شاعر کی معلومات لوڈ ہو رہی ہیں...
زمیں کا آخری منظر دکھائی دینے لگا
میں دیکھتا ہوا پتھر دکھائی دینے لگا
شاعر کی معلومات لوڈ ہو رہی ہیں...
Shaheen Abbas
1965 – حال
Shaheen Abbas was born on November 29, 1965, in Sheikhupura, Punjab. He received his education from the University of Engineering and Technology (UET) Lahore. By profession, he is an engineer, but his journey in poetry began in 1980. His first collection of poetry, Tahayyur, consisting of ghazals, was published in 1998. This was followed by other books: Wabasta (2002), Khuda ke Din (2009), Munadi (2013), and Dars Dhara (2014). His most recent work, Galiyon Galiyon, is also among his published books. In addition to poetry, he has written a novel and a collection of short stories. After 1990, he came to be regarded as one of Pakistan's prominent poets.
ان کے کلام کے چند منتخب اشعار پڑھیے۔
زمیں کا آخری منظر دکھائی دینے لگا
میں دیکھتا ہوا پتھر دکھائی دینے لگا
وہ سامنے تھا تو کم کم دکھائی دیتا تھا
چلا گیا تو برابر دکھائی دینے لگا
نشان ہجر بھی ہے وصل کی نشانیوں میں
کہاں کا زخم کہاں پر دکھائی دینے لگا
وہ اس طرح سے مجھے دیکھتا ہوا گزرا
میں اپنے آپ کو بہتر دکھائی دینے لگا
تجھے خبر ہی نہیں رات معجزہ جو ہوا
اندھیرے کو، تجھے چھو کر، دکھائی دینے لگا
کچھ اتنے غور سے دیکھا چراغ جلتا ہوا
کہ میں چراغ کے اندر دکھائی دینے لگا
پہنچ گیا تری آنکھوں کے اس کنارے تک
جہاں سے مجھ کو سمندر دکھائی دینے لگا
کچھ بھی نہ جب دکھائی دے تب دیکھتا ہوں میں
پھر بھی یہ خوف سا ہے کہ سب دیکھتا ہوں میں
آنکھیں تمہارے ہاتھ پہ رکھ کر میں چل دیا
اب تم پہ منحصر ہے کہ کب دیکھتا ہوں میں
آہٹ عقب سے آئی اور آگے نکل گئی
جو پہلے دیکھنا تھا وہ اب دیکھتا ہوں میں
یہ وقت بھی بتاتا ہے آداب وقت بھی
اس ٹوٹتے ستارے کو جب دیکھتا ہوں میں
اب یاں سے کون دے مری چشم طلب کو داد
جس فاصلے سے باب طلب دیکھتا ہوں میں
ان پتلیوں کا قرض چکاتا ہوں کیا کروں
بس دل سے دل ملاتا ہوں جب دیکھتا ہوں میں
ناکام عشق ہوں سو مرا دیکھنا بھی دیکھ
کم دیکھتا ہوں اور غضب دیکھتا ہوں میں
اب ایسے چاک پر کوزہ گری ہوتی نہیں تھی
کبھی ہوتی تھی مٹی اور کبھی ہوتی نہیں تھی
بہت پہلے سے افسردہ چلے آتے ہیں ہم تو
بہت پہلے کہ جب افسردگی ہوتی نہیں تھی
ہمیں ان حالوں ہونا بھی کوئی آسان تھا کیا
محبت ایک تھی اور ایک بھی ہوتی نہیں تھی
دیا پہنچا نہیں تھا آگ پہنچی تھی گھروں تک
پھر ایسی آگ جس سے روشنی ہوتی نہیں تھی
نکل جاتے تھے سر پر بے سر و سامانی لادے
بھری لگتی تھی گٹھری اور بھری ہوتی نہیں تھی
ہمیں یہ عشق تب سے ہے کہ جب دن بن رہا تھا
شب ہجراں جب اتنی سرسری ہوتی نہیں تھی
ہمیں جا جا کے کہنا پڑتا تھا ہم ہیں یہیں ہیں
کہ جب موجودگی موجودگی ہوتی نہیں تھی
بہت تکرار رہتی تھی بھرے گھر میں کسی سے
جو شے درکار ہوتی تھی وہی ہوتی نہیں تھی
تمہی کو ہم بسر کرتے تھے اور دن ماپتے تھے
ہمارا وقت اچھا تھا گھڑی ہوتی نہیں تھی
ایسا نہیں کہ اس نے بنایا نہیں مجھے
جو زخم اس کو آیا ہے آیا نہیں مجھے
دیوار کو گرا کے اٹھایا بھی میں نے تھا
دیوار نے گرا کے اٹھایا نہیں مجھے
میں خود بھی آ رہا تھا جگہ ڈھونڈتے ہوئے
یاں تک یہ انہدام ہی لایا نہیں مجھے
میرا یہ کام اور کسی کے سپرد ہے
خود خواب دیکھنا ابھی آیا نہیں مجھے
کل نیند میں چراغ کو ناراض کر دیا
سورج نے آج صبح جگایا نہیں مجھے
زنجیر لازمی ہے کہ زنجیر کے بغیر
چلنا زمین پر ابھی آیا نہیں مجھے
بولتے بولتے جب صرف زباں رہ گئے ہم
تب اشارے سے بتایا کہ کہاں رہ گئے ہم
ہمیں اتنی بڑی دنیا کا پتہ تھوڑی تھا
جہاں ہم تم ہوا کرتے تھے وہاں رہ گئے ہم
ہم مکاں بھی تھے مکیں بھی تھے کہ بازار تھا گرم
پھر خسارہ ہوا اور صرف مکاں رہ گئے ہم
دیر تک خالی مکاں خالی نہیں چھوڑتے ہیں
آپ تب تھے ہی نہیں آپ کے ہاں رہ گئے ہم
گھر ہی ایسا تھا یہ کچھ دوہری مسہری والا
اپنا رہنے کے علاوہ بھی یہاں رہ گئے ہم
ایک آواز کے دو حصے ہوئے ٹھیک ہوا
تم وہاں رہ گئے خاموش یہاں رہ گئے ہم
پاؤں درزوں میں ٹکائے ہوئے سر رخنوں میں
اس نہاں خانے میں رہ رہ کے عیاں رہ گئے ہم
محبت میں نہ جانے کیوں ہمیں فرصت زیادہ ہے
ہمارا کام تھوڑا ہے مگر مہلت زیادہ ہے
ہمیں اس عالم ہجراں میں بھی رک رک کے چلنا ہے
انہیں جانے دیا جائے جنہیں عجلت زیادہ ہے
یہ دل باہر دھڑکتا ہے یہ آنکھ اندر کو کھلتی ہے
ہم ایسے مرحلے میں ہیں جہاں زحمت زیادہ ہے
سو ہم فریادیوں کی ایک اپنی صف الگ سے ہو
ہمارا مسئلہ یہ ہے ہمیں حیرت زیادہ ہے
سمجھ پائے نہیں دیکھے بغیر اس کا نظر آنا
مشقت کم سے کم کی تھی مگر اجرت زیادہ ہے
تماشا گاہ چاروں سمت سے پر شور ہے یعنی
کہیں جلوت زیادہ ہے کہیں خلوت زیادہ ہے
تجھے حلقہ بہ حلقہ کھینچتے پھرتے ہیں دنیا میں
سو اے زنجیر پا یوں بھی تری شہرت زیادہ ہے
یہ ساری آمد و رفت ایک جیسی تو نہیں شاہینؔ
کہ دنیا میں سفر کم کم ہے اور ہجرت زیادہ ہے
بولتے بولتے جب صرف زباں رہ گئے ہم
تب اشارے سے بتایا کہ کہاں رہ گئے ہم
ہمیں اتنی بڑی دنیا کا پتہ تھوڑی تھا
جہاں ہم تم ہوا کرتے تھے وہاں رہ گئے ہم
ہم مکاں بھی تھے مکیں بھی تھے کہ بازار تھا گرم
پھر خسارہ ہوا اور صرف مکاں رہ گئے ہم
دیر تک خالی مکاں خالی نہیں چھوڑتے ہیں
آپ تب تھے ہی نہیں آپ کے ہاں رہ گئے ہم
گھر ہی ایسا تھا یہ کچھ دوہری مسہری والا
اپنا رہنے کے علاوہ بھی یہاں رہ گئے ہم
ایک آواز کے دو حصے ہوئے ٹھیک ہوا
تم وہاں رہ گئے خاموش یہاں رہ گئے ہم
پاؤں درزوں میں ٹکائے ہوئے سر رخنوں میں
اس نہاں خانے میں رہ رہ کے عیاں رہ گئے ہم
آنکھوں سے یوں چراغوں میں ڈالی ہے روشنی
ہم جیسی چاہتے تھے بنا لی ہے روشنی
دریا غروب ہونے چلا تھا کہ آج رات
غرقاب کشتیوں نے اچھالی ہے روشنی
اپنی نشست چھوڑ کے واں رکھ دیا چراغ
میں نے زمین دے کے بچا لی ہے روشنی
ہاتھوں کا امتحان لیا ساری ساری رات
سانچے میں صبح و شام کے ڈھالی ہے روشنی
میں نے کنار شام گزاری ہے ایک عمر
میں جانتا ہوں ڈوبنے والی ہے روشنی
کیا راکھ گر رہی ہے نظر کی منڈیر سے
خالی دیا ہے اور خیالی ہے روشنی
اس بار تیرے خواب میں رکھا ہے اپنا خواب
اس بار روشنی میں سنبھالی ہے روشنی
سیاہی گرتی رہے اور دیا خراب نہ ہو
یہ طاق چشم اب اتنا بھی کیا خراب نہ ہو
ہر آنے والا اسی طرح سے تجھے چاہے
مری بنائی ہوئی یہ فضا خراب نہ ہو
ازل ابد میں ٹھنی ہے سو میں نکلتا ہوں
مری کڑی سے ترا سلسلہ خراب نہ ہو
ہم اس ہوا سے تو کہتے ہیں کیوں بجھایا چراغ
کہیں چراغ کی اپنی ہوا خراب نہ ہو
میں اپنی شرط پہ آیا تھا اس خرابے میں
سو میرے ساتھ کوئی دوسرا خراب نہ ہو
مری خرابی کو یکجا کرو کہیں نہ کہیں
مرا معاملہ اب جا بہ جا خراب نہ ہو
خراب ہوں بھلے اس اشتہا میں ہم اور تم
پر ایک دوسرے کا ذائقہ خراب نہ ہو
مرے بننے سے کیا کیا بن رہا تھا
میں بننے کو اکیلا بن رہا تھا
اور اب جب تن چکا تو شرم آئی
کئی دن سے یہ پردہ بن رہا تھا
زیادہ ہو رہی تھیں دو سرائیں
میں پھر محفل کا حصہ بن رہا تھا
قیامت اور قیامت پر قیامت
میں خوش تھا میرا حلقہ بن رہا تھا
فلک مٹ سا گیا حد نظر تک
ستارہ ہی اک ایسا بن رہا تھا
نشیب شہر تھا یوں روز افزوں
میان شہر زینہ بن رہا تھا
خرابی میں یہ خم آیا اچانک
خرابہ اچھا خاصا بن رہا تھا
میں آدھا جسم جا بیٹھا وہیں پر
جہاں باقی کا آدھا بن رہا تھا
اور اب جب کچھ نہ بن پایا تو بولے
یہی تو تھا جو کب کا بن رہا تھا
اداکاری نمو داری تھی یکسر
میں ناموجود کتنا بن رہا تھا
ٹھہر جانا ضرورت سے تھا یعنی
گزر جانے کا لمحہ بن رہا تھا
مجھے آسان تھا ہونا نہ ہونا
زمانہ مٹ رہا تھا بن رہا تھا
ہم رہ گئے ہمارا خلل کیوں نہیں رہا
مشکل کا ایک حل تھا وہ حل کیوں نہیں رہا
مڑ مڑ کے دیکھتا ہوں وہیں کا وہیں غبار
میں چل رہا ہوں راستہ چل کیوں نہیں رہا
موضوع کو بدلتا ہوں صفحے الٹتا ہوں
مضمون کیا بتاؤں بدل کیوں نہیں رہا
میرے اور اس کے بیچ شب آخریں کا داغ
اک آخری چراغ ہے جل کیوں نہیں رہا
میں نے کہا خدا سے خدا نے کہا مجھے
گھر سے کوئی گلی میں نکل کیوں نہیں رہا
تجھ میں کتنا گم ہوں اور کتنا نظر آتا ہوں میں
آتا جاتا آئنوں کو منہ دکھا جاتا ہوں میں
اس کے بعد اگلی قیامت کیا ہے کس کو ہوش ہے
زخم سہلاتا تھا اور اب داغ دکھلاتا ہوں میں
نقش بر دیوار ہوں اور بات کر سکتا نہیں
ایسی حالت میں بھی جو کہتا ہوں منواتا ہوں میں
خاکساری ہی نہیں یہ غم گساری بھی تو ہے
پاؤں رکھتا ہوں جہاں مٹی اٹھا لاتا ہوں میں
حرف کے آوازۂ آخر کو کر دیتا ہوں نظم
شعر کیا کہتا ہوں خاموشی کو پھیلتا ہوں میں
دن ڈھلے کچھ دیر ڈھل جاتا بھی ہوں سورج کے ساتھ
شام ہوتے ہی چراغوں سے ابھر آتا ہوں میں
نقش تھا اور نام تھا ہی نہیں
یعنی میں اتنا عام تھا ہی نہیں
خواب سے کام تھا وہاں کہ جہاں
خواب کا کوئی کام تھا ہی نہیں
سب خبر کرنے والوں پر افسوس
یہ خبر کا مقام تھا ہی نہیں
تہ بہ تہ انتقام تھا سر خاک
انہدام انہدام تھا ہی نہیں
ہم نے توہین کی قیام کیا
اس سفر میں قیام تھا ہی نہیں
اب تو ہے پر ہمارے وقتوں میں
شیشۂ صبح و شام تھا ہی نہیں
وہ تو ہم نے کہا کہ تم بھی ہو
ورنہ کوئی نظام تھا ہی نہیں
تجھ میں کتنا گم ہوں اور کتنا نظر آتا ہوں میں
آتا جاتا آئنوں کو منہ دکھا جاتا ہوں میں
اس کے بعد اگلی قیامت کیا ہے کس کو ہوش ہے
زخم سہلاتا تھا اور اب داغ دکھلاتا ہوں میں
نقش بر دیوار ہوں اور بات کر سکتا نہیں
ایسی حالت میں بھی جو کہتا ہوں منواتا ہوں میں
خاکساری ہی نہیں یہ غم گساری بھی تو ہے
پاؤں رکھتا ہوں جہاں مٹی اٹھا لاتا ہوں میں
حرف کے آوازۂ آخر کو کر دیتا ہوں نظم
شعر کیا کہتا ہوں خاموشی کو پھیلتا ہوں میں
دن ڈھلے کچھ دیر ڈھل جاتا بھی ہوں سورج کے ساتھ
شام ہوتے ہی چراغوں سے ابھر آتا ہوں میں
نقش تھا اور نام تھا ہی نہیں
یعنی میں اتنا عام تھا ہی نہیں
خواب سے کام تھا وہاں کہ جہاں
خواب کا کوئی کام تھا ہی نہیں
سب خبر کرنے والوں پر افسوس
یہ خبر کا مقام تھا ہی نہیں
تہ بہ تہ انتقام تھا سر خاک
انہدام انہدام تھا ہی نہیں
ہم نے توہین کی قیام کیا
اس سفر میں قیام تھا ہی نہیں
اب تو ہے پر ہمارے وقتوں میں
شیشۂ صبح و شام تھا ہی نہیں
وہ تو ہم نے کہا کہ تم بھی ہو
ورنہ کوئی نظام تھا ہی نہیں
تجھ میں کتنا گم ہوں اور کتنا نظر آتا ہوں میں
آتا جاتا آئنوں کو منہ دکھا جاتا ہوں میں
اس کے بعد اگلی قیامت کیا ہے کس کو ہوش ہے
زخم سہلاتا تھا اور اب داغ دکھلاتا ہوں میں
نقش بر دیوار ہوں اور بات کر سکتا نہیں
ایسی حالت میں بھی جو کہتا ہوں منواتا ہوں میں
خاکساری ہی نہیں یہ غم گساری بھی تو ہے
پاؤں رکھتا ہوں جہاں مٹی اٹھا لاتا ہوں میں
حرف کے آوازۂ آخر کو کر دیتا ہوں نظم
شعر کیا کہتا ہوں خاموشی کو پھیلتا ہوں میں
دن ڈھلے کچھ دیر ڈھل جاتا بھی ہوں سورج کے ساتھ
شام ہوتے ہی چراغوں سے ابھر آتا ہوں میں
نقش تھا اور نام تھا ہی نہیں
یعنی میں اتنا عام تھا ہی نہیں
خواب سے کام تھا وہاں کہ جہاں
خواب کا کوئی کام تھا ہی نہیں
سب خبر کرنے والوں پر افسوس
یہ خبر کا مقام تھا ہی نہیں
تہ بہ تہ انتقام تھا سر خاک
انہدام انہدام تھا ہی نہیں
ہم نے توہین کی قیام کیا
اس سفر میں قیام تھا ہی نہیں
اب تو ہے پر ہمارے وقتوں میں
شیشۂ صبح و شام تھا ہی نہیں
وہ تو ہم نے کہا کہ تم بھی ہو
ورنہ کوئی نظام تھا ہی نہیں
ابتدا سا کچھ انتہا سا کچھ
چل تماشا کریں ذرا سا کچھ
سامنے سے یہ کائنات ہٹاؤ
ہو رہا ہے مغالطہ سا کچھ
سر بسر ہوں سلامتی کے سر
میں ہوں رفتار و حادثہ سا کچھ
ایک خطرہ ہے آنے جانے میں
اس سرا میں ہے دوسرا سا کچھ
چاک ادھڑتا ہے خاک اکھڑتی ہے
کوئی ہوتا ہے رونما سا کچھ
اور تو کچھ نہیں ہے مٹنے کو
میں ہی میں ہوں بنا بنا سا کچھ
یہ سرکتے ہوئے زمین پہ لوگ
یہ گنہ سا کچھ اور گلا سا کچھ
وقت پر آگ وقت پر پانی
زندگی بھر کا تجربہ سا کچھ
جو نہ تیرا ہے اور نہ میرا ہے
پھر وہ کیا ہے ترا مرا سا کچھ
جب خدا سا کوئی نہیں تو کیوں
مسئلہ بن گیا خدا سا کچھ
وپر جو پرند گا رہا ہے
نیچے کا مذاق اڑا رہا ہے
مٹی کا بنایا نقش اس نے
اب نقش کا کیا بنا رہا ہے
گھر بھر کو یہ طاقچہ مبارک
خود چل کے چراغ آ رہا ہے
اب دوری حضوری کیا ہے صاحب
بس جسم کو جسم کھا رہا ہے
یہ وقت کا خاص آدمی تھا
بے وقت جو گھر کو جا رہا ہے
اب میں نہیں راہ میں تو رستہ
میری جگہ خاک اڑا رہا ہے
اول وہ غلط بنانے والا
آخر کو غلط مٹا رہا ہے
وہ قافلہ آ سکا نہیں کیوں
رستہ بھی تو واں سے آ رہا ہے
کچھ نہیں لکھا ہوا پھر بھی پڑھا جاتا ہے کیا
ایسی ناموجود کو دنیا کہا جاتا ہے کیا
ہم سخن تیرے مخاطب کا پتا کیسے کروں
بولنا تھا کیا تجھے اور بولتا جاتا ہے کیا
ایک دروازہ اور اندر دور تک کوئی نہیں
آتے جاتے جھانک لینے سے ترا جاتا ہے کیا
اس اندھیرے میں پڑے اک شخص کو دیکھا کبھی
پاؤں سے ٹکرائے تو بانہوں میں آ جاتا ہے کیا
ہم ادھر ہیں حشر اٹھا دیتے ہیں جب اٹھتی ہے لہر
تم ادھر ہو ہاتھ اٹھا دو سب سنا جاتا ہے کیا
میں کہ تیرا تیسرا غم ہوں سو یہ غم بھی تو کر
تو کہ بس ہونے نہ ہونے پر مرا جاتا ہے کیا
پہلے تو مٹی کا اور پانی کا اندازہ ہوا
پھر مجھے اپنی پریشانی کا اندازہ ہوا
اے محبت تیرے دکھ سے دوستی آساں نہ تھی
تجھ سا ہو کر تیری ویرانی کا اندازہ ہوا
عمر بھر ہم نے فنا کے تجربے خود پر کئے
عمر بھر میں عالم فانی کا اندازہ ہوا
اک زمانے تک بدن بے خواب بے آداب تھے
پھر اچانک اپنی عریانی کا اندازہ ہوا
تیرے ہاتھوں جل اٹھے ہم تیرے ہاتھوں جل بجھے
ہوتے ہوتے آگ اور پانی کا اندازہ ہوا
صورتیں بگڑیں تو اپنی حالتوں میں آئے ہم
آئینہ ٹوٹا تو حیرانی کا اندازہ ہوا
بنتے بنتے اپنے پیچ و خم بنے
تو بنا پھر میں بنا پھر ہم بنے
ایک آنسو تھا گرا اور چل پڑا
ایک عالم تھا سو دو عالم بنے
اک قدم اٹھا کہیں پہلا قدم
خاک اڑی اور اپنے سارے غم بنے
اپنی آوازوں کو چپ رہ کر سنا
تب کہیں جا کر یہ زیر و بم بنے
آنکھ بننے میں بہت دن لگ گئے
دیکھیے کب آنکھ اندر نم بنے
زخم کو بے رہ روی میں رہ ملی
خون کے چھینٹے اڑے عالم بنے
ہم کہاں تھے اس سمے اس وقت جب
تیرے اندر کے یہ سب موسم بنے
خود میں اتریں تو پلٹ کر واپس آ سکتے نہیں
ورنہ کیا ہم اپنی گہرائی کو پا سکتے نہیں
خوشبوئیں کپڑوں میں نادیدہ چمن زاروں کی ہیں
ہم کہاں سے ہو کے آئے ہیں بتا سکتے نہیں
ہم نے ان گلیوں میں چلنے کی رعایت لی ہے بس
دیکھ سکتے ہیں ہمیں یہ گھر بسا سکتے نہیں
یہ بھرم منظر کا بھی ہے اور پس منظر کا بھی
آخری نقش تماشا ہے مٹا سکتے نہیں
نقشۂ نابود اٹھائے پھر رہے ہیں شہر شہر
پھر رہے ہیں اور بس آگے بتا سکتے نہیں
ہم کوئی پردہ مکمل کر رہے ہیں دیر سے
آنکھ چاہیں بھی تو تجھ پر سے ہٹا سکتے نہیں
زندگی ہم تیری جانب آ رہے ہیں ایک ساتھ
ایک ساتھ آنے کا مطلب ہے کہ آ سکتے نہیں
ساری گرہیں کھول کر بیکار ہو بیٹھے تو ہیں
اب لگاتے ہیں دوبارہ اور لگا سکتے نہیں
انتظاری ہیں سو بام و در پہ بھاری بھی تو ہیں
رخنے بھر سکتے نہیں پردے گرا سکتے نہیں
الوداعی اک چراغاں اور پھر رخصت ہمیں
اب مزید اس روشنی پر داد پا سکتے نہیں
رہتے رہتے رہ نہ جائیں لوگ اس تصویر کے
ہم قدم اس کے ہیں جس کے ساتھ جا سکتے نہیں
ہاتھ سے نکلے ہوئے نا وصف ناوقتوں کے ہم
ہاتھ آنا چاہتے ہیں اور آ سکتے نہیں
تیری جانب سے اٹھا سکتے ہیں گر پاؤں تو کیا
تیری جانب سے ہم اپنی خاک اڑا سکتے نہیں
جاری تھی ابھی دعا ہماری
اور ٹوٹ گئی صدا ہماری
یاں راکھ سے بات چل رہی ہے
تو شعلگی پر نہ جا ہماری
جھونکا تھا گریز کے نشے میں
دیوار گرا گیا ہماری
دنیا میں سمٹ کے رہ گئے ہیں
بس ہو چکی انتہا ہماری
میں اور الجھ گیا ہوں تجھ میں
زنجیر کھلی ہے کیا ہماری
آ دیکھ جو ہم دکھا رہے ہیں
آ بانٹ کبھی سزا ہماری
پانی پہ مذاق بن گئے ہم
کشتی میں نے تھی جا ہماری
گو ایک غبار میں ہیں دونوں
وحشت ہے جدا جدا ہماری
پہلے تو مٹی کا اور پانی کا اندازہ ہوا
پھر کہیں اپنی پریشانی کا اندازہ ہوا
اے محبت تیرے دکھ سے دوستی آساں نہ تھی
تجھ سا ہو کر تیری ویرانی کا اندازہ ہوا
عمر بھر ہم نے فنا کے تجربے خود پر کئے
عمر بھر میں عالم فانی کا اندازہ ہوا
اک زمانے تک بدن بن خواب بن آداب تھے
پھر اچانک اپنی عریانی کا اندازہ ہوا
تیرے ہاتھوں جل اٹھے ہم تیرے ہاتھوں جل بجھے
ہوتے ہوتے آگ اور پانی کا اندازہ ہوا
لوگ میری بند آنکھوں میں سے گزرے تب انہیں
اپنی اپنی خواب سامانی کا اندازہ ہوا
ایک گھیرا وقت کا ہے دوسرا نا وقت کا
خود نگر کچھ اپنی نگرانی کا اندازہ ہوا
صورتیں بگڑیں تو اپنی حالتوں میں آئے ہم
آئنہ ٹوٹا تو حیرانی کا اندازہ ہوا
رات اک دہلیز ایسی آ گئی تھی خواب میں
رات کچھ کچھ اپنی پیشانی کا اندازہ ہوا
دیے کا کام اب آنکھیں دکھانا رہ گیا ہے
یہ سیدھا جل چکا الٹا جلانا رہ گیا ہے
ہمیں سامان پورا کر نہیں پائے کہ چلتے
سو رہتے رہتے اس جنگل سے جانا رہ گیا ہے
سر کوہ ندا یہ پہلی پہلی خامشی ہے
کوئی آواز ہے جس کا لگانا رہ گیا ہے
یہ دو بازو ہیں سو تھوڑی ہیں کھولوں اور بتا دوں
مرے اطراف میں کس کس کا آنا رہ گیا ہے
کماں داروں کا جشن اس رات ابھی بنتا نہیں تھا
میں کہتا رہ گیا میرا نشانہ رہ گیا ہے
سڑک پر پھول ایک آیا پڑا ہے اور مسافر
کئی ایسے ہیں جن کا آنا جانا رہ گیا ہے
خواب کو خوش نما بناتے ہوئے
رات گزری دیا بناتے ہوئے
میرے لہجے سے خون رسنے لگا
خامشی کو دعا بناتے ہوئے
شہر کے شہر کر دئے مسمار
اپنا خلوت کدہ بناتے ہوئے
اپنی سی خاک اڑا کے بیٹھ رہے
اپنا سا قافلہ بناتے ہوئے
زال دنیا کو کیا صفائی دیں
کیا بنایا ہے کیا بناتے ہوئے
خاک اور خون جمع کرتا ہوں
دشت مٹتا ہوا بناتے ہوئے
میں ہوا تیرا ماجرا تو مرا ماجرا ہوا
وقت یونہی گزر گیا وقت کے بعد کیا ہوا
کیسا گزشتہ دن تھا جو پھر سے گزارنا پڑا
دھوپ بھی تھی بچی ہوئی سایا بھی تھا بچا ہوا
صبح کے ساتھ جائے کون شام کو لے کے آئے کون
رات کا گھر بسائے کون ہے کوئی جاگتا ہوا
ایک مکاں میں کچھ ہوا بات سنی نہ جا سکی
لوگ گلی گلی سے اب پوچھ رہے ہیں کیا ہوا
پکڑا گیا تھا کیا کروں شوق تھا یہ گڑھا بھروں
صبح طلوع کا ہوا شام غروب کا ہوا
صحن میں چارپائی پر بیٹھا ہوا ہوں دیر سے
لمحوں کا مسئلہ ہوں اور صدیوں سے ہوں ملا ہوا
ایسے میں بھی عجب نہیں جی سکوں اور مر سکوں
اپنے خراب و خوب کا حیرتی ہوں تو کیا ہوا
یوں ہی تو چپ نہیں ہوں میں کوئی تو بات ہے ضرور
یہ جو قضا ہوا ہے خواب سجدہ تھا جو قضا ہوا
اور میں باقی رہ گیا باتیں بنانے کے لیے
میری طرح کا ایک شخص تیرے لیے فنا ہوا
گزرے نہیں اور گزر گئے ہم
اس بھیڑ کا کام کر گئے ہم
یہ صحن گواہ ہے ہمارا
اس گھر میں بھی در بہ در گئے ہم
دریافت کو زخم کی چلے تھے
تاریخ کی دھار پر گئے ہم
اس بات پہ اب الجھ رہے ہیں
باقی تھے تو پھر کدھر گئے ہم
تصویر سے باہر آئے کچھ دیر
گھر بھر کو اداس کر گئے ہم
ورنہ یہ زمین مٹ چلی تھی
بر وقت ادھر ادھر گئے ہم
خالی تھے اور اس قدر تھے خالی
بس ایک نگہ سے بھر گئے ہم
تھے کون و مکاں مکاں سے باہر
باہر کسی شور پر گئے ہم
صبح وفا سے ہجر کا لمحہ جدا کرو
منزل سے گرد، گرد سے رستہ جدا کرو
اک نقش ہو نہ پائے ادھر سے ادھر مرا
جیسا تمہیں ملا تھا میں ویسا جدا کرو
شب زادگاں! تم اہل خبر سے نہیں سو تم!
اپنا مدار اپنا مدینہ جدا کرو
یاں پے بہ پے جو خواب کھلے نے بہ نے کھلے
جتنا جدا یہ ہو سکے اتنا جدا کرو
میں تھا کہ اپنے آپ میں خالی سا ہو گیا
اس نے تو کہہ دیا مرا حصہ جدا کرو
نقش کرتا رم و رفتار عناں گیر کو میں
کیسا چھنکاتا ہوا چلتا ہوں زنجیر کو میں
غیب و غفلت کا ادھر جشن منا لوں تو چلوں
ابھی تاخیر سمجھتا نہیں تاخیر کو میں
خامشی میری کچھ ایسی ہدف آگاہ نہیں
بات بے بات چلا دیتا ہوں اس تیر کو میں
ساتواں دن مگر اچھا نہیں گزرا میرا
چھ دن الٹاتا رہا پردۂ تعمیر کو میں
موج خوں مجھ سے بس اب شام کی دوری پر ہے
کتنے دن اور بچا سکتا ہوں شمشیر کو میں
درمیاں میرا علاقہ ہے بتاؤں نہ بتاؤں
ایک تصویر کا دکھ دوسری تصویر کو میں
پھر وہ سطر آتی ہے جب اصل لکھی جاتی ہے
مجھ کو تحریر مٹا آتی ہے تحریر کو میں
کہاں لے جانے کو تھی پاؤں کی زنجیر مجھے
کہاں لے آیا مگر پاؤں کی زنجیر کو میں
نظم ہو بیٹھا ہوں آہنگ دروں کے ہاتھوں
نظم کرتا ہوا اک نالۂ شبگیر کو میں
خواب کھلنا ہے جو آنکھوں پہ وہ کب کھلتا ہے
پھر بھی کہیے کہ بس اب کھلتا ہے اب کھلتا ہے
باب رخصت سے گزرتا ہوں سو ہوتی ہے شناخت
جس قدر دوش پہ سامان ہے سب کھلتا ہے
یہ اندھیرا ہے اور ایسے ہی نہیں کھلتا یہ
دیر تک روشنی کی جاتی ہے تب کھلتا ہے
میری آواز پہ کھلتا تھا جو در پہلے پہل
میں پریشاں ہوں کہ خاموشی پہ اب کھلتا ہے
اک مکاں کی بڑی تشویش ہے رہ گیروں کو
وہ جو برسوں میں نہیں کھلتا تو کب کھلتا ہے
اب کھلا ہے کہ چراغوں کو یہاں رکھا جائے
یہ وہ رخ ہے جہاں دروازۂ شب کھلتا ہے
اس نے کھلنے کی یہی شرط رکھی ہو جیسے
مجھ میں گرہیں سی لگا جاتا ہے جب کھلتا ہے
موجۂ خون پریشان کہاں جاتا ہے
مجھ سے آگے مرا طوفان کہاں جاتا ہے
میں تو جاتا ہوں بیابان نظر کے اس پار
میرے ہم راہ بیابان کہاں جاتا ہے
اب تو دریا میں بندھے بیٹھے ہیں دریا کی طرح
اب کناروں کی طرف دھیان کہاں جاتا ہے
چائے کی پیالی میں تصویر وہی ہے کہ جو تھی
یوں چلے جانے سے مہمان کہاں جاتا ہے
داستاں گو کی نشانی کوئی رکھی ہے کہ وہ
داستاں گوئی کے دوران کہاں جاتا ہے
بات یوں ہی تو نہیں کرتا ہوں میں رک رک کر
کیا بتاؤں کہ مرا دھیان کہاں جاتا ہے
گھر بدلنا تو بہانہ ہے بہانہ کر کے
اندر اندر ہی سے انسان کہاں جاتا ہے
دانے کے بعد کچھ نہیں دام کے بعد کچھ نہیں
صبح کے بعد شام ہے شام کے بعد کچھ نہیں
خواب کا آخری خمار آنکھ میں ہے کچھ انتظار
نیند ذرا سا کام ہے کام کے بعد کچھ نہیں
خاک خراب ہوں زمیں تو مرا ماجرا نہ سن
نقش کے بعد نام تھا نام کے بعد کچھ نہیں
شہر کی حد بھی ماپ لی شام بھی دل پہ چھاپ لی
ایک چراغ اور ایک بام کے بعد کچھ نہیں
وصل گیا تو ہجر تھا ہجر گیا تو کچھ نہ تھا
خاص کے بعد عام ہوں عام کے بعد کچھ نہیں
جسم کا نشہ پی چکے اپنی طرف سے جی چکے
چلیے کہ جام الٹ چکا جام کے بعد کچھ نہیں
دیکھنا ہے کب زمیں کو خالی کر جاتا ہے دن
اس قدر آتا نہیں ہے جس قدر جاتا ہے دن
منتشر چلیے کہ یوں بازار بھر جاتا تو ہے
مشتہر کیجے کہ پھر اچھا گزر جاتا ہے دن
جب ذرا رد و بدل ہوتا ہے اس تعمیر میں
باہر آ جاتی ہے رات اندر اتر جاتا ہے دن
دن کی اپنی مستقل کوئی نہیں تاریخ درد
زخم پر جاتا تھا اور اب داغ پر جاتا ہے دن
اچھی گنجائش نکل آتی ہے شام اور شور کی
جب کھنکتے خالی انسانوں سے بھر جاتا ہے دن
جاتے جاتے چھوڑ جاتا ہے مرے دل پر لکیر
دو اندھیروں میں مجھے تقسیم کر جاتا ہے دن
چار سمتوں میں نظر رکھتا ہوں میں چاروں پر
تیر کب لوٹ کے آئیں گے کماں داروں پر
صبح اٹھے تو قدم کوئلہ تھے اور ہم تھے
نیند میں چلتے رہے ہجر کے انگاروں پر
داستاں میں جہاں اک دائمی دن ہوتا تھا
اب وہاں شام اتر آتی ہے کرداروں پر
نقش عبرت کا سب اسباب اٹھایا خود ہی
ہم نے یہ کام بھی چھوڑا انہیں دیواروں پر
سایہ داری کی روایت بھی کہاں آ پہنچی
موج خوں چھاؤں کئے رکھتی ہے تلواروں پر
اب کھلا خواب میں کچھ خواب ملاتا تھا میں
خاک اڑاتا تھا میں سیاروں کی سیاروں پر
رات کے ٹوٹتے تاروں میں ہمیں رکھا گیا
ہمیں پرکھا گیا گرتے ہوئے معیاروں پر
در امکاں سے گزر کر سر منظر آ کر
ہم عجب لہر میں ہیں اپنے نئے گھر آ کر
جسے جانا ہی نہیں اپنے کناروں سے جدا
اسے دیکھا بھی نہیں موج سے باہر آ کر
آتش غم پہ نظر کی ہے کچھ ایسے کہ یہ آنچ
بات کر سکتی ہے اب مرے برابر آ کر
تو نے کس حرف کے آہنگ میں ڈھالا تھا مجھے
سانس بھی ٹوٹ رہا ہے سر محضر آ کر
اسے دیکھا تھا خط خواب کے اس پار کبھی
یہ ستارہ جو گرا ہے مرے اندر آ کر
اک صدا کوہ ندا سے کسی اپنے کی صدا
رونے لگ جاتی ہے اس دشت میں اکثر آ کر
شاخ تا شاخ عجب عالم وحشت ہے ابھی
طائر جاں کبھی ٹھہرا تھا مرے گھر آ کر
دعا ہم زاد ہو سکتی دیا ہم راز ہو سکتا
میں ویرانی پہ اتنا تو اثر انداز ہو سکتا
یہ میری خامشی اس انتہا کی خامشی ہوتی
کسی بھی شام کا میں نقطۂ آغاز ہو سکتا
میں بیتابانہ ان گلیوں میں پھرتا یہ مرا حق تھا
مری دستک پہ شہر خواب کا در باز ہو سکتا
یہ دن اور رات کس جانب اڑے جاتے ہیں صدیوں سے
کہیں رکتے تو میں بھی شامل پرواز ہو سکتا
کم از کم خاک و خوں کی گم شدہ کڑیاں ہی مل جاتیں
سر دنیا یہ دل اتنا تو در انداز ہو سکتا
جھگڑے اپنے بھی ہوں جب چاک گریبانوں کے
کام ہوتے ہوئے رہ جاتے ہیں ویرانوں کے
جیسے آنکھوں کے یہ دو تل ہوں جو تبدیل نہ ہوں
غول آتے ہوئے جاتے ہوئے انسانوں کے
لوگ ہی لوگ اڑے جاتے ہیں گلیوں گلیوں
ہم نے کچھ نقشے اچھالے تھے بیابانوں کے
آسماں گرتا ہوا صاف نظر آتا ہے
بالا خانوں میں یہ در کھلتے ہیں تہہ خانوں کے
بات کی اور پھر اس بات کا مطلب پوچھا
دن برے بھی بڑے اچھے رہے دیوانوں کے
دعا ہم زاد ہو سکتی دیا ہم راز ہو سکتا
میں ویرانی پہ اتنا تو اثر انداز ہو سکتا
یہ میری خامشی اس انتہا کی خامشی ہوتی
کسی بھی شام کا میں نقطۂ آغاز ہو سکتا
میں بیتابانہ ان گلیوں میں پھرتا یہ مرا حق تھا
مری دستک پہ شہر خواب کا در باز ہو سکتا
یہ دن اور رات کس جانب اڑے جاتے ہیں صدیوں سے
کہیں رکتے تو میں بھی شامل پرواز ہو سکتا
کم از کم خاک و خوں کی گم شدہ کڑیاں ہی مل جاتیں
سر دنیا یہ دل اتنا تو در انداز ہو سکتا
جھگڑے اپنے بھی ہوں جب چاک گریبانوں کے
کام ہوتے ہوئے رہ جاتے ہیں ویرانوں کے
جیسے آنکھوں کے یہ دو تل ہوں جو تبدیل نہ ہوں
غول آتے ہوئے جاتے ہوئے انسانوں کے
لوگ ہی لوگ اڑے جاتے ہیں گلیوں گلیوں
ہم نے کچھ نقشے اچھالے تھے بیابانوں کے
آسماں گرتا ہوا صاف نظر آتا ہے
بالا خانوں میں یہ در کھلتے ہیں تہہ خانوں کے
بات کی اور پھر اس بات کا مطلب پوچھا
دن برے بھی بڑے اچھے رہے دیوانوں کے
غبار شام وصل کا بھی چھٹ گیا
یہ آخری حجاب تھا جو ہٹ گیا
حضوری و غیاب میں پڑا نہیں
مجھے پلٹنا آتا تھا پلٹ گیا
تری گلی کا اپنا ایک وقت تھا
اسی میں میرا سارا وقت کٹ گیا
خیال خام تھا سو چیخ اٹھا ہوں پھر
مرا خیال تھا کہ میں نمٹ گیا
ہمارے انہماک کا اڑا مذاق
وہی ہوا نہ پھر ورق الٹ گیا
بجا کہ دونوں وقت پھر سے آ ملے
مگر جو وقت درمیاں سے ہٹ گیا
جھگڑے اپنے بھی ہوں جب چاک گریبانوں کے
کام ہوتے ہوئے رہ جاتے ہیں ویرانوں کے
جیسے آنکھوں کے یہ دو تل ہوں جو تبدیل نہ ہوں
غول آتے ہوئے جاتے ہوئے انسانوں کے
لوگ ہی لوگ اڑے جاتے ہیں گلیوں گلیوں
ہم نے کچھ نقشے اچھالے تھے بیابانوں کے
آسماں گرتا ہوا صاف نظر آتا ہے
بالا خانوں میں یہ در کھلتے ہیں تہہ خانوں کے
بات کی اور پھر اس بات کا مطلب پوچھا
دن برے بھی بڑے اچھے رہے دیوانوں کے
دعا ہم زاد ہو سکتی دیا ہم راز ہو سکتا
میں ویرانی پہ اتنا تو اثر انداز ہو سکتا
یہ میری خامشی اس انتہا کی خامشی ہوتی
کسی بھی شام کا میں نقطۂ آغاز ہو سکتا
میں بیتابانہ ان گلیوں میں پھرتا یہ مرا حق تھا
مری دستک پہ شہر خواب کا در باز ہو سکتا
یہ دن اور رات کس جانب اڑے جاتے ہیں صدیوں سے
کہیں رکتے تو میں بھی شامل پرواز ہو سکتا
کم از کم خاک و خوں کی گم شدہ کڑیاں ہی مل جاتیں
سر دنیا یہ دل اتنا تو در انداز ہو سکتا
جھگڑے اپنے بھی ہوں جب چاک گریبانوں کے
کام ہوتے ہوئے رہ جاتے ہیں ویرانوں کے
جیسے آنکھوں کے یہ دو تل ہوں جو تبدیل نہ ہوں
غول آتے ہوئے جاتے ہوئے انسانوں کے
لوگ ہی لوگ اڑے جاتے ہیں گلیوں گلیوں
ہم نے کچھ نقشے اچھالے تھے بیابانوں کے
آسماں گرتا ہوا صاف نظر آتا ہے
بالا خانوں میں یہ در کھلتے ہیں تہہ خانوں کے
بات کی اور پھر اس بات کا مطلب پوچھا
دن برے بھی بڑے اچھے رہے دیوانوں کے
غبار شام وصل کا بھی چھٹ گیا
یہ آخری حجاب تھا جو ہٹ گیا
حضوری و غیاب میں پڑا نہیں
مجھے پلٹنا آتا تھا پلٹ گیا
تری گلی کا اپنا ایک وقت تھا
اسی میں میرا سارا وقت کٹ گیا
خیال خام تھا سو چیخ اٹھا ہوں پھر
مرا خیال تھا کہ میں نمٹ گیا
ہمارے انہماک کا اڑا مذاق
وہی ہوا نہ پھر ورق الٹ گیا
بجا کہ دونوں وقت پھر سے آ ملے
مگر جو وقت درمیاں سے ہٹ گیا
کیسا کیسا در پس دیوار کرنا پڑ گیا
گھر کے اندر اور گھر تیار کرنا پڑ گیا
اس کنارے نے کہا کیا کیا کہوں کیا بات تھی
بات ایسی تھی کہ دریا پار کرنا پڑ گیا
پھر بساط خواب اٹھائی اور اوجھل ہو گئے
شام کا منظر ہمیں ہموار کرنا پڑ گیا
اک ذرا سا راستہ مانگا تھا ویرانی نے کیا
اپنا سارا گھر ہمیں مسمار کرنا پڑ گیا
وہ کہانی وقت کا جس میں تصور ہی نہیں
اس کہانی میں ہمیں کردار کرنا پڑ گیا
سرسری سمجھا تری آنکھوں کو ہم نے اور پھر
سرسری چیزوں پہ بھی اصرار کرنا پڑ گیا
آخرش سب خواب اس منزل پہ پہنچے ہیں جہاں
اپنی آنکھوں کا ہمیں انکار کرنا پڑ گیا
جاگتے میں سلا دیا ہے مجھے
دل نے اتنا تھکا دیا ہے مجھے
شہر خاموش تیرے لحن کی خیر
تو نے لہجہ نیا دیا ہے مجھے
میری آنکھوں نے کھو دیا تھا جو خواب
تیری آنکھوں نے لا دیا ہے مجھے
کیسی گردش تھی کیسی لغزش تھی
خاک پر سے اٹھا دیا ہے مجھے
پہلے میں نے دیا گنوایا تھا
اب دیے نے گنوا دیا ہے مجھے
دشت و دریا نے مجھ سے مل مل کر
اپنے جیسا بنا دیا ہے مجھے
اس نے اک باغ میں بلایا ہے
اور دل کا پتہ دیا ہے مجھے
کبھی کبھی مری حیرت بڑھا بھی دیتا ہے
کہ آئنہ مجھے تم سے ملا بھی دیتا ہے
خدا رکھے مرے سینے میں ہے جو روزن زخم
ضیا بھی دیتا ہے شب بھر ہوا بھی دیتا ہے
نظر رکھیں تو برابر رکھیں غم دل پر
یہ دل وگرنہ نظر سے گرا بھی دیتا ہے
ستارہ کھولتا ہے مجھ پہ میرا گھر سر شام
اور اک چراغ کا مجھ کو پتہ بھی دیتا ہے
برا ہوا کہ ہم آ بیٹھے سایۂ دل میں
خبر نہ تھی کہ یہ سایہ جلا بھی دیتا ہے
دیا جلتا نہ تھا تو شام بھی ہوتی نہیں تھی
وہی رہتی تھی خاموشی نئی ہوتی نہیں تھی
اچانک مصرعۂ جاں سے بر آمد ہونے والے
کہاں ہوتا تھا تو جب شاعری ہوتی نہیں تھی
ہم ایسی روشنی میں رہ چکے ہیں جو سرا سر
تمہاری ہوتی تھی پر تم نے کی ہوتی نہیں تھی
کہو تو گفتگو سناؤں تم کو ان دنوں کی
ہمارے درمیاں جب بات بھی ہوتی نہیں تھی
ہنسی ہوتی تھی پر کرنے کو گریے کی جگہ بھی
ہنسی ہوتی تھی یا شاید ہنسی ہوتی نہیں تھی
دکھانا پڑتا تھا شعلہ اسے جب تو نہیں تھا
دیے کو دیکھنے سے روشنی ہوتی نہیں تھی
گھروں سے ہو کے آتے جاتے تھے ہم اپنے گھر میں
گلی کا پوچھتے کیا ہو گلی ہوتی نہیں تھی
دشت و دریا سے بھی کچھ ملنا ملانا ہوا ہے
جیسے جیسے مرا آئینہ پرانا ہوا ہے
دل تک آنے کا ہمیں اذن کہاں تھا پہلے
آپ آئے ہیں تو کچھ دیر کو آنا ہوا ہے
تیری آواز ہو اس دل میں کہ خاموشی ہو
سلسلہ جو بھی ترے ساتھ ہے مانا ہوا ہے
ہجر اور وصل ترے آنے سے پہلے بھی تو تھے
تیرا آنا تو فقط ایک بہانہ ہوا ہے
تو بھی چلتا تو وہاں تک نہیں جاتا شاید
تیری آنکھوں میں جہاں تک مرا جانا ہوا ہے
یہ سنا سکتے ہیں تاریخ سفر کی ساری
ان درختوں کو یہاں آئے زمانہ ہوا ہے
میرے اندر ہی کہیں آیا تھا طوفان مرا
دیکھتے دیکھتے دل ہو گیا ویران مرا
مجھے کھو کر تری آنکھیں نہیں پہلے جیسی
تیرے نقصان سے بڑھ کر ہے یہ نقصان مرا
یہ سمندر کہ جو اب ملنے ملانے سے گیا
گئے وقتوں میں ہوا کرتا تھا مہمان مرا
ایک دنیا میں سمٹ آئے یہ ممکن ہی نہیں
اتنی دنیاؤں میں بکھرا ہوا سامان مرا
میں نے اس طرح بھی اس شخص کا رکھا ہے خیال
کہیں جاتا ہی نہیں اپنے سوا دھیان مرا
مجھے آغاز میں کچھ ایسے اشارے ملے تھے
میں نہ ہوتا تو کہاں جاتا بیابان مرا
میں نے دو ہاتھوں کا سایہ سا بنایا جن پر
ان درختوں نے اٹھایا نہیں احسان مرا
میری چپ شور بنی شور سے کچھ اور بنی
ایک اک کر کے ہوا ختم ہر امکان مرا
اس محبت پہ میں اتنا ہی کہوں گا شاہینؔ
اک ستارے نے سفر کر دیا آسان مرا
اس گلی میں کچھ نہیں بس گھٹتا بڑھتا شور ہے
اک مکیں کی خامشی ہے اک مکاں کا شور ہے
شام شور انگیز یہ سب کیا ہے بے حد و حساب
اتنی آوازیں نہیں دنیا میں جتنا شور ہے
ایک مضموں ہے پر آپس میں سبق ملتا نہیں
اپنی اپنی خامشی ہے اپنا اپنا شور ہے
نقل کرتی ہے مرے چلتے میں ویرانی مری
یہ جو میرے شور پا سے ملتا جلتا شور ہے
میں یہ کیا یکتائے ہنگامہ ہوں اپنے چار سو
کیا اکیلی ہا و ہو ہے کیسا تنہا شور ہے
خالی دل پھر خالی دل ہے خالی گھر کی بھی نہ پوچھ
اچھے خاصے لوگ ہیں اور اچھا خاصا شور ہے
سامنے کی یاد جڑتی ہے بہت پیچھے کہیں
سب عقب سے آ رہا ہے آگے جتنا شور ہے
دیوار کے پیچھے نہیں دیوار کے اندر ہوں میں
جس غار کے باہر ہو تم اس غار کے اندر ہوں میں
موجودگی آخر کو ناموجودگی ثابت ہوئی
کچھ دن غلط سمجھا گیا بازار کے اندر ہوں میں
اب ہر قدم اک شور ہوں مچتا ہوا سر بند شور
اب ہر طرح رنگ و رم و رفتار کے اندر ہوں میں
اعمال دیکھوں تو ترے میداں سے باہر بھاگ جاؤں
احوال دیکھا ہے سو تیرے وار کے اندر ہوں میں
تکرار آپس میں یہ دن اور رات کرتے ہیں کریں
تکرار میں کیا دخل دوں تکرار کے اندر ہوں میں
اس خاک کا پیچھا نہ چھوڑ اس خون کا دامن نچوڑ
تلوار سے باہر بلا تلوار کے اندر ہوں میں
کچھ کچھ یہ سر اور پاؤں باہر ہیں سو ان کی فکر ہے
باقی کا سارا اس گریباں زار کے اندر ہوں میں
نظر سے خاص تھی جو شعلگی وہ عام ہوئی
کہاں کی آب و ہوا کس سفر کے نام ہوئی
میں جیسے رک سا گیا پھر کنارۂ جاں پر
وہ لہر جب مری آنکھوں سے ہم کلام ہوئی
یہ خواب جیسے کسی ساعت دگر کے ہیں خواب
یہ شام اپنے قرینے میں ایسی شام ہوئی
میں دل کی اوٹ سے سب سن رہا تھا اور چپ تھا
نواح جاں میں یہ کیسی ندا تمام ہوئی
یہ روشنی کہ جسے لکھ رہا ہوں نغمۂ نور
مجھی میں نظم ہوئی نظم بھی مدام ہوئی
غروب مہر نے خوابوں کو راہ دی آخر
دیار دل میں بہت دن کے بعد شام ہوئی
دن بھر کے بعد چلئے تو کچھ دیر گھر کو بھی
آرام کرنے دیجے گرد سفر کو بھی
کار رفو نے مجھ کو کہیں کا نہیں رکھا
افسوس سی چکا ہوں میں زخم ہنر کو بھی
گو سر بسر ندا ہی ندا ہے مگر یہ دل
مخبر کو بھی سنبھالے ہوئے ہے خبر کو بھی
حلقہ بڑھا رہا ہوں کچھ اپنے ہی خواب کا
آباد کر رہا ہوں میں تیری نظر کو بھی
کچھ یوں بھی رنگ لایا میں رنگوں کی اوٹ میں
مجھ سے حجاب آیا مرے نقش گر کو بھی
یہ دیکھ میرا در مری دیوار میرے طاق
میں گھر ہی جانتا ہوں تری رہ گزر کو بھی
گو ابتدائے وقت سے پہلے کا فرد ہوں
دریافت کر چکا ہوں میں شام و سحر کو بھی
دن ڈھل چکا ہے اور وہی نقشہ ہے دھوپ کا
یہ شغل خودنمائی بھی اچھا ہے دھوپ کا
پردے پہ آنکھ کے جو ستارہ تھا بجھ گیا
کردار اس کہانی میں کیا کیا ہے دھوپ کا
دو ایک بول ڈوبتے سورج کی ضو پہ بھی
یہ آخری ورق ابھی سادہ ہے دھوپ کا
اک لہر جاگ اٹھتی ہے اس دل میں صبح دم
جس پر سفینہ تیرتا رہتا ہے دھوپ کا
تصویر دن کی چھوڑ بھی سکتے ہیں ناتمام
پیمانہ ہم سے کھو بھی تو سکتا ہے دھوپ کا
یہ آنکھ دم بدم کسی لو کے اثر میں ہے
اس آئنے پہ بھی ہمیں دھوکہ ہے دھوپ کا
کچھ دوڑ دھوپ اور بھی دل کی زمین پر
اس رخ پہ موجزن ابھی دریا ہے دھوپ کا
روشنی جیسے کسی شام کے آنے سے ہوئی
خاک دریافت مری خاک اڑانے سے ہوئی
رنگ پھر آئے نہیں موج میں پہلے کی طرح
ایسی تصویر مؤخر ترے جانے سے ہوئی
تو نے چپ سادھ لی موضوع محبت دے کر
گفتگو تجھ سے جو ہونی تھی زمانے سے ہوئی
تھا مگر ایسا اکیلا میں کہاں تھا پہلے
میری تنہائی مکمل ترے آنے سے ہوئی
اپنے بارے میں وہ اک بات جو ہوتی نہیں تھی
تیری آواز میں آواز ملانے سے ہوئی
صبح کو تر کیا گیا شام کو نم کیا گیا
تب کہیں خوش ہوا گیا تب کہیں غم کیا گیا
خواب کے ٹوٹنے پہ آج کرنا پڑا ہے احتجاج
بولنا کم کیا گیا دیکھنا کم کیا گیا
کام پہ بھیجنے سے قبل ہم پہ ہوا بہت سا کام
ہم کو بدن کیا گیا ہم کو قدم کیا گیا
مجھ کو بتا دیا گیا زندگی کیا ہے موت کیا
میرے بدن سے ایک اور روح کو کم کیا گیا
سمتوں کا اس قدر خیال سمتوں کا اس قدر ملال
چاروں کے بیچ بیٹھ کر چاروں کا غم کیا گیا
وصل رہا نہ تم رہے ہجر رہا نہ ہم رہے
تم کو وہ تم کیا گیا ہم کو وہ ہم کیا گیا
ہم کو اٹھا لیا گیا خوف تک اور خواب تک
پتے بڑھا دئے گئے پھولوں کو کم کیا گیا
میرے ورق پہ ایک اور بوند گری لہو کی بوند
میرے قلم سے ایک اور سر کو قلم کیا گیا
سرائے بود میں بہتا ہوں ڈھلتا جاتا ہوں
کوئی بلاتا نہیں اور میں چلتا جاتا ہوں
ابھی وہیں کا وہیں ہوں بدن کی گھاٹ پہ میں
ہزار پانی پہ پانی بدلتا جاتا ہوں
بہت رکی ہوئی شاموں میں چل رہا ہوں کہیں
بہت بجھے ہوئے لوگوں میں جلتا جاتا ہوں
حجاب آب و ہوا سے ہٹا سکوں شاید
میں دست و پا پہ جو مٹی سی ملتا جاتا ہوں
ابھی میں ٹھیک کہیں بھی بپا نہیں ہوتا
سو وحشتیں ہی نبھاتا ہوں ٹلتا جاتا ہوں
کوئی مکاں ہے جو بے دخل کر رہا ہے مجھے
کوئی گلی ہے کہ جس سے نکلتا جاتا ہوں
یہ خواب دیکھنے والوں کا قافلہ ہے سو میں
اسی غبار میں چپ چاپ چلتا جاتا ہوں
سرا کی عمر کیا ہے ہمسرا کتنا پرانا ہے
پرانا عشق کیا کچھ تھا نیا کتنا پرانا ہے
کوئی اتنا پرانا ہے کہاں تصویر عالم میں
کسے پوچھیں یہ سب اچھا برا کتنا پرانا ہے
ہمیں تو آتے جاتے ہی ملا ہے جب بھی دیکھا ہے
یہ روزانہ کا جھونکا کیا پتہ کتنا پرانا ہے
یہ اندازہ بدن کو ہوگا یا پھر روح کو ہوگا
قبا کو کیا پتہ بند قبا کتنا پرانا ہے
زمیں اوپر اٹھی تھی یا فلک نیچے خود آیا تھا
اداسی کا وہ پہلا تجربہ کتنا پرانا ہے
ہماری عکس بندی ہو چکی تھی تب ہم آئے تھے
اب آگے کیا بتائیں آئنہ کتنا پرانا ہے
کبھی چکھا پیالے کا یہ پانی کیا ہے مٹی کیا
کبھی سوچا کہ یہ دست دعا کتنا پرانا ہے
چلتے میں قیام چل رہا ہے
سب دانہ و دام چل رہا ہے
دروازے بڑھا دئے گئے ہیں
دیوار سے کام چل رہا ہے
اک عشق چلا رہا ہے دل کو
اور دل کا نظام چل رہا ہے
ہم تم ہیں جو چل رہے ہیں تہ میں
دریا کا تو نام چل رہا ہے
تنہائی ہے سربراہ ایسی
ویرانہ تمام چل رہا ہے
اس باغ میں خامشی بہت ہے
پھولوں سے کلام چل رہا ہے
دل ہو چراغ ہو کہ ستارہ کوئی تو ہو
قائم مقام یعنی تمہارا کوئی تو ہو
کب شور سا اٹھے گا کب اٹھیں گی انگلیاں
ہم ہیں بھی اور نہیں بھی اشارہ کوئی تو ہو
اک سرمئی اچھال ہو ایسی کہ جیسے شام
دن ڈوبتا ہے دن کا سہارا کوئی تو ہو
تیری طرف سے کوئی رکاوٹ نہیں مگر
تیری طرح سے یاد دوبارہ کوئی تو ہو
دو آنسوؤں میں ایک تو مانیں کہ ہے جو ہے
دو پانیوں میں پانی گوارہ کوئی تو ہو
ٹھوکر ہی جھوٹ موٹ کی کھاؤں ٹھہر تو جاؤں
اب اس گماں گزر کا کنارہ کوئی تو ہو
دل ایسے ایک دل کی بنا اور بھی رکھیں
یعنی ہمارے بعد ہمارا کوئی تو ہو
بولتے بولتے جب صرف زباں رہ گئے ہم
تب اشارے سے بتایا کہ کہاں رہ گئے ہم
ہمیں اتنی بڑی دنیا کا پتہ تھوڑی تھا
جہاں ہم تم ہوا کرتے تھے وہاں رہ گئے ہم
ہم مکاں بھی تھے مکیں بھی تھے کہ بازار تھا گرم
پھر خسارہ ہوا اور صرف مکاں رہ گئے ہم
دیر تک خالی مکاں خالی نہیں چھوڑتے ہیں
آپ تب تھے ہی نہیں آپ کے ہاں رہ گئے ہم
ایک آواز کے دو حصے ہوئے ٹھیک ہوا
تم وہاں رہ گئے خاموش یہاں رہ گئے ہم
پاؤں درزوں میں ٹکائے ہوئے سر رخنوں میں
اس نہاں خانۂ دنیا میں عیاں رہ گئے ہم
اپنی بنیاد ترے دل میں اٹھانا ہے مجھے
نقش بننے کا نہیں پھر بھی بنانا ہے مجھے
تیری آنکھوں سے یہ اندازہ کہاں ہوتا ہے
آ چکا ہوں تری دنیا میں کہ آنا ہے مجھے
تیرے ہم راہ تو میں یوں ہی چلا آیا تھا
اپنے حصے کی ابھی خاک اڑانا ہے مجھے
یہ جو آواز کی لہر اٹھی ہے ان آنکھوں میں
اب اسی لہر پہ بہتے چلے جانا ہے مجھے
کشتیٔ جاں میں مرے ہم سفروں میں شامل
کتنے دریا ہیں جنہیں پار لگانا ہے مجھے
ڈھلتے ڈھلتے یہ مہ و سال کی صورت میں ڈھلا
اب مرا دل بھی زمانوں سا زمانہ ہے مجھے
میرا وعدہ ہے غبار رہ دل سے شاہینؔ
ابھی اس دھول میں کچھ دن نظر آنا ہے مجھے
دل ملیں بھی تو یہی ملنے کی صورت رہے گی
ایک خلوت میں مخل دوسری خلوت رہے گی
اگر اس پار سے آوازیں مرے ساتھ نہ آئیں
مجھے اس پار اترنے میں سہولت رہے گی
شجر جاں سے بس اک بار اڑانے کی ہے دیر
ان پرندوں کو کہاں میری ضرورت رہے گی
اک تسلسل سے میں لو دیتا رہوں گا دن رات
روشنی مجھ سے عبارت ہے عبارت رہے گی
جب تک آتا نہیں خاموش سفر سے واپس
میری آواز ترے پاس امانت رہے گی
کیسی خاموشی سے آواز دروں ٹوٹ گئی
میں سمجھتا تھا یہ زنجیر سلامت رہے گی
مجھے آ لے کہ مری حد نظر کو جا لے
ایک شخص ایسا ہے جس کو یہ رعایت رہے گی
سر جڑا سایہ جڑا اس دور کی دیوار سے
آخری دروازہ نکلا آخری دیوار سے
تب تو یہ دیوار اونچی تھی کہ جب بارش گری
پھر میں اونچا ہو گیا اس ڈوبتی دیوار سے
یہ جو دل سینے میں ہے جو خواب روزینے میں ہے
جیسے کئی لگ کے بیٹھا ہو تری دیوار سے
شہر کا آغاز تھا اور شہر ہی ملتا نہ تھا
میں الجھ کر گر پڑا اک ملگجی دیوار سے
مل ملا کر عشق کا اک تجربہ ثابت کیا
کچھ نمی دل میں سے نکلی کچھ نمی دیوار سے
دامن اچھا تھا کہ یہ سب داغ اچھے ہیں بتاؤ
کیوں جڑے بیٹھے ہو اس مٹی بھری دیوار سے
یوں ملا دیجے ہمیں جیسے ملا دیتی ہے شام
وقت کی دیوار کو بے وقت کی دیوار سے
ایک اینٹ اور ایک رخنہ ایک رخنہ ایک اینٹ
چھاؤں بھی دیوار سے ہے دھوپ بھی دیوار سے
شب گزاری کا مجھے بھی ہنر آیا ہے کوئی
میرے ماتھے پہ ستارہ ابھر آیا ہے کوئی
جیسے اس قافلۂ نم سے کوئی رہ گیا ہو
رنج کرتا ہوا دریا ادھر آیا ہے کوئی
میری آنکھوں کا تسلسل تری آنکھیں ہی نہ ہوں
تیری آنکھوں میں بھی روتا نظر آیا ہے کوئی
اپنے مہمان کی خاموشی بھی اب توڑ ذرا
دیکھ دنیا تری آواز پر آیا ہے کوئی
یہ بتانا ذرا مشکل ہے کہ دیکھا کیوں ہے
میں نے دیکھا ہے جہاں تک نظر آیا ہے کوئی
میں بھی خوش ہوں مرے شعلے میں تماشہ تو ہوا
روشنی دیکھ کے مجھ میں اتر آیا ہے کوئی
سخن کچھ ایسے لہو کے لبوں سے نکلے ہیں
خود آگہی میں ہم اپنی حدوں سے نکلے ہیں
کوئی بتاؤ یہ نیرنگیٔ نمو کیا ہے
چبھے جو پاؤں میں کانٹے سروں سے نکلے ہیں
یہ دھوپ ایسی کہ ہم نقش جس پہ نام بنام
یہ دشت وہ ہیں جو اپنے گھروں سے نکلے ہیں
ہم اور محور جاں کا یہ دور خاک بہ خاک
ستارہ گر بھی کبھی گردشوں سے نکلے ہیں
شبیہ گر ہیں کچھ ایسے کہ ہم برون بدن
بس ایک ضو کو لئے سو رخوں سے نکلے ہیں
یہ تہ بہ تہ جو زمانے زمیں کے اندر ہیں
سنور سنور کے ہم ان کی صفوں سے نکلے ہیں
مٹی کے مکان دیکھتا ہوں
سب جان و جہان دیکھتا ہوں
لمحوں میں کہیں سکوں سے بیٹھا
قرنوں کی تکان دیکھتا ہوں
میں سیکھ رہا ہوں دیکھنا کیا
آنکھوں پہ نشان دیکھتا ہوں
بازار میں اجنبی ہوں یعنی
پھولوں کی دکان دیکھتا ہوں
یہ چپ کا معاملہ ہے آخر
ہر پھر کے زبان دیکھتا ہوں
میں آگ لگا کے آدمی کو
شعلے کی اٹھان دیکھتا ہوں
سنتا تھا اذان صبح کل تک
اب صبح اذان دیکھتا ہوں
آنکھوں کا لحاظ ہے کچھ اتنا
ہر وقت ہر آن دیکھتا ہوں
شعلۂ جاں مرے پیکر سے نکل آیا ہے
وہ جو نکلا ہی نہ تھا گھر سے نکل آیا ہے
روز و شب ایک نئے وقت نگر کی دھن میں
دل شب و روز کے چکر سے نکل آیا ہے
آج کی رات چراغوں کے بہکنے کا سبب
اک ستارہ ہے جو محور سے نکل آیا ہے
خواب ہر آن سلامت کہ انہیں کے دم سے
سب کا سب زاد سفر گھر سے نکل آیا ہے
ہم کہ جس عالم نادیدہ کو کم جانتے تھے
کام اسی دور کے منظر سے نکل آیا ہے
دل نے دیوار اٹھا دی ہے برا ہو دل کا
ایک گھر اور اسی گھر سے نکل آیا ہے
متصل ہو تو گیا پاؤں کے چھالے سے مرے
شعلۂ گل نہیں سنبھلے گا سنبھالے سے مرے
میں کہ میزان معانی میں تلا کرتا تھا
اک ترازو متوازن تھی حوالے سے مرے
سر ہر طاق مرا حرف طلب جاگتا ہے
تو نمٹ سکتا نہیں نور کے ہالے سے مرے
کچھ اسی طور سے لو دیتی رہے آنکھ مری
اک ستارہ کہیں روشن ہے اجالے سے مرے
میں اس آواز کو تصویر نہیں کر سکتا
مجھے آگاہ تو کر مانگنے والے سے مرے
نام والے ہیں نہ یہ زخم نشاں والے ہیں
ہم نباہیں گے کہ ہم لوگ زباں والے ہیں
اب جو گھر ان پہ گرا ہے تو کھلے ہیں ورنہ
یہ مکیں لگتا نہیں تھا کہ مکاں والے ہیں
ٹھیک گزرے نہیں بازار سے شاید ہم لوگ
یہ جو چھینٹے ہیں یہ سب سود و زیاں والے ہیں
اتنی آسانی پریشان بھی کر سکتی ہے
ہم یقیں والے ہیں صاحب نہ گماں والے ہیں
ہم اگر رک گئے دنیا تو کہاں سنبھلیں گے
ہمیں جانے دے کہ ہم بار گراں والے ہیں
وہ زمانہ بدری ہجر میں دیکھی ہے کہ بس
ہم سمجھتے تھے کہ ہم کون و مکاں والے ہیں
دیکھنے والے ہمارے بھی کوئی خوش تو نہیں
ہم وہ جھونکے ہیں جو خاک گزراں والے ہیں
اگر اس کوہ ندا پر سے اشارہ ہو جائے
عمر چپ چاپ بھی گزرے تو گزارہ ہو جائے
مزید شاعری پڑھیے اور دوسرے شعراء کو دریافت کیجیے۔