شاعر کی معلومات لوڈ ہو رہی ہیں...
سوز غم دے کے مجھے اس نے یہ ارشاد کیا
جا تجھے کشمکش دہر سے آزاد کیا
شاعر کی معلومات لوڈ ہو رہی ہیں...
Josh Malihabadi
1898 – 1982
Josh Malihabadi (1898–1982) was a renowned Urdu poet and writer, often called the "Shair-e-Inquilab" (Poet of Revolution) for his revolutionary and patriotic poetry. Born in Malihabad, Uttar Pradesh, British India, he became one of the leading figures in Urdu literature. His poems, filled with passion, boldness, and intense emotion, were instrumental in inspiring the masses during the Indian freedom struggle. After the Partition of India in 1947, he migrated to Pakistan and continued his literary work, earning numerous accolades, including the Pride of Performance award. His notable works, such as "Shola-o-Shabnam" and "Khayal-o-Khushboo," left a lasting impact on the world of Urdu poetry. Malihabadi's powerful and evocative poetry, advocating for social justice and freedom, remains highly regarded in the literary world.
ان کے کلام کے چند منتخب اشعار پڑھیے۔
سوز غم دے کے مجھے اس نے یہ ارشاد کیا
جا تجھے کشمکش دہر سے آزاد کیا
اے میں سو جان سے اس طرز تکلم کے نثار
پھر تو فرمائیے کیا آپ نے ارشاد کیا
میری ہر سانس ہے اس بات کی شاہد اے موت
میں نے ہر لطف کے موقع پہ تجھے یاد کیا
وہ کریں بھی تو کن الفاظ میں تیرا شکوہ
جن کو تیری نگہ لطف نے برباد کیا
دل کی چوٹوں نے کبھی چین سے رہنے نہ دیا
جب چلی سرد ہوا میں نے تجھے یاد کیا
مجھ کو تو ہوش نہیں تم کو خبر ہو شاید
لوگ کہتے ہیں کہ تم نے مجھے برباد کیا
کچھ نہیں اس کے سوا جوشؔ حریفوں کا کلام
وصل نے شاد کیا ہجر نے ناشاد کیا
میری حالت دیکھیے اور ان کی صورت دیکھیے
پھر نگاہ غور سے قانون قدرت دیکھیے
اس کا رونا نہیں کیوں تم نے کیا دل برباد
اس کا غم ہے کہ بہت دیر میں برباد کیا
سیر مہتاب و کواکب سے تبسم تابکے
رو رہی ہے وہ کسی کی شمع تربت دیکھیے
اتنا مانوس ہوں فطرت سے کلی جب چٹکی
جھک کے میں نے یہ کہا مجھ سے کچھ ارشاد کیا
آپ اک جلوہ سراسر میں سراپا اک نظر
اپنی حاجت دیکھیے میری ضرورت دیکھیے
اپنے سامان تعیش سے اگر فرصت ملے
بیکسوں کا بھی کبھی طرز معیشت دیکھیے
مسکرا کر اس طرح آیا نہ کیجے سامنے
کس قدر کمزور ہوں میں، میری صورت دیکھیے
پھوٹ نکلے گا جبیں سے ایک چشمہ حسن کا
صبح اٹھ کر خندۂ سامان قدرت دیکھیے
آپ کو لایا ہوں ویرانوں میں عبرت کے لیے
حضرت دل دیکھیے اپنی حقیقت دیکھیے
موت بھی آئی تو چہرے پر تبسم ہی رہا
ضبط پر ہے کس قدر ہم کو بھی قدرت دیکھیے
صرف اتنے کے لیے آنکھیں ہمیں بخشی گئیں
دیکھیے دنیا کے منظر اور بہ عبرت دیکھیے
یہ بھی کوئی بات ہے ہر وقت دولت کا خیال
آدمی ہیں آپ اگر تو آدمیت دیکھیے
اس سے بڑھ کر اور عبرت کا سبق ممکن نہیں
جو نشاط زندگی تھے ان کی تربت دیکھیے
تھی خطا ان کی مگر جب آ گئے وہ سامنے
جھک گئیں میری ہی آنکھیں رسم الفت دیکھیے
رشحۂ شبنم بہار گل فروغ مہر و ماہ
واہ کیا اشعار ہیں دیوان فطرت دیکھیے
خوش نما یا بد نما ہو دہر کی ہر چیز میں
جوشؔ کی تخئیل کہتی ہے کہ ندرت دیکھیے
نظر ہو خواہ کتنی ہی حقائق آشنا پھر بھی
ہجوم کشمکش میں آدمی گھبرا ہی جاتا ہے
قدم انساں کا راہ دہر میں تھرا ہی جاتا ہے
چلے کتنا ہی کوئی بچ کے ٹھوکر کھا ہی جاتا ہے
خلاف مصلحت میں بھی سمجھتا ہوں مگر ناصح
وہ آتے ہیں تو چہرے پر تغیر آ ہی جاتا ہے
شگوفوں پر بھی آتی ہیں بلائیں یوں تو کہنے کو
مگر جو پھول بن جاتا ہے وہ کمھلا ہی جاتا ہے
شکایت کیوں اسے کہتے ہو یہ فطرت ہے انساں کی
مصیبت میں خیال عیش رفتہ آ ہی جاتا ہے
شاعری کیوں نہ راس آئے مجھے
یہ مرا فن خاندانی ہے
سمجھتی ہیں مآل گل مگر کیا زور فطرت ہے
سحر ہوتے ہی کلیوں کو تبسم آ ہی جاتا ہے
ہوائیں زور کتنا ہی لگائیں آندھیاں بن کر
مگر جو گھر کے آتا ہے وہ بادل چھا ہی جاتا ہے
دل ملا ہے جنہیں ہمارا سا
تلخ ان سب کی زندگانی ہے
وہ کریں بھی تو کن الفاظ میں تیرا شکوہ
جن کو تیری نگہ لطف نے برباد کیا
جب سے مرنے کی جی میں ٹھانی ہے
کس قدر ہم کو شادمانی ہے
آپ ہم کو سکھائیں رسم وفا
مہربانی ہے مہربانی ہے
اتنا مانوس ہوں فطرت سے کلی جب چٹکی
جھک کے میں نے یہ کہا مجھ سے کچھ ارشاد کیا
کیوں لب التجا کو دوں جنبش
تم نہ مانوگے اور نہ مانی ہے
اس قدر ڈوبا ہوا دل درد کی لذت میں ہے
تیرا عاشق انجمن ہی کیوں نہ ہو خلوت میں ہے
کوئی صدمہ ضرور پہنچے گا
آج کچھ دل کو شادمانی ہے
کچھ نہیں اس کے سوا جوشؔ حریفوں کا کلام
وصل نے شاد کیا ہجر نے ناشاد کیا
تجربے کے دشت سے دل کو گزرنے کے لیے
روز اک صورت نئی ہے غور کرنے کے لیے
سوز غم دے کے مجھے اس نے یہ ارشاد کیا
جا تجھے کشمکش دہر سے آزاد کیا
جذب کر لینا تجلی روح کی عادت میں ہے
حسن کو محفوظ رکھنا عشق کی فطرت میں ہے
میری ہر سانس ہے اس بات کی شاہد اے موت
میں نے ہر لطف کے موقع پہ تجھے یاد کیا
صبح اٹھ کر آنسوؤں سے خون کے روتا ہوں میں
دل کے نقشے میں وفا کا رنگ بھرنے کے لیے
اے میں سو جان سے اس طرز تکلم کے نثار
پھر تو فرمائیے کیا آپ نے ارشاد کیا
حامل اسرار فطرت ہوں گدا بھی ہوں تو کیا
بات یہ کافی ہے مجھ کو فخر کرنے کے لیے
آنکھ شرمائی ہوئی ہے بال پیشانی پہ ہیں
آئینہ خانے میں جاتے ہیں سنورنے کے لیے
جب کوئی بنتا ہے لاکھوں ہستیوں کو میٹ کر
صبح تاروں کو دباتی ہے ابھرنے کے لیے
اس کا اک ادنیٰ کرشمہ روح وہ اتنا عجیب
عقل استعجاب میں ہے فلسفہ حیرت میں ہے
گوہر مقصود خود ملتا ہے ہمت شرط ہے
مضطرب رہتا ہے ہر موتی ابھرنے کے لیے
مجھ کو تو ہوش نہیں تم کو خبر ہو شاید
لوگ کہتے ہیں کہ تم نے مجھے برباد کیا
اس کا رونا نہیں کیوں تم نے کیا دل برباد
اس کا غم ہے کہ بہت دیر میں برباد کیا
محو ہو جاتا ہوں اکثر میں کہ دشمن ہوں ترا
دل کشی کس درجہ اے دنیا تری صورت میں ہے
بے ہوشیوں نے اور خبردار کر دیا
سوئی جو عقل روح نے بیدار کر دیا
کہہ دو دنیا کے حوادث سے نہ چھیڑیں اس طرح
جوشؔ ہم تیار ہی بیٹھے ہیں مرنے کے لیے
اف نکل جاتی ہے خطرے ہی کا موقعہ کیوں نہ ہو
حسن سے بیتاب ہو جانا مری فطرت میں ہے
کل ان کے آگے شرح تمنا کی آرزو
اتنی بڑھی کہ نطق کو بیکار کر دیا
روح کو چمکا خودی کو توڑ کر زینے بنا
دو یہ تدبیریں ہیں دنیا میں ابھرنے کے لیے
غور سے دیکھا نظام دہر تو ثابت ہوا
آدمی پیدا ہوا ہے کام کرنے کے لیے
نور کا تڑکا ہے دھیمی ہو چلی ہے چاندنی
ہل رہا ہے دل مرا مصروف وہ زینت میں ہے
دل کی چوٹوں نے کبھی چین سے رہنے نہ دیا
جب چلی سرد ہوا میں نے تجھے یاد کیا
اللہ رے حسن دوست کی آئینہ داریاں
اہل نظر کو نقش بہ دیوار کر دیا
وہ صبر دے کہ نہ دے جس نے بیقرار کیا
بس اب تمہیں پہ چلو ہم نے انحصار کیا
دل کچھ پنپ چلا تھا تغافل کی رسم سے
پھر تیرے التفات نے بیمار کر دیا
یا رب یہ بھید کیا ہے کہ راحت کی فکر نے
انساں کو اور غم میں گرفتار کر دیا
یہ دیکھ کر کہ ان کو ہے رنگینیوں کا شوق
آنکھوں کو ہم نے دیدۂ خوں بار کر دیا
مجھ کو وہ بخشتے تھے دو عالم کی نعمتیں
میرے غرور عشق نے انکار کر دیا
پھر سر کسی کے در پہ جھکائے ہوئے ہیں ہم
پردے پھر آسماں کے اٹھائے ہوئے ہیں ہم
جس کا ہر ایک جزو ہے اکسیر زندگی
پھر خاک میں وہ جنس ملائے ہوئے ہیں ہم
مآل ہم نے جو دیکھا سکون و جنبش کا
تو کچھ سمجھ کے تڑپنا ہی اختیار کیا
ثبوت ہے یہ محبت کی سادہ لوحی کا
جب اس نے وعدہ کیا ہم نے اعتبار کیا
چھائی ہوئی ہے عشق کی پھر دل پہ بے خودی
پھر زندگی کو ہوش میں لائے ہوئے ہیں ہم
تمہارا ذکر نہیں ہے تمہارا نام نہیں
کیا نصیب کا شکوہ ہزار بار کیا
مرے خدا نے مرے سب گناہ بخش دیے
کسی کا رات کو یوں میں نے انتظار کیا
ہاں کون درس عشق جنوں کا ہے خواست گار
آئے کہ ہر سبق کو بھلائے ہوئے ہیں ہم
آئے جسے ہو جادۂ رفعت کی آرزو
پھر سر کسی کے در پہ جھکائے ہوئے ہیں ہم
ہاں کون پوچھتا ہے خوشی کا نہفتہ راز
پھر غم کا بار دل پہ اٹھائے ہوئے ہیں ہم
بیعت کو آئے جس کو ہو تحقیق کا خیال
کون و مکاں کے راز کو پائے ہوئے ہیں ہم
ہستی کے دام سخت سے اکتا گیا ہے کون
کہہ دو کہ پھر گرفت میں آئے ہوئے ہیں ہم
ہاں کس کے پائے دل میں ہے زنجیر آب و گل
کہہ دو کہ دام زلف میں آئے ہوئے ہیں ہم
جس پر نثار کون و مکاں کی حقیقتیں
پھر جوشؔ اس فریب میں آئے ہوئے ہیں ہم
ہاں کس کو جستجو ہے نسیم فراغ کی
آسودگی کو آگ لگائے ہوئے ہیں ہم
جتنے گدا نواز تھے کب کے گزر چکے
اب کیوں بچھائے بیٹھے ہیں ہم بوریا نہ پوچھ
پیش نظر ہے پست و بلند رہ جنوں
ہم بے خودوں سے قصۂ ارض و سما نہ پوچھ
اس بات کی نہیں ہے کوئی انتہا نہ پوچھ
اے مدعائے خلق مرا مدعا نہ پوچھ
سنبل سے واسطہ نہ چمن سے مناسبت
اس زلف مشکبار کا حال اے صبا نہ پوچھ
ہاں کس کو سیر ارض و سما کا ہے اشتیاق
دھونی پھر اس گلی میں رمائے ہوئے ہیں ہم
کیا کہہ کے پھول بنتی ہیں کلیاں گلاب کی
یہ راز مجھ سے بلبل شیریں نوا نہ پوچھ
کر رحم میرے جیب و گریباں پہ ہم نفس
چلتی ہے کوئے یار میں کیونکر ہوا نہ پوچھ
صد محفل نشاط ہے اک شعر دلنشیں
اس بربط سخن میں ہے کس کی صدا نہ پوچھ
رہتا نہیں ہے دہر میں جب کوئی آسرا
اس وقت آدمی پہ گزرتی ہے کیا نہ پوچھ
بندہ ترے وجود کا منکر نہیں مگر
دنیا نے کیا دیئے ہیں سبق اے خدا نہ پوچھ
ہر سانس میں ہے چشمۂ حیوان و سلسبیل
پھر بھی میں تشنہ کام ہوں یہ ماجرا نہ پوچھ
فضا میں کانپتی ہیں دھندلی دھندلی نقرئی شکلیں
ہر اک تخیئل پاکیزہ مجسم ہوتی جاتی ہے
سمجھ میں آئیں کیا باریکیاں قانون قدرت کی
عبادت کثرت معنی سے مبہم ہوتی جاتی ہے
خجل تھا جس کی شورش سے تلاطم بحر ہستی کا
مرے دل میں وہ ہلچل جوشؔ اب کم ہوتی جاتی ہے
جس کے مرض پہ صحت عالم نثار ہو
کس طرح وہ مریض دعائے شفا کرے
نسیم بے نیازی آ رہی ہے بام گردوں سے
عروس مدعا کی زلف برہم ہوتی جاتی ہے
مجھ بے نوا کے ناز اٹھائے وہ نازنیں
سلطان اور کاوش قرب گدا کرے
لے دے کے رہ گیا ہے یہی ایک آسرا
ایسا کبھی نہ ہو کہ وہ ترک وفا کرے
بت جس پہ ملتفت ہو بہ حد سپردگی
زندیق ہے اگر وہ خدا سے دعا کرے
اس روئے دل نشیں پہ نگاہیں جمی رہیں
فریاد کر رہی ہے بصیرت کہ کیا کرے
دامان بوئے کاکل شب رنگ چھوڑ دے
یا رب کبھی یہ ظلم نہ باد صبا کرے
عمر دراز و پختگی فکر نکتہ سنج
کہتی ہے خام کام مجھے ہاں کہا کرے
صیاد دام زلف سے مجھ کو رہا کرے
وہ دن تمام عمر نہ آئے خدا کرے
نہ جانے سینۂ احساس پر یہ ہات ہے کس کا
طبیعت بے نیاز شادی و غم ہوتی جاتی ہے
ملا جو موقع تو روک دوں گا جلالؔ روز حساب تیرا
پڑھوں گا رحمت کا وہ قصیدہ کہ ہنس پڑے گا عتاب تیرا
یا رب حصار نجد سے اب اٹھ سکے نہ جوشؔ
یونان دے رہا ہے دہائی دیا کرے
اب دام حسن و عشق سے نکلوں نہ تا بہ مرگ
گھر جل رہا ہے عقل رسا کا جلا کرے
حکمت نمک حرام ہوں بے شک ترا مگر
جس پر پڑے یہ وقت وہ بچارا کیا کرے
یہی تو ہیں دو ستون محکم انہیں پہ قائم ہے نظم عالم
یہی تو ہے راز خلد و آدم نگاہ میری شباب تیرا
گرہ یوں کھل رہی ہے ہر نفس ذوق تماشا کی
کہ ہر ادنیٰ سی شے اب ایک عالم ہوتی جاتی ہے
نمایاں ہو چلا ہے اک جہاں چشم تصور پر
نظر شاید حریف ساغر جم ہوتی جاتی ہے
صبا تصدق ترے نفس پر چمن ترے پیرہن پہ قرباں
نسیم دوشیزگی میں کیسا بسا ہوا ہے شباب تیرا
اٹھی جاتی ہے دل سے ہیبت آلام روحانی
جراحت بہر قلب زار مرہم ہوتی جاتی ہے
کرے گی دونوں کا چاک پردہ رہے گا دونوں کو کر کے رسوا
یہ شورش ذوق دید میری یہ اہتمام حجاب تیرا
تمام محفل کے روبرو گو اٹھائیں نظریں ملائیں آنکھیں
سمجھ سکا ایک بھی نہ لیکن سوال میرا جواب تیرا
ادھر مرا دل تڑپ رہا ہے تری جوانی کی جستجو میں
ادھر مرے دل کی آرزو میں مچل رہا ہے شباب تیرا
کیوں جوشؔ راز دوست کی کرتا ہے جستجو
کہہ دو کوئی کہ شاہ کا حال اے گدا نہ پوچھ
ساری دنیا ہے ایک پردۂ راز
اف رے تیرے حجاب کے انداز
بھلا ہوا جوشؔ نے ہٹایا نگاہ کا چشم تر سے پردہ
بلا سے جاتی رہیں گر آنکھیں کھلا تو بند نقاب تیرا
مایاں منتہائے سعئ پیہم ہوتی جاتی ہے
طبیعت بے نیاز ہر دو عالم ہوتی جاتی ہے
جنوں کا چھا رہا ہے زندگی پر اک دھندلکا سا
خرد کی روشنی سینے میں مدھم ہوتی جاتی ہے
ہزار شاخیں ادا سے لچکیں ہوا نہ تیرا سا لوچ پیدا
شفق نے کتنے ہی رنگ بدلے ملا نہ رنگ شباب تیرا
جڑیں پہاڑوں کی ٹوٹ جاتیں فلک تو کیا عرش کانپ اٹھتا
اگر میں دل پر نہ روک لیتا تمام زور شباب تیرا
موت کو اہل دل سمجھتے ہیں
زندگانی عشق کا آغاز
کنارا کر رہا ہے روح سے ہیجان سرتابی
کہ گردن جستجو کے شوق میں خم ہوتی جاتی ہے
کوئی آیا تری جھلک دیکھی
کوئی بولا سنی تری آواز
مر کے پایا شہید کا رتبہ
میری اس زندگی کی عمر دراز
ہم سے کیا پوچھتے ہو ہم کیا ہیں
اک بیاباں میں گمشدہ آواز
آ رہی ہے صدائے ہاتف غیب
جوشؔ ہمتائے حافظ شیراز
پریشاں بال کرتے ہیں انہیں شوخی سے مطلب ہے
بکھرتا ہے اگر شیرازۂ عالم بکھر جائے
نقش خیال دل سے مٹایا نہیں ہنوز
بے درد میں نے تجھ کو بھلایا نہیں ہنوز
تیرے انوار سے لبالب ہے
دل کا سب سے عمیق گوشۂ راز
تبسم ہے وہ ہونٹوں پر جو دل کا کام کر جائے
انہیں اس کی نہیں پروا کوئی مرتا ہے مر جائے
حیات دائمی کی لہر ہے اس زندگانی میں
اگر مرنے سے پہلے بن پڑے تو جوشؔ مر جائے
وہ سر جو تیری راہ گزر میں تھا سجدہ ریز
میں نے کسی قدم پہ جھکایا نہیں ہنوز
سحر کو سینۂ عالم میں پرتو ڈالنے والے
تصدق اپنے جلوے کا مرا باطن سنور جائے
دعا ہے میری اے دل تجھ سے دنیا کوچ کر جائے
اور ایسی کچھ بنے تجھ پر کہ ارمانوں سے ڈر جائے
محراب جاں میں تو نے جلایا تھا خود جسے
سینے کا وہ چراغ بجھایا نہیں ہنوز
بے ہوش ہو کے جلد تجھے ہوش آ گیا
میں بد نصیب ہوش میں آیا نہیں ہنوز
وہ ان کے دل میں شوق خودنمائی کا خیال آنا
وہ ہر شے کا تبسم کے لیے تیار ہو جانا
جوش ملیح آبادی
200
نوید عیش سے اے دل ذرا ہشیار ہو جانا
کسی تازہ مصیبت کے لیے تیار ہو جانا
مر کر بھی آئے گی یہ صدا قبر جوشؔ سے
بے درد میں نے تجھ کو بھلایا نہیں ہنوز
جوش ملیح آبادی
تبسم ہے وہ ہونٹوں پر جو دل کا کام کر جائے
گداز دل سے باطن کا تجلی زار ہو جانا
محبت اصل میں ہے روح کا بیدار ہو جانا
جو موقع مل گیا تو خضر سے یہ بات پوچھیں گے
جسے ہو جستجو اپنی وہ بیچارہ کدھر جائے
وہ آرائش میں سب قوت کسی کا صرف کر دینا
تحمل میں وہ ہر کوشش مری بے کار ہو جانا
سحر کا اس طرح انگڑائی لینا دل فریبی سے
ادھر شاعر کے محسوسات کا بیدار ہو جانا
معاذ اللہ اب یہ رنگ ہے دنیا کی محفل کا
خدا کا نام لینا اور ذلیل و خوار ہو جانا
مزاج حسن کو اب بھی نہ سمجھو تو قیامت ہے
ہمارا اور وفا کے نام سے بے زار ہو جانا
توسل سے ترے دل میں بھروں گا قوتیں برقی
ذرا میری طرف بھی اے نگاہ یار ہو جانا
بجھنے پہ دل ہے سانس میں بھی ضابطہ نہیں
ظالم دہائی ہے ترے زور شباب کی
میں رو رہا ہوں تیری نظر ہے عتاب کی
شبنم کو پی رہی ہے کرن آفتاب کی
منظور ہے خدا کو تو پہنچوں گا روز حشر
چہرے پہ خاک مل کے در بوتراب کی
پھر عشق کی نظر میں ہے معشوقیت کا ناز
پھر حسن دل نواز سے شیر و شکر ہیں ہم
صورت پرست میری نگاہوں نے اصل میں
دل کیا مرے وجود کی مٹی خراب کی
رگوں سے خون سارا زہر بن کر پھوٹ نکلے گا
ذرا اے جوشؔ ضبط شوق سے ہشیار ہو جانا
ہر پنکھڑی کے طاق میں ہنس ہنس کے صبح کو
شمعیں جلا رہی ہے کرن آفتاب کی
ہر سانس دے رہی ہے خبر کائنات کی
پھر بادۂ جمال سے یوں بے خبر ہیں ہم
پھر آشنائے لذت درد جگر ہیں ہم
پھر محرم کشاکش ہر خیر و شر ہیں ہم
ہے کس خیال خام میں اے خارزار دہر
پھر کامران خندۂ گل ہائے تر ہیں ہم
ہشیار باش ظلمت غم خانۂ حیات
پھر مرکز تجلئ شمس و قمر ہیں ہم
جینے کے اشتیاق سے ہے پھر رمیدگی
پھر سینۂ حیات میں عزم سفر ہیں ہم
پھر فیض عاشقی سے بہ ایں بے بضاعتی
جیب جہاں میں دولت لعل و گہر ہیں ہم
پھر زندگی ہے غم کی امانت لیے ہوئے
ہر دولت نشاط سے پھر بہرہ ور ہیں ہم
دور اندیش مریضوں کی یہ عادت دیکھی
ہر طرف دیکھ لیا جب تری صورت دیکھی
کس زعم میں ہے اے شب دیجور زندگی
پھر رازدار نور طلوع سحر ہیں ہم
پھر باوجود فقر وہ حاصل ہے طمطراق
تو یہ کہے کہ صاحب تاج و کمر ہیں ہم
آنکھوں میں نور مصحف جاناں لیے ہوئے
پھر کردگار عشق کے پیغام بر ہیں ہم
محفل حشر میں یہ کون ہے میر مجلس
یہ تو ہم نے کوئی دیکھی ہوئی صورت دیکھی
کھلتے نہیں ہیں جوشؔ دماغوں پہ دل کے راز
بالاتر از رسائی نقد و نظر ہیں ہم
آئے اور اک نگۂ خاص سے پھر دیکھ گئے
جبکہ آتے ہوئے بیمار میں طاقت دیکھی
قوتیں ضبط کی ہر چند سنبھالے تھیں مجھے
پھر بھی ڈرتے ہوئے میں نے تری صورت دیکھی
سب یہ کہتے ہیں اسے اب کوئی آزار نہیں
کیوں ستم گار مرے ضبط کی قوت دیکھی
سونے والوں پہ نہ چمکا کبھی نور سحری
رونے والوں ہی کے چہروں پہ صباحت دیکھی
اس قدر یاس بھی ہوتی ہے کہیں دنیا میں
رو دیے ہم جو تری چشم عنایت دیکھی
آنچ گویا ہوا میں زیر و زبر
نیند میں سنسنا رہا ہے یہ کون
تہ بہ تہ کر کے بیچ کی انگلی
بند مٹھی بجا رہا ہے یہ کون
زیر دنداں دبا کے سرخ انگشت
عمر اپنی بتا رہا ہے یہ کون
نیند کی رو میں شمع کے مانند
صبح کو جھلملا رہا ہے یہ کون
تیغ دوشیزگی کے پانی سے
آگ دل میں لگا رہا ہے یہ کون
گل پڑا ہے جو ایک مدت سے
اس دئے کو جلا رہا ہے یہ کون
سو چکی ہے جو اک زمانے سے
اس خلش کو جگا رہا ہے یہ کون
صبح پنگھٹ پہ ہو رہی ہے طلوع
رخ سے کاکل ہٹا رہا ہے یہ کون
موج دریا پہ چھا رہا ہے یہ کون
سیج پر رسمسا رہا ہے یہ کون
عہد شیب و شباب کے مابین
فاصلوں کو ہٹا رہا ہے یہ کون
جو بہت دور جا چکا تھا اسے
پاس اپنے بلا رہا ہے یہ کون
کوری آنکھوں کے تازہ اشکوں سے
اک نیا گل کھلا رہا ہے یہ کون
مجھ سے مغرور و بد دماغ کا سر
اپنے در پر جھکا رہا ہے یہ کون
کروٹوں کے گرائے تکیوں کو
کسمسا کر اٹھا رہا ہے یہ کون
ایک مدت سے جو مفکر ہے
اس کو مطرب بنا رہا ہے یہ کون
سوز پنہاں میں ڈھال کر مکھڑا
ساز میرے ہلا رہا ہے یہ کون
انکھڑیاں جلد جلد جھپکا کر
سرخ ڈورے بجا رہا ہے یہ کون
روئے نا شستہ کے دھندلکے میں
رس کی بوندیں گرا رہا ہے یہ کون
میری دانش وری کے لوہے کو
تاب رخ سے گلا رہا ہے یہ کون
ادھ کھلی انکھڑیوں کو مل مل کر
جوئے پل میں نہا رہا ہے یہ کون
میری صحت سے بد مزا ہو کر
روگ دل کو لگا رہا ہے یہ کون
جوشؔ میرے کھنڈر کو از سر نو
راجدھانی بنا رہا ہے یہ کون
عقل کے قصر بے نیازی پر
ناز کے گھن چلا رہا ہے یہ کون
صراحی جھکا اور دھومیں مچا دے
گلابی اٹھا اور گل افشانیاں کر
مجھ کو تعلیم سے فرصت ہی کہاں اے شبیرؔ
کہہ لیا شعر کوئی جب کبھی فرصت دیکھی
کردگارا مرے در دل کو
صبح دم کھٹکھٹا رہا ہے یہ کون
شرم سے چمپئی کلائی میں
سبز چوڑی گھما رہا ہے یہ کون
اٹھی وہ گھٹا رنگ سامانیاں کر
گہر پاشیاں کر زر افشانیاں کر
مٹا داغ ہوش اور مدہوش بن جا
اٹھا جام زر اور سلطانیاں کر
سطح دریا پہ چاندنی جیسے
چونک کر مسکرا رہا ہے یہ کون
نگاہوں سے برسا دے ابر جوانی
مئے لالہ گوں سے گلستانیاں کر
سمندر پہ چل اور الیاس بن جا
ہواؤں پہ اڑ اور سلیمانیاں کر
علم کھول کر جوشؔ بد مستیوں کے
جہاں داریاں کر جہاں بانیاں کر
سکوں پاؤں چومے وہ ہلچل مچا دے
خرد سر جھکا دے وہ نادانیاں کر
کافر بنوں گا کفر کا ساماں تو کیجئے
پہلے گھنیری زلف پریشاں تو کیجئے
مجھ میں اک گونہ بے رخی پا کر
خود کشی سے ڈرا رہا ہے یہ کون
ایک انگڑائی سے دو عالم کو
راگنی میں جھلا رہا ہے یہ کون
بوجھل انفاس کے تلاطم سے
بے صدا جھنجھنا رہا ہے یہ کون
قدرت کو خود ہے حسن کے الفاظ کا لحاظ
ایفا بھی ہو ہی جائے گا پیماں تو کیجئے
اس ناز ہوش کو کہ ہے موسیٰ پہ طعنہ زن
اک دن نقاب الٹ کے پشیماں تو کیجئے
تاچند رسم جامہ دری کی حکایتیں
تکلیف یک تبسم پنہاں تو کیجئے
عشاق بندگان خدا ہیں خدا نہیں
تھوڑا سا نرخ حسن کو ارزاں تو کیجئے
یوں سر نہ ہوگی جوشؔ کبھی عشق کی مہم
دل کو خرد سے دست و گریباں تو کیجئے
دیر صبح بہار کی زنجیر
رنگ رخ سے ہلا رہا ہے یہ کون
مزید شاعری پڑھیے اور دوسرے شعراء کو دریافت کیجیے۔