مکمل شاعری
یہ میرے چاروں طرف کس لیے اجالا ہے
ترا خیال ہے یا دن نکلنے والا ہے
یقین مانو میں کب کا بکھر گیا ہوتا
تمہاری یاد نے اب تک مجھے سنبھالا ہے
ہجوم جشن میں کرتا ہے غم زدوں کو تلاش
مجھے جنوں نے عجب امتحاں میں ڈالا ہے
کسی کا نام تو ہم لے کے شب میں سوتے ہیں
کوئی تو ہے جو سحر دم جگانے والا ہے
زمانہ ساز ڈریں گردش زمانہ سے
ہمارا کیا ہے ہمیں حادثوں نے پالا ہے
خدا کرے کہ اسے علم بھی نہ ہو محسنؔ
وہ جس کے گرد مری چاہتوں کا ہالا ہے
یہی بہت ہے کہ نقش قدم سے بچ جائیں
سخن میں راستہ کس نے نیا نکالا ہے
— محسن بھوپالی