مکمل شاعری

سبھی اک دوسرے کے دکھ میں سکھ میں روتے ہنستے تھے

کبھی تھے ایک گھر کے چاند سورج ندیاں اور ہم

ہوئے سب کے جہاں میں ایک جب اپنا جہاں اور ہم

مسلسل لڑتے رہتے ہیں زمین و آسماں اور ہم

مورخ کی قلم کے چند لفظوں سی ہے یہ دنیا

بدلتی ہے ہر اک یگ میں ہماری داستاں اور ہم

کبھی آکاش کے تارے زمیں پر بولتے بھی تھے

کبھی ایسا بھی تھا جب ساتھ تھیں تنہائیاں اور ہم

درختوں کو ہرا رکھنے کے ذمے دار تھے دونوں

جو سچ پوچھو برابر کے ہیں مجرم باغباں اور ہم

— ندا فاضلی