شاعر کی معلومات لوڈ ہو رہی ہیں...
چاہت میں کیا دنیا داری عشق میں کیسی مجبوری
لوگوں کا کیا سمجھانے دو ان کی اپنی مجبوری
شاعر کی معلومات لوڈ ہو رہی ہیں...
Mohsin Bhopali
1932 – 2007
Mr. Mohsin Bhupali began his poetic journey in 1948 and remained active in the field of literature for nearly seventy years. During this time, several of his books were published, including Shikast-e-Shab, Jushta Jushta, Nazmanay, Majra, Gird-e-Masafat, Qoumi Yaktiyati Mein Adab Ka Kirdar, Hairaton Ki Sarzameen, Majmua-e-Sukhan, Mauzuati Nazmain, Manzar Patli Mein, Roshni To Diye Ke Andar Hai, Japan Ke Chaar Azeem Shaayar, Sheher Ashoob Karachi, and Naqd-e-Sukhan. Mohsin Bhupali also held the unique distinction that his first poetry collection was launched in 1961 in Hyderabad, Sindh. It is said to have been the first formal book launch in Urdu literature, where invitation cards were even distributed. Mohsin Bhupali was a popular poet in Urdu, and he is also credited with creating a new poetic form called Nazmanay. Many of his couplets and verses became proverbial during his lifetime. Particularly, this couplet became his hallmark, and requests to hear it were common at every mushaira: “Talqeen-e-itaad woh farma rahe hain aaj Raah-e-talab mein khud jo kabhi mutabar nahin the” (They are preaching trust today, Those who were never trustworthy on the path of desire) “Nairangi-e-siyasat-e-dauran to dekhiye Manzil unhein mili jo shareek-e-safar nahin the” (Look at the intrigue of contemporary politics, The destination was reached by those who were not part of the journey) Mr. Mohsin Bhupali passed away on January 17, 2007, in Karachi, and he rests in peace in the Paposhnagar cemetery.
ان کے کلام کے چند منتخب اشعار پڑھیے۔
چاہت میں کیا دنیا داری عشق میں کیسی مجبوری
لوگوں کا کیا سمجھانے دو ان کی اپنی مجبوری
روک سکو تو پہلی بارش کی بوندوں کو تم روکو
کچی مٹی تو مہکے گی ہے مٹی کی مجبوری
میں نے دل کی بات رکھی اور تو نے دنیا والوں کی
میری عرض بھی مجبوری تھی ان کا حکم بھی مجبوری
ذات کدے میں پہروں باتیں اور ملیں تو مہر بلب
جبر وقت نے بخشی ہم کو اب کے کیسی مجبوری
جب تک ہنستا گاتا موسم اپنا ہے سب اپنے ہیں
وقت پڑے تو یاد آ جاتی ہے مصنوعی مجبوری
جاہل کو اگر جہل کا انعام دیا جائے
اس حادثہ وقت کو کیا نام دیا جائے
مدت گزری اک وعدے پر آج بھی قائم ہیں محسنؔ
ہم نے ساری عمر نباہی اپنی پہلی مجبوری
ہے خوئے ایازی ہی سزاوار ملامت
محمود کو کیوں طعنۂ اکرام دیا جائے
ضد ہے کہ انہیں مان کے سرخیل بہاراں
غنچوں کی طرف سے کوئی پیغام دیا جائے
اک آوارہ بادل سے کیوں میں نے سایہ مانگا تھا
میری بھی یہ نادانی تھی اس کی بھی تھی مجبوری
ہم مصلحت وقت کے قائل نہیں یارو
الزام جو دینا ہے سر عام دیا جائے
میخانے کی توہین ہے رندوں کی ہتک ہے
کم ظرف کے ہاتھوں میں اگر جام دیا جائے
یوں ہی تو شاخ سے پتے گرا نہیں کرتے
بچھڑ کے لوگ زیادہ جیا نہیں کرتے
بہتر ہے کہ اس بزم سے اٹھ آئیے محسنؔ
سرقے کو جہاں رتبۂ الہام دیا جائے
جو آنے والے ہیں موسم انہیں شمار میں رکھ
جو دن گزر گئے ان کو گنا نہیں کرتے
نہ دیکھا جان کے اس نے کوئی سبب ہوگا
اسی خیال سے ہم دل برا نہیں کرتے
وہ مل گیا ہے تو کیا قصۂ فراق کہیں
خوشی کے لمحوں کو یوں بے مزا نہیں کرتے
یہ میرے چاروں طرف کس لیے اجالا ہے
ترا خیال ہے یا دن نکلنے والا ہے
نشاط قرب غم ہجر کے عوض مت مانگ
دعا کے نام پہ یوں بد دعا نہیں کرتے
ہمارے قتل پہ محسنؔ یہ پیش و پس کیسی
ہم ایسے لوگ طلب خوں بہا نہیں کرتے
منافقت پہ جنہیں اختیار حاصل ہے
وہ عرض کرتے ہیں تجھ سے گلہ نہیں کرتے
یقین مانو میں کب کا بکھر گیا ہوتا
تمہاری یاد نے اب تک مجھے سنبھالا ہے
اس کی نفرت کا بھی معیار جدا تھا سب سے
وہ الگ اپنا اک انداز نظر رکھتا تھا
ہجوم جشن میں کرتا ہے غم زدوں کو تلاش
مجھے جنوں نے عجب امتحاں میں ڈالا ہے
کسی کا نام تو ہم لے کے شب میں سوتے ہیں
کوئی تو ہے جو سحر دم جگانے والا ہے
زمانہ ساز ڈریں گردش زمانہ سے
ہمارا کیا ہے ہمیں حادثوں نے پالا ہے
خدا کرے کہ اسے علم بھی نہ ہو محسنؔ
وہ جس کے گرد مری چاہتوں کا ہالا ہے
یہی بہت ہے کہ نقش قدم سے بچ جائیں
سخن میں راستہ کس نے نیا نکالا ہے
بے خبر سا تھا مگر سب کی خبر رکھتا تھا
چاہے جانے کے سبھی عیب و ہنر رکھتا تھا
بے یقینی کی فضاؤں میں بھی تھا حوصلہ مند
شب پرستوں سے بھی امید سحر رکھتا تھا
اس کے ہر وار کو سہتا رہا ہنس کر محسنؔ
یہ تأثر نہ دیا میں بھی سپر رکھتا تھا
سب کو دوست بناؤ گے
سب کو دشمن پاؤ گے
جس کا درد بٹاؤ گے
اس سے رنج اٹھاؤ گے
دیوانے کو مت سمجھاؤ!
دیوانے کہلاؤ گے
مشورے کرتے ہیں جو گھر کو سجانے کے لیے
ان سے کس طرح کہوں میں بھی تو گھر رکھتا تھا
محفل محفل چھپتے ہو
خلوت خلوت پاؤ گے
دور نہ جاؤ نظروں سے
دنیا میں کھو جاؤ گے
محسنؔ جو سمجھاتے ہو
خود کو بھی سمجھاؤ گے
شب کے راج دلارو سوچو اپنا بھی انجام
شب کا کیا ہے کاٹ ہی دیں گے جیسے تیسے لوگ
تن آسانی کہتی ہے
مشکل میں پڑ جاؤ گے
لا تعلق نظر آتا تھا بظاہر لیکن
بے نیازانہ ہر اک دل میں گزر رکھتا تھا
سہمے سہمے چلتے پھرتے لاشے جیسے لوگ
وقت سے پہلے مر جاتے ہیں کتنے ایسے لوگ
سر پر چڑھ کر بول رہے ہیں پودے جیسے لوگ
پیڑ بنے خاموش کھڑے ہیں کیسے کیسے لوگ
چڑھتا سورج دیکھ کے خوش ہیں کون نہیں سمجھائے
تپتی دھوپ میں کمھلائیں گے غنچے جیسے لوگ
غم کا درماں سوچنے بیٹھے تھے جو رات گئے
فکر فردا لے کر اٹھے بزم مے سے لوگ
محسنؔ اور بھی نکھرے گا ان شعروں کا مفہوم
اپنے آپ کو پہچانیں گے جیسے جیسے لوگ
جب بھی سچ بولتے بچوں پہ نظر پڑتی ہے
یاد آ جاتا ہے بے ساختہ بچپن اپنا
اپنے لٹ جانے کا الزام کسی کو کیا دوں
میں ہی تھا راہنما میں ہی تھا رہزن اپنا
کوئی ملتا ہے جو اس دور پر آشوب میں دوست
مشورے دے کے بنا لیتے ہیں دشمن اپنا
بے سبب لوگ بدلتے نہیں مسکن اپنا
تم نے جلتے ہوئے دیکھا ہے نشیمن اپنا
کتنا سچا ہے وہ میری چاہت میں
محسنؔ خود کو رسوا کر کے دیکھوں گا
نظر ملا کے ذرا دیکھ مت جھکا آنکھیں
بڑھا رہی ہیں نگاہوں کا حوصلہ آنکھیں
جو دل میں عکس ہے آنکھوں سے بھی وہ چھلکے گا
دل آئینہ ہے مگر دل کا آئنا آنکھیں
وہ زندگی کو نیا موڑ دے گیا محسنؔ
یہی زوال کے دن ہیں مرے کمال کے دن
وہ اک ستارہ تھا جانے کہاں گرا ہوگا
خلا میں ڈھونڈ رہی ہیں نہ جانے کیا آنکھیں
غم حیات نے فرصت نہ دی ٹھہرنے کی
پکارتی ہی رہی ہیں مجھے سدا آنکھیں
ہر اک عمل کا وہ کیا کیا جواز رکھتا ہے
نہ بن پڑے گا جواب ایک بھی، سوال کے دن
کس کڑے وقت میں موسم نے گواہی مانگی
جب گریبان ہی اپنا ہے نہ دامن اپنا
یہ اس کا طرز تخاطب بھی خوب ہے محسنؔ
رکا رکا سا تبسم خفا خفا آنکھیں
زاویہ کوئی مقرر نہیں ہونے پاتا
دائمی ایک بھی منظر نہیں ہونے پاتا
کیا اسے جبر مشیت کی عنایت سمجھوں
جو عمل میرا مقدر نہیں ہونے پاتا
گزر رہے ہیں کچھ اس طرح روز و شب اپنے
کہ جس طرح سے کٹیں شاخ بے نہال کے دن
عمر مصروف کوئی لمحۂ فرصت ہو عطا
میں کبھی خود کو میسر نہیں ہونے پاتا
چادر عجز گھٹا دیتی ہے قامت میرا
میں کبھی اپنے برابر نہیں ہونے پاتا
آئے دن آتش و آہن سے گزرتا ہے مگر
دل وہ کافر ہے کہ پتھر نہیں ہونے پاتا
چشم پر آب سمو لیتی ہے آلام کی گرد
آئنہ دل کا مکدر نہیں ہونے پاتا
اپنا آپ تماشا کر کے دیکھوں گا
خود سے خود کو منہا کر کے دیکھوں گا
غم نہیں اب ملی ہیں جو تنہائیاں
انجمن انجمن تھا فسانہ مرا
فن کے کچھ اور بھی ہوتے ہیں تقاضے محسنؔ
ہر سخن گو تو سخن ور نہیں ہونے پاتا
کیا ضروری ہے اب یہ بتانا مرا
ٹوٹتی شاخ پر تھا ٹھکانا مرا
بچھڑ کے تجھ سے میسر ہوئے وصال کے دن
ہیں تیرے خواب کی راتیں ترے خیال کے دن
یوں کیا کرتے ہیں لڑکوں کو نصیحت اکثر
جیسے ہم نے نہ گزارا ہو لڑکپن اپنا
فراق جاں کا زمانہ گزارنا ہوگا
فغاں سے کم تو نہ ہوں گے یہ ماہ و سال کے دن
رنگ محفل کے لیے ہم نہیں بدلے محسنؔ
وہی انداز تخیل ہے وہی فن اپنا
اک زمانہ کبھی تھا مرا ہم نوا
تم نے دیکھا کہاں وہ زمانہ مرا
\
جو بھی آیا ہدف پر وہ کب بچ سکا
چوکتا ہی نہیں تھا نشانہ مرا
عروج بخت مبارک مگر یہ دھیان رہے
انہی دنوں کے تعاقب میں ہیں زوال کے دن
شکایتیں بھی بہت ہیں حکایتیں بھی بہت
گزر نہ جائیں یوں ہی عہد بے مثال کے دن
وہ شعلہ ہے یا چشمہ کچھ بھید کھلے
پتھر دل میں رستہ کر کے دیکھوں گا
ارض بھوپال سے تھا تعلق کبھی
اب تو سب کچھ ہے یہ لاڑکانہ مرا
کب بچھڑا تھا کون گھڑی تھی یاد نہیں
لمحہ لمحہ یکجا کر کے دیکھوں گا
ناتوانی پہ میری جو ہیں خندہ زن
ان کو البم پرانا دکھانا مرا
میرے جانے سے بہتر ہے محسنؔ کبھی
بزم شعر و سخن میں نہ جانا مرا
وقت کے تقاضوں کو اس طرح بھی سمجھا کر
آج کی گواہی پر مت قیاس فردا کر
جس نے زندگی دی ہے وہ بھی سوچتا ہوگا
زندگی کے بارے میں اس قدر نہ سوچا کر
حرف و لب سے ہوتا ہے کب ادا ہر اک مفہوم
بے زبان آنکھوں کی گفتگو بھی سمجھا کر
ایک دن یہی عادت تجھ کو خوں رلائے گی
تو جو یوں پرکھتا ہے ہر کسی کو اپنا کر
یہ بدلتی قدریں ہی حاصل زمانہ ہیں
بار بار ماضی کے یوں ورق نہ الٹا کر
خوں رلائیں گے منظر مت قریب آ محسنؔ
آئینہ کدہ ہے دہر دور سے تماشا کر
دوستو بارگہہ قتل سجاتے جاؤ
قرض ہے رشتۂ جاں قرض چکاتے جاؤ
تیرے ہر رویے میں بدگمانیاں کیسی
جب تلک ہے دنیا میں اعتبار دنیا کر
اپنی تقدیر میں صحرا ہے تو صحرا ہی سہی
آبلہ پاؤ! نئے پھول کھلاتے جاؤ
رہے خاموش تو یہ ہونٹ سلگ اٹھیں گے
شعلۂ فکر کو آواز بناتے جاؤ
بے ضمیری ہے سرافراز تو غم کیسا ہے
اپنی تذلیل کو معیار بناتے جاؤ
زندگی سایۂ دیوار نہیں دار بھی ہے
زیست کو عشق کے آداب سکھاتے جاؤ
اے مسیحاؤ اگر چارہ گری ہے دشوار
ہو سکے تم سے نیا زخم لگاتے جاؤ
کارواں عزم کا روکے سے کہیں رکتا ہے
لاکھ تم راہ میں دیوار اٹھاتے جاؤ
ایک مدت کی رفاقت کا ہو کچھ تو انعام
جاتے جاتے کوئی الزام لگاتے جاؤ
جن کو گہنہ دیا افکار کی پرچھائیں نے
محسنؔ ان چہروں کو آئینہ دکھاتے جاؤ
عظمت فن کے پرستار ہیں ہم
یہ خطا ہے تو خطاوار ہیں ہم
جہد کی دھوپ ہے ایمان اپنا
منکر سایۂ دیوار ہیں ہم
جانتے ہیں ترے غم کی قیمت
مانتے ہیں کہ گنہ گار ہیں ہم
اس کو چاہا تھا کبھی خود کی طرح
آج خود اپنے طلب گار ہیں ہم
تو کبھی خود کو بے خبر تو کر
اپنی جانب بھی اک نظر تو کر
کوئی منزل ہے نہ جادہ محسنؔ
صورت گردش پرکار ہیں ہم
وقفۂ عمر ہے کہ عرصۂ حشر
اس مسافت کو مختصر تو کر
غلط انداز اک نگاہ سہی
میری ہستی کو معتبر تو کر
اہل دنیا سے شکایت نہ رہی
وہ بھی کہتے ہیں زیاں کار ہیں ہم
میں نے جس طرح زیست کاٹی ہے
ایک دن ہی سہی بسر تو کر
آئنہ آئنہ ترا پرتو
آئنہ آئنہ گزر تو کر
وقت کوہ گراں سہی محسنؔ
آب جو کی طرح سفر تو کر
رہبری کا بھرم بھی رکھ لوں گا
مجھ کو مانوس رہ گزر تو کر
میں لفظوں کے اثر کا معجزہ ہوں
مجھے دیکھو مجسم اک دعا ہوں
تلاش رزق میں نکلا تھا گھر سے
اب اپنے آپ کو میں ڈھونڈھتا ہوں
عطا کر حوصلے کو استقامت
مرے معبود تنہا رہ گیا ہوں
میں چھوٹوں میں بہت چھوٹا ہوں لیکن
بڑوں کے درمیاں سب سے بڑا ہوں
مرے الفاظ ہیں آواز محسنؔ
میں نغمہ ہوں اگرچہ بے صدا ہوں
کسی دن دیکھنا وہ آ کے میری کشت ویراں پر
اچٹتی سی نظر ڈالے گا اور شاداب کر دے گا
وہ اپنا حق سمجھ کر بھول جائے گا ہر اک احساں
پھر اس رسم انا کو داخل آداب کر دے گا
نہ کرنا زعم اس کا طرز استدلال ایسا ہے
کہ نقش سنگ کو تحریر موج آب کر دے گا
نیاز و ناز بجا ہیں مگر یہ شرط وصال
ہے سنگ راہ تعلق اسے ہٹا دیجے
سنا تھا ہم نے کہ منزل قریب آ پہنچی
کہاں ہیں آپ اگر ہو سکے صدا دیجے
یہ طے ہوا ہے کہ قاتل کو بھی دعا دیجے
خود اپنا خون بہا پھر بھی خوں بہا دیجے
سحر قریب سہی پھر بھی کچھ بعید نہیں
چراغ بجھنے لگے ہیں تو لو بڑھا دیجے
مہکتے زخموں کو انعام فصل گل کہیے
سلگ اٹھے جو چمن برق کو دعا دیجے
خبر کیا تھی نہ ملنے کے نئے اسباب کر دے گا
وہ کر کے خواب کا وعدہ مجھے بے خواب کر دے گا
یہ کیا ضرور کہ احساس کو زباں مل جائے
ہے حکم نغمہ سرائی تو گنگنا دیجے
اسیر اپنے خیالوں کا بنا کر ایک دن محسنؔ
خبر کیا تھی مجھے میرے لیے کمیاب کر دے گا
بدل گئے ہیں تقاضے سخن شناسی کے
ادھر عطا ہو ادھر داد برملا دیجے
کچھ اس طرح ہے کہ گزرے ہیں جس قیامت سے
سمجھئے خواب اسے خواب کو بھلا دیجے
پڑی بھی رہنے دو ماضی پہ مصلحت کی راکھ
کریدنے سے فقط انتشار ابھرے گا
ہمارے عہد میں شرط شناوری ہے یہی
ہے ڈوبنے پہ جسے اختیار ابھرے گا
سفینہ ڈوبا نہیں ہے نظر سے اوجھل ہے
مجھے یقین ہے پھر ایک بار ابھرے گا
شب سیہ کا مقدر شکست ہے محسنؔ
در افق سے پھر انجم شکار ابھرے گا
ابھی کچھ اور بھی گرد و غبار ابھرے گا
پھر اس کے بعد مرا شہ سوار ابھرے گا
غلط تھے وعدے مگر میں یقین رکھتا تھا
وہ شخص لہجہ بڑا دل نشین رکھتا تھا
وعدہ کر کے لوگ بھلا کیوں دیتے ہیں
اب کے میں بھی ایسا کر کے دیکھوں گا
اتر گیا ہے رگوں میں مرے لہو بن کر
وہ زہر ذائقہ انگبین رکھتا تھا
وہ جوہری نہ رہا اب اسے کہاں ڈھونڈیں
جو لفظ لفظ میں در ثمین رکھتا تھا
ہے تار تار مرے اعتماد کا دامن
کسے بتاؤں کہ میں بھی امین رکھتا تھا
گزرنے والے نہ یوں سرسری گزر دل سے
مکاں شکستہ سہی پر مکین رکھتا تھا
وہ عقل کل تھا بھلا کس کی مانتا محسنؔ
خیال خام پہ پختہ یقین رکھتا تھا
کیا کیا نہ اعتبار دیا اک سراب نے
ہر چند تشنہ لب تھے مگر دیکھتے رہے
صحن چمن کو اپنے لہو سے سنوار کر
دست ہوس میں ہم گل تر دیکھتے رہے
تا دیر ہم بہ دیدۂ تر دیکھتے رہے
یادیں تھیں جس میں دفن وہ گھر دیکھتے رہے
سورج چڑھا تو پھر بھی وہی لوگ زد میں تھے
شب بھر جو انتظار سحر دیکھتے رہے
محسنؔ عروج کم نظراں سانحہ نہیں
یہ سانحہ ہے اہل نظر دیکھتے رہے
بنائے عشق ہے بس استوار کرنے تک
فلک کو چین کہاں پھر غبار کرنے تک
یہ دل ہی جانتا ہے کہ کس حوصلے کے ساتھ
ناقدریٔ متاع ہنر دیکھتے رہے
خبر نہ تھی وہ مجھے قتل کرنے آیا ہے
میں اس کو دوست سمجھتا تھا وار کرنے تک
یہ کب کہا کہ بھروسا نہیں ہے وعدے پر
میں جی سکوں گا ترا انتظار کرنے تک
مرے قبیلے کا محسنؔ یہ قول فیصل ہے
کہ ظلم ظلم ہے صبر اختیار کرنے تک
وہ خوئے عشق بسی ہے ہماری فطرت میں
کہ ساتھ دیتے ہیں ہم جاں نثار کرنے تک
لکھے تھے نام مرے قتل کرنے والوں کے
عجیب بات ہے میں بھی اسی شمار میں تھا
مجھے تھا زعم مگر میں بکھر گیا محسنؔ
وہ ریزہ ریزہ تھا اور اپنے اختیار میں تھا
لفظ تو ہوں لب اظہار نہ رہنے پائے
اب سماعت پہ کوئی بار نہ رہنے پائے
وہ برگ خشک تھا اور دامن بہار میں تھا
نمود نو کی بشارت کے انتظار میں تھا
کچھ اس سے پہلے ہی آ جائے میری زیست کی شام
حیات وقف ہو جب دن شمار کرنے تک
اب آ گیا ہے تو ویرانیوں پر طنز نہ کر
ترا مکاں اسی اجڑے ہوئے دیار میں تھا
پھر اس کے بعد کہاں امتیاز دامن و دل
جنوں ہے شوق فقط اختیار کرنے تک
اس میں بھی پہلوئے تسکین نکل آتا ہے
ایک ہی صورت آزار نہ رہنے پائے
بکھر گیا ہے تو اب دل نگار خانہ ہے
غضب کا رنگ اس اک نقش اعتبار میں تھا
مری رفیق سفر تھیں حسد بھری نظریں
وہ آسمان تھا اور میرے اختیار میں تھا
سروں کی فصل کاٹی جا رہی ہے
وہ دیکھو سرخ آندھی آ رہی ہے
کس طرح کے ہیں مکیں جن کی تگ و دو ہے یہی
در تو باقی رہیں دیوار نہ رہنے پائے
ہٹا لو صحن سے کچے گھڑوں کو
کہیں ملہار سوہنی گا رہی ہے
اب کے موسم میں یہ معیار جنوں ٹھہرا ہے
سر سلامت رہیں دستار نہ رہنے پائے
کوئی درماں کہ ہوا چیخ رہی ہے محسنؔ
نخل ہستی پہ کوئی بار نہ رہنے پائے
یہ برسے گی کہیں پر اور جا کر
گھٹا جو میرے سر پر چھا رہی ہے
سمجھ رکھا ہے کیا دیوانگی کو
یہ دنیا کیا ہمیں سمجھا رہی ہے
مری دستار کیسے بچ سکے گی
قسم وہ میرے سر کی کھا رہی ہے
رات بھر جینے سے کیا شمع شبستاں کی طرح
ایک لمحہ ہے بہت شعلۂ رقصاں کی طرح
ذہن تا ذہن مہکتا ہی رہے زخم ہنر
فصل حرف و لب اظہار نہ رہنے پائے
دل کے زخموں پہ بھی پھولوں کا گماں ہوتا ہے
یاد آئی ہے تری موج بہاراں کی طرح
تمنا جلد مرنے کی ہے ہم کو
حیات اب تک یوں ہی بہلا رہی ہے
حقائق کو بھلانا چاہتے ہیں
کوئی رنگیں فسانہ چاہتے ہیں
کیوں ہو خاموش رفیقان چمن کچھ تو کہو
صبح گلشن بھی نہ گزرے شب زنداں کی طرح
گئی شب کی روپہلی ساعتوں کو
نئی دھج سے سجانا چاہتے ہیں
کشادہ سائباں سب کے لیے ہو
رعایت سب اٹھانا چاہتے ہیں
وہ خود بھی تو کبھی آئے تھے محسنؔ
جو محفل سے اٹھانا چاہتے ہیں
پرندوں کو نہ پتھر سے اڑاؤ
مسافر ہیں ٹھکانا چاہتے ہیں
نسیم صبح ہو صرصر ہو کچھ ہو
یہ پودے لہلہانا چاہتے ہیں
صوت و آہنگ ہی پیرایۂ اظہار نہیں
بے نوائی میں بھی انداز نوا ہوتا ہے
روش وقت سے مایوس نہ ہوں اہل نظر
سانحہ قسمت ارباب وفا ہوتا ہے
ہم ہیں وہ سادہ لوح کہ پا کر رضائے دوست
خود اپنے ہاتھ اپنے ہی خوں میں ڈبو لیے
اتنے بدلے گئے آداب کہ اب محفل میں
دل کی دھڑکن پہ بھی احساس سزا ہوتا ہے
اہتمام رسن و دار سے کیا ہوتا ہے
جس قدر ظلم بڑھے عزم سوا ہوتا ہے
غم زدو دائرۂ غم سے نکل کر دیکھو
درد سے درد کا احساس بڑا ہوتا ہے
جس سمت سے بھی بانگ جرس آئی دشت میں
دیوانگان شوق اسی سمت ہو لیے
جام تہی قبول نہ تھا غم سمو لیے
پھولوں کے انتظار میں کانٹے چبھو لیے
وہ کسی اور تسلسل میں رہا محو کلام
میری باتوں کا بھلا دل پہ اثر کیا لیتا
محسنؔ زبان دیجئے بزم خموش کو
مہمل ہے آج لفظ سخن کچھ تو بولئے
زخم خوردہ تو اسی کا تھا سپر کیا لیتا
اپنی تخلیق سے میں داد ہنر کیا لیتا
کیا جبر ہے ثبوت وفا پیش کیجیے
اور ان کا نام آئے تو پھر لب نہ کھولیے
پچھلا پہر ہے شب کا کہ ہے شام کا سماں
وہ کیا بتا سکیں گے جو اک نیند سو لیے
اس کو فرصت ہی نہ تھی ناز مسیحائی سے
اپنے بیمار کی وہ خیر خبر کیا لیتا
شاداب درختوں کے بھی سائے ہیں گریزاں
اک جرم ہوئی میری غریب الوطنی بھی
ایک آواز پہ مقسوم تھا چلتے رہنا
بے تعین تھا سفر رخت سفر کیا لیتا
بے نیازانہ رہا اپنی روش پر محسنؔ
شب پرستوں سے بھلا فال سحر کیا لیتا
ہے وجہ تماشائے جہاں دل شکنی بھی
منظور ہے اے دوست! یہ نیزے کی انی بھی
ساز لب گنگ تھے بے نور تھی قندیل نظر
ایسے ماحول میں الزام ہنر کیا لیتا
پیتے ہی رہے گردش ایام کے ہاتھوں
صہبائے ملامت بھی غم طعنہ زنی بھی
محرومیٔ دوام بھی کیا لطف دے گئی
یہ سوچ کر ہنسے ہیں کہ اک عمر رو لیے
سوچا تھا کہ اس بزم میں خاموش رہیں گے
موضوع سخن بن کے رہی کم سخنی بھی
نگار صبح درخشاں سے لو لگائے ہوئے
ہیں اپنے دوش پہ اپنی صلیب اٹھائے ہوئے
بدن پر اوڑھ کر گرد مسافت
غم منزل چھپانا چاہتے ہیں
اے سلسلۂ نکہت گیسو کے اسیرو!
ہے عشق میں اک مرحلۂ کوہ کنی بھی
ویران جزیروں کی طرح خشک ہیں آنکھیں
بے کار ہے اے درد تری نالہ زنی بھی
اے نازش صد رنگ نہ کر ان سے تغافل
ہے خاک نشینوں سے تری گل بدنی بھی
چھلک سکا نہ کبھی جام چشم تر محسنؔ
اگرچہ عمر ہوئی ہم کو گنگنائے ہوئے
لذت درد کو ارباب ہوس کیا جانیں
لذت درد کہ ارزاں نہیں درماں کی طرح
وہ اب بھی سایۂ ابر رواں کو تکتے ہیں
جنہیں زمانہ ہوا اپنا گھر جلائے ہوئے
صلہ ملے نہ ملے خون دل چھڑکتے چلیں
ہر ایک خار ہے دست طلب بڑھائے ہوئے
گزر رہے ہیں دبے پاؤں وقت کی مانند
فراز دار پہ اپنی نظر جمائے ہوئے
طبع خوددار پہ اک طرفہ ستم ہے محسنؔ
ان کا انداز کرم غیر کے احساں کی طرح
یورش درد نے پندار وفا توڑ دیا
ہم بھی نادم ہیں بہت حسن پشیماں کی طرح
یاد رکھے گا سلگتا ہوا ماحول ہمیں
خارزاروں میں رہے ہم گل خنداں کی طرح
مزید شاعری پڑھیے اور دوسرے شعراء کو دریافت کیجیے۔