مکمل شاعری

وہ زندگی کو نیا موڑ دے گیا محسنؔ

یہی زوال کے دن ہیں مرے کمال کے دن

ہر اک عمل کا وہ کیا کیا جواز رکھتا ہے

نہ بن پڑے گا جواب ایک بھی، سوال کے دن

گزر رہے ہیں کچھ اس طرح روز و شب اپنے

کہ جس طرح سے کٹیں شاخ بے نہال کے دن

بچھڑ کے تجھ سے میسر ہوئے وصال کے دن

ہیں تیرے خواب کی راتیں ترے خیال کے دن

فراق جاں کا زمانہ گزارنا ہوگا

فغاں سے کم تو نہ ہوں گے یہ ماہ و سال کے دن

\

عروج بخت مبارک مگر یہ دھیان رہے

انہی دنوں کے تعاقب میں ہیں زوال کے دن

شکایتیں بھی بہت ہیں حکایتیں بھی بہت

گزر نہ جائیں یوں ہی عہد بے مثال کے دن

— محسن بھوپالی