں اسلام رہ گیا
آئنہ دیکھ کے نکلا تھا میں گھر سے باہر
آج تک ہاتھ میں محفوظ ہے پتھر میرا
کوشش کے باوجود یہ الزام رہ گیا
ہر کام میں ہمیشہ کوئی کام رہ گیا
اب کیا بتائیں کون تھا کیا تھا وہ ایک شخص
گنتی کے چار حرفوں کا جو نام رہ گیا
ایک سے ہو گئے موسموں کے چہرے سارے
میری آنکھوں سے کہیں کھو گیا منظر میرا
جب تک تھا آسمان میں سورج سبھی کا تھا
پھر یوں ہوا وہ چند مکانوں میں بٹ گیا
ہیں تاک میں شکاری نشانہ ہیں بستیاں
عالم تمام چند مچانوں میں بٹ گیا
اک عشق نام کا جو پرندہ خلا میں تھا
اترا جو شہر میں تو دکانوں میں بٹ گیا
اس کا قصور یہ تھا بہت سوچتا تھا وہ
وہ کامیاب ہو کے بھی ناکام رہ گیا
پہلے تلاشا کھیت پھر دریا کی کھوج کی
باقی کا وقت گیہوں کے دانوں میں بٹ گیا
گرجا میں مندروں میں اذانوں میں بٹ گیا
ہوتے ہی صبح آدمی خانوں میں بٹ گیا
ہر نئے شہر میں کچھ راتیں کڑی ہوتی ہیں
چھت سے دیواریں جدا ہوں گی تو ڈر جاؤ گے
پھر مورت سے باہر آ کر چاروں اور بکھر جا
پھر مندر کو کوئی میراؔ دیوانی دے مولا
گرج برس پیاسی دھرتی پر پھر پانی دے مولا
چڑیوں کو دانے بچوں کو گڑ دھانی دے مولا
خبروں نے کی مصوری خبریں غزل بنیں
زندہ لہو تو تیر کمانوں میں بٹ گیا
دو اور دو کا جوڑ ہمیشہ چار کہاں ہوتا ہے
سوچ سمجھ والوں کو تھوڑی نادانی دے مولا
زمین دی ہے تو تھوڑا سا آسمان بھی دے
مرے خدا مرے ہونے کا کچھ گمان بھی دے
پھر روشن کر زہر کا پیالہ چمکا نئی صلیبیں
جھوٹوں کی دنیا میں سچ کو تابانی دے مولا
خوں خوار درندوں کے فقط نام الگ ہیں
ہر شہر بیابان یہاں بھی ہے وہاں بھی
میں اپنے آپ سے کب تک کیا کروں باتیں
مری زباں کو کبھی کوئی ترجمان بھی دے
اب نظر آتا نہیں کچھ بھی دکانوں کے سوا
اب نہ بادل ہیں نہ چڑیاں ہیں نہ پروائی ہے
تین چوتھائی سے زائد ہیں جو آبادی میں
ان کے ہی واسطے ہر بھوک ہے مہنگائی ہے
آج اور کل کی بات نہیں ہے صدیوں کی تاریخ یہی ہے
ہر آنگن میں خواب ہیں لیکن چند گھروں میں تعبیریں ہیں
ہر جنگل کی ایک کہانی وہ ہی بھینٹ وہی قربانی
گونگی بہری ساری بھیڑیں چرواہوں کی جاگیریں ہیں
مٹھی بھر لوگوں کے ہاتھوں میں لاکھوں کی تقدیریں ہیں
جدا جدا ہیں دھرم علاقے ایک سی لیکن زنجیریں ہیں
یہ کائنات کا پھیلاؤ تو بہت کم ہے
جہاں سما سکے تنہائی وہ مکان بھی دے
بنا کے بت مجھے بینائی کا عذاب نہ دے
یہ ہی عذاب ہے قسمت تو پھر زبان بھی دے
دیکھے کب تلک باقی رہے سج دھج اس کی
آج جس چہرہ سے تصویر اتروائی ہے
جب بھی کوئی تخت سجا ہے میرا تیرا خون بہا ہے
درباروں کی شان و شوکت میدانوں کی شمشیریں ہیں
آج اور کل کی بات نہیں ہے صدیوں کی تاریخ یہی ہے
ہر آنگن میں خواب ہیں لیکن چند گھروں میں تعبیریں ہیں
مٹھی بھر لوگوں کے ہاتھوں میں لاکھوں کی تقدیریں ہیں
جدا جدا ہیں دھرم علاقے ایک سی لیکن زنجیریں ہیں
فلک کو چاند ستارے نوازنے والے
مجھے چراغ جلانے کو سائبان بھی دے
تیرے ہوتے کوئی کسی کی جان کا دشمن کیوں ہو
جینے والوں کو مرنے کی آسانی دے مولا
جب بھی کوئی تخت سجا ہے میرا تیرا خون بہا ہے
درباروں کی شان و شوکت میدانوں کی شمشیریں ہیں
ہر جنگل کی ایک کہانی وہ ہی بھینٹ وہی قربانی
گونگی بہری ساری بھیڑیں چرواہوں کی جاگیریں ہیں
دن سلیقے سے اگا رات ٹھکانے سے رہی
دوستی اپنی بھی کچھ روز زمانے سے رہی
رحمان کی رحمت ہو کہ بھگوان کی مورت
ہر کھیل کا میدان یہاں بھی ہے وہاں بھی
اس اندھیرے میں تو ٹھوکر ہی اجالا دے گی
رات جنگل میں کوئی شمع جلانے سے رہی
چند لمحوں کو ہی بنتی ہیں مصور آنکھیں
زندگی روز تو تصویر بنانے سے رہی
انسان میں حیوان یہاں بھی ہے وہاں بھی
اللہ نگہبان یہاں بھی ہے وہاں بھی
ہندو بھی سکوں سے ہے مسلماں بھی سکوں سے
انسان پریشان یہاں بھی ہے وہاں بھی
فاصلہ چاند بنا دیتا ہے ہر پتھر کو
دور کی روشنی نزدیک تو آنے سے رہی
کوئی ہندو کوئی مسلم کوئی عیسائی ہے
سب نے انسان نہ بننے کی قسم کھائی ہے
آنی جانی ہر محبت ہے چلو یوں ہی سہی
جب تلک ہے خوبصورت ہے چلو یوں ہی سہی
اتنی خوں خار نہ تھیں پہلے عبادت گاہیں
یہ عقیدے ہیں کہ انسان کی تنہائی ہے
شہر میں سب کو کہاں ملتی ہے رونے کی جگہ
اپنی عزت بھی یہاں ہنسنے ہنسانے سے رہی
اٹھتا ہے دل و جاں سے دھواں دونوں طرف ہی
یہ میرؔ کا دیوان یہاں بھی ہے وہاں بھی
میلے ہو جاتے ہیں رشتے بھی لباسوں کی طرح
دوستی ہر دن کی محنت ہے چلو یوں ہی سہی
من بیراگی تن انوراگی قدم قدم دشواری ہے
جیون جینا سہل نہ جانو بہت بڑی فن کاری ہے
ہم کہاں کے دیوتا ہیں بے وفا وہ ہیں تو کیا
گھر میں کوئی گھر کی زینت ہے چلو یوں ہی سہی
جیسی ہونی چاہئے تھی ویسی تو دنیا نہیں
دنیا داری بھی ضرورت ہے چلو یوں ہی سہی
بھول تھی اپنی فرشتہ آدمی میں ڈھونڈنا
آدمی میں آدمیت ہے چلو یوں ہی سہی
وہ نہیں تو کوئی تو ہوگا کہیں اس کی طرح
جسم میں جب تک حرارت ہے چلو یوں ہی سہی
اوروں جیسے ہو کر بھی ہم با عزت ہیں بستی میں
کچھ لوگوں کا سیدھا پن ہے کچھ اپنی عیاری ہے
جو چہرہ دیکھا وہ توڑا نگر نگر ویران کیے
پہلے اوروں سے نا خوش تھے اب خود سے بے زاری ہے
عیب نہیں ہے اس میں کوئی لال پری نا پھول کلی
یہ مت پوچھو وہ اچھا ہے یا اچھی ناداری ہے
جب جب موسم جھوما ہم نے کپڑے پھاڑے شور کیا
ہر موسم شائستہ رہنا کوری دنیا داری ہے
ہر اک صورت بھلی لگتی ہے کچھ دن
لہو کی شعبدہ کاری سے بچئے
محبت میں وفاداری سے بچئے
جہاں تک ہو اداکاری سے بچئے
شرافت آدمیت درد مندی
بڑے شہروں میں بیماری سے بچئے
بنا پیروں کے سر چلتے نہیں ہیں
بزرگوں کی سمجھ داری سے بچئے
لڑائی دیکھے ہوئے دشمنوں سے ممکن ہے
مگر وہ خوف جو دیوار و در میں رہتا ہے
ضروری کیا ہر اک محفل میں بیٹھیں
تکلف کی روا داری سے بچئے
نہ جانے کون سا منظر نظر میں رہتا ہے
تمام عمر مسافر سفر میں رہتا ہے
دور سے تھا وہ کئی چہروں میں پاس سے کوئی بھی ویسا نہ لگا
بے وفائی بھی اسی کا تھا چلن پھر کسی سے یہ شکایت نہ ہوئی
گھروں کے طاقوں میں گلدستے یوں نہیں سجتے
جہاں ہیں پھول وہیں آس پاس خار بھی رکھ
وقت روٹھا رہا بچے کی طرح راہ میں کوئی کھلونا نہ ملا
دوستی کی تو نبھائی نہ گئی دشمنی میں بھی عداوت نہ ہوئی
ہنستے ہنستے کبھی تھک جاؤ تو چھپ کے رو لو
یہ ہنسی بھیگ کے کچھ اور چمک جائے گی
چھوڑ کر گھر کو کہیں جانے سے گھر میں رہنے کی عبادت تھی بڑی
جھوٹ مشہور ہوا راجا کا سچ کی سنسار میں شہرت نہ ہوئی
یہ ہی لہو ہے شہادت یہ ہی لہو پانی
خزاں نصیب سہی ذہن میں بہار بھی رکھ
اور کچھ دیر یوں ہی جنگ سیاست مذہب
اور تھک جاؤ ابھی نیند کہاں آئے گی
جگمگاتی ہوئی سڑکوں پہ اکیلے نہ پھرو
شام آئے گی کسی موڑ پہ ڈس جائے گی
جسے دیکھتے ہی خماری لگے
اسے عمر ساری ہماری لگے
وقت ندیوں کو اچھالے کہ اڑائے پربت
عمر کا کام گزرنا ہے گزر جائے گی
میری غربت کو شرافت کا ابھی نام نہ دے
وقت بدلا تو تری رائے بدل جائے گی
اجالا سا ہے اس کے چاروں طرف
وہ نازک بدن پاؤں بھاری لگے
خدا کے ہاتھ میں مت سونپ سارے کاموں کو
بدلتے وقت پہ کچھ اپنا اختیار بھی رکھ
یقین چاند پہ سورج میں اعتبار بھی رکھ
مگر نگاہ میں تھوڑا سا انتظار بھی رکھ
پہاڑ گونجیں ندی گائے یہ ضروری ہے
سفر کہیں کا ہو دل میں کسی کا پیار بھی رکھ
کچھ طبیعت ہی ملی تھی ایسی چین سے جینے کی صورت نہ ہوئی
جس کو چاہا اسے اپنا نہ سکے جو ملا اس سے محبت نہ ہوئی
بدلنا چاہو تو دنیا بدل بھی سکتی ہے
عجب فتور سا ہر وقت سر میں رہتا ہے
حسین صورتیں اور بھی ہیں مگر
وہ سب سیکڑوں میں ہزاری لگے
وہ سسرال سے آئی ہے مائکے
اسے جتنا دیکھو وہ پیاری لگے
کٹھ پتلی ہے یا جیون ہے جیتے جاؤ سوچو مت
سوچ سے ہی ساری الجھن ہے جیتے جاؤ سوچو مت
اسے دیکھنا شعر گوئی کا فن
اسے سوچنا دین داری لگے
ناچ سکو تو ناچو جب تھک جاؤ تو آرام کرو
ٹیڑھا کیوں گھر کا آنگن ہے جیتے جاؤ سوچو مت
چلو اس طرح سے سجائیں اسے
یہ دنیا ہماری تمہاری لگے
عجیب دور ہے یہ طے شدہ نہیں کچھ بھی
نہ چاند شب میں نہ سورج سحر میں رہتا ہے
لکھا ہوا کردار کہانی میں ہی چلتا پھرتا ہے
کبھی ہے دوری کبھی ملن ہے جیتے جاؤ سوچو مت
تو قریب آئے تو قربت کا یوں اظہار کروں
آئنہ سامنے رکھ کر ترا دیدار کروں
ہر مذہب کا ایک ہی کہنا جیسا مالک رکھے رہنا
جب تک سانسوں کا بندھن ہے جیتے جاؤ سوچو مت
گھوم رہے ہیں بازاروں میں سرمایوں کے آتش دان
کس بھٹی میں کون ایندھن ہے جیتے جاؤ سوچو مت
سامنے تیرے کروں ہار کا اپنی اعلان
اور اکیلے میں تری جیت سے انکار کروں
مرے قبضہ میں نہ مٹی ہے نہ بادل نہ ہوا
پھر بھی چاہت ہے کہ ہر شاخ ثمر بار کروں
جس سے جب تک ملے دل ہی سے ملے دل جو بدلا تو فسانہ بدلا
رسم دنیا کو نبھانے کے لیے ہم سے رشتوں کی تجارت نہ ہوئی
صبح ہوتے ہی ابھر آتی ہے سالم ہو کر
وہی دیوار جسے روز میں مسمار کروں
اچھی نہیں یہ خامشی شکوہ کرو گلہ کرو
یوں بھی نہ کر سکو تو پھر گھر میں خدا خدا کرو
دیکھا ہوا سا کچھ ہے تو سوچا ہوا سا کچھ
ہر وقت میرے ساتھ ہے الجھا ہوا سا کچھ
میری نشست پہ بھی کل آئے گا کوئی دوسرا
تم بھی بنا کے راستہ میرے لیے جگہ کرو
دیکھو یہ شہر ہے عجب دل بھی نہیں ہے کم غضب
شام کو گھر جو آؤں میں تھوڑا سا سج لیا کرو
دل میں جسے بساؤ تم چاند اسے بناؤ تم
وہ جو کہے پڑھا کرو جو نہ کہے سنا کرو
شہرت بھی اس کے ساتھ ہے دولت بھی اس کے ہاتھ ہے
خود سے بھی وہ ملے کبھی اس کے لیے دعا کرو
ہوتا ہے یوں بھی راستہ کھلتا نہیں کہیں
جنگل سا پھیل جاتا ہے کھویا ہوا سا کچھ
ساحل کی گیلی ریت پہ بچوں کے کھیل سا
ہر لمحہ مجھ میں بنتا بکھرتا ہوا سا کچھ
دھندلی سی ایک یاد کسی قبر کا دیا
اور میرے آس پاس چمکتا ہوا سا کچھ
فرصت نے آج گھر کو سجایا کچھ اس طرح
ہر شے سے مسکراتا ہے روتا ہوا سا کچھ
اب نہ وہ چھت ہے نہ وہ زینہ نہ انگور کی بیل
صرف اک اس کو بھلانے کی قسم باقی ہے
اس کو کھو دینے کا احساس تو کم باقی ہے
جو ہوا وہ نہ ہوا ہوتا یہ غم باقی ہے
میں نے پوچھا تھا سبب پیڑ کے گر جانے کا
اٹھ کے مالی نے کہا اس کی قلم باقی ہے
جنگ کے فیصلے میداں میں کہاں ہوتے ہیں
جب تلک حافظے باقی ہیں علم باقی ہے
چاند سے پھول سے یا میری زباں سے سنئے
ہر جگہ آپ کا قصہ ہے جہاں سے سنئے
کیا ضروری ہے کہ ہر پردہ اٹھایا جائے
میرے حالات بھی اپنے ہی مکاں سے سنئے
سب کو آتا نہیں دنیا کو سجا کر جینا
زندگی کیا ہے محبت کی زباں سے سنئے
چاند میں کیسے ہوئی قید کسی گھر کی خوشی
یہ کہانی کسی مسجد کی اذاں سے سنئے
تھک کے گرتا ہے ہرن صرف شکاری کے لیے
جسم گھائل ہے مگر آنکھوں میں رم باقی ہے
کون پڑھ سکتا ہے پانی پہ لکھی تحریریں
کس نے کیا لکھا ہے یہ آب رواں سے سنئے
تیری ہی جستجو میں لگا ہے کبھی کبھی
میں تیرے انتظار میں ہوں بھی نہیں بھی ہوں
میں اپنے اختیار میں ہوں بھی نہیں بھی ہوں
دنیا کے کاروبار میں ہوں بھی نہیں بھی ہوں
فہرست مرنے والوں کی قاتل کے پاس ہے
میں اپنے ہی مزار میں ہوں بھی نہیں بھی ہوں
مجھ سے ہی ہے ہر ایک سیاست کا اعتبار
پھر بھی کسی شمار میں ہوں بھی نہیں بھی ہوں
جتنی بری کہی جاتی ہے اتنی بری نہیں ہے دنیا
بچوں کے اسکول میں شاید تم سے ملی نہیں ہے دنیا
اوروں کے ساتھ ایسا کوئی مسئلہ نہیں
اک میں ہی اس دیار میں ہوں بھی نہیں بھی ہوں
چار گھروں کے ایک محلے کے باہر بھی ہے آبادی
جیسی تمہیں دکھائی دی ہے سب کی وہی نہیں ہے دنیا
بھاگ رہی ہے گیند کے پیچھے جاگ رہی ہے چاند کے نیچے
شور بھرے کالے نعروں سے اب تک ڈری نہیں ہے دنیا
گھر میں ہی مت اسے سجاؤ ادھر ادھر بھی لے کے جاؤ
یوں لگتا ہے جیسے تم سے اب تک کھلی نہیں ہے دنیا
گیہوں چاول بانٹنے والے جھوٹا تولیں تو کیا بولیں
یوں تو سب کچھ اندر باہر جتنا تیرا اتنا میرا
ایک ہی دھرتی ہم سب کا گھر جتنا تیرا اتنا میرا
دکھ سکھ کا یہ جنتر منتر جتنا تیرا اتنا میرا
سانسیں جتنی موجیں اتنی سب کی اپنی اپنی گنتی
صدیوں کا اتہاس سمندر جتنا تیرا اتنا میرا
ہر جیون کی وہی وراثت آنسو سپنا چاہت محنت
سانسوں کا ہر بوجھ برابر جتنا تیرا اتنا میرا
خوشیوں کے بٹوارے تک ہی اونچے نیچے آگے پیچھے
دنیا کے مٹ جانے کا ڈر جتنا تیرا اتنا میرا
جو دیکھتی ہیں نگاہیں وہی نہیں سب کچھ
یہ احتیاط بھی اپنے بیان میں رکھا
جو ساتھ ہے وہی گھر کا نصیب ہے لیکن
جو کھو گیا ہے اسے بھی مکان میں رکھنا
وہ ایک خواب جو چہرہ کبھی نہیں بنتا
بنا کے چاند اسے آسمان میں رکھنا
سفر کو جب بھی کسی داستان میں رکھنا
قدم یقین میں منزل گمان میں رکھنا
چمکتے چاند ستاروں کا کیا بھروسہ ہے
زمیں کی دھول بھی اپنی اڑان میں رکھنا
مسجدیں ہیں نمازیوں کے لیے
اپنے گھر میں کہیں خدا رکھنا
جانے والوں سے رابطہ رکھنا
دوستو رسم فاتحہ رکھنا
گھر کی تعمیر چاہے جیسی ہو
اس میں رونے کی کچھ جگہ رکھنا
یہ جو پھیلا ہوا زمانہ ہے
اس کا رقبہ غریب خانہ ہے
عمر کرنے کو ہے پچاس کو پار
کون ہے کس جگہ پتا رکھنا
جسم میں پھیلنے لگا ہے شہر
اپنی تنہائیاں بچا رکھنا
کوئی منظر سدا نہیں رہتا
ہر تعلق مسافرانہ ہے
ملنا جلنا جہاں ضروری ہے
ملنے جلنے کا حوصلہ رکھنا
دیس پردیس کیا پرندوں کا
آب و دانہ ہی آشیانہ ہے
عشق کی عمر کم ہی ہوتی ہے
باقی جو کچھ ہے دوستانہ ہے
کیسی مسجد کہاں کا بت خانہ
ہر جگہ اس کا آستانہ ہے
یوں لگ رہا ہے جیسے کوئی آس پاس ہے
وہ کون ہے جو ہے بھی نہیں اور اداس ہے
اتنا بھی بن سنور کے نہ نکلا کرے کوئی
لگتا ہے ہر لباس میں وہ بے لباس ہے
چھوٹا بڑا ہے پانی خود اپنے حساب سے
اتنی ہی ہر ندی ہے یہاں جتنی پیاس ہے
مانے نہ مانے کوئی حقیقت تو ہے یہی
چرخہ ہے جس کے پاس اسی کی کپاس ہے
آئے گا کوئی چل کے خزاں سے بہار میں
صدیاں گزر گئی ہیں اسی انتظار میں
اپنی طرح سے دنیا بدلنے کے واسطے
میرا ہی ایک گھر ہے مرے اختیار میں
چھڑتے ہی ساز بزم میں کوئی نہ تھا کہیں
وہ کون تھا جو بول رہا تھا ستار میں
یہ اور بات ہے کوئی مہکے کوئی چبھے
گلشن تو جتنا گل میں ہے اتنا ہے خار میں
جو بھلا ہے اسے برا مت کر
خود سے بھی بارہا ملا مت کر
تشنہ لبی نے ریت کو دریا بنا دیا
پانی کہاں تھا ورنہ کسی ریگ زار میں
روز کی لعن طعن ٹھیک نہیں
گھر میں آئینے کو رکھا مت کر
مصروف گورکن کو بھی شاید پتہ نہیں
وہ خود کھڑا ہوا ہے قضا کی قطار میں
باغ ہے دل فریب دونوں سے
پھول کو خار سے جدا مت کر
یہ ہے بستی اداس لوگوں کی
قہقہہ مار کر ہنسا مت کر
چہرہ مہرہ بدلتا رہتا ہے
اتنی جلدی بھی فیصلہ مت کر
کچھ دنوں تو شہر سارا اجنبی سا ہو گیا
پھر ہوا یوں وہ کسی کی میں کسی کا ہو گیا
وہ ہی مورت وہ ہی صورت وہ ہی قدرت کی طرح
اس کو جس نے جیسا سوچا وہ بھی ویسا ہو گیا
قبر میں حق گوئی باہر منقبت قوالیاں
آدمی کا آدمی ہونا تماشہ ہو گیا
عشق کر کے دیکھیے اپنا تو یہ ہے تجربہ
گھر محلہ شہر سب پہلے سے اچھا ہو گیا
اٹھ کے کپڑے بدل گھر سے باہر نکل جو ہوا سو ہوا
رات کے بعد دن آج کے بعد کل جو ہوا سو ہوا
جو مرا کیوں مرا جو لٹا کیوں لٹا جو جلا کیوں جلا
مدتوں سے ہیں غم ان سوالوں کے حل جو ہوا سو ہوا
خون سے تر بہ تر کر کے ہر رہ گزر تھک چکے جانور
لکڑیوں کی طرح پھر سے چولھے میں جل جو ہوا سو ہوا
جب تلک سانس ہے بھوک ہے پیاس ہے یہ ہی اتہاس ہے
رکھ کے کاندھے پہ ہل کھیت کی اور چل جو ہوا سو ہوا
مندروں میں بھجن مسجدوں میں اذاں آدمی ہے کہاں
آدمی کے لئے ایک تازہ غزل جو ہوا سو ہوا
راکشس تھا نہ خدا تھا پہلے
آدمی کتنا بڑا تھا پہلے
یہ نہ پوچھو کہ واقعہ کیا ہے
کس کی نظروں کا زاویہ کیا ہے
جو کتابوں میں ہے وہ سب کا ہے
تو بتا تیرا تجربہ کیا ہے
کون رخصت ہوا خدائی سے
ہر طرف یہ خدا خدا کیا ہے
سب ہیں مصروف کون بتلائے
آدمی کا اتا پتا کیا ہے
خدا تو مالک و مختار ہے کہیں بھی رہے
کبھی بشر میں کبھی جانور میں رہتا ہے
چلتا جاتا ہے کاروان حیات
ابتدا کیا ہے انتہا کیا ہے
شہر تو بعد میں ویران ہوا
میرا گھر خاک ہوا تھا پہلے
آسماں کھیت سمندر سب لال
خون کاغذ پہ اگا تھا پہلے
اب کسی سے بھی شکایت نہ رہی
جانے کس کس سے گلا تھا پہلے
میں وہ مقتول جو قاتل نہ بنا
ہاتھ میرا بھی اٹھا تھا پہلے
ہمیشہ امن نہیں ہوتا فاختاؤں میں
کبھی کبھار عقابوں سے بھی کلام کرو
کسی بھی شہر میں جاؤ کہیں قیام کرو
کوئی فضا کوئی منظر کسی کے نام کرو
ہر ایک بستی بدلتی ہے رنگ روپ کئی
جہاں بھی صبح گزارو ادھر ہی شام کرو
دعا سلام ضروری ہے شہر والوں سے
مگر اکیلے میں اپنا بھی احترام کرو
بندرابن کے کرشن کنھیا اللہ ہو
بنسی رادھا گیتا گیا اللہ ہو
تھوڑے تنکے تھوڑے دانے تھوڑا جل
ایک ہی جیسی ہر گوریا اللہ ہو
ایک سے مل کے سب سے مل لیجے
آج ہر شخص ہے نقابوں میں
مولویوں کا سجدہ پنڈت کی پوجا
مزدوروں کی ہیا ہیا اللہ ہو
خدا کے حکم سے شیطان بھی ہے آدم بھی
وہ اپنا کام کرے گا تم اپنا کام کرو
تیرا ملنا ترا نہیں ملنا
ایک رستہ کئی سرابوں میں
جیسا جس کا برتن ویسا اس کا تن
گھٹتی بڑھتی گنگا میا اللہ ہو
نہ جانے ایک میں اس جیسے اور کتنے ہیں
وہ جتنا پاس ہے اتنا ہی وہ جدا بھی ہے
وہی امیر جو روزی رساں ہے عالم کا
فقیر بن کے کبھی بھیک مانگتا بھی ہے
اکیلا ہوتا تو کچھ اور فیصلہ ہوتا
مری شکست میں شامل مری دعا بھی ہے
یوں ہوا دوریاں کم کرنے لگے تھے دونوں
روز چلنے سے تو رستے بھی اکھڑ جاتے ہیں
روشنی تھی سوال کی حد تک
ہر نظر کھو گئی جوابوں میں
وہ خوش لباس بھی خوش دل بھی خوش ادا بھی ہے
مگر وہ ایک ہے کیوں اس سے یہ گلہ بھی ہے
کچے بخیے کی طرح رشتے ادھڑ جاتے ہیں
لوگ ملتے ہیں مگر مل کے بچھڑ جاتے ہیں
آنے والے بیاض میں اپنی جانے والوں کے نام لکھتے ہیں
سب ہی اوروں کے خالی کمروں کو اپنی اپنی طرح سجاتے ہیں
چھانو میں رکھ کے ہی پوجا کرو یہ موم کے بت
دھوپ میں اچھے بھلے نقش بگڑ جاتے ہیں
چاہتیں موسمی پرندے ہیں رت بدلتے ہی لوٹ جاتے ہیں
گھونسلے بن کے ٹوٹ جاتے ہیں داغ شاخوں پہ چہچہاتے ہیں
ایک ہی دریا نیلا پیلا لال ہرا
اپنی اپنی سب کی نیا اللہ ہو
بھیڑ سے کٹ کے نہ بیٹھا کرو تنہائی میں
بے خیالی میں کئی شہر اجڑ جاتے ہیں
موت اک واہمہ ہے نظروں کا ساتھ چھٹتا کہاں ہے اپنوں کا
جو زمیں پر نظر نہیں آتے چاند تاروں میں جگمگاتے ہیں
یوں ہی چلتا ہے کاروبار جہاں ہے ضروری ہر ایک چیز یہاں
جن درختوں میں پھل نہیں آتے وہ جلانے کے کام آتے ہیں
تیرا سچ ہے ترے عذابوں میں
جھوٹ لکھا ہے سب کتابوں میں
ہمیں بھی شوق ہے اپنی طرف سے جینے کا
ہمارا نام بھی کیجے عتاب میں شامل
وہ تم نہیں ہو تو پھر کون تھا وہ تم جیسا
کسی کا ذکر تو تھا ہر کتاب میں شامل
ہر اک تلاش یہاں فاصلوں سے روشن ہے
حقیقتیں کہاں ہوتی ہیں خواب میں شامل
ہمیشہ مندر و مسجد میں وہ نہیں رہتا
سنا ہے بچوں میں چھپ کر وہ کھیلتا بھی ہے
اکیلے کمرے میں گلدان بولتے کب ہیں
تمہارے ہونٹ ہیں شاید گلاب میں شامل
نشہ نشہ کے لئے ہے عذاب میں شامل
کسی کی یاد کو کیجے شراب میں شامل
ان کی ناکامیوں کو بھی گنیے
جن کی شہرت ہے کامیابوں میں
پہلے سوچوں اسے پھر اس کی بناؤں تصویر
اور پھر اس میں ہی پیدا در و دیوار کروں
یہ مصور عجیب ہوتے ہیں آپ اپنے حبیب ہوتے ہیں
دوسروں کی شباہتیں لے کر اپنی تصویر ہی بناتے ہیں
زمین روز کہاں معجزہ دکھاتی ہے
مری نگاہ بھی ہوگی نقاب میں شامل
جو ملنا چاہو تو مجھ سے ملو کہیں باہر
وہ کوئی اور ہے جو میرے گھر میں رہتا ہے
اسی کا نام ہے نغمہ اسی کا نام غزل
وہ اک سکون جو ہے اضطراب میں شامل
کوئی نہیں ہے آنے والا پھر بھی کوئی آنے کو ہے
آتے جاتے رات اور دن میں کچھ تو جی بہلانے کو ہے
دو دروازے ایک حویلی آمد رخصت ایک پہیلی
کوئی جا کر آنے کو ہے کوئی آ کر جانے کو ہے
چلو یہاں سے اپنی اپنی شاخوں پہ لوٹ آئے پرندے
بھولی بسری یادوں کو پھر تنہائی دہرانے کو ہے
رات کے بعد نئے دن کی سحر آئے گی
دن نہیں بدلے گا تاریخ بدل جائے گی
کسی سے خوش ہے کسی سے خفا خفا سا ہے
وہ شہر میں ابھی شاید نیا نیا سا ہے
دن بھر کا ہنگامہ سارا شام ڈھلے پھر بستر پیارا
میرا رستہ ہو یا تیرا ہر رستہ گھر جانے کو ہے
کچھ اور دھوپ تو ہو اوس سوکھ جانے تک
وہ پیڑ اب کے برس بھی ہرا ہرا سا ہے
نہ جانے کتنے بدن وہ پہن کے لیٹا ہے
بہت قریب ہے پھر بھی چھپا چھپا سا ہے
سلگتا شہر ندی خون کب کی باتیں ہیں
کہیں کہیں سے یہ قصہ سنا سنا سا ہے
آبادی کا شور شرابہ چھوڑ کے ڈھونڈو کوئی خرابہ
تنہائی پھر شمع جلا کر کوئی حرف سنانے کو ہے
منی کی بھولی باتوں سی چٹکیں تاروں کی کلیاں
پپو کی خاموشی شرارت سا چھپ چھپ کر ابھرا چاند
سروں کے سینگ تو جنگل کی دین ہوتے ہیں
وہ آدمی تو ہے لیکن ڈرا ڈرا سا ہے
نیل گگن میں تیر رہا ہے اجلا اجلا پورا چاند
ماں کی لوری سا بچے کے دودھ کٹورے جیسا چاند
مجھ سے پوچھو کیسے کاٹی میں نے پربت جیسی رات
تم نے تو گودی میں لے کر گھنٹوں چوما ہوگا چاند
تم بھی لکھنا تم نے اس شب کتنی بار پیا پانی
تم نے بھی تو چھجے اوپر دیکھا ہوگا پورا چاند
پردیسی سونی آنکھوں میں شعلے سے لہراتے ہیں
بھابی کی چھڑیوں سا بادل آپا کی چٹکی سا چاند
تنہا ہوئے خراب ہوئے آئنہ ہوئے
چاہا تھا آدمی بنیں لیکن خدا ہوئے
جب تک جیے بکھرتے رہے ٹوٹتے رہے
ہم سانس سانس قرض کی صورت ادا ہوئے
ہم بھی کسی کمان سے نکلے تھے تیر سے
یہ اور بات ہے کہ نشانے خطا ہوئے
پر شور راستوں سے گزرنا محال تھا
ہٹ کر چلے تو آپ ہی اپنی سزا ہوئے
جب بھی کسی نے خود کو صدا دی
سناٹوں میں آگ لگا دی
مٹی اس کی پانی اس کا
جیسی چاہی شکل بنا دی
جب بھی سوچا اس کا چہرہ
اپنی ہی تصویر بنا دی
جانے والوں سے رابطہ رکھنا
دوستو رسم فاتحہ رکھنا
چھوٹا لگتا تھا افسانہ
میں نے تیری بات بڑھا دی
گھر کی تعمیر چاہے جیسی ہو
اس میں رونے کی کچھ جگہ رکھنا
جسم میں پھیلنے لگا ہے شہر
اپنی تنہائیاں بچا رکھنا
ٹھہرے جو کہیں آنکھ تماشا نظر آئے
سورج میں دھواں چاند میں صحرا نظر آئے
مسجدیں ہیں نمازیوں کے لیے
اپنے گھر میں کہیں خدا رکھنا
رفتار سے تابندہ امیدوں کے جھروکے
ٹھہروں تو ہر اک سمت اندھیرا نظر آئے
تجھ کو تجھ میں ڈھونڈ کے ہم نے
دنیا تیری شان بڑھا دی
عمر کرنے کو ہے پچاس کو پار
کون ہے کس جگہ پتہ رکھنا
سانچوں میں ڈھلے قہقہے سوچی ہوئی باتیں
ہر شخص کے کاندھوں پہ جنازہ نظر آئے
ممکن ہے لکھنے والے کو بھی یہ خبر نہ ہو
قصے میں جو نہیں ہے وہی بات خاص ہے
ہر راہ گزر راستہ بھولا ہوا بالک
ہر ہاتھ میں مٹی کا کھلونا نظر آئے
جس سے بھی ملیں جھک کے ملیں ہنس کے ہوں رخصت
اخلاق بھی اس شہر میں پیشہ نظر آئے
کھوئی ہیں ابھی میں کے دھندلکوں میں نگاہیں
ہٹ جائے یہ دیوار تو دنیا نظر آئے
نفرت چڑھتی آندھی جیسی پیار ابلتے چشموں سا
بیری ہوں یا سنگی ساتھی سارے اپنے لگتے تھے
دکھ میں نیر بہا دیتے تھے سکھ میں ہنسنے لگتے تھے
سیدھے سادے لوگ تھے لیکن کتنے اچھے لگتے تھے
بہتے پانی دکھ سکھ بانٹیں پیڑ بڑے بوڑھوں جیسے
بچوں کی آہٹ سنتے ہی کھیت لہکنے لگتے تھے
پیر پیمبر کو اب اور نہ زحمت دے
چولہا چکی روٹی سبزی یا اللہ
کالا امبر پیلی دھرتی یا اللہ
ہا ہا ہے ہے ہی ہی ہی ہی یا اللہ
تلاش کر نہ زمیں آسمان سے باہر
نہیں ہے راہ کوئی اس مکان سے باہر
تو ہی پھول ستارا ساون ہریالی
اور کبھی تو ناگا ساکی یا اللہ
کرگل اور کشمیر ہی تیرے نام ہوں کیوں
بھائی بہن محبوبہ بیٹی یا اللہ
نصاب درجہ بہ درجہ یوں ہی بدلتا ہے
ہوا نہ کوئی بھی اس امتحان سے باہر
گرجتی آندھیاں ضائع ہوئی ہیں
زمیں پہ ٹوٹ کے آنسو گرا ہے
تمام شہر کی شمعیں اسی سے روشن تھیں
کبھی اجالا بہت تھا کسی گلی کی طرف
نکل آئے کدھر منزل کی دھن میں
یہاں تو راستہ ہی راستہ ہے
ندیا پربت چاند نگاہیں مالا ایک کئی دانے
چھوٹے چھوٹے سے آنگن بھی کوسوں پھیلے لگتے تھے
کہیں کی بھوک ہو ہر کھیت اس کا اپنا ہے
کہیں کی پیاس ہو جائے گی وہ ندی کی طرف
کس کے آنگن میں نہیں دیواریں
کس کو جنگل میں بلایا جائے
دعا کے ہاتھ پتھر ہو گئے ہیں
خدا ہر ذہن میں ٹوٹا پڑا ہے
تمہارا تجربہ شاید الگ ہو
مجھے تو علم نے بھٹکا دیا ہے
اسی کی جستجو اکثر اداس کرتی ہے
وہ اک جہان جو ہے ہر جہان سے باہر
کوئی ہنگامہ اٹھایا جائے
بے سبب شور مچایا جائے
اس سے دو چار بار اور ملیں
جس کو دل سے نہ بھلایا جائے
کوئی کسی کی طرف ہے کوئی کسی کی طرف
کہاں ہے شہر میں اب کوئی زندگی کی طرف
گھی مصری بھی بھیج کبھی اخباروں میں
کئی دنوں سے چائے ہے کڑوی یا اللہ
میری تیری دوریاں ہیں اب عبادت کے خلاف
ہر طرف ہے فوج آرائی محبت کے خلاف
مر گیا سانپ ندی خشک ہوئی
ریت کا ڈھیر اٹھایا جائے
بس ایک دو ہی قدم اور تھے سفر والے
تھکان دیکھ نہ پائی تھکان سے باہر
نمازیوں سے کہو دیکھیں چاند سورج کو
نکل رہے ہیں مؤذن اذان سے باہر
حرف سرمد خون دارا کے علاوہ شہر میں
کون ہے جو سر اٹھائے بادشاہت کے خلاف
پہلے جیسا ہی دکھی ہے آج بھی بوڑھا کبیر
کوئی آیت کا مخالف کوئی مورت کے خلاف
میں بھی چپ ہوں تو بھی چپ ہے بات یہ سچ ہے مگر
ہو رہا ہے جو بھی وہ تو ہے طبیعت کے خلاف
وقت بنجارا صفت لمحہ بہ لمحہ اپنا
کس کو معلوم یہاں کون ہے کتنا اپنا
مدتوں کے بعد دیکھا تھا اسے اچھا لگا
دیر تک ہنستا رہا وہ اپنی عادت کے خلاف
نہ نکلے خیر سے علامہ قول سے باہر
یگانہؔ ٹوٹ گئے جب چلے خودی کی طرف
جو بھی چاہے وہ بنا لے اسے اپنے جیسا
کسی آئینے کا ہوتا نہیں چہرہ اپنا
خود سے ملنے کا چلن عام نہیں ہے ورنہ
اپنے اندر ہی چھپا ہوتا ہے رستہ اپنا
سبھی کی نظروں میں غائب تھا جو وہ حاضر تھا
کسی نے رک کے نہیں دیکھا آدمی کی طرف
ہر اک رستہ اندھیروں میں گھرا ہے
محبت اک ضروری حادثہ ہے
یوں بھی ہوتا ہے وہ خوبی جو ہے ہم سے منسوب
اس کے ہونے میں نہیں ہوتا ارادہ اپنا
خط کے آخر میں سبھی یوں ہی رقم کرتے ہیں
اس نے رسماً ہی لکھا ہوگا تمہارا اپنا
ذہانتوں کو کہاں کرب سے فرار ملا
جسے نگاہ ملی اس کو انتظار ملا
ہر ایک سانس نہ جانے تھی جستجو کس کی
ہر اک دیار مسافر کو بے دیار ملا
اترے کوئی مہتاب کہ کشتی ہو تہہ آب
دریا میں بدلتی نہیں دریا کی روانی
شام کا دھندلکا ہے یا اداس ممتا ہے
بھولی بسری یادوں سے پھوٹتی دعا دیکھوں
اس بار تو دونوں تھے نئی راہوں کے راہی
کچھ دور ہی ہم راہ چلیں یادیں پرانی
ہر چمکتی قربت میں ایک فاصلہ دیکھوں
کون آنے والا ہے کس کا راستہ دیکھوں
واقف نہیں اب کوئی سمندر کی زباں سے
صدیوں کی مسافت کو سناتا تو ہے پانی
کوئی پکار رہا تھا کھلی فضاؤں سے
نظر اٹھائی تو چاروں طرف حصار ملا
مسجدوں میں سجدوں کی مشعلیں ہوئیں روشن
بے چراغ گلیوں میں کھیلتا خدا دیکھوں
کہتا ہے کوئی کچھ تو سمجھتا ہے کوئی کچھ
لفظوں سے جدا ہو گئے لفظوں کے معانی
لہلہاتے موسم میں تیرا ذکر شادابی
شاخ شاخ پر تیرے نام کو ہرا دیکھوں
وہ کوئی راہ کا پتھر ہو یا حسیں منظر
جہاں بھی راستہ ٹھہرا وہیں مزار ملا
لہر لہر پانی میں ڈوبتا ہوا سورج
کون مجھ میں در آیا اٹھ کے آئنا دیکھوں
ہے بات اس کی اچھی لگتی ہے دل کو سچی پھر بھی ہے تھوڑی کچی
جو اس کا حادثہ ہے میرا بھی تجربہ ہو یہ بات تو غلط ہے
دریا ہے بہتا پانی ہر موج ہے روانی رکتی نہیں کہانی
جتنا لکھا گیا ہے اتنا ہی واقعہ ہو یہ بات تو غلط ہے
یہ یگ ہے کاروباری ہر شے ہے اشتہاری راجہ ہو یا بھکاری
شہرت ہے جس کی جتنی اتنا ہی مرتبہ ہو یہ بات تو غلط ہے
کوئی کسی سے خوش ہو اور وہ بھی بارہا ہو یہ بات تو غلط ہے
رشتہ لباس بن کر میلا نہیں ہوا ہو یہ بات تو غلط ہے
یہ شہر ہے کہ نمائش لگی ہوئی ہے کوئی
جو آدمی بھی ملا بن کے اشتہار ملا
دعا سلام میں لپٹی ضرورتیں مانگے
قدم قدم پہ یہ بستی تجارتیں مانگے
وہ چاند رہ گزر کا ساتھی جو تھا سفر تھا معجزہ نظر کا
ہر بار کی نظر سے روشن وہ معجزہ ہو یہ بات تو غلط ہے
کہاں ہر ایک کو آتی ہے راس بربادی
نئے سفر کی مسافت ذہانتیں مانگے
کوئی نہ ہو مرے ترے علاوہ بستی میں
کبھی کبھی یہی جذبہ رقابتیں مانگے
کوئی دھماکا کوئی چیخ کوئی ہنگامہ
لہو بدن کا لہو کی شباہتیں مانگے
چمکتے کپڑے مہکتا خلوص پختہ مکاں
ہر ایک بزم میں عزت حفاظتیں مانگے
سبھی اک دوسرے کے دکھ میں سکھ میں روتے ہنستے تھے
کبھی تھے ایک گھر کے چاند سورج ندیاں اور ہم
پھر گویا ہوئی شام پرندوں کی زبانی
آؤ سنیں مٹی سے ہی مٹی کی کہانی
ہوئے سب کے جہاں میں ایک جب اپنا جہاں اور ہم
مسلسل لڑتے رہتے ہیں زمین و آسماں اور ہم
مورخ کی قلم کے چند لفظوں سی ہے یہ دنیا
بدلتی ہے ہر اک یگ میں ہماری داستاں اور ہم
کبھی آکاش کے تارے زمیں پر بولتے بھی تھے
کبھی ایسا بھی تھا جب ساتھ تھیں تنہائیاں اور ہم
جہاں نہ تیری مہک ہو ادھر نہ جاؤں میں
مری سرشت سفر ہے گزر نہ جاؤں میں
درختوں کو ہرا رکھنے کے ذمے دار تھے دونوں
جو سچ پوچھو برابر کے ہیں مجرم باغباں اور ہم
مرے بدن میں کھلے جنگلوں کی مٹی ہے
مجھے سنبھال کے رکھنا بکھر نہ جاؤں میں
مرے مزاج میں بے معنی الجھنیں ہیں بہت
مجھے ادھر سے بلانا جدھر نہ جاؤں میں
بلا وہ ٹل گئی صدقے میں جس کے شہر چڑھے
ہمیں ڈبو کے نہ اب کوئی خونی نہر چڑھے
کہیں پکار نہ لے گہری وادیوں کا سکوت
کسی مقام پہ آ کر ٹھہر نہ جاؤں میں
نہ جانے کون سے لمحہ کی بد دعا ہے یہ
قریب گھر کے رہوں اور گھر نہ جاؤں میں
بنا وہ چاند مصور تو اس پہ قید لگی
نہ اب مکانوں کی چھت پر وہ جان دہر چڑھے
ڈھکوں بدن تو گئے موسموں کی بو مہکے
بدن کو کھولوں تو بھیگی رتوں کا زہر چڑھے
وہی ملن کا سماں اس سے مانجھیو ہوگا
ندی میں چاند کی جب ناؤ لہر لہر چڑھے
خدا کرے ترا تن من رہے یوںہی اجلا
نہ تیرے گاؤں پہ گرد ہوائے شہر چڑھے
بڑھا جو میں تھکے قدموں نے بد دعا یہ دی
قدم قدم تجھے پگڈنڈیوں کا زہر چڑھے
مزید شاعری پڑھیے اور دوسرے شعراء کو دریافت کیجیے۔