مکمل شاعری

جھکتی ہوئی نظر ہو کہ سمٹا ہوا بدن

ہر رس بھری گھٹا کو برس جانا چاہئے

یوں تو قدم قدم پہ ہے دیوار سامنے

کوئی نہ ہو تو خود سے الجھ جانا چاہئے

دریا ہو یا پہاڑ ہو ٹکرانا چاہئے

جب تک نہ سانس ٹوٹے جیے جانا چاہئے

بجلی کا قمقمہ نہ ہو کالا دھواں تو ہو

یہ بھی اگر نہیں ہو تو بجھ جانا چاہئے

چپ چپ مکان راستے گم سم نڈھال وقت

اس شہر کے لیے کوئی دیوانا چاہئے

چوراہے باغ بلڈنگیں سب شہر تو نہیں

کچھ ایسے ویسے لوگوں سے یارانا چاہئے

اپنی تلاش اپنی نظر اپنا تجربہ

رستہ ہو چاہے صاف بھٹک جانا چاہئے

— ندا فاضلی