مکمل شاعری

کثرتیں آئیں نظر ذات کی یکتائی میں

یہ تماشا کبھی آشفتہ سری کر جائے

جب بھی اقرار کی کچھ روشنیاں جمع کروں

میری تردید مری بے بصری کر جائے

اس کا معیار ہی کیا روز بدل جاتا ہے

چھوڑیئے! وہ جو اگر ناقدری کر جائے

لمحہ منصف بھی ہے مجرم بھی ہے مجبوری کا

فائدہ شک کا مجھے دے کے بری کر جائے

پھر بپا شہر میں افراتفری کر جائے

کوئی یہ سوکھی ہوئی ڈار ہری کر جائے

معدن شب سے نکالے زر خوشبو آ کر

آئے یہ معجزہ باد سحری کر جائے

— آفتاب اقبال شمیم