مکمل شاعری

یہ کیسی کشمکش ہے زندگی میں

کسی کو ڈھونڈتے ہیں ہم کسی میں

نکل آتے ہیں آنسو ہنستے ہنستے

یہ کس غم کی کسک ہے ہر خوشی میں

جو کھو جاتا ہے مل کر زندگی میں

غزل ہے نام اس کا شاعری میں

کہیں چہرہ کہیں آنکھیں کہیں لب

ہمیشہ ایک ملتا ہے کئی میں

بہت مشکل ہے بنجارہ مجازی

سلیقہ چاہیے آوارگی میں

سلگتی ریت میں پانی کہاں تھا

کوئی بادل چھپا تھا تشنگی میں

چمکتی ہے اندھیروں میں خموشی

ستارے ٹوٹتے ہیں رات ہی میں

— ندا فاضلی