مکمل شاعری

ہنستے ہنستے کبھی تھک جاؤ تو چھپ کے رو لو

یہ ہنسی بھیگ کے کچھ اور چمک جائے گی

اور کچھ دیر یوں ہی جنگ سیاست مذہب

اور تھک جاؤ ابھی نیند کہاں آئے گی

جگمگاتی ہوئی سڑکوں پہ اکیلے نہ پھرو

شام آئے گی کسی موڑ پہ ڈس جائے گی

وقت ندیوں کو اچھالے کہ اڑائے پربت

عمر کا کام گزرنا ہے گزر جائے گی

میری غربت کو شرافت کا ابھی نام نہ دے

وقت بدلا تو تری رائے بدل جائے گی

رات کے بعد نئے دن کی سحر آئے گی

دن نہیں بدلے گا تاریخ بدل جائے گی

— ندا فاضلی