شاعر کی معلومات لوڈ ہو رہی ہیں...
نظر کے سامنے رہنا نظر نہیں آنا
ترے سوا یہ کسی کو ہنر نہیں آنا
شاعر کی معلومات لوڈ ہو رہی ہیں...
Aftab Iqbal Shamim
1933 – 2024
Aftab Iqbal Shamim is considered by many as the greatest poet among the current Urdu poets, without exaggeration. He was born in 1936 in Jhelum and remained associated with the field of teaching throughout his life. During his career, he also stayed at a university in China, where he closely studied Chinese culture. Chinese culture left a profound impact on his personality and his art. In 1995, after nearly four decades of teaching at Gordon College Rawalpindi, he retired and now resides in Islamabad. Several collections of his poems have been published, including Zaid Se Mukalma, Gum Samundar, and Farda Nazaad. Additionally, in 2013, a collection of his ghazals titled Saaya-Nawrd was also published.
ان کے کلام کے چند منتخب اشعار پڑھیے۔
نظر کے سامنے رہنا نظر نہیں آنا
ترے سوا یہ کسی کو ہنر نہیں آنا
یہ ہجرتیں ہیں زمین و زماں سے آگے کی
جو جا چکا ہے اسے لوٹ کر نہیں آنا
یہ انتظار مگر اختیار میں بھی نہیں
پتہ تو ہے کہ اسے عمر بھر نہیں آنا
ذرا سی غیب کی لکنت زبان میں لاؤ
بغیر اس کے سخن میں اثر نہیں آنا
ذرا وہ دوسری کھڑکی بھی کھول کمرے کی
نہیں تو تازہ ہوا نے ادھر نہیں آنا
ہر آنے والا نیا راستہ دکھاتا ہے
اسی لئے تو ہمیں راہ پر نہیں آنا
کروں مسافتیں نا آفریدہ راہوں کی
مجھ ایسا بعد میں آوارہ سر نہیں آنا
عشق میں یہ مجبوری تو ہو جاتی ہے
دنیا غیر ضروری تو ہو جاتی ہے
دل اور دنیا دونوں کو خوش رکھنے میں
اپنے آپ سے دوری تو ہو جاتی ہے
ایک انائے بے چہرہ کے بدلے میں
چلیے کچھ مشہوری تو ہو جاتی ہے
بات جو کہنے کو تھی سب سے ضروری رہ گئی
کیا کیا جائے غزل یہ بھی ادھوری رہ گئی
جذبہ ہے جو روز کے زندہ رہنے کا
ہم سے وہ مزدوری تو ہو جاتی ہے
لفظوں میں خالی جگہیں بھر لینے سے
بات ادھوری، پوری تو ہو جاتی ہے
تھی بہت شفاف لیکن دن کی اڑتی گرد میں
شام تک یہ زندگی رنگت میں بھوری رہ گئی
رزق سے بڑھ کر اسے کچھ اور بھی درکار تھا
کل وہ طائر اڑ گیا پنجرے میں چوری رہ گئی
بس یہی حاصل ہوا ترمیم کی ترمیم سے
حاصل و مقصود میں پہلی سی دوری رہ گئی
کیوں چلے آئے کھلی آنکھوں کی وحشت کاٹنے
اس گلی میں نیند کیا پوری کی پوری رہ گئی
کس قرینے سے چھپایا بھید لیکن کھل گیا
غالباً کوئی اشارت لا شعوری رہ گئی
بے نام سی آواز شگفت آئی کہیں سے
کچھ پتیاں شاید شجر شب سے جھڑی ہیں
نسلیں جو اندھیرے کے محاذوں پہ لڑی ہیں
اب دن کے کٹہرے میں خطاوار کھڑی ہیں
نکلیں تو شکستوں کے اندھیرے ابل آئیں
رہنے دو جو کرنیں مری آنکھوں میں گڑی ہیں
کیا رات کے آشوب میں وہ خود سے لڑا تھا
آئینے کے چہرے پہ خراشیں سی پڑی ہیں
جب پاس کبھی جائیں تو پٹ بھیڑ لیں کھٹ سے
کیا لڑکیاں سپنے کے دریچوں میں کھڑی ہیں
کیوں یہ ہم صورت رواں ہیں مختلف اطراف میں
ہے کہیں سے قافلے کا سلسلہ ٹوٹا ہوا
خاموشیاں اس ساحل آواز سے آگے
پاتال سے گہری ہیں، سمندر سے بڑی ہیں
ہر کسی کا ہر کسی سے رابطہ ٹوٹا ہوا
آنکھ سے منظر خبر سے واقعہ ٹوٹا ہوا
کبھی خود کو درد شناس کرو کبھی آؤ نا
مجھے اتنا تو نہ اداس کرو کبھی آؤ نا
وائے مجبوری کہ اپنا مسخ چہرہ دیکھیے
سامنے رکھا گیا ہے آئنا ٹوٹا ہوا
خواب کے آگے شکست خواب کا تھا سامنا
یہ سفر تھا مرحلہ در مرحلہ ٹوٹا ہوا
خودبخود بدلے تو بدلے یہ زمیں اس کے سوا
کیا بشارت دے ہمارا حوصلہ ٹوٹا ہوا
کچھ تغافل بھی خبرداری میں شامل کیجیے
ورنہ کر ڈالے گا پاگل واہمہ ٹوٹا ہوا
اک جھلک پوشش بے ضبط سے عریانی کی
دے گئی دن کے نشیبوں سے پھسلتی ہوئی شام
ایک سناٹا رگ و پے میں سدا گونجتا ہے
بجھ گئی جیسے لہو میں کوئی جلتی ہوئی شام
کہیں آب و ہوائے تشنہ لبی مجھے مار نہ دے
اسے برکھا بن کر راس کرو کبھی آؤ نا
اسی گوشۂ یاد میں بیٹھا ہوں کئی برسوں سے
کسی رفت گزشت کا پاس کرو کبھی آؤ نا
ڈگمگاتی ہوئی ہر گام سنبھلتی ہوئی شام
خواب گاہوں سے ادھر خواب میں چلتی ہوئی شام
آ ڈوب! ابھرنا ہے تجھے اگلے نگر میں
منزل بھی بلاتی ہے صلیبیں بھی کھڑی ہیں
مجھے چاند میں شکل دکھائی دے جو دہائی دے
کوئی چارۂ ہوش و حواس کرو کبھی آؤ نا
سدا آتے جاتے موسم کی یہ گلاب رتیں
کوئی دیر ہیں یہ احساس کرو کبھی آؤ نا
اپنی کیفیتیں ہر آن بدلتی ہوئی شام
منجمد ہوتی ہوئی اور پگھلتی ہوئی شام
مری عمر سرائے مہکے ہے گل ہجراں سے
کبھی آؤ آ کر باس کرو کبھی آؤ نا
گوندھ کر موتیے کے ہار گھنی زلفوں میں
عارض و لب پہ شفق سرخیاں ملتی ہوئی شام
وقت بپتسمہ کرے آب ستارہ سے اسے
دست دنیا کی درازی سے نکلتی ہوئی شام
یہ پیڑ یہ پہاڑ زمیں کی امنگ ہیں
سارے نشیب جن کی اٹھانوں پہ دنگ ہیں
باہر ہو حبس پھر بھی دریچہ کھلا رکھوں
یہ خود تسلیاں مرے جینے کا ڈھنگ ہیں
ڈھونڈوں کہ انتہا کی مجھے انتہا ملے
یہ شش جہات میری تمنا پہ تنگ ہیں
اک عمر اک مکان کی تعمیر میں لگے
ایام سے زیادہ گراں خشت و سنگ ہیں
چہکے ہزار صوت میں یہ طائر نظر
کرنوں کے پاس یوں تو یہی سات رنگ ہیں
پنجوں کے بل کھڑے ہوئے شب کی چٹان پر
ناخن سے اک خراش لگا آسمان پر
برسوں درون سینہ سلگنا ہے پھر ہمیں
لگتا ہے قفل حبس ہوا کے مکان پر
موجود بھی کہیں نہ کہیں التوا میں ہے
جو ہے نشان پر وہ نہیں ہے نشان پر
اک دہاڑ ہے کہ چاروں طرف سے سنائی دے
گرداب چشم بن گئیں آنکھیں مچان پر
اس میں کمال اس کی خبر سازیوں کا ہے
کھاتا ہوں میں فریب جو سچ کے گمان پر
ویسے ہمیں ندامت بے چہرگی نہیں
ہر چند تیرے شہر میں بے نام و ننگ ہیں
سرکش کو نصف عمر کا ہو لینے دیجئے
بک جائے گا کسی نہ کسی کی دکان پر
جب چاہا خود کو شاد یا ناشاد کر لیا
اپنے لئے فریب سا ایجاد کر لیا
خود سے چھپا کے خود کو زمانے کے خوف سے
ہم نے تو اپنے آپ کو برباد کر لیا
یوں بھی پناہ سایہ کڑی دھوپ میں ملی
آنکھیں جھکائیں اور تجھے یاد کر لیا
آیا نیا شعور نئی الجھنوں کے ساتھ
سمجھے تھے ہم کہ ذہن کو آزاد کر لیا
بس کہ امام عصر کا فرمان تھا یہی
منہ ہم نے سوئے قبلۂ اضداد کر لیا
کہیں سوتا نہ رہ جاؤں صدا دے کر جگاؤ نا
مجھے ان آٹھ پہروں سے کبھی باہر بلاؤ نا
تھا عشق کا حوالہ نیا ہم نے اس لئے
مضمون دل کو پھر سے طبع زاد کر لیا
کیا سوچنا کہ شوق کا انجام کیا ہوا
جب اختیار پیشۂ فرہاد کر لیا
کھلی آنکھوں سے کب تک جستجو کا خواب دیکھوں گا
حجاب ہفت پردہ اپنے چہرے سے اٹھاؤ نا
ستارے پر ستارہ اوک میں بہتا چلا آئے
کسی شب کہکشاں انڈیل کر مجھ کو پلاؤ نا
جو چاہو تو زمانے کا زمانہ واژگوں کر دو
مگر پہلے حدود جاں میں ہنگامہ اٹھاؤ نا
لئے جاتے ہیں لمحے ریزہ ریزہ کر کے آنکھوں کو
نہایت دیر سے میں منتظر بیٹھا ہوں آؤ نا
سبک دوش زیاں کر دیں زیاں اندیشیاں دل کی
ذرا اسباب دنیا راہ دنیا میں لٹاؤ نا
اک چادر بوسیدہ میں دوش پہ رکھتا ہوں
اور دولت دنیا کو پاپوش پہ رکھتا ہوں
کیفیت بے خبری کیا چیز ہے کیا جانوں
بنیاد ہی ہونے کی جب ہوش پہ رکھتا ہوں
آنکھوں کو ٹکاتا ہوں ہنگامۂ دنیا پر
اور کان سخن ہائے خاموش پہ رکھتا ہوں
میں کون ہوں، ازلوں کی حیرانیاں کیا بولیں
اک قرض ہمیشہ کا میں گوش پہ رکھتا ہوں
جو قرض کی مے پی کر تسخیر سخن کر لے
ایماں اسی دلی کے مٔےنوش پہ رکھتا ہوں
اک فنا کے گھاٹ اترا ایک پاگل ہو گیا
یعنی منصوبہ زمانے کا مکمل ہو گیا
ذہن پر بے سمتیوں کی بارشیں اتنی ہوئیں
یہ علاقہ تو گھنے رستوں کا جنگل ہو گیا
جسم کے برفاب میں آنکھیں چمکتی ہیں ابھی
کون کہتا ہے کہ اس کا حوصلہ شل ہو گیا
اس کلید اسم نا معلوم سے کیسے کھلے
دل کا دروازہ کہ اندر سے مقفل ہو گیا
شعلہ زار گل سے گزرے تو سر آغاز ہی
اک شرر آنکھوں سے اترا خون میں حل ہو گیا
شہر آیندہ کا دریا ہے گرفت ریگ میں
بس کہ جو ہونا ہے اس کا فیصلہ کل ہو گیا
موسم تاخیر گل آتا ہے کس کے نام پر
کون ہے جس کا لہو اس خاک میں حل ہو گیا
اس قدر خوابوں کو مسلا پائے آہن پوش نے
شوق کا آئین بالآخر معطل ہو گیا
آگ سے تیز کوئی چیز کہاں سے لاؤں
موم سے نرم ہے وہ اور پگھلتا ہی نہیں
یہ جو ٹھہرا ہوا منظر ہے بدلتا ہی نہیں
واقعہ پردۂ ساعت سے نکلتا ہی نہیں
پیکر خاک ہیں اور خاک میں ہے ثقل بہت
جسم کا وزن طلب ہم سے سنبھلتا ہی نہیں
غالباً وقت مجھے چھوڑ گیا ہے پیچھے
یہ جو سکہ ہے مری جیب میں چلتا ہی نہیں
ہم پہ غزلیں بھی نمازوں کی طرح فرض ہوئیں
قرض نا خواستہ ایسا ہے کہ ٹلتا ہی نہیں
یہ مری خمس حواسی کی تماشا گاہیں
تنگ ہیں ان میں مرا شوق بہلتا ہی نہیں
بہت ستایا ہوا ہوں لئیم دنیا کا
سخی ہوں دل کی پرانی خلش نکالتا ہوں
میں اپنے واسطے رستہ نیا نکالتا ہوں
دلیل شعر میں تھوڑا سا کشف ڈالتا ہوں
زمانہ کیا ہے کبھی من کی موج میں آؤں
تو نوک نقش پہ اپنی اسے اچھالتا ہوں
ویسے تو بہت دھویا گیا گھر کا اندھیرا
نکلا نہیں دیوار کے اندر کا اندھیرا
وہ حکم کہ ہے عقل و عقیدہ پہ مقدم
چھٹنے ہی نہیں دیتا مقدر کا اندھیرا
ہر آنکھ لگی ہے افق دار کی جانب
سورج سے کرن مانگتا ہے ڈر کا اندھیرا
کچھ روشنیٔ طبع ضروری ہے وگرنہ
ہاتھوں میں اتر آتا ہے یہ سر کا اندھیرا
یہ میرا کنج مکاں میرا قصر عالی ہے
میں اپنا سکۂ رائج یہیں پہ ڈھالتا ہوں
کثرتیں آئیں نظر ذات کی یکتائی میں
یہ تماشا کبھی آشفتہ سری کر جائے
کبھی تو مطلع دل سے ہو اتنی بارش اشک
کہ تم بھی کھل کے برستے ہوئے کھرے ہو جاؤ
یہ گوشہ گیر طبیعت بھی ایک محبس ہے
ہوا کے لمس میں آؤ ہرے بھرے ہو جاؤ
میں جب بھی چھونے لگوں تم ذرا پرے ہو جاؤ
یہ کیا کہ لمس میں آتے ہی دوسرے ہو جاؤ
تمہاری عمر بھی اس آب کے حساب میں ہے
نہیں کہ اس کے برسنے سے تم ہرے ہو جاؤ
کبھی تو مطلع دل سے ہو اتنی بارش اشک
کہ تم بھی کھل کے برستے ہوئے کھرے ہو جاؤ
یہ کار عشق مگر ہم سے کیسے سرزد ہو
الاؤ تیز ہے صاحب ذرا پرے ہو جاؤ
جب بھی اقرار کی کچھ روشنیاں جمع کروں
میری تردید مری بے بصری کر جائے
مری غزل میں زن و مرد جیسے باہم ہوں
اسے جلالتا ہوں پھر اسے جمالتا ہوں
یہ گوشہ گیر طبیعت بھی ایک محبس ہے
ہوا کے لمس میں آؤ ہرے بھرے ہو جاؤ
جمع کر یہ آوازیں میری خود کلامی کی
اور ان کے املے سے درد کا جریدہ لکھ
ذرا پڑھیں تو مری اختیار میں نہ رہیں
یہ نونہال جنہیں مشکلوں سے پالتا ہوں
اس کا معیار ہی کیا روز بدل جاتا ہے
چھوڑیئے! وہ جو اگر ناقدری کر جائے
بات ایک جیسی ہے ہجو یا قصیدہ لکھ
بے نیازیاں اس کی ہو کے آب دیدہ لکھ
میں قید ہفت رنگ سے آزاد ہو گیا
کل شب نقب لگا کے مکان حواس میں
رنگ و روشنائی کی حد اوج سے اوپر
ہو سکے تو اندازاً قامت کشیدہ لکھ
دیتی ہے یہی وقت کی توریت گواہی
زر کا جو اجالا ہے وہ ہے زر کا اندھیرا
کل رات آسمان مرا میہماں رہا
کیا جانے کیا کشش تھی مرے التماس میں
دیکھ ان خلاؤں میں نقطہ ہائے نور اس کے
تو بھی ایک خالق ہے شعر چیدہ چیدہ لکھ
لمحہ منصف بھی ہے مجرم بھی ہے مجبوری کا
فائدہ شک کا مجھے دے کے بری کر جائے
ذہن کی ہدایت ہے کاتب زمانہ کو
عقل کی دلیلوں سے آج کا عقیدہ لکھ
ممنون ہوں میں اپنی غزل کا یہ دیکھیے
کیا کام کر گئی مرے غم کے نکاس میں
کیا کیا نہ ابوالہول تراشے گئے اس سے
جیسے یہ اندھیرا بھی ہو پتھر کا اندھیرا
پھر یہ فساد فرقہ و مسلک ہے کس لئے
تو اور میں تو ایک ہیں اپنی اساس میں
وہ عطر خاک اب کہاں پانی کی باس میں
ہم نے بدل لیا ہے پیالہ گلاس میں
میں جب بھی چھونے لگوں تم ذرا پرے ہو جاؤ
یہ کیا کہ لمس میں آتے ہی دوسرے ہو جاؤ
پھر بپا شہر میں افراتفری کر جائے
کوئی یہ سوکھی ہوئی ڈار ہری کر جائے
تمہاری عمر بھی اس آب کے حساب میں ہے
نہیں کہ اس کے برسنے سے تم ہرے ہو جاؤ
پس خرابات بند جاری ہے مے گساری
سکھایا جام و سبو کو ہم نے کھنک نہ کرنا
تمیز پسر زمین و ابن فلک نہ کرنا
تم آدمی ہو تو آدمی کی ہتک نہ کرنا
معدن شب سے نکالے زر خوشبو آ کر
آئے یہ معجزہ باد سحری کر جائے
یہ جمع و تفریق ضرب و تقسیم کی صدی ہے
عقیدہ ٹھہرا عدد کی منطق پہ شک نہ کرنا
چھلاوے بن جائیں آگے جا کر یہی غزالاں
تعاقب ان مہ وشوں کا تم دور تک نہ کرنا
یہ غم کے معنی تجھے لگے ہے سراب معنی
اکیلے سہنا اسے غم مشترک نہ کرنا
شیوۂ اہل دل یہی ہے کہ تو
بیعت دست نارسائی کرے
فقر فردا! ترے نام سے ملا ہے ہمیں
یہ ملک خواب، تری بادشاہیوں جیسا
وہ آسماں کے درخشندہ راہیوں جیسا
اندھیری شب میں سحر کی گواہیوں جیسا
قرب میں جب انا کی دوری ہو
کوئی کیوں خواہش جدائی کرے
نیاز و عرض سخن سے کہاں فرو ہووے
غرور و ناز کہ ہے کج کلاہیوں جیسا
کہا تھا کس نے کہ شاخ نحیف سے پھوٹیں
گناہ ہم سے ہوا بے گناہیوں جیسا
مری برات کسی اجنبی کا لکھا ہوا
یہ حرف حرف نوشتہ سیاہیوں جیسا
غنیم شب کے خلاف اب کے زیاں ہوئی غیب کی گواہی
پڑا ہوا خاک پر شکستہ پر ابابیل چل کے دیکھیں
چنے ہیں وہ ریزہ ریزہ منظر، لہو لہو ہو گئی ہیں آنکھیں
چلو نا! اس دکھ کے راستے پر سفر کی تفصیل چل کے دیکھیں
گلوں نے بند قبا ہے کھولا، ہوا سے بوئے جنوں بھی آئے
کریں گے اس موسم وفا میں ہم اپنی تکمیل چل کے دیکھیں
فضا میں اڑتا ہوا کہیں سے عجب نہیں عکس برگ آئے
خزاں کے بے رنگ آسماں سے اٹی ہوئی جھیل چل کے دیکھیں
دکھائی جائے گی شہر شب میں سحر کی تمثیل چل کے دیکھیں
سر صلیب ایستادہ ہوگا خدائے انجیل چل کے دیکھیں
لڑھک گیا شب کا کوہ پیما زمیں کی ہمواریوں کی جانب
کہیں ہوا گل نہ کر چکی ہو انا کی قندیل چل کے دیکھیں
دل میں شوق نبرد ہے اتنا
ہر ہزیمت مجھے رجائی کرے
کرن شعور، دل جہل میں اتارتا جا
کہ وقت آن پڑا ہے تباہیوں جیسا
رزق کا جب ناداروں پر دروازہ بند ہوا
بستی کے گوشے گوشے سے شور بلند ہوا
دکھ کو سمت شناسائی دی غم کے قربت داروں نے
دل دھارا دریا مل کر بہرہ مند ہوا
سادہ بے آمیزش جذبۂ پیر فقیر کرامت کا
جس کے اسم سے مایوسی کا زہر بھی قند ہوا
مطلعٔ بے انوار سے پھوٹا شوخ تبسم کرنوں کا
رات کے گھر میں سورج جیسا جب فرزند ہوا
اول اول شور اٹھا سینے میں عام تمنا کا
بند فصیلوں کے گنبد میں جو دو چند ہوا
جس کو کم کم نیاز جاں ہو نصیب
کوئی اقدام انتہائی کرے
چلئے اپنے آپ سے چمٹے رہنا تو موقوف کیا
جب سے روز کے سمجھوتوں کا وہ پابند ہوا
کھڑی ہیں روشنیاں دست بستہ صدیوں سے
حرا کے غار سے لے کر گیا کے برگد تک
وہ اپنے جزو میں کھویا گیا ہے اس حد تک
کہ اس کی فہم سے باہر ہے کل کی ابجد تک
وہی اساس بنا عمر کے حسابوں کی
پہاڑا یاد کیا تھا جو ایک سے صد تک
اٹھے تو اس کے فسوں سے لہک لہک جائے
نظر پہنچ نہ سکے اس کی قامت و قد تک
پتہ چلا کہ حرارت نہیں رہی دل میں
گزر کے آگ سے آئے تھے اپنے مقصد تک
پھر سے تالیف دل ہو پھر کوئی
اس صحیفے کی رونمائی کرے
پئے ثبات تغیر پکارتے ہوئے گزرے
چھتیں شکستہ ہیں نکلو نئے مکان میں آؤ
اسیر حافظہ ہو آج کے جہان میں آؤ
مکالمے کے لئے عصر کی زبان میں آؤ
وہی جو دوش پر اپنے اٹھا سکا خود کو
نیشب فرش سے پہنچا فراز مسند تک
زمیں کا وقت سے جھگڑا ہے خود نپٹتے رہیں گے
کہا ہے کس نے کہ تم ان کے درمیان میں آؤ
جب وہ اقرار آشنائی کرے
گل کف شاخ کو حنائی کرے
یہ آٹھ پہر کی دنیا تمہیں بتاؤں کہ کیا ہے
نکل کے جسم سے کچھ دیر اپنی جان میں آؤ
تمہیں تمہاری الف دید میں میں دیکھنا چاہوں
نظر بچا کے زمانے سے میرے دھیان میں آؤ
ہانپتی ندی میں دم ٹوٹا ہوا تھا لہر کا
واقعہ ہے یہ ستمبر کی کسی سہ پہر کا
سرسراہٹ رینگتے لمحے کی سرکنڈوں میں تھی
تھا نشہ ساری فضا میں ناگنوں کے زہر کا
آسماں اترا کناروں کو ملانے کے لئے
یہ بھی پھر دیکھا کہ پل ٹوٹا ہوا تھا نہر کا
تھی صدف میں روشنی کی بوند تھرائی ہوئی
جسم کے اندر کہیں دھڑکا لگا تھا قہر کا
دل میں تھیں ایسے فساد آمادہ دل کی دھڑکنیں
ہو بھرا بلوائیوں سے چوک جیسے شہر کا
عیش بے میعاد ملتی پر کہاں ملتی تجھے
میری مٹی کی مہک میں شائبہ ہے دہر کا
ہاں اسی دن دھوپ میں ہریالیاں شامل ہوئیں
اس زمیں کی زردیوں میں لالیاں شامل ہوئیں
قہر تو اس وقت ٹوٹا تھا صف اعدا میں جب
چشم و لب سے قتل کرنے والیاں شامل ہوئیں
بوئے گل سے جانئے کیوں بوئے خوں آنے لگی
باغ میں جب سے تری رکھوالیاں شامل ہوئیں
باد آزادی میں ہم سب ناچنے والوں کے ساتھ
پھول پہنے رقص کرتی ڈالیاں شامل ہوئیں
اتنا پیارا ہو گیا ہوں دوستوں کو کیا کہوں
جب بھی میرا ذکر آیا گالیاں شامل ہوئیں
خیر کو شر اور شر کو خیر کرنے میں یہاں
جانئے کن کن کی بد اعمالیاں شامل ہوئیں
مثال سیل بلا نہ ٹھہرے ہوا نہ ٹھہرے
لگائے جائیں ہزار پہرے ہوا نہ ٹھہرے
کہیں کہیں دھوپ چھپ چھپا کر اتر ہی آئی
دبیز بادل ہوئے اکہرے ہوا نہ ٹھہرے
کبھی بدن کے روئیں روئیں میں حواس ابھریں
کبھی کرے گوش ہوش بہرے ہوا نہ ٹھہرے
ورق جب الٹے کتاب موسم دکھائے کیا کیا
گلاب عارض بدن سنہرے ہوا نہ ٹھہرے
اسی کی رفتار پا سے ابھریں نقوش رنگیں
کہیں پہ ہلکے کہیں پہ گہرے ہوا نہ ٹھہرے
وہ سانس امڈی کہ بے حسوں نے غضب میں آ کر
گرا دیے حبس کے کٹہرے ہوا نہ ٹھہرے
صدائے ہر سو فلک کے گنبد میں گونجتی ہے
ہوا نہ ٹھہرے ہوا نہ ٹھہرے ہوا نہ ٹھہرے
یہ کار عشق مگر ہم سے کیسے سرزد ہو
الاؤ تیز ہے صاحب ذرا پرے ہو جاؤ
مزید شاعری پڑھیے اور دوسرے شعراء کو دریافت کیجیے۔