مکمل شاعری

کسی دن دیکھنا وہ آ کے میری کشت ویراں پر

اچٹتی سی نظر ڈالے گا اور شاداب کر دے گا

وہ اپنا حق سمجھ کر بھول جائے گا ہر اک احساں

پھر اس رسم انا کو داخل آداب کر دے گا

نہ کرنا زعم اس کا طرز استدلال ایسا ہے

کہ نقش سنگ کو تحریر موج آب کر دے گا

خبر کیا تھی نہ ملنے کے نئے اسباب کر دے گا

وہ کر کے خواب کا وعدہ مجھے بے خواب کر دے گا

اسیر اپنے خیالوں کا بنا کر ایک دن محسنؔ

خبر کیا تھی مجھے میرے لیے کمیاب کر دے گا

— محسن بھوپالی